თემის საბეჭდი ვერსია

პოსტის ავტორი: შოთა.03 Nov 1 2010, 11:05

აბა თუ ვინმემ რამე კარგი რეცეპტი იცით დაწერეთ, სირცხვილია იხვზე რო არ წერია არაფერი....

პოსტის ავტორი: კახაბერ Nov 11 2010, 16:08

იხვი კარგად გავასუფთავოთ, დაუჭრელს, მთლიანს მუცელში ჩავულაგოთ 2-3 კბილი ნიორი (სასურველია დაჭყლეტილი), 1 თავი წვრილად დაჭრილი ხახვი, 2 ნაჭერი ლიმონი, დაუფქვავი შავი პილპილი, ცოტაოდენი კარგად გარეცხილი ბრინჯი (შეგიძლიათ დაამატოთ ცოტაოდენი ყველი, სოკო - ეს გემოვნებაზეა დამოკიდებული). ცოტაოდენი სუნელები (ზირა). მოვაყაროთ მარილი.
აწი იწყება მთავარი:
გავახვიოთ ფოლგაში კარგად და წესით თიხით უნდა ამოვლესოთ ჰერმეტულად. რამდენადაც ჩვენს პირობებში ეს ძნელია, მოვზილოთ მაგარი (სქელი) ცომი და მასში შევკრათ. გავაცხელოთ აირღუმელი 250 გრადუსზე და შევდგათ მანამ სანამ ცომი არ დაიწყებს გაშავებას. მინიმუმ 2-2,5 საათით. მერე გავაცალოთ ცომი და ფოლგა და... ჩემი სადღეგრძელო არ დაგავიწყდეთ.
თიხის შემთხვევაში 300 გრადუსზე აჩერებენ 3 საათი. თიხის მოცილების შემდეგ ერთი ხელის დარტყმით ყველა ძვალი სცვივა.

პოსტის ავტორი: Davitus Nov 11 2010, 23:22

ბოდიში მაგრამ, აქ ცოტა უზუსტობა ხომ არ არის? 300 გრადუსზე 3 საათი ხუმრობა არ არის ხორცის გაჩერება, ჩვეულებრივ სტეიკს სადღაც 25 წუთი სჭირდება 170 გრადუსზე ღუმელში რომ მიიღო კარგად შემწვარი (well done) და 3 საათი 300 გრადუსზე საწყალი იხვისგან ალბათ ნახშირი თუ დარჩებაა

პოსტის ავტორი: შოთა.03 Nov 12 2010, 08:33

Davitus

შეილება, რახან თიხაშია ამოლესილი მაგიტომ ჭირდება დიდი დრო....

პოსტის ავტორი: კახაბერ Nov 12 2010, 08:39

თიხა, ბატონო, თიხა. არავითარი უზუსტობა. ეს ჩინური რეცეპტია.

პოსტის ავტორი: feroni Nov 12 2010, 19:48

კაი იხვის ხარჩოს არაფერი ჯობია, ჩინურადაც მიჭამია, მაგრამ ჩვენებურ ნიგვზიან ხარჩოს არაფერი ჯობია

პოსტის ავტორი: კახაბერ Nov 13 2010, 13:18

კარგად გასუფთავებული და გატყავებული იხვი დავდოთ ცხიმწასმულ ღრმა ტაფაზე, ნელ ცეცხლზე და მივუშვათ 30-40 წუთი. ცალკე ტაფაზე მოვთუშოთ 2 საშუალო თავი ხახვი, 1 ნორმალური სიდიდის სტაფილო (ნელ ცეცხლზე), ხახვის ოდნავ შეწითლების შემდეგ დავუმატოთ ძირა, მარილი, შავი პილპილი გემოვნებით და 10 წუთის შემდეგ ეს ყველაფერი მოვასხათ იხვს. იმავე ნელ ცეცხლზე გავაგრძელოთ ამ მასის შუშვა და მოკლე ნაჭრებად დამტვრეული მაკარონი (სპაგეტი) მასის შესაფერისი ოდენობით დავუმატოთ (მშრალი, რათქმა უნდა). არავითარი წყალი. თუ ცხიმი იხვს არ ექნა საკმარისი, ჯობია ზეითუნის ზეთი დავამატოთ სპაგეტისათვის და იმ დაბალ ცეცხლზე ვამყოფინოთ, მანამ სანამ მაკარონი არ იქნება მზად მისართმევად. ანუ სპაგეტი ცხიმმა უნდა მიიყვანოს მირთმევის დონემდე. ამ ყოველივეს (თავიდან ბოლომდე) 2 საათამდე სჭირდება საბოლოო ჯამში. ლიმონი, ცოცხალი მწვანილი გემოვნებით დაემატება მზა პროდუქტს.

პოსტის ავტორი: დათაბატონი Nov 13 2010, 15:36

ისეთ რეცეპტებს წერ იხვზე ნადირობა მომინდა

დაგვინდე ცოტა

პოსტის ავტორი: შოთა.03 Nov 13 2010, 16:01

კახაბერ

დაჭრა არ უნდა?
ანუ მთლიანი იხვი უნდა იყოს?

პოსტის ავტორი: კახაბერ Nov 13 2010, 16:05

შოთა.03
ბოდიში... დაჭრილი. ძალიან გემრიელი რამეა. მთავარია ნელი ცეცხლი, მთელ წვენს გამოუყვანს თუ რამე გააჩნია. ნერვები და ლოდინი უნდა

პოსტის ავტორი: კახაბერ Nov 13 2010, 18:13

იხვი შიანური სასარგებლოა ზაფხულის პერიოდში იმით, რომ არცერთ ქვეწარმავალს (მათ შორის, გველს) არ აჭაჭანებს ეზოში, შეჭმის ჩათვლით. ამიტომ მას არ მიირთმევენ გვიან შემოდგომა-ზამთრამდე. ანუ იმ პერიოდამდე, როცა ქვეწარმავლები თვითონ მიდიან გამოსაზამთრებლად და იხვიც იძულებულია მცენარეულ საკვებზე გადავიდეს. რაც შეეხება გარეულ იხვს, არცერთს თევზის სუნი არ ასდიოდა, რაც კი მე შემხვდა (დამერწმუნეთ, ეს არარის მცირე რაოდენობა). ჩიჩახვი სულ ქვიშით ჰქონდათ სავსე. როგორც გავიგე, არ ვიცი რამდენად შეესაბამება ფაქტობრივ მდგომარეობას, ამ ქვიშით ინელებსო საკვებს. ამიტომ იხვი, ყოველთვის უმჯობესია ჯერ მოიხარშოს (თუნდაც 10 წუთი იხარშოს) და მერე შეიწვას. ზემოთ ჩემს მოყვანილ რეცეპტებში ეს მომენტი, პრაქტიკულად, დაცულია. ანუ თიხაში თუ ცომში ის იხარშება-იწვის საკუთარ წვენში (მათ შორის, ცხიმში) და ყველა არასასიამოვნო კომპონენტი იღუპება, თუმცა ინგრენდიენტებს უერთდება, მეორე შემთხვევაში კი ნელ ცეცხლზე ასევე იღუპება, მაგრამ ორთქლდება. გემო ყოველთვის არ განსაზღვრავს ხარისხს. ეს ისეთივე ფილოსოფიაა, როგორც მე ბავშვობაში ვერ ვიტანდი ბორშს და ლობიოს და დღეს ორივეზე ვგიჟდები

პოსტის ავტორი: Rey - Apr 7 2015, 15:01

წელს რამოდენიმეჯერ გავაკეთე და მაგრად მომეწონა.

საჭირო მასალა :

იხვი - 1
ხახვი - 5 (საშუალო თავი)
მწვანე ბულგარული 1 ცალი. (კიდევ უფრო სასიამოვნო გემოს აძლევს)
კარაქი - 100 -150 გრამი.
ტომატპასტა - 4 ჩაის კოვზი.
ქინძი,პეტრუშკა
ნიორი.
უცხო სუნელი,ზაფრანა,დაფქული წიწაკა,პილპილი 5 მარცვალი.


იხვს ვატყავებთ,მაქსიმალურად ვცდილობთ ქონი დარჩეს ხორცზე.ვჭრით ნაჭრებად.ვათავსებთ წყლიან ქვაბში.როგორც კი წამოდუღდება გადავუღვრით წყალს,ჩავაგდებთ კარაქს და მიგვყავს დაბრაწვამდე.შემდეგ ვაყრით ალყაალყა დაჭრილ ხახვს და ბულგარულ წიწაკას,როგორც კი ხახვი და ბულგარული ჩაითუშება,ამოვურევთ და ვამატებთ 200-250 გრამ ადუღებულ წყალს.შემდეგ შევურევთ 4 ჩაის კოვზ ტომატს,დაჭყ**ტილი ნიორი,მარილი და უცხო სუნელები გემოვნებით.ვაგდებთ 5 მარცალ პილპილს.ვადუღებთ დაახლოებით 15-20 წუთი და ვამატებთ წვრილად დაჭრილ ქინძს და პეტრუშკას.
ჩვენი კერძიც მზადაა.
უხდება 1 ბოთლი ალადასტური.

წელს დაახლოებით 5 ჯერ გავაკეთე და დეგუსტატორებში დიდი მოწონება დაიმსახურა.

(სეზონი მორჩა და რეცეპტებით მაინც გადავაყოლოთ გული)

პოსტის ავტორი: Ika Exs Jul 15 2015, 21:10

საინტერესოა, აუცილებლად გავსინჯავ ამ რეცეპტებს შეძლებისდაგვარად )) გააჩნია იქნება თუ არა იხვი წელს ) გმადლობთ რეცეპტებისთვის

პოსტის ავტორი: ნოსო Jul 16 2015, 11:07

Rey -
ყველაფერი კარგია, გატყავების გარდა, ცხიმი მიყვება კანს და აბა რაიქნება მაგის გარეშე