ფორუმზე დასმულმა უამრავმა კითხვებმა და გახსნილმა თემებმაა გადამაწყვეტინა ამ საინფორმაციო თემის გახსნა.
ბევრი დამწყები და არამარტო დამწყები მონადირის თავსატეხია თუ რა თოფი იყიდოს. ვერტიკალური, ჰორიზონტალური თუ ნახევარავტომატი.
ზუსტად მაგ თემაზე აღმოვაჩინე ფრანგი იარაღისმცოდნის ერიკ ლედუს სტატია ჯურნალ ნადირობაში, თუმცა რიგ საკითხებში ვერ დავეთანხმები და რიგი საკითხები ქართველი მკითხველისთვის არც ისე საჭიროა.
ამიტომ გამოვიყენებ მის რამოდენიმე საკმაოდ არგუმენტირებულ მოსაზრება და დავუმატებ ჩემს პირად და ფორუმზე დაგროვილ გამოცდილებასაც. პომპიან იარაღს შეგნებულად არ განვიხილავ, რადგან მას პირადათ მე სანადირო იარარად არ მივიჩნევ.
თითქოსდა გადავსებულ მაღაზიებში ხშირად ვერ ვპოულობთ ჩვენთვის სასურველ მოდელს და ხან მაიმარკეტზე და ხანაც ნაცნობებში დავეძებთ. ხან ფასი არ გვაწყობს ხან ხარისხი. პირველ რიგში შევეგუოთ იმ აზრს რომ, იაფი და ხარისხიანი მთლად თანხვედრაში არ მოდიან და მოგვიწევს ოქროს შუალედის ძებნა.
ეცადეთ შეიძინოთ ისეთი ფირმის თოფი, რომელზეც რამე გსმენიათ და საზოგადოებაში გარკვეული შეხედულებები უკვე ჩამოყალიბებულია. ნურც მაინცდამაინც ცნობილ ბრენდებს დაუწყებთ ძებნას შეღავათიან ფასში, რადგან ხშირ შემთხვევაში მოძველებული და რესტავრირებული თოფი შეიძლება შეგრჩეთ, ლულის შუსტირებით და ეგრეთ წოდებულ ბოლო რემონტზე. ერც მაიმარკეტის განცხადებებია მაინცდამაინც დასაჯერებელი, რომლებმაც ზაუერი და ზიმსონი მსოფლიოში საუკეთესო თოფებად შერაცხეს და ლამის პერდეს ფასებზე ავიდნენ.
ძირითადათ განვიხილავ საქართველოში გავრცელებულ და ხელმისაწვდომ თოფებს.
ჰორიზონტალურ ლულებიანი თოფი
http://postimage.org/
ჰორიზონტალურ ლულებიანი თოფი კლასიკური თოფის ნიმუშია, რომელიც ყოველთვის იქნება მოწოდების სიმაღლეზე, განსაკუთრებით ტრადიციების მოყვარულთათვის.
ჩვენთან პოპულარული ფირმებიდან ზემოთ აღნიშნული ზაუერი და ზიმსონი წარმოადგენდა ძირითად მასას, თუმცა საბჭოური იჟ 54, იჟ 58, იჟ 26, იჟ 43 იც დიდი პოპულარობით სარგებლობდა. მცირე დანამატების გარდა დღესაც ძირითად არჩევანს სწორედ ეს თოფები წარმოადგენენ.
უნდა აღინიშნოს რომ თუ მობილჩოკებს არ ჩავთვლით რუსული იარაღის განვითარება სულ დაბლა და დაბლა მიდის. მათ შორის ფოლადის ხარისხი და ლულის დაფერვა (ვარანენია)
ამიტომ თუ მაინცდამაინც ამ მარკის თოფის ყიდვას გადაწყვეტთ, უპირატესობა საბჭოთა მოდელზე შეაჩერეთ. ახალი რუსის ყიდვის შემთხვევაში წინასწარ შეეგუათ რომ წმენდა ყოველი ნადირობის ბოლოს აუცილებელია. იგი გაცილებით მოუქნელი, დაუმთავრებელის შთაბეჭდილებას ქმნის, თუმცა ფასიც შესაბამიასია. რაც შეეხება ნახმარ თოფეს, მათ შორის უცხოურსაც, ყურადღება მიაქციეთ ლულის მდგომარეობას და გამორიცხეთ მისი გადაჩარხულობა (შუსტირება)
სხვა ნორმალურ შემთხვევაში ჰორიზონტალური თოფი საკმაოდ პრაქტიკულია. მტკიცე და კონსტრუქციულად უბრალო კალაპოტი განსაკუთრებულ მოვლას არ საჭიროებს და სხვადასხვა ძალის დატვირთვებსაც კარგად უძლებს. ჰორიზონტალურლულებიანი თოფი ნაკლებს იწონის. ლულები ადვილად იხსნება. ეჟექტორებიც კარგად მუშაობს. იგი მანევრულია და მისი მხარზე მოგდებაადვილია. ვინც მეძებრით ნადირობს, დიდად აფასებს ამ თოფისგახსნილად ტარების შესაძლებლობას. მისი ბრტყელი კალაპოტი, ვერტიკალურ ლულებიანი თოფისგან განსხვავებით, მხარს არ ტკენს და ბუჩქებში გაძრომა,თხრილებზე გადახტომა და ღობეებზე გადაძრომა ადვილია.
ჰორიზონტალურ ლულებიანი თოფების ძირითად ნაკლად გაფრენილ და გაქცეულ სამიზნეზე დამიზნების დროს გვერდითი ხილვადობის შეზღუდოლობა უნდა დასახელდეს. ასეთ შემთხვევაში მონადირეს, რომელსაც მკვეთრად გამოხატული წამყვანი თვალი არ აქვს, შეიძლება პრობლემა შეექმნეს. დამიზნების ცენტრალური ხაზის ნაცვლად მარჯვენა წამყვანი თვალის შეთხვევაში სამიზნე ხაზი მარჯვენა ლულაზე გადაინაცვლებს და პირიქით. ასე რომ, ერთმანეთის გვერდით განლაგებულმა ლულებმა სწრაფი სროლის დროს შეიძლება ხელი შეგიშალოთ. რაც შეეხება თვითონ თოფს, ძალიან თხელი ცევიოს გამო მისი ხელში მოხერხებულად დაჭერა ყოველთვის შესაძლებელი არ არის. ეს გარემოება მონადირეს აიძულებს ან ხელთათმანი ჩაიცვას ან თოფს უფრო სქელი ცევიო გაუკეთოს, რაც მის გარეგნობას ამახინჯებს.
ვერტიკალურ ლულებიანი თოფი
http://postimage.org/
ვერტიკალურ ლულებიანი თოფის გამოჩენა სპორტული სროლის გავრცელება უკავშირდება.
ასეთი შეჯიბრის ჩატარების პირობები უფრო დიდ მხედველობის არეს და სწრაფ, ზუსტ დამიზნებას მოითხოვდნენ. შედეგად ვერტიკალურ ლულებიანი თოფი მივიღეთ. მათ მთელი რიგი უპირატესობები ახასიათებთ:
- ვერტიკალური ლულების შემაერთებელი გვერდითი თამასები ბლოკს მეტ სიმტკიცეს აძლევენ და გასროლის მომენტში ლულების ვერტიკალურ ვიბრაციას ამცირებენ.
- ლულის კოლოფის სიმძიმის ცენტრიჰორიზონტალურ ლულებიანთან შედარებით რამდენადმე უკან არის დაწეული, რაც უფრო გრძელი (76 სმ) ლულების გამოყენების საშუალებას იძლევა.
- ვერტიკალურ ლულებიანი თოფის გრძელი და მაღალი ცევიო ხელით უფრო ადვილი და მოსახერხებული დასაჭერია.
- თოფის შედარებით დიდი წონა სროლის უკეთ გაკონტროლების საშუალებას იძლევა და უკუდარტყმის ძალას ამცირებს.
წარმოების რაოდენობის გაზრდამ და ფასების კონკურენციამ მისი ექსტერიერის შედარებითი დაქვეითება გამოიწვია. ეს რა თქმა უნდა ბრენდების უმეტესობას არ შეხებია, მაგრამ იქაც შეიმჩნევა ნაკლები ყურადღება თუნდაც ინგლისურ კორიფეებთან შედარებით, როგორიცაა ჰოლანდი, პერდე, ბოსი და ა.შ.
მაგრამ რეალურად ნადირობის და სროლის მიხედვით, პირადათ ჩემთვისაც ეს ნაკლებად მნიშვნელოვანია, რადგან უფრო დიდ ყურადღებას მის პრაქტიკულობას ვანიჭებ ვიდრე ჩუქურთმას.
თუმცა რუსულ თოფებში ექსტერიერიც და ხარისხიც კატასტროფულად დაეცა. ფოლადის შემცველობა გაუარესდა. დაფარვის გარეშეც მისი ფოლადი ესე მარტივად არ უნდა იჟანგებოდეს. გაიხსენეთ ძველი მც 21-12. ჩემსას პირადათ დაფარვა (ვარანენია) შერჩენილიც აღარ ჰქონდა, მაგრამ თვეობით გდების შემდეგაც კი ჟანგის ნასახი არ ეკარებოდა. დაქვეითდა თვითონ დაფარვის ხარისხიც, აღარაფერს ვამბობ მის კომბალივით კონდახსა და ცევიოზე, რომელიც ხშირ შემთხვევაში თანხვედრაში კი არ არის კორპუსთან, არამედ 1 სანტიმეტრამდე სხვაობასაც იძლევა. მისი დამუშავება ფაქტიურად ახალის გამოთლას ნიშნავს. როგორც ჰორიზონტალურებში ავღნიშნე წინსვლა მხოლოდ მობილჩოკების დამატებაა და იქაც ყიდვისას ყურადღებით უნდა ვიყოთ რომ ლულის ბოლო წესიერად და თანაბრად იყოს მოჭრილი.
აქვე ვიტყვი იმასაც რომ ფორუმის გამოკითხვებიდანაც და მონადირეებში გავრცელებული მოსაზრებიდანაც, ვისაც საბჭოთა იჟ 27 სა და ტოზ 34 ში უნდა არჩევანის გაკეთება, უპირატესობა იჟ 27 ს აქვს.
რაც შეეხება თურქულ თოფებს, მიუხედავად ბევრი სკეპტიკოსისა საკმაოდ კარგად განვითარდა და დღითი დღე გვაკვირვებენ. დღეს ჩვენთან ძირითადათ HUGLU, ATA, ARMSAN, YALDIZ ი შემოდის. აქედან რუსულ თოფებთან ფასით HUGLU 104, იალდიზის რამოდენიმე მოდელი და არმსანია მიახლოებული,950 დან 1150 ლარამდე. თუმცა ხელში აღებისთანავე კარგად ჩანს მათი სხვაობა რუსულებისადმი. დახვეწილი ფორმები, კაკლის ფაქიზად დამუშავებული კონდახი, მობილჩოკები და ყველა ის წვრილმანი დამატებითი გამოგონებები რაც 21 ე საუკუნეში დაემატა იარაღის ინდუსტრიას. არც არჩევა არ ჭირდება როგორც რუსებს, ყველანი სტანდარტულად ერთი ხარისხისაა.
შედარებით მაღალი ფასი აქვს ატა სპ და იალდიზის რამოდენიმე მოდელს. ატას ფასი 1500 დან 1800 ლარამდეა და საკმაოდ დახვეწილი ნაკეთებიცაა ვიდრე ჰუგლუ. 104 მოდელზე რომელიც წინასასეზონოდ შევიძინე აღმოვაჩინე მცირედი ხარვეზები. ქვედა მობილჩოკის მოხსნას ხელოსანთან მიტანა დასჭირდა და გასაღები გადასაგდები გახდა და რაც მოხვედრაზე ყველაზე დიდ გავლენას იწვევდა იყო საკმაოდ მძიმე სასხლეტები, თუმცა ეგეც გაკეთებადია. იალდიზის პრემიუმ მოდელები 2000 დან 3000 ლარამდე ადის. შესანიშნავი ნამუშევარია, სახელი რომ არა ევროპული ბრენდებიდან ვერც გავარჩევდი თუმცა მაინც თურქულის ფაქტორი წონის და 3000 ლარის გადახდამდე შეიძლება კარგად დაგვაფიქროს.
კიდევ უფრო მაღალი ბიუჯეტის შემთხვევაში შეგვიძლია ფაბარმის რამოდენიმე მოდელის განხილვა რომლებსაც თურქულებსა და მაღალი კლასის იტალიელებს შორისი ნიშა უჭირავთ.
თავისუფალი ბიუჯეტის ქონის შემთხვევაში კი ბერეტა და ბრაუნინგი თქვენს განკარგულებაშია. მათ განხილვას არ დავიწყებ, რადგან უმაღლესი კლასის თოფებია და ფოლადის ხარისხზე დაფარვაზე (ვარანენია) და კონდახზე ზედმეტიცაა საუბარი. უკვე მხოლოდ თქვენი ფანტაზია და სურვილია საჭირო
ნახევრად ავტომატური თოფები
http://postimage.org/
დღესდღეობით ყოველი მეორე გაყიდული თოფი ნახევარავტომატია. იგი ხარისხიანი და იაფია და მრავალი ღირსება გააჩნია. ამ თოფებს მნიშვნელოვნად შემცირებული უკუცემა აქვთ.
ნახევარავტომატი იმ გამოცდილ მსროლელებსაც გამოადგებათ, ვინც ისეთ ნადირობას ირჩევს, სადაც სამი და მეტი გასროლაა საჭირო. მაგალითად გარეული მტრედის და იხვის გადაფრენაზე.
მობილჩოკიანი ნახევარავტომატი ძალზე მოსახერხებელია. მე გირჩევდით 71 სმ იანი ლულით შეძენას და საჭიროების შემთხვევაში დამაგრძელებელი მობილჩოკის ხმარებას.
უარყოფითი მხარეები!
- კატეგორიულად არ ვურჩევ დამწყებ მონადირეებს ნახევარ ავტომატის შეძენას!
იმის ხარჯზე რომ 5 ტყვია აქვთ მჭიდში, სროლის ხაისხს აღარ უყურებენ და აქცენტი რაოდენობაზე გადააქვთ, რაც ხშირ შემთხვევაში "მაყრული" გასროლების სერიებს იწვევს.
-ისინი უფრო დიდხანს და რთულად იტენებიან. მონადირე იძულებულია ერთი რომელიმე ნომერი საფანტი გამოიყენოს, რაც ნადირობის დროს უხერხულობას ქმნის, რადგან სასროლ არეში ყოველთვის შეიძლებასხვადასხვა ნადირი ან ფრინველი გამოჩნდეს.
- ეს თოფები კოლექტიური ნადირობის დროს არასასურველია, რადგან ამ დროს უსაფრთხოებას დიდი ყურადღება ექცევა. ასეთ ნადირობაზე გადასახსნელი თოფი ჯობია. ნახევარავტომატის გახსნილი საკეტი ყოველთვის სეიძლება თავისთავად დაიკეტოს და ლულაში ვაზნა შეიტანოს.
ეს არის რისი რჩევაც ამ ეტაპზე შეგვიძლია. ყოველი სიახლის სემთხვევაში ინფორმაციას განვაახლებთ
P.S. იმედია ბრაუნინგ გოლ ფუჟენის ფოტოზე არ გამინაწყენდებით
მშვენიერი სტატიაა ვერაფერს იტყვი!
ნახევრად ავტომატური თოფი რულესსს!!!! ბერეტა რათქმაუნდა! (ჩემთვის)
ჭალიმგელა
შენი ლიტერატურული საქმიანობაც ვიცი ჩემო გიო, გრამატიკულ ცოდნაშიც ეჭვი არ მეპარება, მაგრამ გამოცდილებამ და სანადირო იარაღთან მჭიდრო კავშირმა, ეს ნამდვილად მშვენიერი ნაშრომი შექმნა.
ამ სტატიაში იგრძნობა მთხრობელის , უშუალო კონტაქტი ალბათ თითოეულ მკითხველთან.
ჩემი შეფასებაა ფრიადი ჭალიმგელა.
ამის შემდეგ დაჯდება და "დაწერს" ვიღაცა პლაგიატი, პერდეზე, ფაბრიზე და თომას ბოსზეც კი """"სტატიას"""" ისე რომ მხოლოდ გაუგია ეს სახელები. არც წაუკითხია კლასიკოსები ამ სფეროში, ხელშიც კი არ სჭერია ასეთი თოფები, როგორც ჩანს რუსულ ენაზე ტექსტის კითხვა შეუძლია სამწუხაროდ......ნაკითხს - გადათარგმნის, სურათებს "დაგუგლვით" მოიპოვებს და ვაი სტატიაც მზადაა......
დაახლოებით ერთი თვის წინ მითხარი ჭალო მახსოვს,ამ სტატიას, რომ წერდი.....დამიჯერე ეს დრო ღირდა ამისთვის.
ბოლოს ერთი კითხვა მექნება :
ზედა ქვედა ლულებიანი თოფი ჯობია თუ იჟ დვაცატსემი
თუ ორთავე კარგი თოფებია. ?
მე როცა ვყიდულობდი თოფს აქცენტი ჩოკურ შევიწროვებაზე გავაკეთე და ვიყიდე ე. წ სამტრედე თოფი გაძლიერებული ჩოკებით,სხვებსაც ამას ვურჩევ,თავიდან აცილებების სერიით დავიწყე მწყერზე ნადირობა მაგარამ მერეშევურჩიე გილზებს დატენვის მეთოდი და დიდად გავაუმჯობესე შედეგი,საბოლოოდ მშვენიერი აგრეგატი შემრჩა რომლითაც მწყერზეც მშვენივრად ვინადირე და აწი ხო დავუბაზუნებ ქედნებს და კვატებს
მართლა კარგი ნამუშევარია ......... ......
კაი სტატიაა, სასიამოვნოდ იკითხება, ცუდიი ისაა რომ მალე მთავრდება
ჭალიმგელა
ტაშის ღირსი ხარ შენ მეტრეველო!
საკმაოდ პრაქტიკა დაგვიგროვდა და ვფიქრობ ძალიან კარგია ეს ჩვენი პრაქტიკა სხვებს(ძირითადათ ახალბედებს)გავუზიაროთ.
ამ თემიდან კი დამწყებთათვის გასაგები იქნება რა და როგორ, ყველაფერი გადმოცემულია შინაურულად და გასაგებად!
ერთს დავამატებდი
ბევრი დამწყები და არც ისე დამწყები შემოდის ამ ფორუმზე და კითხულობს ჩვენს რჩევას,რა თქმა უნდა ჩვენი "არუჟეინი ვოლკები" არ იშურებენ რჩევა დარიგებებს და ამა თუ იმ იარაღის მიმოხილვას, მაგრამ ზოგი მაინც ჯიუტად დაციკლულია რომელიმე კონკრეტულ არარეკომენდირებულ თოფზე და"მგლის თავზე სახარებას კითხულობდნენ, მგელმა: გამიშვით ცხვარი მთაში მიდისო".
ხოდა ასეთებს მინდა ვუთხრა რომ კი ბატონო!იყიდეთ ის რაც თქვენ გსურთ მაგრამ ყოველი იმ ხინჯის აღმოჩენისას გაიხსენეთ "ოჩოპინტრელების"რჩევა დარიგებები და თითიც მოკაკვეთ თუ კი დასწერთ ამ ხინჯებს აქ კარგი იქნება რადგან სხვა ურწმუნოებმაც ნახონ თქვენი მაგალითი და აღარ წაიმტვრიონ ცხვირი.
ყველა ადამიანი სწავლობს თავის შეცდომებზე და მეორეთ იმედია აღარ მოგივათ იგივე!
ისე მცირე შენიშვნა მექნებოდა "შუსტირებასთან" დაკავშირებით.ეგ, საკმაოდ მძიმე თემაა და ეგრე ხელაღებით სტიგმატიზაცია ალბათ არ შეიძლება. ძალიან ბევრ ..ძვირფასი თოფის მფლობელს შეიძლება ცუდად შეეხოს. საქმე იმაშია, რომ ეგეთი თოფები, როგორც წესი 100 წელს უკაკუნებენ. ამ დროის მანძილზე, ხმარებისგან ლითონი განიცდის გაფართოვებასაც და ცვეთასაც. ამიტომ ხშირად არის ხოლმე ცდომილება რელურ ზომასა და აღნიშნულ დამღას შორის. მერე ვიღაცა "დიდოსტატი" დაასკვნის, რომ ამაოშუსტულია და ღირებულებას უკარგავს უძვირფასეს თოფს.(რამდენჯერმე მქონდა შეხება ეგეთ კვერცხობასთან)
ლეონ-ბლექი
ლულის კედლის ყველაზე თხელი ნაწილის სისქეს გავიგებთ და ვსო.(თუ კარგად მახსოვს) 0.6- ზე ნაკლები თუ არაა, ამოშსტულიც რომ იყოს პრობლემა არაა თოფისთვის.
ხომ არ მეშლება ბლეკ ?...
ჰო და დამწყები რომ არ დაიბნეს მაგ გამოთვლებით მაგიტომ დავწერე ერიდეთ თქო
ამ ბოლო დროსს იქეთ აქეთა ლულიანები მომწონს! სტარეიუ!
კიდე კაი ზედა ქვედა ლულიანები არ მოგწონს - ახალი ქართული ტერმინია ზედა ქვედა ლულიანი თოფი დასავლეთ საქართველოში მოიგონა ერთმა დიიიდმა იარაღმცოდნემ.
ჭალიმგელა
დამწყებებმა გადახედეთ მაინც
ახლა გადავხედე თემას და გადავწყვიტე ჩემი აზრი გამომეთქვა იარაღის შერჩევაზე.
ყველაფრის შემოწმება იარაღის მაღაზიაში ყიდვის დროს სამწუხაროდ შეუძლებელია, ბევრ ცივილიზებულ ქვეყანაში მაღაზიას გააჩნია ტირი. თუ ტირი არ აქვს მას (მაღაზიას) აქვს ხელშეკრულება ტირთან, სადაც პოტენციალურ მყიდველს აქვს შესაძლებლობა გააკეთოს მოწონებული იარაღიდან სამი გასროლა. რათა შეამოწმოს იარაღის ტაქტიკური შესაძლებლობები. სამწუხაროდ, ჯერ ჯერობით ჩვენ მაღაზიებ ამის საშუალება არ აქვთ. ამიტომ მყიდველს მხოლოდ ვიზუალურად ამორჩევის საშუალება აქვს. და, ალბათ დამერწმუნებით, ზოგჯერ მოლოდინი გაცრუებული გამოდის. მაგრამ, რაც გვაქვს ის გვაქვს. მე მინდა შევთავაზო მყიდველს თოფის ყიდვის დროს ლულის შემოწმების ხელმისაწვდომი მეთოდი. რომელიც მართალია 100 პროცენტით ამორჩევის საშუალებას არ იძლევა. მაგრამ მაინც საკმაო კარგ შედეგს იძლევა.
1. სწრაფად გავუსვათ ლულას გარედან ხელი, რათა ვიგრძნოთ ხომ არ არის გაბერილობები, ან შევიწროებები. გარწმუნაბთ ბევრ შემთხვევაში ეს კარგად იგრძნობა ხელით.
2. გავხედოთ ლულას შიგნიდან. ხშირად ჩვენ ვხედავთ თუ როგორ ლაპლაპებს ლულის შიგა ზედაპირი. ჩემთან ხშირად მოსულან ხოლმე თოფების შესამოწმებლად. და რა თქმა უნდა ლულის პირველ რიგში. თან დასძენდნენ - ნახე როგორ ლაპლაპებსო. მართალია ხშირად სწორი პასუხის გაცემას თავს ვარიდებ ხოლმე. და როგორც ასეთი , როცა მყიდველი და გამყიდველი ერთად მოდის... ამ ბოლო ოპერაციას მაშინვე დავანებე თავი. გავაგრძელებ. ზედაპირის ლაპლაპი არაა გადამწყვეტი. უფრო დიდი მნოშვნელობა აქვს ლულის შიგა ზედაპირის სწორ გეომეტრიას. ამისათვის საჭიროა ლულა მივმართოთ ფანჯრის ზედა ჩარჩოსკენ. ანუ ისე, როცა ლულიდან გამომავალი წრის ძირა ნახევარი უყურებდეს სინათლეს. ხოლი ლულის წრის ზედა ნახევარი ჩარჩოს ჩრდილს. ამ დროს ჩარჩოს ჩრდილი აირეკლება ლულის შიგა ზედაპირზე ქვედა ნაწილში. ჰო, და ყურადღებით გავავლოთ თვალი ამ ჩრდილს. ის უნდა იყოს ლულის მთელ სიგრძეზე (ჩოკის ადგილების გარდა) აბსოლუტურად სწორი. ზოგჟერ უმჯობესია საგილზეში ჩავდოთ უკაპსულო გილზი. რათა თვალი დავაფიქსიროთ ცენტრში. თუმცა, როცა ამ მეთოდს კარგად დავამუღამებთ, გილზი აღარ დაგვჭირდება. თუ ჩრდილი მთელ სიგრძეზე სწორია, ლულა (მოსალოდნელია) კარგი უნდა იყოს. თუ ჩრდილის ზოლი არის დაკლაკნილი, ეს უკვე ცუდია. ასეთი ლულიდან საფანტის კარგ გაბნევას ვერ მივიღებტ. ასევე ნაკლები იქნება საფანტის შეღწევადობაც. მე არ დავიწყებ იმის ახსნას თუ რატომ იქნება ასე. ვფიქრობ ამის მიხვედრა ძნელი არაა. თუმცა თუ საჭირო იქნა აუცილებლად გამოვთქვავ ჩემს აზრს.
მე არაფერს არ ვლაპარაკობ ლულის შიგა ზედაპირის სხვა ნიუანსებზე, მაგალითად რაკოვინებზე, ლულის გაღუნულობაზე და ა. შ. მე მგონი ეს ისედაც გასაგებია.
მოგესალმებით სულიერო ძმებო...
ახალი ვარ აამ ფორუმზე და კეთილი იყოს ჩემი ფეხი
დღეს შევიძინე ეს მოდელი Ata Arms NEO Fonex 3
ჯერ არ მისვრია და არ ვიცი საქმეში როგორია :(
თუ რამის რჩევა გინდათ არ მოგერიდოთ! განსაკუთრებით იმან დამგრუზა რომ სროლის მერე გაწმენდა უნდა :(
კარგი თოფია მშვიდობაში
Gianni
დაქსი
კი, პირველი სანადირო თოფია. ნადირობითAც რამდენჯერმე ვარ უფროსებთან ერთად ნამყოფი ბავშვობაში.
მესმის რომ წმენდა და მოვლა უნდა, მოვუვლი კიდეც, უნრალოდ რომ არ ჭირდებოდეს უკეთესი იქნებოდა ))))
Gianni
ვაახ, მააღწიე აქამდეც შე ოღრაშო შენა წელცომე.
ახლა ერთ ძალზე საინტერესო მეცნიერულ-ფსიქოლოგირურ-ფილოსოფიურ დასკვნას გაგანდობ
უახლესი ტექნოლოგიის ქრომირებულ, ლულებს, 1 წელიც რომ არ გაწმინდო, დედა არ ეხვნება. მოკლედ, თუ გეზარება, როცა გაგისწორდება, დრო გექნებ და ხალისი მაშინ გაწმინდე, არც არაფერი არ მოუვა. საყურადღებოა მხოლოდ, გარე საფარველი, ე.წ. ვარანენიე, როცა მარილიან წყალთან არის შეხებაში, ან ძალიან ნესტიან გარემოშია, ზეთიანი ტილო გადაუსვი, ისე რომ თხელი ზეთის ფენა გადაეკრას და დაივიწყე მაგის პრობლემები
არაერთი თურქული თოფი მაქვს მსგავსი ექსპლუატაციის პირობებში ნანახი და ფუჭდება არა ღლე. ბაიკებია ეგ, ბაიკები.
თოფს რაც შეეხება, ხოშიანია, მშვიდობაში და სულ მიზნით სროლაში.
Gianni
Davitus
ჰაჰაჰ იზოზღლე
დაქსი
მივეჩვევი იმედია
გამარჯობატ ამ იარაგზე რა აზრის ხარტ. ამ ტუ ვინმესგაქვტ მიტხარის მისი კარგი და ცუდი ტვისებები
http://www.mymarket.ge/product_info.php?type_id=1&set_ad_type=0&cPath=18_103&product_id=7510980
გამარჯობა. ნახევრად ავტომატური იარაღის ყიდვის დროს მექანიზმის რომელი ტიპი ჯობია: ინერციული თუ აირით გადამტენი. რა მინუსები და პლუსები აქვთ ვინმეს თუ შეგიძლიათ რომ ამიხსნათ.
ნახევრადავტომატურებში ბენელის სისტემას აქებენ. მბრუნავი თავი ( მ16 საც მბრუნავი თავეი აქვს) აყოვნებს იარაღის გადატენას და ძლიერი დამაბრუნებელი ზამბარა აღარაა საჭირო. ამის გამო იარაღი დაბალმუხტიანებსაც ისვრის და დიდ მუხტიანებზეც ნაადრევად არ ხსნის სავაზნეს, ენერგიის დანაკარგიც მინიმალურია. მე ინერციულს ვამჯობინებ, თუმცა არის ხალხი გაზით გადატენა რომ მოსწონს. ინერციულის უპირატესობაა წმენდის და კონსტრუქციის სიმარტივე.
მოგესალმებით
პირველ რიგში გილოცავთ სეზონის გახსნას
მოკლედ, მინდა შევიძინო სანადირო თოფი, მაგრამ ძალიან მიჭირს არჩევანის გაკეთება. თანხის მხრივ შემიძლია გადავიხადო 1 500 ლარი, რაც ვიცი კარგი თოფისთვის არც ისე ბევრია.
ვფიქრობ შევიძინო ჰორიზონტარული ლულებით და რას მირჩევთ ამ ფასად? ნახევრადავტომატურზეც არ ვიტყვი უარს, უბრალოდ პრიორიტეტი ამ შემთხვევაში ჰორიზონტარული ლულებია.
მადლობა
მოგესალმებით,კითხვა მაქ ესეთი მაღაზია ქარავანში( ვეგლიე სკოტის) თოფს ადევს 3400ლარი ჰორიზონტალი ლულებით,მე ცოტა მეძვირა არადა მომეწონა, მაგ ფასში რას ვიყიდი უფრო კარგს?ანუ 3000-3500ლარის ფარგლებში რა თიფს მირჩევთ მხოლოდ ორიანებზე მაქ საუბარი და თოფი მინდა ან ახალი ან ახილოვით .
gari
კი გაბერილი ფასია ან საერთოდ რატო უნდა იყიდო ,,ვებლეი სკოტი'' მაგ ფასში როცა ბევრი არჩევანი გაქვს. განსაკუთრებით ,,ფაბარმებში'' (fabarm) გუდვილში მიდი და აარჩევ და არც ინანებ მაგარი ფირმაა ძაან.
თუ იცით ფაბარმს სად აწყობენ,მაგასაც თურქეთში?
gari
ნწუ, კარენოი იტალიელია
გამარჯობათ ყველას თოფის ხელოსანი მჭირდება და ნომერი ვერ ვიპოვე იქნებ დამეხმაროთ მობილურის ნომერი რომ დაწეროთ ან სად არის მისამართით წინასწარ მადლობა.
dato6
http://www.ochopintre.ge/forum/index.php?showtopic=136
მოგესალმებით სანადირო თოფზე განვადება რო გავაკეთო ბანკში რა დამჭირდება? რა საბუთს მომთხოვენ
mamuka1
დაბადების მოწმობა, ატესტატი და მეზობლების დახასიათება.
ჯოლა
შენც რომ არ დაგეზარა ყველგან პასუხის გაცემა
mamuka1
შვილოოოოოო.... ერთ ნიკზე ბანი დაგადეს, მეორეზე, მესამეზე. ეხლა აიპი ბანი. ვერ უნდა მიხვდე რომ იდიოტობებს აკეთებ?
ყველას გილოცავთ ახალ წელს.
მოკლედ ისევ გამიმწვავდა ქრონიკული დაავადება. არ ვიცი ზუსტად რა ქვია, მაგრამ ვიცი რომ არ იკურნება. ალბათ განომანია. ერთი სიტყვით მინდა შევიძინო თოფი და მაქვს ორი უპასუხო კითხვა. ერთი- რა ვიყიდო და მეორე მეუღლის რიტორიკული შეკითხვა- რად მინდა ამდენი თოფი.
მოკლედ რა ვიყიდო.
მინდა რამე მსუბუქი და კომპაქტური. ისეთი რომ მანქანაში ადვილად მოვატრიალო, 20 ან 12 კალიბრის. მაგნუმი აუცილებელი არ არის. ტურისტულ ვარიანტშიც რომ გამომადგეს. მოკლე იყოს და გამძლეც . ოღონდ არ მითხრათ მასეთი დიმიტრია გელოვანიო მუდმივად მანქანაში რომ მქონდეს.
ალბათ რამე პომპა, შედარებით მსუბუქია, კომპაქტრია, მანქანაშიც ადვილად მიატრიალ-მოატრილებ, ასე თუ ისე გამძლეცაა თან 12 კალიბრია.... დამაკმაყოფილებელია თუ გამომრჩა რამე? :დ
apxazi
500 ლარად არამგონი რამე განსაკურებულად ხარისხიანი იშოვებოდეს, მითუმეტეს ახალი. მარკეტზე შეიძლება მონახვა, თან მალე სეზონი მთავრდება და შეიძლება გაყიდოს ხალხმა რაღაც-რაღაცები
apxazi
აბა 700 ლარად შტოეგერ 2000 იყიდება მარკეტზე და რაღა პომპა ვიყიდო.
ან თუ ვინმეს ქონია აი ეს:
https://www.mymarket.ge/ka/product/view/10308782/
რა აზრის ხართ?
612 მაქვს და ნორმალური ხარისხის ჩანს. ყოველ შემთხვევაში ჯერ საერთოდ არაფერს ვემდური. აი ეგ პომპაც თუ მსგავსი ხარისხისაა შეიძლებოდა შეძენა.
koba1973
მეც ვფიქრომ რამე ეგეთი "სათრევი" თოფის ყიდვას და ალბათ რამე ეგეთს ავიღებ მეც. ნორმალურია რისთვისაც შენ გინდა. ფასიც და ხარისხიც
apxazi
მართალი ხართ, მაგრამ დამოკლებას რაღა უდგას წინ? 700 მაინც ბევრია მასეთი თოფისთვის.
ისე არმსან 612 კომბო მაქვს. მოკლე ლულა 61 სმ ჩვეულებრივი ლულაა და საკმაოდ კომპაქტური გამოდის. ერთი ეგაა არ მემეტება "სათრევად".
შევიძინე აი ეს:
https://www.mymarket.ge/ka/product/view/10308782/
ხარისხი გარეგნულად კარგი ჩანს. ფოტოებს და სროლის შედეგებს მერე დავდებ.
უსიამოოვნო სიურპრიზი: ფსიხოს აღება მომიწია, მიუხედავად იმისა რომ გამოცდაც ჩაბარებული მქონდა და ერთ "არუჟეიკა" იარაღიც მაქვს გაფორმებული.
https://youtu.be/khVGKFkzcOY
უზრუნველყოფა Invision Power Board (http://www.invisionboard.com)
© Invision Power Services (http://www.invisionpower.com)