მოგესალმებით ძმებო,
წესით უნდა მომელოცა 2010-2011 წლის სანადირო სეზონის გახსნა, მაგრამ მოსალოცი
არაფერი არ არის... :( ამას სანადირო სეზონს ვერ უწოდებ.
ამ თემაში მოგახსენებთ ჩემპირად აზრს და სიამოვნებით წავიკითხავდი თქვენ მოსაზრებას.
დავიწყე. წალკის რ-ნი დილის 6.30. კლუბის მეთაურებმა მოაწყვეს ერთობლივი გასვლა.
მე მხვდა წილად პატივი ჭალიმგელას ეკიპაჟში ყოფნა. მინდორშიც ორი თაობის ჭალიმგლებთან
მომიწია გასვლა. მანქანიდან გადმოსვლისთანავე დადუმ 2 მწყერი ააფრინა, რამაც დიდი იმედი
მოგვცა. მაგრამ სადღაც 20-30 წუთში იმედი გაგვიცრუვდა. მწყერი მხოლოდ მაღალ, სათიბისა და
მარცვლეულის ყანებში იყო, არც კარტოფილში და არც ნამკალში მწყერი არ იყო. ყანების თავზე
ვერც მტაცებელი დაგვინახავს. საერთო ჯამში 6-10 საათის განმავლობაში უნაკლო და ჟინიანმა
ჭალიმგელამ 17-მდე მწყერი მოინადირა. 1 - პატარა ჭალიმგელამ და 2- მეც...
ამას ნადირობას ვერ დავარქმევ, ალია-ბალია 20 ფრინველი მთელი დღის განმავლობაში!
2003, 04, 05 წლებში კახეთის მინდვრებში, ყანებსა და ნამკალებში 2-3 საათში 20-30 ფრთას
მოვინადირებდი და სახლში ხელცარიელი არ ვბრუნდებოდი.
დრო მოვიდა თოფი კედელზე ჩამოვკიდოთ და ჩვენი ბუნების გადარჩენაზე ვიფიქროთ...
მე არ ვგულისხმობ, რომ თოფი სამუდამოდ კედელში ჩაჭედებულ ლურსმანს უნდა მივაბაროთ - არა,
უბრალოდ მოვიდა დრო, რომ რაღაცა მოვიმოქმედოთ ამით ნადირობა და ნადირობის კულტურა
არ დასამარდება. ჩევნი საუბრები სახოხბეებზე, საკალმახეებზე, საკაკბეებზე საბოლოო ჯამში
რეალურ საქმედ უნდა იქცეს!
მე მზად ვარ გავაკეთო ყველაფერი ის რაც ჩემზეა დამოკიდებული, ჩავრთო ჩემი ნაცნობობა,
გაგიზიაროთ ლიტერატურული წყაროები, მოგემსახუროთ ჩემი პროფესიოსამებრ.
მინდა, რომ ჩვენმა საუბარმა ნაყოფი გამოიღოს!
მთავარი სურვილია -სახსრებს მოვიძიებთ, ჩინოვნიკებს ვაიძულებთ, რომ იმოქმედონ!
პატივისცემით
გიგა
ორი დღეა ვფიქრობ და დაახლოებით ასეთი რაღაც მინდოდა დამეწერა.
გიგამ გადმოსცა ის,რაზეც არაერთხელ მისაუბრია ახლობლებთან და აქ ფორუმზეც.
რაღაც უნდა შეიცვალოს...
ზაზა
გეთანხმები ზაზა, რაღაცა უნდა შეიცვალოს...
პირველ რიგში შემომაქვს წინადადება, შევქმნათ სიტუაციური რუკა.
ანუ გეორგრაფიულ რუკაზე დავიტანოთ ის ადგილები სადაც ყველაზე ხშირად
და წარმატებით გვინადირია: დასახლებული პუნქტები, სახეობაზე სანადიროდ
გასვლების რაოდენობა და ნანადირევის მიახლოებითი რაოდენობა წლიდან-წლამდე.
Davitus
მე ეს თემა სულ სხვა მიმართულებით ჩავიფიქრე!
ყველას გთხოვთ ნუ გააოფებთ!
საუბარი მიდის კლასიკური ნადირობის ყოფნა არყოფნის საკითხზე.
მალე მოდის მტრედზე ნადირობის სეზონი, ერთ-ერთი ყველაზე რეალური
სანადირო ობიექტი ქართულ რეალობაში.
მაგრამ თუ ეს გვაკმაყოფილებს მალე გადავალთ ჩხიკვებზე, ბეღუებსა და ყვავებზე...
და კიდევ ერთი ამბავი, მეგობარი მყავს უშიშროებაში, გასულ ზამთარში საპელენგაციო
სისტემამ გადამფრენი იხვების რადიო-საუბარი მოისმინეს, შემდეგ ეს საუბარი
უცხოენათა ინსტიტუტში და თსუ-ს ბიოფაკის კათედრაზე მიიტანეს სათარგმნად.
სულ ახლა ხანს ნათარგმნი გამოაქვეყნეს შიდა წრეებში. მეგობარმა მეც გამიზიარა.
"პედრო... პედრო... დონალდო ვარ... სად აპირებთ საღამო დაშვებას?
დონალდო, დონალდო - ნებისმიერ ადგილას გარდა საქართველოსი!!!
პედრო, პედრო - რატომ? რატომ?
დონალდო, ამისთანა ფრინველის უნახავი ხალხი არ გენახოს არსადო...
მერე მოდის არანორმატიული ლექსიკა... ბოდიში ვერ დავწერ, მაგრამ ბევრი
სიმართლე კი ჩაიღიღინეს! :(
რა იქნა ჩემს მიერ დაწერილი პოსტი, იხვების რადიო-პელენგზე????
იორმუღანლოდან 3-4 კმ სამხრეთით. ეს ჩემი ყველაზე საყვარელი
ადგილი იყო...
2003-04-05 წლებში გასვლაზე დილის 06.00-10.30 მდე
სანამ დაცხებოდა 20-25 ცალს ვითვლიდით კაცზე...
შარშან კი 6 ცალი ავიყვანეთ მე და იეგერმაისტერმა :(
919
არ გეწყინოს,მაგრამ მგონია რო ცოტას ვაზვიადებთ.
პირველ რიგში იმის თქმა რო მალე მარტო მტრედებზე მოგვიწევს ნადირობა,ცოტა არასწორი მგონია,თუნდაც იმიტომ რომ ჩვენ რა ფრინველზეც ვნადირობთ აქედან ძირითადად ყველა გადამფრენია და რა ჩანაწერიც არ უნდა მოვისმინოთ ეს იმის მაჩვენებელი არ იქნება რომ დროდადრო ფრინველი გაწყდება.
ამ სეზონზე მწყერი თუ ვერ ვნახეთ,ეს იმას არ ნიშნავს რო საქართველოს დაერხა,სურათი სხვანაირად არის დახატული:შენ ვერ ნახე-მე ვნახე,მე ვრ ვნახე-სხვამ ნახა,და ასე შემდეგ.(ისე მე კი ვნახე დღეს საკმაოდ და დავწერ პატარას თავისი სურათებით)
მეც გეთანხმები გოგა სანადოროდ რომ მივდივარ ძალიან ბვრს დავდივარ რომ რამე მოვკლა თან კარგი ძაღლი თუ გყავს ძალიან ბევრს ნახავ ამ შაბათ კვირას 36 ცალი მოვკალი და დაახლოებით 12 ცალი დავკარგე იმიტომ რომ 5 კაცი ვნადირობთ ერთი ძაღლით და მწყერიც ამავდროულად ძალიან ბევრი ვნახე, ისევ იმ ძველ ადგილებში სადაც დავდიოდი
ყველაფერი რომ უკან უკან მიდის ეგ ყველამ იცის მარა არც ისეა საქმე რომ სულ ხელი ჩავიქნიოთ უბრალოდ ნანადირევის მოპოვებას დიდი შრომა სჭირდება ნადირობა ხომ სპორტია. ყველა ჩვენთაგანს ისე უნდა მწყერს მანქანიდან ესროლოს ,ან მანქანიდან გადმოვა თუ არა ხუთ -ხუთი უფრინდებოდეს. აგერ ვინც იშრომა და მუხლიც მოიღალა ჭალიმგელას ვენაცვალე შედეგიც ჰქონია. დღეს არ გაგიმართლა ხვალ გაგიმართლებს ყოველ წასვლაზე რომ რამდენიც ჩვენ გვინდა იმდენი იხოცებოდეს ხომ გადაშენდა მართლა. უბრალოდ ბევრად მეტს მოელოდა ყველა იქ და რომ არ გაუმართლათ ფარხმალი დაჰყარეს. მე რაც იქ ვიარე 30 ცალი მაინც ვნახე მეტი თუ არა ,აგერ გიზოევიჩი კი იყო ჩემს გვერდით. ბევრი არაა მარა 1 საათში ნადირობის დამთავრებას მერჩივნა.
ეე ბიჭო ეს პოსტი არაგველმა დავწერე ,ჯეკო იყო უბრალოთ ჩემი კომპით შემოსული და ამერია მისი ნიკით დავწერე.
ჯეკო
მოკლედ, გაგახარათ ღმერთმა,
რა სიტუაციაც არის ალბათ ძალიან გაკმაყოფილებთ.
სიარულს რაც შეეხება, მცირეოდე შანსი,
რომ მეძლევა ფეხით დავდიავარ, ამას ჩემთვის სასიცოცხლო მნიშვნელობა
აქვს... შრომისმოყვარეობა და ნებისყოფა კარგახნის გამომუშვებული მაქვს.
3 ჯერ მაქვს მყინვარწვერი დალაშქრული 30-კგიანი ზურგჩანთით
და ქვემო სვანეთის არაერთი მწვერვალი.
გუშინ კი მიუხედავათ ჩემი ზედმეტი 40 კგ-ის მე არც თუ ისე ცოტა ვიარე.
ჭალიმგელამ ჩემზე მეტი იარა, მაგრამ 15 თუ 17 მწყერი 10 საათში ეს კარგი
ნადირობის მაჩვეებელი არ არის! ვერ დამარწმუნებ. ჭალიმგელას ნანადირევის 30% თუ იყო
ზრდასრული ფრინველია...
გოგა
რაც გადამფრენს შეეხება, კი მწყერი გადამფრენია. საქართველოში
ბუდობისას 3-4 თაობას ბარტყობს. მაგარამ წელს და არა მარტო წელს მწყერის მარშრუტზე
არაერთი კატაკლიზმა მოხდა გინდ გაზაფხულზე და გინდ ზაფხულში.
აბა მრავალ კარგ ნადირობას გისურვებთ და ვევედრები უფალს, რომ ღრმად ვცდებოდე...
919
და საერთოდ ერთი თემა ხო არ მიგვეცა იმაზე თუ სად შეგვხვდა ამ სეზონზე მწყერი?!სად არ იყო,სად რამდენი იყო და ასე შემდეგ...
კაცს რო დააინტერესოს დაუშვათ სად არის მწყერი,ნახავს და ინფორმაციას მიიღებს.+არქივისთვისაც კარგია,რაღაც ჩანაწერივით რო გაკეთდეს,ანუ შეხვალ დაუშვათ ამ თემაში მომავალ წელს,ან იმის მერე და ნახავ რა სურათი იყო გასულ სეზონზე.
ბიჭებო მე მაგალითად იორმუღალნოში ვიყავი და სადღაც 26 ცალი ვნახე საკმაოდ პატარა მინდორში, მაგრამ ძალიან ძლიერი ქარი იყო ძაღლმა მარტო 3 ცალი დაამუშავა 12 საათის მერე უკან წამოვედით,, თან ფრინველს ვერ მიუახლოვდი ძალიან შორს ფრინდებოდა და იქვე ახლოს სემიჩკებში ჯდებოდა სადაც შესვლა უაზრობა იყო, უბრალოდ ვერ ივლიდი... კარგ ამინდში(nadirobistvis) ცოტა ღრუბლიანში და გრილში საკმაოდ კარგად ინადირებ იმ ადგილას ფრინველი მართლაც კარგად არისს...
beberi iagi
ზუსტად მანდ არის ცემი უსაყვარლესი ადგილები, იორმუღალოს დასავლეთი გასასვლელიდან,
რომ გადიხარ და ზემოდ ანუ სამხრეთით რომ მიემართები სარწყავი არხებისაკენ...
მწყერი არის, 21 ში საღამოს წავედი დმანისისკენ 2-3 საათის ნადირობის შემდეგ გეგმა შევასრულეთ, მაგრამ ძალიან ბევრი ჩოჩორი შეგვხვდა, სამწუხაროდ ზოგიერთი აზარტს შეეწირა, ბალახი ისე დაბლა იპარსება რომ ნამკალში გადასვლას არანაირი აზრი არ ქონდა, ბოლო ნაკვეთებს როგორც კი გათიბავენ იქეთ წასვლა აღარ ეღირება.
მეგობრებო მარცვლეული კულტურა აღარ ითესება საჭირო რაოდენობით, ერთ ერთ მიზეზად( მწყერის სიმცირე) პირადად მე ეს მიმაჩნია.
დედოფლისწყაროდან დამირეკეს მესტნებმა სოფელ ზემო ქედიდან,
გადამწვარია აქაურობაო მაგრამ მწყერი მაგრად მოდისო, გველის
არ შეგეშინდესო აგრილდა და დაიმალაო ნუ დილას დამალულიაო
sabo73
+1 მეც ამას ვგულისხმობდი ჩემო საბო, მაგრამ რაც მარცვლეულს შეეხება
ტელევიზორიდან გამააცხადეს თაგვმა გადაუარა მარცვლეულის დედასა...
ნუ თუ არ გახსოვთ ამისთანა ამბავი?
დღეს გავედით ორნი, მე და ჩემი ძმაკაცი,ხო და მწყერი საერთოდ არ იყო, ვდრუგ და მივადექით ოთხი კაცი ემზადება მინდორში შესასვლელად, შევიდნენ თუ არა ატყდა ბაგა ბუგი ეგრევე მივხვდი რაშიც იყო საქმე და მივედი მანოკი გქონდათ ჩართული მეთქი? არაო ეგ საერთოდ რა არისო ხო და თუ არა თქო მივადექით მე და ჩემი ძმაკაცი და სანამ იმათ 4 მწყერი მოკლეს 20 ცალი ავიყვანეთ , გაგიჯებულები გვიყურებდნენ თქვენ ვინ ყოფილხართო. ,ჩასხდნენ პიპიაში და მოკურცხლეს.
წინა შაბათს დედოფლის წყაროში ვიყავი და მანოკები მანდ ქონდათ თუ ქონდათ ჩართული. ლულები გააწითლეს და ჩვენ რომ მწყერი გვიფრინდებოდა ისიც რამის იმათთან მიდიოდა.
გუშინ არ მისული დედოფლიწყარომდე ვიყავი 27 ცალი მოვკალი მოყვარულები მყავდა წაყვანილი, მოწამვლა მინდოდა და ბევრი ვასროლინე, მაგარი მაზეს კიდეც, ისე რა ვისიამოვნე არ მიყვარ რომ მაზავენ, ამიტომ დღეს წავედი ნაცნობ ადგილზე და 25 ცალი 2 კაცმა მოვკალით მაგრამ მაგარი ვიკაიფე მეც და ძაღლმაც
დღეს ვიყავი იორმუღანლოში (საჰარას უფრო ჰგავდა) 4 ცალი ავიყვანე :(
მანდ არ არის მწყერი.
საერთოდ სადმე შემორჩა მწყერი კიდევ? ( ამიდების გაუარესების გათვალისწინებით)
კი არის ერთი ადგილი სადაც მეგულება მანქანის და ძაღლის პრობლემა თორემ წავიდიოდა ამაღამ კაცი..
შუკა
მანქანა როგორი უნდა მრავალხიდიანი? მანქანა მყავს მაგრამ ძაღლის რა მოგახსენო, მარა წვიმა და სიცივე როა იქნება?
ტინისხიდთან (გორის რ-ნი) მანოკი მიუერთეს დინამიკებს და მეზობელი რაიონებიდანაც კი წამოასხეს მწყერი, ეს ღამით ხდებოდა, დილით კი ამოუჟუჟიათ მიტინგზე მისული საცოდავი მწყერი
დემი
მანდ სად არის სამაგისო მინდვრები?!
წელს მწყერზე კარგად ვინადირე! სეზონი ბოდბე-მაღაროში გავხსენით მეგობრებმა, კარგი იყო. შემდეგ შაბათ-კვირას ან ისევ ბოდბე-მაღაროში გავიდოდით ხოლმე, ან სიღნაღში, ან აქვე სართიჭალაში. სექტემბრის დასაწყისში კი 2 კვირიანი შვებულება ავიღე 20 სექტემბრამდე და მშობლიურ ზესტაფონში ჩავედი. შორს წასვლის საჭიროებაც არ იყო, იქვე ჩემს სოფელში, ან მეზობელ სოფლებში დავდიოდით მეგობრები, ერთი სიტყვით ზესტაფონს არ გავცილებულვართ. არც ერთი დღე არ გამიცდენია, დილა-საღამოს ვნადირობდით და შედეგიანადაც. ყველაზე მეტად რაც მიხარია, ჩემი ლავერაკის პირველი სეზონია წელს და საკმაოდ კარგ ფორმაშიც ჩავაყენე.
რაც შეეხება ქათამს, ჯერ-ჯერობით 2 ცალი მოვინადირე პერელიოტზე
იმედია, ღვთის წყალობით გაგრძელება იქნება...
lord
სეზონი მეს ბოდბე-მაღაროში გავხსენი მეგობრებთან ერთად კაი ხის ძირში კარგი ბანაკიც გვქონდა
ქათამი ცოტა ადრეა მაგრამ ამ დღეებში წავალ ან ჩალაუბნის ტყეში ან ალაზნის ჭალაში. როგორც კახელს იქეთ უფრო მეხერხება სიარული და გულიც მიმიწევს
შოთა.03
ეგენის საერთოდ ბევრი სხვა პრობლემეც ემატება. მაგალიტად მოსავლის აღების მერე, ეგრევე მინდვრების გადახვნა ან გადაწვა
ამ წელს, იხვზე ნადირობის სეზონი აღმოსავლეთში ჩავარდა რასაც ქვია
ამ წელს ჩემთვის ნორმალური სეზონი იყო თითქმის ყველა კუთხეში ვიყავი, როგორც მწყერზე , ქათამზე და იხვზე დასავლეთში, შეძლების და გვარად ვინადირე, კარგი მოგონეებიც დამრჩა. ბევრი ახალი მონადირე მოვწამლე ნადირობაში და იმედი მაქვს უფრო მეტს მოვწამლავ ნადირობით
ეს იხვის სეზონი ჩემთვის პირადად შედეგიანი იყოო.კარგად ვისიამოვნე დასავლეთში კონკრეტულად ყულევში..ყოველი წასვლა შედეგიანი იყო
ჩემთვის ნორმალური სეზონი იყო.. თითქმის ყველაფერზე ზომიერად და შედეგიანად ვინადირე..
ბევრი კაი ადამიანი და მონადირე გავიცანი.. ვიპოვე ახალი სანადირო ადგილები უკეთესად შევისწავლე
სანადირო ობიექტების ზნე - ჩვეულებანი და საბინადრო ადგილები, დავხვეწე ტაქტიკა (მათზე სანადიროდ )
ერთდერთი რაც არ იყო კარგი კარგი ძაღლის არყოლა იყო.. მეორე სეზოზე ეს პრობლეემა აღრ მექნება.
და მაინც როგორც ყველა სეზონის მერე მრჩება ნადირობის ნეხვატკა და ფიქრი იმაზე რომ უკეთესად შეიძლებოდა ნადირობა .. მოსაწყენი ლოდინი 20 აგვისტოსი..
მშვენიერი სეზონი იყო არაფრით არ ვემდური, მითუმეტეს რომ სეზონი გრძელდება ისევ აბა აგვისტომდე ბუნების გარეშე რა გამაძლებინებს, დავდივარ უთოფოთ ვტკბები ძაღლის მუშაობით და ჩემთვის მთავარი ეს არის.
შუკას ვეთანხმები, სეზონი ნორმალური იყო. ინტენსიური სიარულით ცოტცოტას ყოველთვის ნახავდი, ხანაც უფრო მეტს. ყველაზე ცუდი კი ის იყო რომ ბეტი აღარა მყავს. მეც იმედი მაქვს ახალ სეზონს ახალი სეტერით შევხვდები, თვითონ სეზონი შარშანდელზე აშკარად უკეთესი იყო
მშვენიერი სეზონი იყო, არაფერზე გული არ მწყდება, ბევრიც ვისროლე და ბევრიც ავიღე, განსაკუთრებით ქათამმა გვასიამოვნა მე და პერი
ფანი რომ არ დაღუპულიყო,მშვენიერი სეზონი მქონდა!
ახალი თოფი,ახალი ძაღლი,-ორივემ გაამართლა!
ბევრ ახალ ,და რაც მთავარია მაგარ ბიჭებს და მონადირეებს რომ გაიცნობ და დაუმეგობრდები-ყველაზე მაგარია.
უკვე მეორე წელია კახეთში იხვზე ნადირობის სეძონი ფაქტიურად არ ყოფილა, იმიტომ რომ კახეთში იხვი ძირითადათ მარტში გადმოდის, თებერვლის ბოლოს კი სეზონი იხურება, კახელებს ძალად ბრაკონიერებს გვხდიან, ამ სეზონზე თოფი არ მისვრია იხვისათვის, ეს საქმეაა?
სეზონმა გაამართლა უკმაყოფილო ნამდვილად არ ვარ,
მომავალ სეზონს ველოდები უფრო დიდი იმედით, ბოლო-
ბოლო სამი თოფი შევიძინე, ჯესი უფრო დაბრძენდა და
ტყემალაძეებმა გადაწყვიტეს სეზონი გახსნან
უზრუნველყოფა Invision Power Board (http://www.invisionboard.com)
© Invision Power Services (http://www.invisionpower.com)