მოგესალმებით ყველას. ძვირფას ადმინისტრაციას, გამგეობისა და კლუბის და, რა თქმა უნდა, ფორუმის წევრებს.
მინდა "ოჩოპინტრეს" მიმართ უსაზღვრო პატივისცემა დავადასტურო და ერთ პატარა საკითხზე გავამახვილო ყურადღება, რაზედაც თქვენი მოსაზრებები ჩემთვის საინტერესოა და, ვფიქრობ, საერთო საქმისთვის ანგარიშგასაწევი აზრებიც არ დააყოვნებს.
არც ერთ ჩვენთაგანს ნადირობის სურვილის დაკმაყოფილების პრობლემა, რომ არ გვაქვს, ყველასთვის ცნობილია. სხვა თემაში დავწერე და აქ მინდა განვმეორდე - ჩვენი ერთობლივი გასვლა "ოჩოპინტრეს" ეგიდით მოხდა და ამას ძალიან დიდი მნიშვნელობა აქვს. ყველას მოგიწოდებთ ამას ყურადღება მივაქციოთ და საკუთარი სიამოვნების ნახვისას, გვახსოვდეს, რომ ჩვენ ვართ ერთიანი პრინციპების მატარებლები და ამ ფორუმის წევრები, რაც გარკვეულ ვალდებულებებს გვაკისრებს დამატებით...
გარდა ამისა, მინდა გითხრათ, რომ როტაცია უნდა ვაკეთოთ მუდმივი, რათა ყბადაღებული , ე.წ. "კუტოკობა" არ გამოგვივიდეს. ყველა ერთად, რა თქმა უნდა, ვერ შევიკრიბებით ბუნებაში, იაღოვას დარბაზშიც კი ძნელია ამის განხორციელება, მაგრამ მე პირადად დიდი (უფრო, ალბათ, აუხდენელი) სურვილი მაქვს ყველას გიცნობდეთ და ასევე ფიქრობს ბევრი ჩვენთაგანი, მჯერა. ეს კი ერთი ხელის მოსმით ვერ განხორციელდება და ბევრი მუშაობა გვმართებს ამ კუთხით.
მე ბედმა გამიღიმა (ტყულის არ ვიტყვი თუ აღვნიშნავ, რომ ცოტა უხეში ქმედებით მივაღწიე ამას) და რამოდენიმე ბრწყინვალე ადამიანი გაგიცანით, მაგრამ თუ შეძლებთ დამიჯერეთ, რომ საკუთარი თავისაც კი მერიდება, რომ მე სხვებს გავასწარი და იაღოვას დუქანში, რომ მოვიდე არავის გაუკვირდება. მე მერიდება მათი, ვისაც ძალიან უნდა კლუბის წევრების გაცნობა და მათ გვერდში, თუნდაც ერთი ჭიქის აწევა და ჯერ ეს ვერ მოუხერხებიათ. ამაში მათ თქვენ უნდა დაეხმაროთ. 2 000 კაცი ერთად ვერ შეიკრიბება, მაგრამ რაღაც შუალედი არის მოსაძებნი.
უკანასკნელი 2 კვირის მანძილზე ძალიან ფორსირებულ რეჟიმში ბევრი გაგიცანით, შეგხვდით და მიხარია ეს ყველაფერი, მაგრამ არის ხალხი, ვისაც ეს ძალიან უნდა და ჯერ ვერ მიიღო ეს სიამოვნება. საკუთარი მიღწევებით ტკბობა, ჩვენ სახელს ვერ მოგვიტანს და გავუზიაროთ ერთმანეთს ყველაფერი, რაც ჩვენს ძალებშია. თუ ეს ჩვენს ძალებს აღემატება, ვაჯობოთ საკუთარ თავს.
ვინადიროთ ჩვენი "ოჩოპინტრეს" ეგიდით, არ დავემალოთ ერთმანეთს, გვიყვარდეს ერთმანეთი და ხელი გავუწოდოთ ერთმანეთს.
მოდი საკუთარ თავს გამოვუტყდეთ, ასე იოლად, რამოდენიმე საათში ხალხის მიმართ ამოდენა სითბო, ბუნების გარდა სადმე გვიგრძვნია? ვიაროთ ერთად და ვიქნებით ძლიერნი. პატივი ვცეთ ერთმანეთს და ამით მხოლოდ გამარჯვებული იქნება იმ იდეის გამხმოვანებელი, რომლის მეშვეობითაც საშუალება მეძლევა ასე თამამდ მოგმართოთ.
პატივისცემით.
კახაბერ
აფერუმ, მშვენიერი თემაა, თემა ოღონდ მხოლოდ ჩატისთვის და ლაპარაკისტვის კი არა არამედ საქმისთვისაც
გეტანხმები რომ აუცილებელია, ერთმანეთის გაცნობა, ერთმანეთისთვის თვალებში ჩახედვა
მაგრამ, მე მაინც ჩემს მოკრძალებულ სურვილს გამოვთქვავ, მე მაინც მირჩევნია ადამიანები პირველ რიგში სუფრასთან გავიცნო
განა იმიტომ რომ ქეიფი და ა.შ. მონატრებულები ვართ ან არ ვართ, მონადირე კაცს პურის ჭამის მიზეზი სულ აქვს
არამედ იმიტომ რომ ღვინოში უფრო გამოჩნდება ადამიანის ხასიათი, მისი გული
იარაღ ასხმულ ხალხთან (უცნობებეთან) ტყეში სიარულს ვერიდები, ესეც უსაფრთხოების გამო,
ნადირობას ყოველთვის მოსდევს შემდეგ ქეიფი, ზოგი კარგად იტანს ღვინოს, ზოგი, პირიქით
აი იმის ნახვა კი თუ როგორ ჭედავს შეიარაღებული, მთვრალი, ადამიანი, როცა ცოტას მეც ვჭედავ, სურვილი არ მაქვს
ამიტომ ჯერ სუფფრაზე გავიცნოთ ერთმანეთი და მერე მინდორიც ერთობლივად დავლაშქროთ
კახაბერ
ნამდვილად საჭირო თემაა , ბევრი სხვანაირად უყურებს იმას თუ რატომ ვერ დავდივართ სანადიროთ იმ ადამიანებთან ერთად რომლებსაც მარტო პოსტებით ვიცნობთ
ზედა პოსტში ნიკომ სრულად ჩამოაყალიბა მთელი რიგი მიზეზები ამ პრობლემისა, რომელსაც ზოგი ფორუმელი ჩვენი მხრიდან იგნორთან აიგივებს ჩვენს საქციელს
Maverick
ამიტომ ჯერ სუფფრაზე გავიცნოთ ერთმანეთი და მერე მინდორიც ერთობლივად დავლაშქროთ
გეთანხმებით ბატონებო და გამეხარდა, რომ გამომეხმაურეთ. ჩემს შემთხვევაშიც სუფრაზე გაცნობით მოხდა ყველაფერი და თამამად შეგვიძლია ეს მოთხოვნადაც კი ჩავთვალოთ. "ჯერ სუფრა და მერე გეგმები". აქვე შემიძლია გითხრათ, რომ ერთმანეთის აზრებსაც ხომ ვენდობით და რეკომენდაციები გავუწიოთ იმათ, ვისი გაცნობის საშუალებაც მოგვეცა. ანუ თუ მავერიკი მეტყვის (პირობითად ვამბობ მავერიკს) ვინმეზე "კაციაო" მე ამაში დარწმუნებული უნდა ვიყო და კითხვები არ უნდა გამიჩნდეს. ურთიერთპტივისცემასა და ნდობაზე უნდა იყოს ჩვენი ურთიერთობები აგებული და ეს ასეც არის უკვე.
და კიდევ ერთი, არავინ ჩამითვალოთ, რომ ვინმეს ვმოძღვრავ, რჩევას ან შენიშვნას ვაძლევ და ა.შ. იმედი მქონდა და მაქვს, რომ ყველაფერს სწორად გამიგებთ. ერთად ყოფნა ჩემი უზომო სურვილია და მხოლოდ ამიტომ წამოვიწყე ეს საუბარი. კლუბის წევრებს რაც შეგეხებათ, მიმაჩნია, რომ თქვენი თითოეული სიტყვა ფორუმის იმ წევრებისთვის, რომლებიც შედარებით ახალგაზრდები არიან, ბევრს ნიშნავს და გამოიყენეთ ეს პრივილეგია. ბევრი თქვენზე სწორებას აკეთებს, გბაძავთ, გიჯერებთ და მათ მომავალ მონადირულ თუ მეთევზის თვისებებზე გავლენას ახდენს. რა დასამალია და მე თქვენგან ბევრი ვისწავლე და მადლობას გიხდით ამისთვის. ეს მუხტი არ მინდა დაიკარგოს, ძმებო. ხშირად, ადამიანებმა არ ვიცით რას ფიქრობენ ჩვენზე და 100 წელი შეიძლება ისე იცოცხლო, ვერ გაიგო, რომ სრულიად უცხო ადამიანის ცხოვრებაში გარკვეული კვალი შეიძლება გაქვს დატოვებული. ეს არ უნდა დაგვავიწყდეს არავის.
კაცები, რომ ხართ იმიტომ გვიხარია თქვენთან კონტაქტი. ადამიანები ვართ ყველანი და ანგელოზი არავინ გვირევია, ყველამ ვიცით. ისეთად მივიღოთ ერთმანეთი, როგორებიც ვართ და ყველაფერი კარგად იქნება.
ღლიღვა
ობიექტური მსჯელობაა, ბატონო ჩემო!
კახაბერ
ღლიღვა
არგცხვენიათ ამხნის ხალხს?
დამიტოვეთ ცოტა მეც სათქმელი...
ადგილი ვერვნახე სადმე რამე ჩავაკვეხო
გენაცვალეთ კარგებიხართ მიყვარხართ და კიდე გავაღრმავებდი კომლიმენტებს მარა მერე ვინცხა რაცხას იფიქრებს და ვზივარ ჩემთვის და ტაშს გიკრავთ
აბანოსავითაა
ოოო, გამგეობის წევრთან ქეიფი და ნადირობა, რომ მოახერხო, ალბათ, მინისტრის მოადგილე მაინც უნდა იყო. ეგ არის, ეგ.
დათაბატონი
არავითარი ძაღლის მოკვლა და მერე თავის მოჭრა არ არის აუცილებელი(ჯერ მაგ რიტუალამდე არ მივსულვართ)
უბრალოდ სურვილი უნდა გამოთქვას იმ ადამიანმა რომელსაც კლუბის გარკვეული ნაწილი იცნობს, რომ რეკომენდაცია გაუწიონ მას, ესე უცბათ და ნაჩქარევათ ეგ საქმე არ გამოვა ხომ ხვდებით რატომაც
Maverick
მოხარული ვარ შენი გაცნობის.
ზახარა
არაფრის დაჩქარებაზე საუბარი არ შეიძლება იყოს, მითუმეტეს მოთხოვნა. ჩვენ ერთ შეხვედრაზე გავარკვიეთ არსებული და დაუწერელი წესის შესახებ ყველაფერი, მაგრამ პანაცეა არ შეიძლება ეგ იყოს. სიახლეები თუ არ იქნა, "ბუქსაობას" დავიწყებთ. ხომ არ დავკმაყოფილდებით მიღწეულით? მუდმივი მოძრაობაა საჭირო, სიახლეები, ძიება და ა.შ.
ძალიან მარტივია აპელირება იმაზე, რომ შეიარაღებულ ხალხთან თუ არ დაგილევია, არ უნდა წახვიდე და ა.შ.
მე მინდა თქვენ უფრო ახლოს იყოთ ახალ თაობასთან, რათა მათ თავის დროზე არ აწიონ თავი (ცხვირი) მაღლა და სხვებს არ უთხრან, ჩემთან რომ ინადირო ან იქეიფო 3 დათვი უნდა გყავდეს მოკლული, 2 შველი, 400 იხვი და ა.შ.
მაგალითი, ბატონებო, მაგალითი...
Maverick
არა მგონია ჩაწყობა დამჭირდეს. მაინც გმადლობ, რომ მზად ხარ დამეხმარო. ეს შენს ჰუმანურობაზე და კაცთმოყვარეობაზე მეტყველებს.
კახაბერ
კახაბერ კარგია რომ თემა გახსენი ამ თემაზე. ადრე ესეთი დილემის წინაშე არასდროს ვმდგარვართ. ესე რომ ჩვენთვისაც თავსატეხია როგორ გადავწყვიტოთ ეს პრობლემა. რა თქმა უნდა ყველას გაცნობა მინდა, მაგრამ ქეიფზე უკეთესი ჯერ ვერაფერი მოვიგონეთ, გაზაფხულზე კიდევ შეიძლება 15-20 კაცი ერთად სათევზაოდ რომ გახვიდე მაგრამ ეხლა უკვე აღარ ვიცით რა ვქნათ. იქნებ თქვენ თვითონვე გამოუშვათ რაღაც იდეები. და საერთოდ ყველამ ვისაც აინტერესებს ეს სიტუაცია მოგვაწოდეთ იდეები.
ყოველ კვირა რომ ახალ ახალ ხალხთან ვიარო მე შეიძლება სეზონზე კი მოვასწრო, მაგრამ ყველა კლუბის წევრი მაინც ხომ ვერ მოასწრებს? თან ყოველ კვირა რომ ტყეში ვიყო ცოლი გამშორდება ასე რომ გამოუშვით იდეები და ჩვენი შესაძლებლობებიც გაითვალისწინეთ.
პატივისცემით მე
ჭალიმგელა
მოგესალმები, ჩემო ძმაო. მოხარული ვარ შენი ხილვის.
მე გარკვეულ პასუხისმგებლობას ვგრძნობ იმ დღის მერე და მინდა პრობლემაზე ვიმსჯელოთ და არა ნიშნისმოგებით ვესაუბროთ ერთმანეთს. პრობლემა რომ არსებობს, ყველა ვხვდებით. კარგად გავიხსენოთ, არცერთ თქვენთაგანს არ უთქვამს, რომ მე ტყუილი ვთქვი, ყველამ მიზეზების ახსნა დაიწყეთ, ანუ პრობლემა არსებობს. მე შენ გაცნობამდეც დიდ პატივს გცემდი (შენმა პოსტებმა მომცა ამის საშუალება) და მინდა იმ ახალგაზრდებმა ისიამოვნონ შენს გვერდში, რომლებიც კითხულობენ თქვენს პოსტებს. შენც, სხვებიც და მეც თქვენთან ერთად პასუხისმგებლები ვართ მათ წინაშე. შენზე უკეთ ეს ბევრს შეიძლება არ მოეხსენებოდეს. ერთად ვიმსჯელოთ. პოზების დაჭერა, შენ ხომ კარგად იცი, ხეირს არავის მოუტანს.
თქვენ, ჩემო ჭალიმგელა, უფლებებიც და საშუალებებიც მეტი გაქვთ, თანაც დამსახურებულად (სადაც შენ იტყვი მონადირე ვარო, მე იქ, გულწრფელად გეუბნები, მოყვარული ვარ-მეთქი ვიტყვი) და მოგეთხოვებათ უფრო მეტი.
თქვენ, პროფესიონალებმა თაობები სწორ გზაზე უნდა დააყენოთ. წინააღმდეგ შემთხვევაში რად გინდა კაცს საიტი? 2 ლარს ყველა გაააქტიურებს მობილურზე და კომუნიკაციაც შედგება, რა პრობლემაა? თუ ვკოპწიაობთ საიტზე და სხვას ვუშლით ნერვებს ლამაზი "რეპორტებით"? შენ კი არ გგულისხმობ და არც არავის კონკრეტულად, უბრალოდ მინდა "ოჩო" არ დაემსგავსოს ერთ დროს კარგ წამოწყებას და მინავლებულს ბოლოში.
P.S.
ძალიან გამეხარდა, რომ დილემა ახსენე. ანუ თქვენ ამაზე ფიქრობთ. ეს ყველაზე მთავარია და ყველაზე დადებითი მუხტი წამოვიდა შენგან.
დათაბატონი
ნამეტანი ქუთაისური ფილოსოფია "წევიკითხე" ეხლა და მიდი შეცდომები ჩაასწორე, პატივი ეცი იმას, ვისაც ესაუბრები. დეშიფრატორი დასჭირდება კაცს.
ასევარ ახლაც და ამის ბრალია
ორჯერ გადავავლე თვალი და შეცდომა ვერვიპოვე
თუ "გავცოცხლდი" მოგაწოდებთ "დეშიფრატორს"
თქვენი სიყვარულით და პატივისცემით მოთუხთუხე
დათაბატონი
კი მაგრამ ხომ გაიცანით და ღვინოც შესვით კლუბელებთან ერთად(სამწუხაროთ მე ვერ დავესწარი) რამე პროცედურები დაჭირდა მაგ საქმეს ???
რავიცი მემგონი ცოტა ვართულებთ ამ ამბავს
ზახარა
ეხლა რთული პერიოდია და აგიხსნი რატომ:
ერთი რუსი ეკითხება მეორეს ხელფასი გყოფნისო? კი როგორ არაო, უბრალოდ ბოლო 27 დღე მიჭირსო.
ყველამ ჩვენ-ჩვენი ხელფასის თარიღები გავითვალისწინოთ და მსურველებმა დავთქვათ და "ვიჭიდაოთ და ვიჭიდაოთ" მერე. იაღოვა გავაღიზიანოთ ცოტა, სხვანაირად ვერ გავფრინდებით.
დათაბატონი
პირველი და ბოლო არ უნდა დალიო - первая всегда не идет, последняя - всегда лишняя
ეს საკითხი მოსალოდნელი იყო,რომ დღეს-ხვალ წამოიწეოდა.
ისტორიას გადავავლოთ თვალი:სულ რამოდენიმე კაცმა შექმნა ეს ფორუმი,შემდეგ - კლუბი.თუმცა რაოდენობა წევრებისა 4-ჯერ მეტია დღეს,ვიდრე ის ხალხი,რომლებმაც იდეა შარშან მაისში გააჟღერა,ანუ,უცნობი ხალხი გარკვეული პერიოდის შემდეგ შემოვიდა კლუბში.თითქმის არც ერთი ერთმანეთს არ ვიცნობდით,მაგრამ ფორუმზე არსებული თემების ირგვლივ გამოთქმულმა მოსაზრებებმა,რაღაც შთაბეჭდილებები ხომ შეგვიქმნა ერთმანეთზე.ამის შემდეგ,პერიოდიც დაემთხვა,ზოგმა ერთობლივად წაითევზავა,გაიცნო ერთმანეთი,კლუბის წევრმა ახალ შემოსულზე რეკომენდაცია დადო,აი ასე მივიწევთ წინ.ადგილზე არ ვჩერდებით.გაზაფხულზე საველე შეჯიბრებები იყო თბილისის ზღვაზე,იქაც ამოვიდა ხალხი,გაგვეცნო.პირდაპირ სანადიროდ არ მახსოვს წევრობის კანდიდატთან წავსულიყავით,ამას რამოდენიმე ასეთი შეხვედრა წინ უძღოდა ხოლმე.დარწმუნებული ვარ,რომ კლუბში ახალი სახეები გამოჩნდება აუცილებლად(ამისთვისაც შეიქმნა ის თავის დროზე),მაგრამ ამას აქვს წესდების შესაბამისი პროცედურები.
ჩათვალეთ,რომ ამ თემით უფრო გაგვააქტიურეთ.სეზონი წინაა,მოგვიწევს ერთობლივი გასვლა.თუ კლუბში შემოსვლის სურვილი გაქვთ,იდეები თქვენც გამოუშვით.
პატივისცემით
ზაზა
პოზიტიური და აქტუალური სიტყვებია. ასეთი სიტყვების წაკითხვა შედეგისკენ არის წინგადადგმული ნაბიჯი.
ზაფხულის საველეების დროს მახსოვს აქ დაიწერა დასაგეშად ძაღლებს ნუ ამოიყვანთო (თხოვნა იყო ასეთი) და მაგიტომ არ ამოვედი. ის ვერ გავთვალე, რომ ძაღლის გარეშე შემეძლო ამოსვლა.
გასათვალისწინებელია ყოველივე და ამიტომაც არის საჭირო აქტიურობა, რაღაცას ვგებულობთ ახალს და ვითვალისწინებთ მერე.
მოკლედ თემა ალბათ საკითხის აქტუალობამ მოიტანა და მივესალმები ამას, მაგრამ მაინც ძალიან ნუ გავართულებთ იმას რაც დამკვიდრებულია და საბოლოოდ მაინც იგივე აზრამდე მივალთ!
ანუ გადახედეთ დაარქივებულ თემებს და ნახავთ, რომ ლუდისძიება, ხინკლისძიება თუ ნერგების დარგვის აქცია იყო არაერთი დაგეგმილა ღიაში მთელი ფორუმის წასაკითხად. მარტივ მაგალითს მოვიყვან....
დილაადრიანო კლუბის უმეტესმა ნაწილმა (თუ ყველამ არა) გაიცნო ნერგების დარგვის აქციაზე და დღეს ეს კაცი კლუბის წევრია!!
ხოდა რაღა გვინდა?? იმ დღეს..მშვენივრად მოვილხინეთ...დათაბატონის მონადირებული ბატიც დავაყოლეთ და კარგ დროსაც ვატარებდით..იაღოვას რომ არ ეღალატა.
დათაბატონი
დიდი გულმოდგინებით და ყურადღებით ვადევნებ თვალყურს პოსტებს, სასიამოვნოა რომ ამდენი აქტიურობა გამოიჩინეთ.
რაც შეეხება ლუდისძიებებს და ღვინისძიებებს, არავითარი პრობლემა არაა "დასწრება" არც იყო არასოდეს, არც მავერიკს უგულისხმია ეს . ქართველი საზოგადოება ვართ, საამაყო ტრადიციების მქონეერი, ამ ტრადიციებში სუფრის კულტურას დიდი ადგილი აქვს დამკვიდრებული, ჩემი აზრით პიროვნებაზე ზოგადი წარმოდგენისთვის სრულიად საკმარისია რამდენიმე შეხვედრა დალოცვილი სასმელის თანხლებით.
თუმცა ჩემი მოკრძალებული რჩევა , უფრო სწორად მოწოდება იქნებოდა იაქტიურონ ფორუმის ახალმა წევრებმა სხვად სახვა თემებში, დაპოსტონ შეძლებისდაგვარად, იკიითხონ რაც აინტერესებთ, თავიანთი აზრიც გაგვიზიარონ , ასეთი მიდგომაც საკმაოდ შესაფერისია ადამიანის აზროვნებაზე წარმოდგენის მისაღებად.
ბოლოს კი ოჩოს სახელით ვიტყოდი ერთ რამეს; არავის კონკრეტულად არ ეხება და ასე ვთქვათ სამომავლო საკითხია მართალია, მაგრამ კლუბის წევრობა არ არის ფორმალური , კლუბის საქმის გასაკეთებლადაა შექმნილი.
ძალიან დიდი პატივისცემით
ბიჭებო წამოჭრილი საკითხი რო გაწუხებთ ეს უკვე კარგია!!!
მაგრამ ნება მომეცით ჩემი აზრიც გამოვხატო.
ზახარას თქმისა არ იყოს მეც ცოტა გადამეტებული მეჩვენება თქვენი წუხილი.რაღაც პრობლემის მაგვარი (მთლად პრობლემასაც ვერ დავარქმევ) რომ არსებობს ცხადია,მაგრამ ძალიან გთხოვთ გაითვალისწინეთ ჩვენი პოზიციაც და მდგომარეობაც.
არ ხდება ისე როგორც თქვენ ამბობთ და ამას მიხვდებით კლუბის წევრები რო გახდებით.
მეორე სეზონია კლუბის წევრი ვარ და ჯერ ყველა კლუბის წევრთან არ მინადირია(აღარაფერს ვამბობ არა კლუბის წევრზე).უფრო მეტიც,ზოგიერთს საერთოდ არ ვიცნობდი და ეს ბოლო თვეებია რაც გავიცანი.
დიდი დრო არ გასულა მას მერე რაც აქტიურები ხართ ფორუმზე და ესე მოკლე ხანში ნუ გვაიძულებთ ყველა გაგვიცნოთ და ყველასთან მოგიწიოთ ნადირობა
ძალიან კარგად მესმის თქვენი გულისწყრომა და ძალიან მიხარია ესე რომ აქტიურობთ თუნდაც ამ საკითხში!!! მაგრამ გვაცადეთ ბატონო,გვაცადეთ.მასკვა ნი სრაზუ სტროილას
ლოთობებზე დასწრებას რაც შეეხება,როდესაც ხდება საერთო ლოთობებზე შეკრება ეს იწერება ფორუმზე შესაბამის თემაში და იმ თემით შეგიძლიათ იხელმძღვანელოთ.
არის ხოლმე ისეთი შეკრებებიც სადაც მხოლოდ კლუბის წევრები იკრიბებიან ან გამგეობის წევრები,ამ შეკრებებზე ნუ მოგვთხოთ დასწრებას (მიხვდებით ალბათ რატომაც )
არის ლოთობების გარდა სხვა ღონისძიებებიც,მაგალითად ხეების დარგვა გვქონდა და იქ გავიცანით ახალი წევრები.თევზაობის ჩემპიონატი გვქონდა,შეჯიბრი სტენდზე.რაღაცეებიც იგეგმება და რავიცი,ბევრი საშუალებაა იმისთვის რო უფრო მოხდეს ჩვენი დაახლოვება.
ეხლა სეზონიც გაითვალისწინეთ,ისეთი ნადირობის პერიოდი დაემთხვა რო 20 კაცის წასვლა ვერ მოხერხდება თუნდაც ქათამზე სანადიროთ.
თქვენ ეხლა იმას ამბობთ რომ ძნელად გასაცნობები ხართო,სადღაც 50 წევრამდეა ეხლა კლუბში და თქვენ წარმოიდგინეთ სამჯერ მეტი რო ვიქნებით მერე რა ვქნათ,საერთოდ გადაგვასახლებენ ახალი წევრები
ყოველშემთხვევაში თუ რამე იდეა იქნება თქვენი მხრიდან რაც ამ უხერხულობას მოხსნის,ვფიქრობ კლუბი მზად იქნება განიხილოს შემოთავაზებები.
ცოტა თავის მართლებასავით კი გამომივიდა,მაგრამ ამდენი იმიტომ დავწერე რომ არ მინდა იფიქროთ ჩვენ არ გვაინტერესებს ეს საკითხი არ ვაქცევთ ყურადღებას ახალი წევრების სიტყვებს.
პ.ს. ისე მართლა მიკვირს საიდან მოდის ის შეგრძნება რომ ჩვენი კლუბის წევრებთან ძნელია დაკავშირება და რაიმე ღონისძიების გატარება.
გოგა,გეთანხმები.კლუბის წევრებიდან ბევრთან არც მე მინადირია.აი,მე და შენ ერთად არ ვყოფილვართ,ზახარასთანაც და ბევრთან კიდევ.იკო ფეხბურთზე გავიცანი.ისე,ეს ფეხბურთიც გაცნობისთვის გადასარევ-მშვენიალური სპორტია.ლუდისძიება მოყვება ხოლმე.
ძმებო, კაი ხალხო და კაი ადამიანებო
პირველ რიგში უნდა ავღნიშნო, რომ ფორუმს გააჩნია ზოგადად ეს სპეციფიკა ძნელია ემოციის და დამოკიდებულების გადმოცემა...
მერო რიგში უნდა ვთქვა აუცილებლად ... არავისთან პრეტენზიის, საყვედურის და იძულების ტონით არვსაუბრობ (ვისაც მოეჩვენა ბოდიშით ბატონებო)
მესამეც და აუცილებელიც მე რომ არმომწონდეს საქმე, რომელსაც ემსახურებით და რომელიც გიყვართ სურვილიც თავისთავად ვერიქნებოდა თქვენთან სიახლოვის
აქ ალბათ სხვაკუთხით უნდა შეხედვა...
რა მამოძრავებს მე???
უბრალო ინტერესი ... რომ საერთო საქმე ,რომელიც კეთდება გაკეთდეს უკეთ
იდეებს რაც შეეხება მოგაწვდით ბატონებო
იცით მე რა ვერ გავიგე? პოსტებით ვინც აქტიურობს და უნდა, ის ყველა მოდის ჩვენამდე, ჯერ ისე გაცნობით, მერე სუფრაზე, მერე რამე ღონისძიებაზე, მერე საერთო ნადირობით, და ა.შ.
თქვენ გვეუბნებით რომ უნდა ვიაქტიუროთ, იმისთვის რომ კლუბის წევრების რაოდენობა გავზარდოთ? რეალურად ასე გამოდის, იზახით რომ აქ არის ხალხი ვისაც ზალიან უნდა ჩვენთან, კიბატონო, იაქტიუროს და აგერ ვართ ჩვენც, ნამდვილად არ ვემხრობი იმ იდეას რომ ჩვენ ვიაქტიუროთ, ჩამოვყვეთ ყველა ფორუმის წევრს და პერსონალურად დავპატიჟოთ, რომ იქნებ კლუბის წევრი გავხადოთ და კლუბი გავზარდოთ, თუნდაც იმიტომ რომ საწევროების რაოდენობა გაიზარდოს და შესაბამისად კლუბის ბიუჯეტიც...
"ეგრე არ არის ტაყაო" მოდით რეალურად შევხედოთ, ვინც კორეკტულად იაქტიურა, და არა მომაბეზრებლად და უაზროდ, რომელი არ გავიცანით და არ მივეცით საშუალება თუნდაც კლუბის წევრობის, ერთი ადამიანი მაინც დამისახელეთ
გასაგებია რომ, ადრე დიდი მოტხოვნა არ იყო კლუბში მირების, და ეს პროცესი დროში იწელებოდა, მაგრამ მიუხედავად იმისა რომ დღეს სედარებით ოდნავ მეტია მოთხოვნა დაჩქარებული მეთოდებით მასებს ვერ მივიღებთ და ჩვენი კლუბის დევიზი არ არის ბევრი და უხარისხო, ან თუნდაც ბევრი და ხარისხიანად...
იმის გამო რომ კლუბიდან გარიცხვის საკითხი ჩვენთვის მეტად მტკივნეული და არასასიამოვნო პროცესია, ვცდილობთ მაქსიმალურად არ შევცდეთ, ამიტომაც ვიცავთ მტელ ამ ფორმალობებს მიმდევრობით...
როგორც ზემო პოსტებში უკვე ითქვა, თუ გაქვთ რაიმე ისეთი წინადადება რაც გაგვიადვილებს იმ თქვენს მიერ წამოყენებულ საკითხების მოგვარებას, ისე რომ არავის არ ექნება უკმაყოფილების გრძნობა, მზად ვართ ყველანი განვიხილოთ და დავნერგოთ, მეტი რა მოგახსენოთ
რაღაც დავწერე და დავითუსას პოსტმა წამიშალა ეტყობა,რას მერჩი წიე?
ახლა ისევ დავწერ:ამ თემაში იგრძნობა ამ ხალხის მონდომება,რომ მათ უნდათ აქ ყოფნა,მოწონთ ფორუმი,ის ურთიერთობა,რაც კლუბშია და თუ არ ვცდები,კლუბის წევრობაზეც ფიქრობენ.ყველა,ვინც კლუბში შემოვიდა გასული წლის მაისიდან,ასე ამჟღავნებდა სურვილს,შემდეგ გაცნობა,რეკომენდაცია და ა.შ.
ისე,დაგვპატიჟონ ბატონო,მოვისმენთ,განვიხილავთ და ან მივიღებთ ან არა
დათა ბატონო,შენი სეხნია მყავს ბიჭი,მაგასაც გაგაცნობ
ვიფიქროთ კოლექტიური ნადირობების მოწყობაზე.
ამის განხორციელება მტაცებლებზე გამოყოფილი კვოტების ათვისების ხარჯზეა შესაძლებელი.როგორც წესი ასეთი ტიპის ნადირობებში ბევრი ხალხის ჩართვაა საჭირო. შედეგს მნიშვნელობა ნაკლებად აქვს,ურთიერთ გაცნობის კარგი საშუალებაა.
თენგო,
ამაზე იყო საუბარი,მაგრამ თქვენ ხო იცით ამას რამდენი პროცედურის გავლა ჭირდება:მოსახლეობის მიმართვა ადგილობრივ გამგეობას,შემდეგ გამგეობის მიმართვა გარემოს დაცვის სამინისტროს,არიქა გვიშველეთ,დაგვჭამეს მტაცებლებმაო,შემდეგ ამ სამინისტროს მიერ რაღაც ზომების მიღება,გზა ჩვენამდე,შემდეგ ბიჭების შეკრება და ა.შ და ა.შ.
თან მტაცებლებზე უცნობ ხალხთან ნადირობას მე მოვერიდებოდი.
თემა კი სათაურიდან გამომდინარე ეხება იმ სარგებელს,რაც მოაქვს ერთობლივ ნადირობებს,ეს კი არის არა შედეგი,თუ ვინ რა მოკლა,არამედ დაახლოება,მეგობრობა,გამოცდილ
ების გაზიარება,გეგმების დასახვა,ქართული სუფრა ნადირობის შემდეგ.
თენგო
ჩვენ იქ მივდივართ იმიტოო როო გარკვეულ სოფელს მგელი(მტაცებელი) თავიდან ავარიდოთ, მათ გვთხოვეს დაა ჩვენც უნდა ავუსრულოთ ეგ თხოვნააა.... მაშინ შედეგი ჩვენთვის მეტად მნიშვნელოვანი უნდაა იყოს დაა არააა ნაკლებად მნიშვნელოვანიიი...... ია ტაკ დუმაიუ
ჩიქო
სად მიდიხართ ერთი გამაგებინე? ვის რა უნდა აუსრულო? დალეგებული თუ ხარ?
Davitus
როგორ ხარ, ბატონო ჩემო?
შენ გარვეული სურვილი რომ გამოთქვი, არ გიპასუხე მაშინ და მინდა გითხრა, რომ ის შენი სიტყვები იყო აღქმული ძალიან კარგად. მადლობა შენ.
Davitus
მე შე კაცო გავეციი პასუხიი ბატონ თენგოს პოსტს, როცა მან თქვაა როო მგელზეე გავიდეთოოოო.... და იქ გავიცნოთ ერთმანეთიო.... თორეე მე სად უნდაა წავიდეე?
ვაა..რამხელა პოსტები დაგიწერიათ..გავსკდი კითხვით.. არა ამ გოგას რაღა მოუვიდა??... რაც მთელი წლის განმავლობაში არ დაუწერია..ერთიანად მოგვაფრქვია.. ეტყობა წლევანდელი გეგმა შეასრულა უკვე.
რაც შეეხება აქ გამოთქმულ წუხილს. მინდა მივმართო პატივცენულ ფორუმის წევრებს. სულ ადვილია ნებისმიერ კლუბის წევრთან ურთიერთობა...ეგ კი არადა არანაირი განსხვავება არ არის ვინ წევრია და ვინ არა. უბრალოდ მარტო ის არის სხვაობა..რომ კლუვში უმრავლესობა უკვე ვიცნობთ ერთმანეთს(გამოგვიცდია ღვინის თანხლებით ერთმანეთი) ახალი კი ჯერ გასაცნობია...აგერ ღლიღვა და დათაბატონი..მე პირადად უკვე გავიცანი...ხოდა ამის მერე ისინიც ჩეულებრივი(ფაქტიურად) კლუბის წევრები არიან პირადად ჩემთვის.... ამიერიდან ხან ერთად დავლევთ და ხან ვინადირებთ...როგორც ვიცი კახაბერიც უნდა მოსულიყო იქ..მაგრამ ვერ მოახერხა. არაუშავს.შემდეგში იქნება..აი სულ ეგ არის....
კლუბის წევრების ზუსტი ოდენობა ვინმემ იცით?
არ მინდოდა ამის დაწერა, მაგრამ ვერ მოვისმინე ეს ციფრი.
ეჰ რას არ მოესწრები კაცი ამ სიბერეში.
ადრე ვინმეს (ნუ მანდილოსანს) ჯერ ეპატიჟებოდნენ სუფრასთან და მერე კრაოტში...
შეიცვალა დრო ბაბა!!! ეხლა ჯერ სუფრა მერე კლუბიოოოოოო.........
ეხლა კი სერიოზულად.
გულით მიხარია,(მადლობა კახაბერს, თემის წამოწევისთვის) ახალი მეგობრების ასეთი აქტიურობა და საქმისადმი შეგნებული მიდგომა. შეუგნებელი და უპირო არც ჩვენ გვჭირდება. არის ერთი რამ , რაც ყველამ უნდა გავითვალისწინოთ: კლუბი ეს არის იმაზე მეტი პასუხისმგებლობა, ვიდრე ის თუ რა მინდა მე, რა გინდა შენ და რა უნდა მას(ჰა რავარი ღრამატიკა ვიცი?). ეს არის ფიქრი საერთო საქმეზე და არ ა საკუთარ თავზე. ნუ პასუხისმგებლობასთან ერთად,ეს საბოლოოდ მეტი სიამოვნებაა, იგივე საქმიდან გამომდინარე. ამისთვის არა მარტო კლუბის წევრობის მსურველების მეტი შინაგანი მომზადებაა საჭირო, არამედ თვით კლუბის წევრების უფრო მეტი სწრაფვა სრულყოფისაკენ.
პირადად ჩემი პირველი და უშუალო დაახლოება,კლუბელებთან შიდა, მცირე, " offroad " გასვლაზე მოხდა და არა ნადირობისას. მერე იყო, ბანკეტი, საერთო თევზაობა, გოლოვინის გამზირზე სეირნობა, ცილინდრით თავზე და ტროსტით ხელში და ა.შ. ასე, რომ ჩვენ მივესალმებით, გაცნობის განსხვავებულ და უფრო უკეთეს იდეებსაც.
sabo73
ჩემს საბას დავრეგისტრირებ - დავპირდი და ავუხსენი, როგორც შემეძლო და იმედი მაქვს ჩვენი ბიჭები ისაუბრებენ ერთმანეთთან და გვაჯობებენ მე და შენ
ზაზა
სეხნი ისევ ჯანსაღ ამბავს მოვაბათ თავი აჯობებს შუა კვირაში 1 დღე გამოვნახოთ ბურთის გასაგორებლად დარბაზში ყველაფერს აჯობებს, მერე იქ გადავწყვიტოთ ჯერ დავლიოთ თუ მინდორში გავარდეთ თოფებით ხელში
ამით იწყება და ამით მთავრდება ,,ცუდი" ბიჭების ურთიერთობა ! ჩვენ კი ვკითხულობთ და პასუხიდან გამომდინარე ვმოქმედეფთ!
ფორუმის წევრებს მივმართავ:
რამოდენიმე ფორუმის წევრმა კლუბის წევრების გაცნობის სურვილი დავაფიქსირეთ და ამ სურვილს მათი მხრიდან მყისიერი გამოხმაურება მოჰყვა. რა თქმა უნდა, ვერც ყველა წევრი მოვიდა, მაგრამ საკამარისად იყვნენ. გავიცანით ერთმანეთი და ჩემთვის ეს სასიამოვნო საღამო იყო, ისევე როგორც სხვებისთვის. მე ვთვლი, რომ ასეთი შეხვედრები აუცილებელია. მომავალში გამოჩნდება, რომ მე მართალი ვარ. ეხლა ესენიც ვერ ჩამოგვახევენ კალთებს იქნებ გვიკადროთ და გვეწვიოთო. თქვენ უნდა შესთავაზოთ. ეს შეხვედრები, ვიმეორებ, აუცილებელია. არავინ არაფერზე დაგზარდებათ. უბრალოდ დრო და შემადგენლობა უნდა შევარჩიოთ. ყველა ერთად ვერ მოვხვდებით.
მე უკვე ვიყავი "იაღოვაში". ეხლა თქვენ გითმობთ ასპარეზს. შეუთანხმდით, აუცილებლად შედგება შეხვედრა და მეტი პერსპექტივა ექნება ჩვენს ურთიერთობებსაც და საერთო ინტერესებსაც, ურთიერთგაგებასა და პატივისცემას.
დაუკვირდით, 4 ფორუმის წევრი ვაქტიურობთ ამ თემაში და უამრავი კლუბის წევრი. ანუ, კლუბის წევრები გაგებით ეკიდებიან ამ საკითხს და გადაჭრის გზებზე ფიქრობენ. ერთად უნდა ვიფიქროთ, აზრები მივაწოდოთ ერთმანეთს, გაიფილტრება იდეები და რაღაც შედეგამდე მივალთ. თქვენ ეს არ გინდათ? უნდა გინდოდეთ. Я ТАК ДУМАЮ!!!
ბესო
გაუმარჯოს ბესოს.
ასე შე კაცო, თორემ მე ვიგრძენი უხერხულობა - ზოგმა 60-ო, ზოგმა 50-ო. ეხლა კი ვიცით.
გაიხარეთ ყველამ და გამრავლდით (ოჯახშიც და კლუბშიც).
რაც შეეხება სარგებლობას (ანუ თემის მთავარ კითხვას):
ჯერ ერთი, ახალი ადამიანის გაცნობა, რომ კარგია, ჩემგან არ გესწავლებათ არავის (კარგი კაცის გაცნობას ხომ არაფერი სჯობს);
ვფიქრობ, რომ კლუბის წევრობის შანსი ეზრდება ამით ფორუმის წევრს;
კლუბის წევრების რაოდენობის ზრდა კლუბის მუდმივ გაძლიერებას შეუწყობს ხელს;
მოხდება კანონმდებლობით დადგენილი ნორმებისა და მონადირის დაუწერელი კანონების დარღვევების პრევენცია (მინიმუმამდე შემცირება - პასუხისმგებლობის გრძნობა მოიმატებს);
ახალი თაობა სწორად განვითარდება და ჩამოყალიბდება;
ეთიკა დაგვეხვეწება;
და ბოლოს: ვინადირებთ, რა
P.S. ეს ვერ იქნება სრული ჩამონათვალი. იმედი მაქვს დაამატებთ.
ხო, მე დამავიწყდა და ეხლა გამოვასწორებ შეცდომას.
ყველას მადლობას გიხდით გულშემატკივრობისთვის.
ჩვენ ყველაფერი გავაკეთეთ, რომ იდეა არ ჩავარდნილიყო. მისი ჩავარდნა იქნებოდა კატასტროფის ტოლფასი. იდეა აქ დაიბადა და უნდა განხორციელებულიყო, რაც მოხდა კიდეც.
თქვენც ელოდით ამას და ღირსეულად მოგვილოცეთ.
რა კარგი თემა წამოწეულა, აი 1 კვირა არ ვიყავი და რა სიახლეებია უკვე,
მთელი ფორუმი მაქვს გადასაკითხე, ეხლა ყველაფერზე მეზარება კვოტირება.
პრინციპში იგივეს ვიტყოდი რაც მავერიკმა დაწერა დასაწყისში
პ.ს. ეს არის რეპორტების განყოფილება ასე რომ თემა გადატანილია
ყურადღებით წავიკითხე ყველა პოსტი და მივხდი პრობლემა რაშიც დგას ბოლო ბოლო.
ახლა მინდა ჩემი აზრი გამოვთქვა ,მე ერთერთი პირველთაგანი ვარ ამ ფორუმზე და მინდა თამამად ვთქვა რომ ერთი და კიდევ ნახევარი აგური დავდე ამ საქმეში უკვე, შესაბამისად აწიც არ ვაპირებ გაჩერებას და "ოჩოს" გულისთვის
კიდევ ბევრი შრომა მომიწევს.აქ მყოფი საზოგადოების უმრავლესობა ვისაც აქ წამოჭრილი საკითხი აღელვებს, მე არ მიცნობს, თუმცა გადახედეთ ჩემ რეგისტრაციის თარიღს,ჩემს "ზღაპრების თემას" და ჩემი პოსტების რაოდენობას
და მიხვდებით თუ რაოდენ აქტიური წევრი ვარ(ცოტას ვპასიურობ სამსახურის გამო)ამ ფორუმზე.
ეს მცირე ექსკურსი იმათვის ვინს არ მიცნობს და ამდენი იმიტომ მოვაყოლე რომ სურვილი მაქ ჩემი "ნაბოდვარი" ყველამ კარგად წაიკითხოს
მინდა მხარი ავუბა ზაზა კაკავას გამოთქმულ აზრს და განვავრცო,კერძოდ: არავინ წამოსულა ჩვენთან ერთად სანადიროთ გაუცნობლად ,ამის მიზეზი ზევით ითქვა მრავლად ,მაგრამ თვე არ გავა რომ თბილისში რამე ისეთი ღონისძიება არ ტარდებოდეს, რაც ჩვენი ინტერესების ხალხს თავს არ უყრიდეს ერთად,შესაბამისად იდება თემა რომ მაგლითად ამა და ამ რიცხვში ძაღლების საველე შეჯიბრია და ამოდის ის"უცნობი"ხალხი რომელიც მერე ნაცნობი, მეგობარი, კლუბის წევრი და შეიძლება მირონი ან მოყვარეც გახდა ზოგ ზოგი ჩვენთაგანის.
აი მინდა მაგალითად მოვიყვანო ჩვენი ერთერთი კლუბის წევრის ოჩოზე მოპატიჟების ამბავი.ამ კაცს ქვია დემი. შემთხვევით გავიცანით ერთმანეთი ძაღლების გამოფენაზე(ინტერესები ძალიან დაემთხვა სეტერისტები ვართ) და შემდეგ მხოლოდ მე და დემიმ გადავწყვიტეთ ლუდი დაგველია,შემდეგ მე,დემი და პენდრაგონი შევხვდით და განვიხილეთ ქარიყლაპიის ჭერის გეგმები.ანუ ბევრი რომ არ გავაგრძელო მინდა ვთქვა რომ არაფერი სერიოზული ჩაწყობა არ დაჭირვებია ჩვენს შეხვერდრას და არც ჩვენი(სხვა გამგეობის წევრები) არ გაუცნია ამ კაცს ისე შემოვიდა ყველა თვენთაგანის მონადირეულ ცხოვრებაში და კლუბის წევრია ეს კაცი დღეს.
პატივისცემით, ოჩოპინტრეს გამგეობის წევრი,თქვენი მონა მორჩილი გიორგი(ნოსო)-დ წოდებული ხომერიკი
გამარჯობა, ნოსო.
მე სარგებლობაზე უფრო ვამახვილებ ყურადღებას, ვიდრე გაცნობაზე. ეს ხომ "გაცნობის კლუბი' არ არის. რატომღაც ეს ორი ცნება გაიგივებულია
კახაბერ
გასაგებია კახა, სარგებლობა ძალიან დიდია თუმცა სანამ გაცნობა არიქნება,უცნობ ადამიანთან ერთობლივი ნადირობის ცუდი მხარეები ასახა მავერიკმა,მე არა საბედრიეროდ, მარგამ მან პრაკტიკაშიც გამოცადა ეგ რამდენადაც ვიცი .
და მე რამდენადაც ვიცი უფროსი კაცი ხარ და მჯერა მეტჯერ იქნები ნანადირები ჩემზე და არ გესწავლებოდეს იქნება რომ სერიოზული ერთობლივი ნადირობა უნდა იყოს ურთიერთგაგებასზე და ნდობაზე აგებული,ეგ კი არა ჩვენ კლუბის წევრები რომ ვიყავით ფოთში იხვზე წინა სეზონზე იქ იყო გაუტვალისწინებელი შემთხვევები და ურთიერთი გაურკვეველი საქციელები,ასევე იყო სეზონის გახსნაზე ხარვეზები,ესეთი პრობლემები რომ არ შეიქმნას ჩემო კაცა უბრალოდ ლუდი დავლიოთ,იაღოვა და ა.ს. მერე სხვა დანარჩენი.
პ.ს."არ მიდნა ჩემი პისტი გასათხოვი ქალიშვილის თავდაფასებას გავდეს უბრალოდ გაცნობის მცირედი ეკსკურსი და მერე ნადირობა
ჩავთვალოთ, რომ ვიცნობთ ერთმანეთს, გავედით აერთად, რას გვაძლევს ეს გასვლები? რას იძლევა ზოგადად. გლობალურად. როდის ხდება გასვლა გასაგებია. შედეგი რა არის სიამოვნების გარდა?
კლუბის წევრი ვარ მაგრამ ჯერ კლუბის წევრებთან ერთად არ მინადირია (ჯანდარა არ ითვლება! ლოთებო! ) მაგრამ ვერანაირ პრობლემას ვერ ვხედავ ამაში, თუმცა წელს როდესაც უეცრად მანქანის და ძაღლის გარეშე დავრჩი და საერთოდ ვერ ვინადირე (ერთხელ დმანისი, მწყერი არ ითვლება) ბიჭების ნადირობით, მათი გასვლების თვალიერებით ვიკლავდი ჟინს , რას იზამ ხან ისეა ხან ასე, ვიცი რომ მეთქვა სახლში არავინ არ გამაჩერებდა, მაგრამ უკვე ჩამოყალიბებულ ,,სასტავში" შესვლა ჩემთვისაც ძნელი იქნებოდა და სხვისთვისაც(საჩუქარი არა ვარ)
რაც შეეხება კლუბში მყოფ წევრებს კერძოთ ჩემი რეკომენდაციით შემოსულებს ( მახსოვს ლამის ,,ზეწოლა" მოვახდინე კლუბელებზე ერთერთი წევრის მიღებასთან დაკავშირაბით) თუ ისინი არ იხდიან საწევროს, არ აქტიურობენ, არ მიუმართავთ კლუბის ხელმძღვანელობისათვის ახსნა განმარტებით თუ რა მიზეზით მოხვდნენ ,,წითელ წინგში" ანუ ,,გადაშენების" გზას დაადგნენ------ მივარიცხოთ და მივიღოთ ის ხალხი ვისაც სულით და გულით უნდა ჩვენთან ყოფნა და რეალური საქმის კეთება! ასეთია ჩქიმი უბეჟდენიე!!
შალვა
ნუ გარიცხავთ, გამოსწორდებიან
რა სარგებლობა მოაქვს ერთობლივ ნადირობას?
ჩემი აზრით მთავარი მანდ არის რო ამდენი ერთი მისწრაფების ადამიანი ერთმანეთს გაიცნობს და სადაც ერთ მიზანია იქ ურთიერთგაგება და ერთად ყოფნის სურვილიც მეტია, ასე რო მე ამას ვხედავ პირველ რიგში ამ შეკითხვის პასუხად http://www.SmileS.ge
http://www.SmileS.ge http://www.SmileS.ge
უზრუნველყოფა Invision Power Board (http://www.invisionboard.com)
© Invision Power Services (http://www.invisionpower.com)