თემის საბეჭდი ვერსია

პოსტის ავტორი: ვიტო Jun 16 2009, 23:33

ეს პრობლემა ყოველთვის იყო ხოდა გავაქართულოდ ის სიტყვები რასაც არაქართულად ვამბობთ და ერთხელ და სამუდამოთ იყოს ყველასათვის მისაღები...
ბოლობოლო რუსულებს ხომ უნდა ჩამოვშორდეთ, დაწერეთ რა იცით ან თუ არ გვაქვს რამე მოუგონოთ და ამ პოსტში ჩავამატებ, მერე ბაზასავით გავაკეთოთ.



ლესკა-ძუა
პაპლაოკი-ტივტივა
კრუჩოკი-ნემსაკავი
კალენა-მუხლი
კატუშკა-კოჭა
კორკა-ქერქი
გრუზი-სიმძიმე/ტყვია
კარმუშკა-საკვებური
ნაჟივკა-სატყუარა
დონკა-ფსკერულა
მატილნიცა-"მატილნიცა"-კოღოს ჭუპრის ყუთი
პრაგლატუშკა-საყლაპავი
უდოჩკა- სათევზაოდ კაწყობილი ჯოხი, ანკესი
პავადოკი - სადავე
პრიკორმკა - მისაჩვევი,
პოდკორმკა - დასაკვები,
ნახლისტი/ფლაი ფიშინგი - შოლტი, შოლტაობა,
პოდსეჩკა - ამოკვრა,
"ზაკიდუშკა"- საგდები,უჯოხოდ საგდები სათევზაო.
"ოსნასტკა"- გაწყობა (სათევზაო ჯოხის გაწყობა)
სნასტი - გასაწყობი


ჰე, მიდით ეხლა

პოსტის ავტორი: ქევხო May 7 2010, 17:28

ერთ ერთი მთავარი აკლია - სადოკი

პოსტის ავტორი: T A M P L I E R May 7 2010, 17:32

შოგანბადე

პოსტის ავტორი: შადი შამოდი May 7 2010, 21:16

სადოკს გურიაში საოჩხეს ეძახდნენ - ოჩხიდან თევზის ამოსაყვანს. ოჩხი - ქვით ამოყორილ თევზის საჭერ ორმოს ერქვა.(საბას ლექსიკონშიც არის)
საგდებს ხელსაგდები ჯობია, ჩემი აზრით.
ისე, ანკესი რაღაა? ეს სიტყვა მოგვრჩა ზაპჩასტივით.. ასევე - მკედი.

პოსტის ავტორი: ლევანი May 7 2010, 23:38

ჩოგან ბადე."საჩოკი"-ა. "სადოკი" აი ის არის დაჭერილი თევზი რო უნდა ჩაუძახო. ალბათ რუსულდან პირდაპირ თარგმანში..ჩასმასთან უნდა იყოს კავშირში...
ისე ჩვენ შეგვიძლია..პირდაპირ "სათევზური" ვუწოდოთ....

პოსტის ავტორი: 919 May 8 2010, 00:26

სიტყვა სარი - ჯოხის მაგივრად რატომ არ მოგწონთ.
აზრობრივად და ფიზიკურად გაცილებით ახლოს დგას
"удочка"-სთან...
ეს სიტყვა კი რუსულში წარმოიქმნა ზმნა удить-სგან
და სრულყოფილად გამოითქმის როგორც удилище.
რაც თევზობას ნიშნავს...
გამართულად იქნება - ან სათევზაო ჯოხი ან უბრაოდ სათევზაო.
ეჰ... ლინგვისტი ან ფილოლოგი არა გვყავს???
მე რაც ვიცი ეგაა. ვინმემ მეტი რომ დამატოს კომპეტენტურად,
მაგრი იქნება!

პოსტის ავტორი: შადი შამოდი May 8 2010, 16:06

ჰო, შემეშალა - საჩოკს ეძახდნენ საოჩხეს, სადოკს კი არა. თუმცა შოგანბადეც მომწონს, ჩოგანბადეზე უფროც, იმიტომ რომ სპეციფიურია და ბუნებრივად დაძველებული სიტყვის ელფერი აქვს.
სადოკი, შეიძლება, ბადურად ითარგმნოს. ვისაც გახსოვთ, "სეტკა"- ხელჩანთები, ცარიელ ბოთლებს რო ვარაჩხუნებდით, იმას ერქვა ბადურა.
სამწუხაროდ, მარტო ლინგვისტობა და ფილოლოგობა არ შველის ამ საქმეს. ივანე მაჩაბელი არც ერთი იყო და არც მეორე, თუმცა საბაზისო ცოდნა მაგ დარგებისა უხეშ შეცდომებს ნამდვილად აგვაცილებს.

პოსტის ავტორი: akela1954 May 8 2010, 22:03

შადი შამოდი

+ 100

უხეშად ჟღერს; სარი, ჭიგო სოფლის მეურნეობასთან უფრო ასოცირდება.
ვიტო

ალბათ წასაშლელია, შოლტი, შოლტაობა უფრო ჟღერს.
შადი შამოდი

"უდოჩკა"=ანკესი, სათევზაოდ გაწყობილი ჯოხი. ანკესაობა (ужение)=თევზაობას.
მკედი - ალბად უფრო მოუხდება წნულს, წნული მკედი, რაც ძუისგან განსხვავებულია.

პოსტის ავტორი: ლევანი May 8 2010, 23:29

როგორ ვერა.... ეგ მუშაობ კიდეც...კაი ხანია. უბრალოდ ანკესი...მთელი მოწყობილობაა(უკვე გამართული) ცალკეულ დეტალებზეა საუბარი. ეგრედ წოდებულ "ანტენა"-ს რა უნდა ერქვას ქართულად??...
ლატანი რას ნიშნავს???.. ეგ არ წავა??..


ჩემი აზრით...კარგად მიდის. უხდება ეგ სიტყვა..დანიშნულებას.



შოგანბადე????....


გეთანხმებით. სარი რაღაც ვერ ჟღერს.

პოსტის ავტორი: 919 May 8 2010, 23:36

შადი შამოდი

ისე ჩემო ბატონო ჩოგანს რას უწუნებთ? ჩოგანი ვიცი 3 დანიშნულების: ჩოგანბურთის (რომელიც ძალიანაც ჰგავს ე.წ. საჩოკს),
ჩოგბურთის, და სამზარეულო საგანის გამომხატველი სიტყვაა...

akela1954
რატომ ჟღერს სარი უხეშად? ახლა თევზაობას ნატიფ ხელოვნებას ნუ შემიდარებთ პატივცემულო ეს ზუსტად რომ სოფლის
მეურნეობასთან უფრო ახლომდგომი ტერმინია ვიდრე პოეზიასთან და მუსიკასთან....

ლევანი
ანტენა საერთაშორისო ტერმინია ისე ტელესკოპიც არ არის ქართული ენის დამამცირებელი ტერმინი (შედგენილი სიტყვაა).

პოსტის ავტორი: ლევანი May 8 2010, 23:55

კი..მაგრამ...თუ არის საშუალება..ქართული ერქვას რაღა...("რაღა" ყარაჩოღლური ინტონაციით) საერთაშორისო სად გაგვექცევა???....
თან თუ ეგ ტერმინები..მართლა ნატიფ ხელოვნებასთან უფრო ახლოს იქნება და არა სოფლის მეურნეობასთან..უფრო გამეხარდება. არ ჯობია ლამაზი და ყურისთვის უფრო სასიამოვნო ერქვას??...


მერე მე მაგას ვამბობ???...

პოსტის ავტორი: 919 May 9 2010, 00:43

ლევანი

მაინც არ მესმის რა არის სარში ამისთანა უხეში???
სირი ხომ არ არის... და ხელოვნებაზე ხუმრობ თუ
მართლა ამ აზრზე ხარ?! თევზჭერა სოფლის მეურნეობაა
აბა რა არის?????? თოხს თოხი უნდა ერქვას და არა კალამი
ან ხემი!

პოსტის ავტორი: akela1954 May 9 2010, 00:49

919

სწორედაც, რომ შესადარებელია, მაგრამ არც სოფლის მეურნეობის პოეზიას და მუსიკას არ გამორიცხავს

პოსტის ავტორი: ლევანი May 9 2010, 01:52

სხვათაშორის გავს... გარდა მაგისა.... ლობიოს ბარდს მაგონებს.
რათქმაუნდა ვხუმრობ....თორემ.....ხელოვნებას..მ
ეც დიდი მოწიწებით ვებყრობი...მეც ვაფასებ..მოდილიანს....ვივალდის..
... შექსპირს და კიდევ უამრავს....
ეხლა..შენ თუ სარეწაო თევჭერას გულისხმობ...არ ვიცი და...მე...ახლებლებთან ერთად...ანკესს..რო ავიღებ..ბუნებაში გავდივარ. ნაპირთან ჩავჯდები...ლუდის წრუპვით რო მივჩერებივარ ტივტივას. საღამოს კიდე კარვის წინ...ცეცხლს დავანთებ...მწვადს შევწვავ და ღვინოს ამოვიღებ წყლიდან....მეეჭვება სოფლის მეურნეობას მივეკუთვნებოდე მაგ დროს...

პოსტის ავტორი: შადი შამოდი May 9 2010, 11:27

ჩოგანს არაფერს ვუწუნებ, უბრალოდ ხელოვნურად "ვაძველებ".. ვწერთ ჩოგანს და გამოვთქვამთ შოგანს, პირველი ბგერა რაღაც შუალედურია ჩ-ს და შ-ს შორის, როგორც ქ და გ ნაცვალსახელში თქვენ [თგვენ]. ენაში ასე ბევრი სიტყვა-ტერმინი იქმნება ბუნებრივად დროთა განმავლობაში, განსაკუთრებით, როცა საერთო და ზოგადი სახელწოდება რაღაც უფრო კონკრეტულს, მომგვანოს,მაგრამ განსხვავებული დანიშნულების საგანს ერქმევა. მაგ.: ლამპა და ლამფა.
მაგრამ ჩვენ რაც არ უნდა არგუმენტები დავახვავოთ, მთავარია, ენა როგორ მოირგებს ახალ ტერმინს. ეს ამბავი კი კამათლის გაგორებასავითაა - ან დაჯდება, ან არა.

პოსტის ავტორი: შადი შამოდი May 10 2010, 12:18

დიდი მადლობა! სიამოვნებით გავეცნობი..
"ტექნიკური ტერმინოლოგიის ლექსიკონი" მგონი, გამოცემულია კიდეც.
გასული საუკუნის დასაწყისში უამრავი ტერმინი შეიქმნა, მაგრამ ძნელად თუ ვინმე ახსნის, რატომ დამკვიდრდა ზოგი ძალიან ადვილად (მაგ. ლიანდაგი, მაცივარი), ზოგი კი, მიუხედავად საყოველთაო მცდელობებისა - არა. (მაგ. რონოდა -
ანუ ვაგონი, რომელიც წლების განმავლობაში პრესაში და ყველგან, ლექსებშიც კი, მასიურად იხმარებოდა).
ამ თემას არ ეხება - აგერ ახლა საბასთან ერთ ძველ ქართულ "სათევზაო" სიტყვას წავაწყდი. ლიბი - წყალში ბადის დასაბმელი. აღსადგენია და გამოსაყენებელია. მაგ.: ლევანმა ბადურა ("სადოკი") ლიბზე გამოაბა და იქვე, ნაპირთან წყალში ჩააგდო.
შეიძლება ანკესის ჩამოსადებ პალოსაც დაერქვას.

პოსტის ავტორი: Fuego Jun 1 2010, 19:35

პავადოკი - სადავე

მე მგონი ქვედაძუა უფრო უპრიანი იქნებოდა. "სადავე" ძველი ქართული სიტყვაა, თავისი შესატყვისი აქვს ცხენოსნობაში და არ მგონია, რომ სათევზაო ინვენტორის ამ ნაწილს შეესაბამებოდეს.

პოსტის ავტორი: patara_ribaki Jun 13 2010, 15:39

რა განსხვავებაა ამათ შორის?

პოსტის ავტორი: ლევანი Jun 13 2010, 16:38

მისაჩვევი(პიკორმკა)....ის არის..როდესაც რამდენიმე დღის განმავლობაში ამზადებ ადგილს. ყოველდღე ყრი საკვებს და თევზიც მად იყრის თავს.
პადკორმკა კი თვითონ თევზაობის პროცეში რო მოფანტავ საკვებს. (იქნებ ახლომახლო მყოფი თევზი შემოეხეტოს)

პოსტის ავტორი: demi Jun 16 2010, 17:47

პატივცემულებო, რამდენიმე დღით ადრე რომ უყრი საჭმელს მოსაჩვევად, რუსულად პრივადაა, ხოლო პრიკორმკა კი უშუალოდ თევზაობის დროს ჩასაყრელი საჭმელია

პოსტის ავტორი: Babyfly Sep 22 2010, 00:10

დიდი მადლობა ! მადლობელი დაქრჩებით თუ მოუძებნით გაშოლტვით თევზაობის ინგლისურ ტერმინოლოგიას ქართულ შესატყვის ტერმინებს!

დიდი მადლობა ! მადლობელი დაქრჩებით თუ მოუძებნით გაშოლტვით თევზაობის ინგლისურ ტერმინოლოგიას ქართულ შესატყვის ტერმინებს!

პოსტის ავტორი: ვიტო Sep 22 2010, 10:05

Babyfly
დაწერე რა ტერმინები გაინტერესებს და ვინმეს ეცოდინება, ან კიდე ჩვენ დავამკვიდრებთ რამეს და ეგ იქნება

პოსტის ავტორი: davit.p May 6 2011, 17:22

გამარჯობა ყველას. "კლიოვი" მგონი ცნობილი ტერმინია. გადმომიქართულეთ თუ შეიძლება.

პოსტის ავტორი: gloster May 9 2011, 19:12

ჩარტყმა ია ტაკ დუმაიუ

პოსტის ავტორი: davit.p May 13 2011, 11:04

ალბათ, მაგრამ ეხლა ასე ვთქვათ, აი ურეკავ დზმაკაცს, ის ზის ტბასთან ანკესით და ეკითხები: "ნუ კაკ, რიბა კლუიოტ" ამ დროს ქართულად ასე ვეკითხები ხოლმე, ჰა მოყვება რამეე, თუ აბანავებ ჭიაყელას?
ალბატ ჩარტყმაა, ზოგ შემთხვევაში კი კარგად იღებს, ან მაგრად მოყვება-ც
მაგრამ "კლუიოტ" მაინც სულ სხვანაირად ჟღერს

პოსტის ავტორი: ჭალიმგელა May 13 2011, 11:39

''კლიოვი'' არის კენკვა მაგრამ ნაკლებად ხმარობენ მეთევზეები ეგეთ კითხვას, ან რა უნდა კითხო, კენკავს? პირდაპირი თარგმანი ყოველთვის მომგებიანი და სწორი არ არის, ან რატომ ვთარგმნოთ მაინცდამაინც რუსულიდა. მე პირადათ ყოველთვის ვკითხულობ, ურტყავს?

ან ვკითხულობ: არის ჭერა?

პოსტის ავტორი: ლევანი May 13 2011, 12:40

მეც მაგ ტერმინს ვხმარობ ბავშვობიდან...(ეგრე მასწავლეს თვიდანვე დაა..) სიტყვა "კლიოვი" ჩემ ცხოვრებაში არ მიხმარია...რა ფეხებად მინდოდა...ქართულადაც ხომ გვქონდა მაგისი შესატყვისი??...

პოსტის ავტორი: davit.p Jun 23 2011, 22:23

მაგრად ჟგერს (კლუიოტ) ჩვენ ვხალისობტ ხოლმე ეგეთ ტერმინებზე, თორე მეც ეგრე ვკითხულოობ "ურტყაავს" ?

პოსტის ავტორი: gloster Apr 24 2012, 21:11

სულ რახუნ რახუნში გაგეტარებინოთ თევზაობა რაღაც ფორმა მივცეთ ამ ყველაფერს და სიასავით გავაკეთოთ თარგმნებით

პოსტის ავტორი: Fishman Apr 15 2016, 09:12

ხალხებო, სახლართი ბადე და საჩხრეკი ბადე ხომ განსხვავდება ერთმანეთისგან?

პოსტის ავტორი: ჩელე Apr 15 2016, 09:53

Fishman

სახლართი ბადე იხმარება ტბებზე. შეაქვთ ნავით და კიდებენ (დამპლები) საჩხრეკი ბადე კი იხმარება მდინარეში ე.წ. მოსმა. საჭიროა 2 ადამიანი. დინებას მიყვებიან გაშლილი ბადით და ნაპირისკენ რომ გამოდიან მერე იღებენ. ზომა: მეტრი და ზემოთ. ათ მეტრიანი ბადეც მინახავს, მაგრამ რთული მოსასმელია. ქვემოთ ტყვიები სიმძიმისთვის და გვერდებში 2 მყარი ჯოხი. ეგ არის საჩხრეკი ბადე.....

პოსტის ავტორი: Fishman Apr 15 2016, 12:58

ჩელე

მეც მასე ვიცი და აგენი კიდე ამბობენ სახლართი ბადეო...

https://www.facebook.com/878983925449360/photos/pcb.1489070131107400/1489065274441219/?type=3&theater

პოსტის ავტორი: ჩელე Apr 15 2016, 13:59

Fishman

რა ვიცი? ეტყობა ამასაც სახლართს ეძახიან. მე რაც ვიცი ეგ არის და ''დალშე'' ვერ გეტყვი....

პოსტის ავტორი: ნუკრიMax Apr 15 2016, 14:31

თემის სათაურს მაინც შეხედე

პოსტის ავტორი: ჩელე Apr 15 2016, 15:02

ნუკრიMax

მერე შე ოხერო, ეგ ბრჭყალები რას ნიშნავს არ იცი??....

პოსტის ავტორი: ნუკრიMax Apr 15 2016, 17:32

ბრჭყალები არა, სიტყვა ვიცი რასაც ნიშნავს...
რატო გვიბიძგებ რუსეთისკენ?

პოსტის ავტორი: fisher leo Apr 16 2016, 19:54

მე სულ

მე სულ ქართული ტერმინებით ვბაზრობ ხოლმე, მაგრამ ზოგი ვერ იგებს და მერე ვუხსნი. ისევე როგორც ვუსხნი თუ რატომ ვუთმობ ყოველი თევზაობის (გასვლის) 10წუთს ნაპირის დასუფთავებას.

კლიოვი--- კენკვა

პოსტის ავტორი: kajuberi Apr 18 2016, 09:08

და ბაზარი ქართულია?

პოსტის ავტორი: ბლექ-ხასან Apr 18 2016, 14:58

ეგ არის საჩხრეკი ბადე. მდინარის თხელ ნაწილში დგას ერთი კაცი და მეორე მაგ ბადის წინ ქვებს ატრიალებს. მთელი საჩხერე მაგ ბადით თევზაობდა ყვირილაზე..ჩემ ბავშვობაში.

პოსტის ავტორი: fisher leo Apr 21 2016, 10:30

ჰაჰა ჩაგეთვალა ვიცოდი რომ ვიღაც შემისწორებდა ამ შეცდომას. (ვლაპარაკობ)

პოსტის ავტორი: shotaa Apr 21 2016, 22:06

საჩხრეკ ბადეს კიდევ კუნჭულასაც ეძახიან