თემის საბეჭდი ვერსია

პოსტის ავტორი: Caldera Jul 13 2011, 11:33

ტბების კალაპოტის ფსკერს ღელვისაგან სანაპირო ზოლში ნაშალი მასალა, ცოცხალი ორგანიზმების ნარჩენები და მდინარეთა მიერ ჩატანილი მასალა ყოველწლიურად ამაღლებს. ამის შედეგად საუკუნეებისა და ათასეული წლების მანძილზე ადგილი აქვს ტბების შემცირებას როგორც სიღრმით, ისე წყლის ზედაპირის ფართობის მიხედვით. უკანასკნელს თანდათან ამცირებს ნაპირებთან ნაშალი მასალის დალექვა და სანაპიროდან წყალმცენარეულობის განვითარება.
ამ მხრივ ტბათა არსებობაში შეიძლება გამოვყოთ შემდეგი ფაზები:

1) ახალგაზრდობის ფაზა - როდესაც ახლად გაჩენილი ტბა ინარჩუნებს თავის ქვაბულს ხელუხლებლად და თუ ადგილი აქვს ნაშალი მასალის დალექვას, იგი ტბის კალაპოტზე ჯერ კიდევ ვერ ახდენს შესამჩნევ გავლენას.

2) სიმწიფის ფაზა - როდესაც ტბის ირგვლივ ჩნდება სანაპირო მეჩეჩები, ხოლო მდინარეთა შესართავებთან - ნალექტი დელტები.

3) სიბერის ფაზა - როდესაც ტბაში ყველგან არის მონატანი მასალა და ფსკერი წარმოადგენს მოსწორებულ ერთფეროვან არეს, რომლის ირგვლივ დელტების ფერდობები და სანაპირო მეჩეჩების ქვაყრილების განლაგებული.
თავის განვითარების შემდგომ ფაზებში ტბა პირველად შემცირდება სანაპირო ზოლში განვითარებული მცენარეულობით. შემდგომ სტადიაში სანაპირო ფლორა ვრცელდება ყველგან და ტბა ტბორად იქცევა. ბოლოს, წყალქვეშა ფლორა შეიძლება თანდათანობით წყალზედა ჭაობის მცენარეულობამ შეცვალოს. ამ შემთხვევაში გვაქვს ტბის განვითარების უკანასკნელი ფაზა - ჭაობი.

ცნობისთვის დღესდღეობით საქართველოში არსებული ტბების ნაწილი სიბერის ფაზაშია, მაგ ყველასათვის კარგათ ცნობილი კუმისის ტბა, რომელიც საზრდოობს ხელოვნურად გაჭრილი მტკვრის არხით, ეს უკანასკნელი რომ არა იგი თანდათანობით დაშრებოდა და გაქრებოდა ისე როგორც იმ მიდამოებში არსებული სხვა პატარა ტბები გაქრა. კუმისის ტბაბზე სიბერის ფაზა ადვილი შესამჩნევია წყლის სუნზე და შეფერილობაზე დაკვირვებით, რაც პირდაპირ აისახება იხტიოფაუნის ხარისხის მაჩვენებელზე.

პოსტის ავტორი: გიორგი Jul 13 2011, 18:21

ძალიან საინტერესო ინფოა. დიდი მადლობა.

და ხელოვნურ წყალსაცავებზეც ვრცელდება ეგ ამბავი ?? ჟინვალი, სიონი და ა.შ. ? თუ მარტო ბუნებრივზე ??
თუ სისულელე ვიკითხე ეხლა ?

პოსტის ავტორი: nikoloza_migina Jul 13 2011, 18:53

კარგი სტატიაა

პოსტის ავტორი: Davitus Jul 13 2011, 19:11

Caldera

საინტერესოა, თუ კომპეტენტური ხარ მაგ საკითხებში, იქნებ უფრო განგევრცო

პოსტის ავტორი: Caldera Jul 13 2011, 19:51

პირიქით, კარგი კითხვაა


რათქმაუნდა ხელოვნურზეც ვრცელდება, როგორც ასეთი მდინარეს დიდი რაოდენობით ნატანი მასალა შეაქვს წყალსაცავში და აგროვებს, დროთა განმავლობაში კი წყალსაცავი პრაქტიკულად გამოუყენებელი ხდება (ექსპლუატაციის ვადა გასდის).

მაგრამ სულ სხვა საქმეა მაშინ როცა ტბა სიბერის სტადიაშია და ამ დროს ხელოვნურად ვასაზრდოვებთ, ასე ვთქვათ სიცოცხლეს ვუხანგრძლივებთ მაგრამ წყლის ევტროფიკაციის პროცესს წინ ვერ აღვუდგებით. მართალია გამოყენების თვალსაზრისით ტბის ხელოვნური არხით კვება გამართლებულია მაგრამ წყალი იმ დონეზეა ევტროფიცირებული რომ იხტიოფაუნა საჭმელად ვარგისი არაა და მაინცდამაინც ირიგაციის თვალსაზრისითაც არაა მისი გამოყენება გამართლებული მაგრამ ამ უკანასკნელზე მოდის მაინც დიდი დატვირთვა.

nikoloza_migina

სმაილებს ჯობდა რამე საინტერესო დაგეწერა




კითხვა დასვი და შეძლებისდაგვარად გიპასუხებ

პოსტის ავტორი: Deutschland Jul 13 2011, 22:23

მაშინ მე როგორ ცვატყობ თბილისის ზღვა ჯერ ახლგაზრდაა და გლდანის ტბა უკვე სიბერეშია და მალე დაშრება ხო?

(ბოლომდე ვერ ჩავწვდი მაპატიეთ)

პოსტის ავტორი: გიორგი Jul 13 2011, 22:51

აბა მაშინ ფაქტიურად ჩვენს ონკანებში შხამი მოდის ეხლა :(

პოსტის ავტორი: Caldera Jul 14 2011, 08:49

როცა ხელოვნურად გაჭრილი არხით ვასაზრდოვებთ ტბას ამით მას სიცოცხლეს ვუხანგრძლივებთ მაგრამ რაღაც გარკვეული ვადით



წყალი ხომ სპეციალურ დამუშავებას გადის და მხოლოდ ამის მერე მიეწოდება მოსახლეობას (მაგიტომაც არ აქვს მერე გემო)

პოსტის ავტორი: Deutschland Jul 14 2011, 10:34

და საშუალოდ ეს პროცესი რამდენხანს გრძელდება ბუნებრივ ტბებზე სადაც არაა ხელოვნურად გაჭრილი არხი.

ანუ დაბადებიდან დაშრობამდე..

პოსტის ავტორი: Caldera Jul 14 2011, 10:38

გარემო პირობებზეა დამოკიდებული ასევე წყალმცენარეებზე რომლებიც ტბაში თუ მის მიდებარე ტერიტორიაზე არიან წარმოდგენილნი და რაღათქმაუნდა საზრდოობა (ვგულისხმობ ბუნებრივს - ატმოსფერული ნალექები, გრუნტის წყლები, მყინვარული თოვლის ნადნობი წყლები და ა.შ.) ერთ-ერთი მნიშვნელოვანი ასპექტია ტბების არსებობაში.

პოსტის ავტორი: Deutschland Jul 14 2011, 10:40

ხო ნუ აი სტანდარტულად ხო იქნებოდა დაკვირვება ან მეცნიერების მიერ გამოკვლეული ... ისე საშუალო ხო იქნება შემუშავებული და ეგ მაინტერესებდა

პოსტის ავტორი: Caldera Jul 14 2011, 10:47

სიმართლე გითხრა ტბის არსებობის ზუსტი ასაკი არსად შემხვედრია. ყველა ტბა ერთმანეთისგან განსხვავებულია როგორც გენეტური ტიპით ასევე საზრდოობით, წყლის ქიმიური შედგენილობით, გამდინარეა თუ გაუმდინარი, წყალმცენარეულობით, ფსკერის რელიეფით, სიღრმით, სარკის ფართობით, წყლის მარილიანობის მაჩვენებლით (აღნიშნავენ ‰-ით), შეფერილობით, წყალში სინათლისა თუ ბგერის გავრცელებით

პოსტის ავტორი: ალთაზარ Jul 14 2011, 10:53

ამის შესახებ შემიძლია რამოდენიმე სიტყვა ჩემით დავამატო , დედაქალაქს მიეწოდება წყალი 2 ხაზით 1) თბილისის ზღვა
2) ბულაჩაური


თბილის ზღვა იმდენად დაბინძურებულია რომ მისი გასუფთავება 100 % ვერ ხერხდება , მისი ფილტრაცია ხდება ქვიშისა და ნახშირის ფილტრებში , მაპრიალებელსა და ოსმოსის პრინციპით , რომლებიც აცლიან მარილებსა და სხვა აქტიურ ნივთიერებებს რაც პრინციპში საზიანოა ადამიანის ჯანმრთელობისათვის თუმცა ღა გასათვალისწინებელია ის ფაქტორიც რომ ზღვისა თუ ტბაში ანდა მდინარეში არის ის ნივთიერებები რომლებიც 50% არის ჯანმრთელი ნივთიერება და აჯანსაღებს დარღვეულ ნივთიერებათა ცვლას ადამიანის ორგანიზმში , დავუბრუნდეთ ფილტრაციას ამ ორი ფილტრი ს შემდგომ ხდება გაპრიალება ანუ იგივე გაკრისტალიზირება წყლის რათა საბოლოოდ ჩაკლას ყველა ნივთიერება მაგრამ რაც ყველაზე სამწუხარო ისაა რომ თუ დააკვირდებით ონკანიდან წამოსულ წყალს აქვს თეთრი შეფერილობა ეს არის ქლორი და მეტ ნაკლებად სიჭარბე მარილების რომელთა დაშლაც 95% შესაძლებელია ... გემო შესაძლებელია არ ქონდეს მაგრამ "პიშევოი ქლორის " კონცენტრირებული ნაერთები ჩვენთვის უცნობია და დანამდვილებით არ ვიცით თუ რა დოზითა და რა შერევით ემატება გაფილტრული წყლის სრულ რაოდენობას ..


Caldera

ჩემის აზრით მართლაც ძალიან კარგი თემაა , ბევრმა ადამიანმა არც იცის ეს , კარგი აზრია ამ ინფორმაციის მიწოდება , რითაც შევძლებ ინფორმირებაში მოგეხმარები ეკოლოგიის საკითხებში მეტ-ნაკლებად ჩახედული ვარ სპეციალობიდან გამომდინარე

პოსტის ავტორი: Deutschland Jul 14 2011, 11:07

არადა მე ვიცი რომ მიუხედავათ ბინძური ადამიანებისა თბილისის ზღვა ძალიან სუფთაა მთლიანობაში.. და ბევრი ქლორიც არ ესაჭიროება ვინაიდან წყალი ონკანში სუფთა და გამჭირვალე მოდის და თბილისის სხვა უბნებში სადაც არაა მისი წყალი მთლიანად თეთრი ქლორით გატენილი წყალია

პოსტის ავტორი: Caldera Jul 14 2011, 11:12

გაიხარე



ზღვას ახასიათებს თვითგაწმენდის (თვითაღდგენის) უნარი მაგრამ თუ ადამიანმა თავისი საქმიანობა არასწორად წარმართა შეიძლება ზღვამ ეს უნარი დაკარგოს რაც დამღუპველად აისახება წყლის ხარისხის მაჩვენებელზე, იხტიოფაუნაზე და წყალმცენარეულობაზე.

პოსტის ავტორი: Deutschland Jul 14 2011, 11:21

ხო მართალი ხარ და სისუფთავის და სიონიდან მომავალი წყის წყალობით თევზაც შესაბამისი გემო აქვს... და თუ დააკვირდებით თევზის ფასიც უფრო მაღალია ვიდრე სხვა წყალსაცავის თევზისა

პოსტის ავტორი: Caldera Jul 14 2011, 11:31

ყინვარული წარმოშობის ტბები რომლებიც ასევე თოვლის ნადნობი წყლებით საზრდოობენ, წყლის ხარისხის მაჩვენებლით ყველაზე სტაბილურ მაჩვენებელზე იმყოფებიან