პირველი ტყორცნის მნიშვნელობა და სხვა პრობლემები სპინინგში - ოჩოპინტრე
IPB

გამარჯობა, სტუმარო ( შესვლა | რეგისტრაცია )

2 გვერდი V   1 2 >  
Reply to this topicStart new topic
პირველი ტყორცნის მნიშვნელობა და სხვა პრობლემები სპინინგში
troutbaiter
პოსტი Sep 4 2009, 07:54
პოსტი #1


მშვილდით მონადირე
****

ჯგუფი: ფორუმის წევრი
პოსტები: 730
რეგისტრ.: 13-July 09
ნიკის ჩასმა
ციტირება



სათევზაო ლიტერატურაში ხშირად შეიძლება მოკრათ თვალი, ან კიდევ გაიგონოთ სპინინგისტთა შორის საუბრის დროს, რომ ქაშაპი პირველივე ტყორცნის თევზიაო... ათეულობით წლების გამოცდილების მქონე სპინინგისტების პრაქტიკას თუ გავითვალისწინებთ, ამ შეკითხვაზე ცალსახა პასუხი ძალზე გაჭირდება. პრაქტიკაში სხვადასხვაგვარად ხდება – ძალიან ბევრი პირობითობაა. ეს დამოკიდებულია წელიწადის დროზე, დღეზე, ამინდზე, თევზის დგომის ადგილზე, თქვენზე წინ ბოლოს როდის ითევზავეს და ა. შ.

ზაფხულში, მდორედ მოდინარ სუფთა პატარა მდინარეში, როგორც წესი, ქაშაპის დაჭერა სპინერის პირველივე გონივრულ ჩამოტარებაზეა შესაძლებელი. შემდგომი ჩამოტარებისას თევზი სპინერით აღარ ინტერესდება. თუ ქაშაპი სპინერს გამოედევნა, პირი არ ახლო მას და პირვანდელ ადგილს დაუბრუნდა, იგივე სატყუარას მორიგი ჩამოტარებისას თევზი ყოველგვარ ინტერესს კარგავს. თუმცა, აქაც არის გამონაკლისი _ თუ თევზაობისას კარგად ვართ ჩასაფრებული, შესაძლებელია, სატყუარა უმალ შევცვალოთ და თევზი მაინც დავიჭიროთ. ვეცდები თევზის მოქმედებების თანმიმდევრობა და მეთევზის საპასუხო რეაქცია კონკრეტული მაგალითის საშუალებით აღვწერო. მაგალითად, თევზი გამოედევნა `მეპპს აგლია #2~ ტიპის ვერცხლისფერ სპინერს და პირი არ მოკიდა _ აქ ორი ვარიანტი გვაქვს: 1. თევზი თავის ადგილზე ბრუნდება; 2. თევზი სხვა ადგილას იმალება. როგორ უნდა მოიქცეს ქაშაპზე მონადირე მეთევზე როგორც ერთ, ისე მეორე შემთხვევაში? მიუხედავად იმისა, რომ თევზი ახალ ადგილზე იმალება, მისი დაჭერა მაინც შესაძლებელია, თუმცა უკეთესია, თუ ის პირვანდელ ადგილს დაუბრუნდება. თუ თევზი #2 ზომის სპინერზე არ მოეკიდა, აუცილებლად უნდა ვცადოთ #0 ან #1, ან საერთოდ შევცვალოთ სპინერის მოდელი. ზაფხულში დაბალ წყალში ქაშაპი წვრილ სპინერს ან პატარა ვობლერს უფრო დამაჯერებლად ეკიდება. სპინერის ფერს გადამწყვეტი მნიშვნელობა არა აქვს, უფრო მნიშვნელოვანი მისი მაქსიმალურად ნელა გატარებაა. ამასთანავე, ყურადღება უნდა მივაქციოთ, რომ სპინერის ფირფიტა მუდმივ მოძრაობაში იყოს. მაგრამ როგორ მოვიქცეთ მაშინ, როცა მდინარის დინება პატარა სპინერის გატარების საშუალებას არ გვაძლევს? ამ შემთხვევაში ვობლერებით უნდა ვისარგებლოთ. გამოცდილი მოდელების მცირე ნომრის ვობლერებიც კი (მაგალითად, შალმო “Hორნეტ”) შესანიშნავად მოქმედებს ძლიერ დინებაში.
ხანდახან ვხედავთ, თუ როგორ მოსდევს ქაშაპი სპინერს რამდენიმე მეტრის მანძილზე, შემდეგ თავს ანებებს და კვლავ თავის ადგილს უბრუნდება. სხვა სპინერის ჩატარებისას კვლავ გამოედევნება, არ ეკიდება და ძველ ადგილს უბრუნდება, სატყუარას შემდეგი გატარებისას კი საერთოდ იკარგება ჩვენი მხედველობის არედან. ასე საკმაოდ იშვიათად ხდება. უნდა ვიფიქროთ, რომ რომ ამ დროს თევზი ცუდად შენიღბულ მეთევზეს ამჩნევს და ახალ ადგილას საფუძვლიანად იმალება, იქიდან კი მისი პროვოცირება სატყუარას ასაღებად გაცილებით უფრო ძნელია. ამგვარად, დასკვნა ასეთია: როცა ქაშაპი სპინერს გამოედევნება, ის ტოვებს სამალავს, საიდანაც ხანგრძლივი დროის განმავლობაში შეჩვეული იყო ნადავლის გამოდევნებას და დაჭერას. სატყუარას გამოდევნების შემდეგ, დაეჭვდება რა სატყუარაში, ან შეამჩნევს რა მეთევზეს, თევზი ახალ საფარში იმალება, სადაც ის თავისთვის შეუჩვეველ გარემოში აღმოჩნდება. თავდაპირველად ახალ ადგილზე მოხვედრილი ქაშაპი უარს ამბობს როგორც ბუნებრივ, ისე ხელოვნურ სატყუარაზე, ვიდრე არ დაწყნარდება და ძველ სადგომს არ დაუბრუნდება, ან კიდევ ახალს არ შეეჩვევა. თუ ქაშაპი მოეკიდა და ანკესიდან გასხლტა, იმავე დღეს მისი დაჭერა გაცილებით ძნელია. რაც უფრო პატარაა მდინარე და რაც უფრო წმინდაა წყალი, მით უფრო დიდხანს უნდა “დავასვენოთ” ეს ადგილი, გადავიდეთ სხვაგან და თუ დროში შეზღუდულნი არ ვართ, მას მოგვიანებით დავუბრუნდეთ, ოღონდ უკვე სხვა სატყუარას გამოყენებით. ჩემი აზრით და ნაცნობი მოქაშაპეების გამოცდილებითაც, ალბათ უკეთესია, ამ შემთხვევაში პატარა ვობლერი, ან უფრო მომცრო ზომის სპინერი გამოვიყენოთ.

დამწყებ მონადირეს პირველ ხანებში ხშირად აწუხებს ისეთი მოვლენები, როგორიცაა `უშედეგო ჩაკვრები~, თევზის ასხლტომები და გასხლტომები. გარდა ამისა, ხშირად შეხვდებით ასეთ სურათს, როდესაც ქაშაპი მოაცილებს სატყუარას, მაგრამ პირს არ აკარებს მას, გამოდევნების ბოლოს კი ან უკან შემობრუნდება, ან ცხვირით დაეტაკება სატყუარას. ამ დროს თევზს ხახა დახურული აქვს. ერთმანეთში არ უნდა აგვერიოს ტერმინები თევზის გასხლტომა – ანუ გაქცევა და ასხლტომა _ ანუ უშედეგო იერიშები. ამასთანავე აუცილებლად უნდა განვასხვავოთ ის მიზეზებიც, რის გამოც ხდება უშედეგო ჩაკვრა, ასხლტომა, გასხლტომა და სატყუარას დევნა-გაცილება. ისინი აბსოლუტურად სხვადასხვა მოვლენებია. საერთოდ, იმის ახსნა გაცილებით უფრო იოლია, თუ რატომ ხდება უშედეგო იერიში და გასხლტომა, ვიდრე იმაზე პასუხის გაცემა, თუ რატომ მიაცილებს ქაშაპი სატყუარას და საბოლოოდ მაინც უარს ამბობს მასზე.
უშედეგო ჩაკვრა _ ასხლტომა
ზაფხულში ძალიან ხშირად სპინერზე იერიშისას ქაშაპი ოდნავ გამოედება ხოლმე ნემსკავს და მაშინვე ასხლტება. ამის მიზეზი შეიძლება ანკესის ცუდად ამოკვრა, სამმაგი ნემსკავის მცირე ზომა და სიბლაგვე, ან სათევზაო მოწყობილობის საერთო დაუბალანსებლობა იყოს. ამ შემთხვევაში პირადად ძალიან გამომადგა იაპონური წვრილი სამმაგი ნემსკავები _ `Gამაკატსუ”. ამასთანვე აუცილებელია კოჭის ფრიქციული მუხრუჭის სწორად დარეგულირება ნემსკავის გაშლაზე. ანუ, სწორედ დარეგულირებულმა კოჭამ ძუა მანმადე უნდა მიუშვას, სანამ წვრილი ნემსკავი ძლიერი დატვირთვის ქვეშ გაიშლება და გაათავისუფლებს გამოდებულ თევზს. როგორც ერთმა გამოცდილმა მოქაშაპემ მასწავლა, კარგი იქნება, თუ სპინერის სამმაგ ნემსკავს პატარა ტვისტერს ჩამოვაცვამთ. სპინერზე დამონტაჟებული ძველი სამმაგი ნემსკავი მკვნეტარით უნდა მოვჭრათ და გადავაგდოთ. მის ნაცვლად `Gამაკატსუ”-ს სამმაგი ნემსკავის სალულეზე ჩამოვაცვათ მცირე ზომის ტვისტერი და მბრუნავი რგოლის საშუალებით კვლავ თავის ადგილზე დავაყენოთ. ტვისტერის მაგივრად მე ხშირად წითელი ფერის შალის ძაფის კონას ან კიდევ მამლის კისრიდან აღებულ ბუმბულებს ვიყენებ, რაც დამატებით მიმზიდველობას ანიჭებს სატყუარას და სტაბილურს ხდის წყალში მის მოძრაობას.

გასხლტომანემსკავს გამოდებული თევზის გასხლტომის მიზეზი შეიძლება ქაშაპის სწრაფი, ფორსირებული გამოყვანა და ძალიან მჭიდროდ შემოჭერილი კოჭის ფრიქციული მუხრუჭი გახდეს, განსაკუთრებით თუ კი “მოწნულას” ვიყენებთ. თევზის გასხლტომის მიზეზად აგრეთვე შეიძლება მოგვევლინოს მეთევზისგან დამოუკიდებელი ფაქტორები, მაგალითად: ნემსკავის გაშლა, თევზის ტუჩის გასკდომა, ცუდად გადაყლაპული ნემსკავი, გაწყვეტილი ძუა, კარაბინის გატეხვა და ა. შ.


სატყუარას დევნა-გაცილება
საკმაოდ ხშირად კარგ თევზსაჭერ ადგილებში ქაშაპი სპინერს გამოედევნება, მაგრამ პირს არ აკარებს ხოლმე. მახსენდება, ერთხელ უამრავი მორევებით სავსე მდინარის ხუთას მეტრზე მეტი სიგრძის მონაკვეთზე ქაშაპი სპინერს დახლოებით ორმოცდაათჯერ გამოედევნა. ამ გამოდევნებების ნახევარი უშედეგო ჩაკვრებით დასრულდა, ნახევარჯერ ქაშაპმა დევნის ბოლოს ზურგი აქცია სატყუარას, და მხოლოდ ოთხი თევზის დაჭერა თუ მოვახერხე. თევზის ასეთი ქცევის მიზეზის დადგენა ძალიან ძნელია. უკონტაქტო გამოდევნების მიზეზი შეიძლება იყოს მეთევზის ცუდი შენიღბვა, სატყუარას უხარისხო გატარება, სატყუარას არასწორი ზომა, ცუდი ანიმაცია, სხვადასხვა ფაქტორებზე დამყარებული თევზის განწყობა, სათევზაო ადგილის განათება და სხვა. ვფიქრობ, მთავარი მაინც მეთევზის შენიღბულობა და თევზის განწყობაა, თუ თევზი მეთევზეს შენიშნავს, არცერთ შემთხვევაში სატყუარას აღარ გაეკარება. `თევზის განწყობაში~ ვგულისხმობ, თუ როგორ აღიქვამს თევზი ხელოვნურ სატყუარას. შხვადასხვა ჯიშის თევზებს განსხვავებული მიზეზები აქვთ. მაგალითად კალმახი – ჩემი აზრით, ხელოვნური სატყუარა მისთვის უფრო მეტად არა საკვებ ობიექტს, არამედ მის სამფლობელოში _ სანადირო უბანში `შეჭრილ უცხოს~ წარმოადგენს. სავსებით შესაძლებელია, თევზმა მხოლოდ გააძევოს `უცხო~ და არ შეეხოს მას. `შემოჭრილი უცხოს~ განდევნის შემდეგ კალმახი ხშირად უბრუნდება თავის ადგილს.
გარდა ამისა, ხშირად ვხდებით მოწმე იმისა, რომ თევზი ზურგს აქცევს სპინერს, როცა ეს უკანასკნელი დაჩრდილული ფსკერიდან მზით განათებულ ადგილში გადადის, ე. ი. როცა სპინერი სინათლისა და ჩრდილის ზღვარს გადაკვეთს. ასევე იქცევა ქაშაპი, როცა სპინერი სიღრმიდან მეჩეჩზე გადადის, ან ქვიანი ფსკერიდან _ ქვიშიანზე. თავდაპირველად ამ მოვლენების წინააღმდეგ ბევრი ვერაფერი გავაწყე, მაშინ არ მქონდა საკმაო გამოცდილება, არც ძვირადღირებული სამმაგი ნემსკავები, ჩემს ხელთ კი სატყუარების მხოლოდ მცირე რაოდენობა იყო. მაღაზიებში არჩევანი ერთობ შეზღუდული იყო. იმ პერიოდში ძალიან გამომადგა პოლონური ვობლერები “SALMO”, 2 და 3,5 სმ-იანი მცურავი მოდელები _ “HORNET”. მათ სადა, თეთრი, რუხი და ჩალისფერი შეფერილობები ჰქონდათ. შემდგომში უფრო მეტად გამომადგა ფინური ვობლერები “RAPALA”. მახსენდება ერთი შორეული ეპიზოდი ჩემი სათევზაო პრაქტიკიდან. მაშინ `SALMO~ ფირმის ` Hორნეტ~-ვობლერები არ მქონდა და ჩავაბი “RAPALA” `შჰალლოწ შჰად ღაპ (შშღ 5 შB, 5 სმ, ცისფერი _ ნარინჯისფერი მუცლით, საფეხურიანი ნიჩბით). იმ დღიდან სათევზაო მოგზაურობებში ეს ვობლერი ჩემი უცვლელი თანამგზავრი გახდა. იმ შორეულ დღეს კი მტაცებელი საკმაოდ პასიურობდა. მართალია, ხშირად გამოედევნებოდა ხოლმე სატყუარას, მაგრამ პირს არ კიდებდა. უმეტეს შემთხვევაში დევნის ბოლოს სპინერიდან უკან შემობრუნდებოდა ხოლმე. მოწყენილობის გამო გადავწყვიტე ვობლერის `გაბანავება~. მინდოდა მეგობრებისთვის მეჩვენებინა, თუ რა `მხეცთან~ გვქონდა საქმე. წარმატებისა არავის სჯეროდა, - `რაღაც მოდიდო მეჩვენება ქაშაპისთვის~, _ ვფიქრობდი მეც. მიუხედავად იმისა, რომ მორევი ჩემი ორი მეგობრის მიერ უკვე მონადირებული იყო, სატყუარას პირველივე ორმა `გაბანავებამ~ ორი მოზრდილი ქაშაპი მოგვიტანა _ ორივე წინა სამმაგი ნემსკავის სამთავე ანკესზე იყვნენ წამოგებულნი. ცხადი გახდა, რომ წარმატება შემთხვევითი არ ყოფილა. შემდგომ ანალოგიურ ადგილებში კიდევ დავიჭირე ხუთი ქაშაპი. სამწუხაროდ, მოულოდნელმა ჭექა-ქუხილმა თევზაობა შეგვაწყვეტინა. მეორე დღეს ვობლერის წარმატება კიდევ უფრო ნათელი გახდა: ბიჭებმა აქ სპინერით ოთხი პატარა ქაშაპი დაიჭირეს, მე კი ვობლერით თერთმეტი ცალი, წონით ოთხ კილომდე. როგორც შემდეგ გაირკვა, წინა სამი დღის განმავლობაში ამ ადგილებში ათი კაცი თევზაობდა, ყველანი სპინერებით შეიარაღებულნი და დღეში საშუალოდ ერთობლივად თხუტმეტ კილოს იჭერდნენ. ალბათ ესეც იყო ჩვენი სპინერების წარუმატებლობის მიზეზი. ხშირად ქაშაპი შეჩვეულ სატყუარას აღარ ეკარება, ამ დროს უცნობი სატყუარათი კი მისი დაჭერა გაცილებით მარტივია.

როგორც წესი, თუ ქაშაპს ანკესმა უჩხვლიტა და ასხლტა, საეჭვოა, რომ მან ხელოვნურ სატყუარას პირი განმეორებით მოკიდოს. თუმცა, არსებობს გამონაკლისებიც. ქაშაპი ძალიან მშიშარაა და თუ მონადირე შეამჩნია, მაშინვე საფარში იმალება, სატყუარაზე კი აღარ რეაგირებს. ხოლო თუ გამოყვანისას მეთევზე კარგადაა შენიღბული, მაშინ ასხლტომიდან რამდენიმე წუთში შესაძლებელია ქაშაპმა სატყუარაზე რეაგირება კვლავ მოახდინოს. ხოლო, თუ თევზმა გამოყვანისას მეთევზე დაინახა, მაშინ ქაშაპის ხელმეორედ დაჭერა უკვე შეუძლებელია. ამ შემთხვევაში ეს ადგილი უნდა `დავასვენოთ~ ერთი საათიდან მაქსიმუმ ერთი დღის განმავლობაში. დროის ამ პერიოდში ქაშაპი სავარაუდოდ უკვე უნდა დაწყნარდეს და ჩვეულებრივი ცხოვრების რიტმს დაუბრუნდეს.
Go to the top of the page
 
+Quote Post გაზიარება
ვიტო
პოსტი Sep 6 2009, 13:27
პოსტი #2


ნამდვილი მონადირე
*******

ჯგუფი: ფორუმის წევრი
პოსტები: 8,362
რეგისტრ.: 5-May 09
ნიკის ჩასმა
ციტირება



troutbaiter
კარგი სტატიაა არჩილ, ეხლა ეტეთი რამე რომ განვიხილოთ..........
როგორც გამიგია ქაშაპის ჭერა ჩვენთან არ არის ათვისებული, მგონი შენც გინდოდა დაზვერვა,
გამიგია რომ არაგვზე არის ეგ თევზი, იქნებ შუა კვირაში გავსულიყავით ან საღამოს ან დილის
პერიოდში და გვენახა რა და როგორ........
Go to the top of the page
 
+Quote Post გაზიარება
troutbaiter
პოსტი Sep 6 2009, 16:59
პოსტი #3


მშვილდით მონადირე
****

ჯგუფი: ფორუმის წევრი
პოსტები: 730
რეგისტრ.: 13-July 09
ნიკის ჩასმა
ციტირება



ციტატა(ვიტო @ Sep 6 2009, 02:27 PM) *
troutbaiter
როგორც გამიგია ქაშაპის ჭერა ჩვენთან არ არის ათვისებული, მგონი შენც გინდოდა დაზვერვა,
გამიგია რომ არაგვზე არის ეგ თევზი, იქნებ შუა კვირაში გავსულიყავით ან საღამოს ან დილის
პერიოდში და გვენახა რა და როგორ........


"ჩვენთან" - ალბათ აღმოსავლეთს გულისხმობ, თორემ დასავლეთი მშვენივრადაც ათვისებულია. newsmile05.gif აგერ ერთი კვირის წინაც ხომ დავიჭირე... თითქმის ნებისმიერ მდინარეშია შესაძლებელი სპინინგით მისი დაჭერა! newsmile05.gif

აღმოსავლეთში კი ჯერ-ჯეროBით არ გამოგვდის... არაგვზე ნამდვილად არის, მაგრამ კონკრეტულად რომელ მონაკვეთებზე და რა რაოდენობით ეგაა დასაზუსტებელი. ცარიელ მდინარეზე დასაზვერად გასვლა კი არ მიზიდავს.
Go to the top of the page
 
+Quote Post გაზიარება
ბესო
პოსტი Sep 19 2009, 00:48
პოსტი #4


ნამდვილი მონადირე
*******

ჯგუფი: ფორუმის წევრი
პოსტები: 7,706
რეგისტრ.: 15-May 09
ნიკის ჩასმა
ციტირება
მდებარეობა: თბილისი



ოფები წაიშალა. ასეთი თემების გაოფებისგან მაინც შეიკავეთ თავი...
Go to the top of the page
 
+Quote Post გაზიარება
Bone
პოსტი Sep 19 2009, 19:06
პოსტი #5


ნამდვილი მონადირე
*******

ჯგუფი: ფორუმის წევრი
პოსტები: 6,240
რეგისტრ.: 15-May 09
ნიკის ჩასმა
ციტირება
მდებარეობა: Tbilisi



troutbaiter
ეს შენი დაწერილი სტატიაა თუ გადმოქართულებული გაქვს
ძალიან საინტერესოა უბრალოდ, მომეწონა
Go to the top of the page
 
+Quote Post გაზიარება
troutbaiter
პოსტი Sep 19 2009, 21:24
პოსტი #6


მშვილდით მონადირე
****

ჯგუფი: ფორუმის წევრი
პოსტები: 730
რეგისტრ.: 13-July 09
ნიკის ჩასმა
ციტირება



ციტატა(Bonehill @ Sep 19 2009, 08:06 PM) *
troutbaiter
ეს შენი დაწერილი სტატიაა თუ გადმოქართულებული გაქვს
ძალიან საინტერესოა უბრალოდ, მომეწონა


მადლობა შეფასებისთვის. ჩემი სტატიაა.
Go to the top of the page
 
+Quote Post გაზიარება
Pendragon
პოსტი Sep 20 2009, 15:00
პოსტი #7


შუბით მონადირე
**

ჯგუფი: ფორუმის წევრი
პოსტები: 211
რეგისტრ.: 17-June 09
ნიკის ჩასმა
ციტირება



არჩილ, როგორც ყოველთვის, ეს სტატიაც ძალიან საინტერესოდ იკითხება. მოკლე და ლაკონურად გაქვს ჩამოყალიბებული ყველა ნიუანსი, რაც უზრუნველყოფს დაინტერესებული მეთევზის მიერ ერთი ამოსუნთქვით წაკითხვას.

ორიოდ სიტყვას მეც დავამატებ ჩემი ძალზედ მწირი გამოცდილებიდან სპინინგით ქაშაპის ჭერაში (ქაშაპის იმიტომ, რომ სწორედ პირველგატყორცნის კუთხით საინტერესო ობიექტია).

სპინინგით პირველი ქაშაპი დავიჭირე მდინარე ტეხურას ქვედა დინებაში, ნოქალაქევის ოდნავ ზემოთ... კაშკაშა მზის მიუხედავად ადგილი იყო მთლიანად დაჩრდილული გადმოკიდებული ხეებით. ჩავძვერი პატარა გორაკზე, სატყუარად სპინინგს გამოვაბი Panther Martin-ის 3.5 გრამიანი ტრიალა (Florescent Orange) და პირველივე გასროლისას მდინარეს საწინააღმდეგო მხარეს, შეეხო თუ არა სატყუარა წყლის ზედაპირს, მაშინვე განხორციელდა ჩარტყმა და თევზიც გამოყვანილ იქნა უპრობლემოდ (საკმაოდ კარგად ჰქონდა სატყუარა გადაყლაპული). სამწუხაროდ მომდევნო ტყორცნებმა შედეგი არ მოიტანა და მალე ადგილიც შევიცვალეთ...

ამ დღიდან მოყოლებული სულ მეგონა, რომ თუ ქაშაპზე თევზაობისას პირველ ან მეორე გამოტარებისთანავე თევზმა არ ჩაარტყა, ესეიგი ასეთ ადგილას თევზაობა არც ღირს-მეთქი. თუმცა აღმოჩნდა რომ ვცდებოდი... ამ ზაფხულს მდინარე ჩოლოქზე შემთხვევით დავიჭირე ქაშაპი ქარიყლაპიაზე თევზაობისას, თანაც ის-ის იყო წყლიდან ამომეღო გატყორცნილი და უშედეგოდ მოტანილი Mepps-ის მე-3 ნომერი ტრიალა რომ უეცრად ჩემს თვალ წინ სიღრმიდან ამოვარდა თევზი, ეძგერა სატყუარას და წამოეგო კიდეც. თავდაპირველად მეგონა ქარიყლაპია, მაგრამ რომ ამოვიყვანე და დავხედე, ჩემს გაოცებას საზღვარი არ ჰქონდა... გავვოცდი ძირითადად ორი რამის გამო: 1. იმიტომ რომ მეყენა ქაშაპისთვის ერთი შეხედვით ზომით საკმაოდ დიდი ტრიალა და მე-2 იმიტომ, რომ დაყენებული მქონდა ფოლადის დამხმარე ძუა, რომელსაც იყენებენ ბასრკბილებიან სახეობებზე სათევზაოდ.

ამ შემთხვევით დაჭერილი ქაშაპის ამოყვანისთანავე მოვხსენი ფოლადის დამხმარე, დავაყენე ჩვეულებრივი მომცრო ზომის კარაბინი, შევცვალე ტრიალაც უფრო პატარა ზომაზე და შედეგმაც არ დააყოვნა - მეორე თუ მესამე გამოტარებაზე დაჭერილ იქნა თითქმის კილოიანი ქაშაპი. ესეც გამოტარების შუა ნაწილში და არა ჩაგდებისთანავე.

უნდა აღინიშნოს, რომ ამინდი იყო მზიანი და უქარო. მომდევნო დღეს პატარა წვიმასა და ნიავში ქაშაპის არც ერთი დარტყმა არ განმეორებულა... სამაგიეროდ ქარიყლაპია იყო მეტად აქტიური newsmile05.gif
Go to the top of the page
 
+Quote Post გაზიარება
troutbaiter
პოსტი Sep 20 2009, 16:19
პოსტი #8


მშვილდით მონადირე
****

ჯგუფი: ფორუმის წევრი
პოსტები: 730
რეგისტრ.: 13-July 09
ნიკის ჩასმა
ციტირება



Pendragon გმადლობთ.
ძალიან საინტერესო მონათხრობია!
დასანანია, რომ აღმოსავლეთ საქართველოში ჯერ-ჯერობით ვერ ვნახეთ ისეთი მდინარეები, სადაც სპინინგით ქაშაპის ჭერა შესაძლებელი იქნება.
Go to the top of the page
 
+Quote Post გაზიარება
ვიტო
პოსტი Sep 20 2009, 21:57
პოსტი #9


ნამდვილი მონადირე
*******

ჯგუფი: ფორუმის წევრი
პოსტები: 8,362
რეგისტრ.: 5-May 09
ნიკის ჩასმა
ციტირება



Pendragon
პირველ ამბავში რომ გახლართე რატომ გადაწყვიტე უფრო პატარა ზომით შეცვლა?
Go to the top of the page
 
+Quote Post გაზიარება
Pendragon
პოსტი Sep 20 2009, 22:00
პოსტი #10


შუბით მონადირე
**

ჯგუფი: ფორუმის წევრი
პოსტები: 211
რეგისტრ.: 17-June 09
ნიკის ჩასმა
ციტირება



troutbaiter
ციტატა
დასანანია, რომ აღმოსავლეთ საქართველოში ჯერ-ჯერობით ვერ ვნახეთ ისეთი მდინარეები, სადაც სპინინგით ქაშაპის ჭერა შესაძლებელი იქნება.


კი დასანანია...
მართალია ჯანდარის არხზე დაჭერილ იქნა მომცრო ზომის (მტკაველიც არ იყო) ეგზემპლარი, მაგრამ ეს რა თქმა უნდა ნაკლებად ანგარიშგასაწევია... გარდა ამისა ადგილსაც ხომ აქვს მნიშვნელობა სად თევზაობ. გვერდით მოგუგუნე მილები გაურკვეველი შეფერილობის ორთქლით არც თუ მთლად მიმზიდველი ადგილია newsmile05.gif

აღმოსავლეთში სამწუხაროდ არ გვხვდება ისეთი ტიპის მდინარეები, სადაც ქვედა დინებაში თევზაობა სიამოვნებას მოგანიჭებს - შესაძლებელია პერსპექტივა ჰქონდეს მტკვარს, მაგრამ ესეც ისეა დაბინძურებული, რომ მე პირადად მაინცდამაინც არ მიზიდავს.

და მე მგონი თემას გადავუხვიე, ბოდიშს ვიხდი...

ვიტო
ციტატა
პირველ ამბავში რომ გახლართე რატომ გადაწყვიტე უფრო პატარა ზომით შეცვლა?


ცოცხალი ქაშაპი ალბათ გინახავს... თუ დაკვირვებიხარ, პირის აპარატი ქარიყლაპიასთან შედარებით ბევრად უფრო პატარა აქვს - იმავე წონის ქარიყლაპიას ალბათ ორჯერ უფრო დიდი პირი აქვს თუ მეტჯერ არა. სწორედ ამიტომ დავაყენე პატარა ზომის ტრიალა (ორი ნომრით უფრო პატარა), და ამ პატარა ტრიალაზე დავიჭირე 5-6 ცალი ქაშაპი... შესაძლოა დიდი ტრიალითაც დამეჭირა კიდევ 1 ან 2, მაგრამ მე ვფიქრობ, დიდი ზომისა უფრო შეაშინებდა მაგ თევზს და მეტი სიფრთხილისკენ უბიძგებდა, რაც გაართულებდა ჭერას.

ქარიყლაპიას შემთხვევაში შეიძლება ითქვას, რომ პირიქითაა... არის ასეთი ვობლერი L-Minnow, Yo-Zuri-ს ფირმის. სულ არსებობს ამ ვობლერის 2 ზომა 1-3/4" (4.44სმ) და 2-5/8" (6.65სმ). მდინარე ჩოლოქზე 2-ჯერ უფრო მეტი ქარიყლაპია დავიჭირე დიდი ზომის ელმიოუთი, ვიდრე პატარა ზომით - ქარიყლაპიები იყვნენ სტანდარტულად ერთი ზომისანი newsmile05.gif
Go to the top of the page
 
+Quote Post გაზიარება
КАА
პოსტი Sep 23 2009, 08:56
პოსტი #11


შუბით მონადირე
**

ჯგუფი: ფორუმის წევრი
პოსტები: 221
რეგისტრ.: 29-June 09
ნიკის ჩასმა
ციტირება
მდებარეობა: откуда все ;-)))



troutbaiter поднял оч интересную тему.. Но думаю, что стоит более подробно остановиться на одном еще более интересном аспекте, упомянутом Pendragon-ом
QUOTE
სპინინგით პირველი ქაშაპი დავიჭირე მდინარე ტეხურას ქვედა დინებაში, ნოქალაქევის ოდნავ ზემოთ... კაშკაშა მზის მიუხედავად ადგილი იყო მთლიანად დაჩრდილული გადმოკიდებული ხეებით. ჩავძვერი პატარა გორაკზე, სატყუარად სპინინგს გამოვაბი Panther Martin-ის 3.5 გრამიანი ტრიალა (Florescent Orange) და პირველივე გასროლისას მდინარეს საწინააღმდეგო მხარეს, შეეხო თუ არა სატყუარა წყლის ზედაპირს, მაშინვე განხორციელდა ჩარტყმა და თევზიც გამოყვანილ იქნა უპრობლემოდ (საკმაოდ კარგად ჰქონდა სატყუარა გადაყლაპული). სამწუხაროდ მომდევნო ტყორცნებმა შედეგი არ მოიტანა და მალე ადგილიც შევიცვალეთ...
Если на первом забросе можно поймать практически любую рыбу, то у голавля действительно есть интересная особенность, которая оч ярко проявилась у меня на рыбалке в соганлуге 2 недели назад. Тогда я поимел 6 поклевок и вытащил 4 рыбы, и у меня было ощущение, что голавль стоит с открытым ртом в том месте, куда падает приманка, а точнее, было чувство, что я попадаю воблером ему в рот - т.к. практически не было паузы между падением приманки и поклевкой..
QUOTE
შესაძლოა დიდი ტრიალითაც დამეჭირა კიდევ 1 ან 2, მაგრამ მე ვფიქრობ, დიდი ზომისა უფრო შეაშინებდა მაგ თევზს და მეტი სიფრთხილისკენ უბიძგებდა, რაც გაართულებდა ჭერას
Васо, как говорят опытные голавлятники, голавль (именно голавль, а не голавлишка грамм до 300-400:)), больших приманок не боится, и оч неплохо клюет на воблеры 6 см (если шэд или крэнк) и 7 см (если минноу)
Go to the top of the page
 
+Quote Post გაზიარება
Pendragon
პოსტი Sep 23 2009, 13:59
პოსტი #12


შუბით მონადირე
**

ჯგუფი: ფორუმის წევრი
პოსტები: 211
რეგისტრ.: 17-June 09
ნიკის ჩასმა
ციტირება



КАА
ციტატა
как говорят опытные голавлятники, голавль (именно голавль, а не голавлишка грамм до 300-400:)), больших приманок не боится

კი სავსებით შესაძლებელია...
სადაც პატარა ქორჭილა უტევს თავისხელა ვობლერს, ეგეც არ უნდა გაგვიკვირდეს...

მაგრამ მე მაინც მგონია, რომ ქაშაპი პატარა ზომის სატყუარას უფრო მადიანად მისდევს, ვიდრე დიდს - ჩემი 4-5 თევზაობა ქაშაპზე ჯერჯერობით ამის დასტურია newsmile05.gif
Go to the top of the page
 
+Quote Post გაზიარება
troutbaiter
პოსტი Oct 12 2009, 20:21
პოსტი #13


მშვილდით მონადირე
****

ჯგუფი: ფორუმის წევრი
პოსტები: 730
რეგისტრ.: 13-July 09
ნიკის ჩასმა
ციტირება



ა - გუშინდელი ვარჯიშის შედეგი - ქაშაპი.

დაჯდა მე-2 გატარებიდან.
სატყუარა ბლუ ფოქსი #3 (საკმაოდ დიდია)
წითელი ფერის მოწნულა (აბა ბიჭო! თქვი ამის მერე მოწნულის ეშინიაო newsmile05.gif )
Go to the top of the page
 
+Quote Post გაზიარება
Pendragon
პოსტი Oct 12 2009, 21:42
პოსტი #14


შუბით მონადირე
**

ჯგუფი: ფორუმის წევრი
პოსტები: 211
რეგისტრ.: 17-June 09
ნიკის ჩასმა
ციტირება



troutbaiter
თავად თევზთან შედარებით ტრიალა მართლაც დიდია... თუმცა ჩემი კგ-იანი ქაშაპი დაჯდა Panther Martin-ის #7 ტრიალაზე, რომელიც შენსაზე 2-ჯერ პატარა გამოდის newsmile05.gif

ისე ამაზე უგემური თევზი იშვიათია newsmile038.gif
Go to the top of the page
 
+Quote Post გაზიარება
T A M P L I E R
პოსტი Oct 12 2009, 21:55
პოსტი #15


თვით დიდი ოჩო!
********

ჯგუფი: ადმინი
პოსტები: 18,618
რეგისტრ.: 15-May 09
ნიკის ჩასმა
ციტირება
მდებარეობა: tbilisi



troutbaiter
ძია ერთი ფოტოშოპი ისწავლე რა გამოგადგება თორე ამ ქაშაპს სად არ შეხვდები
Go to the top of the page
 
+Quote Post გაზიარება

2 გვერდი V   1 2 >
Reply to this topicStart new topic
ამ თემას კითხულობს 1 მომხმარებელი (მათ შორის 1 სტუმარი და 0 დამალული წევრი)
0 წევრი:

 



მსუბუქი ვერსია ახლა არის: 23rd July 2019 - 23:27