საქართველოს ენერგეტიკისა და
ბუნებრივი რესურსების მინისტრის
ბრძანება №30
2011 წლის 10 მაისი ქ. თბილისი
ნადირობისა და თევზჭერის დაწყებისა და დამთავრების თარიღების დამტკიცების თაობაზე
„ცხოველთა სამყაროს შესახებ“ საქართველოს კანონის 47-ე მუხლის მე-4 პუნქტისა და 69-ე მუხლის მე-2 პუნქტის ,,ჰ” ქვეპუნქტის, ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში ცვლილების შეტანის თაობაზე“ საქართველოს 2011 წლის 11 მარტის №4385 კანონის მე-2 მუხლის პირველი და მე-5 პუნქტებისა და საქართველოს ზოგადი ადმინისტრაციული კოდექსის 61-ე მუხლის საფუძველზე, ვბრძანებ:
1. დამტკიცდეს ნადირობისა და თევზჭერის დაწყებისა და დამთავრების თარიღები დანართის შესაბამისად.
2. ძალადაკარგულად გამოცხადდეს ,,ნადირობისა და თევზჭერის დაწყებისა და დამთავრების თარიღების დამტკიცების თაობაზე“ საქართველოს გარემოს დაცვისა და ბუნებრივი რესურსების მინისტრის 2010 წლის 17 აგვისტოს №34 ბრძანება.
3. ეს ბრძანება ამოქმედდეს გამოქვეყნებისთანავე.
მინისტრის პირველი მოადგილე
მინისტრის მოვალეობის
შემსრულებელი მ. ვალიშვილი
ნადირობისა და თევზჭერის დაწყებისა და დამთავრების თარიღები
მუხლი 1
ნადირობა ნებადართულია შემდეგი სახეობის ფრინველებზე შემდეგ ვადებში:
ა) მწყერზე, გარეულ მტრედზე, ჩიბუხაზე, ჩვეულებრივ გვრიტზე, ქედანზე, გვიძინზე (გულიოზე) – აგვისტოს მესამე შაბათიდან 15 თებერვლამდე;
ბ) ტყის ქათამზე – 15 ოქტომბრიდან 15 დეკემბრამდე;
გ) წყალმცურავ ფრინველებზე (რუხი ბატი, რუხი იხვი, ჭიკვარა, გარეული იხვი, იხვინჯა, ფართოცხვირა იხვი, მელოტა) – 1 ნოემბრიდან 1 მარტამდე.
მუხლი 2
ლიცენზირებული თევზჭერა ნებადართულია შემდეგ მდინარეებზე და მათ შენაკადებში:
ა) მტკვარი – თურქეთის საზღვრიდან აზერბაიჯანის საზღვრამდე – 1 სექტემბრიდან 30 აპრილის ჩათვლით;
ბ) ალაზანი და იორი – 1 სექტემბრიდან 15 ნოემბრამდე;
(ქვემო ქედიდან აზერბაიჯანის საზღვრამდე)
გ) მდინარეების – ფსოუს, ბზიფის და კოდორის შესართავებში – ერთი კილომეტრის დაცილებით მარჯვნივ და მარცხნივ, ორი კილომეტრის მანძილზე ზღვის სიღრმეში – 1 ნოემბრიდან 19 მარტამდე.
მუხლი 3
ლიცენზირებული თევზჭერა ნებადართულია შემდეგ ტბებში:
ა) თავფარავანი (ფარავანი) – 1 თებერვლიდან 15 მარტამდე და 1 აგვისტოდან 15 ნოემბრამდე;
ბ) ტაბიწყური (ტაბაწყური) – 1 თებერვლიდან 15 ნოემბრამდე.
გ) სანტას ტბაზე - 1 თებერვლიდან 15 ნოემბრამდე; (10.06.2011 N 73)
მუხლი 4
ლიცენზირებული თევზჭერა ნებადართულია შემდეგ წყალსატევებში:
ა) ხრამის (წალკის) წყალსაცავი – 15 აგვისტოდან 15 აპრილამდე;
ბ) თბილისის წყალსაცავი – 1 სექტემბრიდან 15 აპრილამდე.
მუხლი 5
შავ ზღვაში კანონმდებლობით დადგენილი წესით თევზჭერა დაშვებულია შემდეგ ვადებში:
ა) კეფალი-პელენგასი – მთელი წლის განმავლობაში;
ბ) აზოვისა და შავი ზღვის ქაფშია – 1 ოქტომბრიდან 30 აპრილის ჩათვლით;
გ) კამბალა-კალკანი – 1 ივლისიდან 15 თებერვლამდე;
დ) თევზჭერისათვის დაშვებული სხვა სახეობების ჭერა – 1 ივლისიდან 30 აპრილის ჩათვლით;
ე) მოლუსკები – მთელი წლის განმავლობაში.
მუხლი 6
პალიასტომის ტბაში თევზჭერა დაშვებულია შემდეგ ვადებში:
ა) კეფალი (ლობანი) – 1 ივლისიდან 1 მაისამდე;
ბ) კეფალი (პილენგასი) – 1 ივლისიდან 1 მაისამდე;
გ) ოქროსფერი კეფალი – 1 ივლისიდან 1 მაისამდე;
დ) ქარიყლაპია – 1 სექტემბრიდან 1 აპრილამდე;
ე) შავი ზღვის ქაშაყი – 1 სექტემბრიდან 1 დეკემბრამდე და 1 იანვრიდან 1 აპრილამდე;
ვ) შამაია – 1 სექტემბრიდან 1 აპრილამდე;
ზ) მცირე ვიმბა – 1 სექტემბრიდან 1 აპრილამდე;
თ) კარჩხანა – 1 სექტემბრიდან 1 მაისამდე;
ი) კობრი – 1 სექტემბრიდან 1 აპრილამდე;
კ) ლოქო – 1 იანვრიდან 1 აპრილამდე და 1 სექტემბრიდან 1 დეკემბრამდე;
ლ) ღორჯო (მდევარი) – 1 სექტემბრიდან 1 აპრილამდე;
მ) მრგვალი ღორჯო – 1 სექტემბრიდან 1 აპრილამდე;
ნ) შავი ღორჯო – 1 სექტემბრიდან 1 აპრილამდე.
კანონები გვაქვს, იმენნა ... http://smayli.ru/smile/nekulturnie-120.html
ჩვენ გონჩავიკებს ნამეტანი გვერჩიან და ნეტავი რა დაუშავეთ ასეთი ერთი ეგ გამაგებია მეტი არაფერი არ მინდა...
ესეიგი კახელი მონადირეები გაზაფხულზე ისევ ვერ ვინადირებთ იხვზე, ვინაიდან კახეთში იხვი შემოდის მარტის თვეში, სეზონს კი 1 მარტს გვიკეტავენ!!!!
სეზონი გახსნილა სართიჭალაში......
ჰო აბა, ჩვენ კი ველოდებით პატიოსნად 20 აგვისტოს
ნადირობის ნებართვის გაცემას როდიდან იწყებენ ხომ არ იცით?
ბანკში რა თქვეს, რა კოდზე უნდა შევიდეს ეგ თანხაო? წინა სეზონზე რომ იყო კოდი ის აღარაა?
romeo 1, ხოდა საქმეც ამაშია, ანგარიშის ნომერი კი ჩამაწერინეს - 200 122 900 - TRESGE22 - 3030 -, მაგრამ "ბანკირებმა" - ეგეთი ანგარიში საერთოდ არ არისო... თვით ბანკებს კი არ გააჩნია ამის შესახებ ინფო.
გუშინ საწევროს გადარიცხვის დროს მეც ვიკითხე,მაგრამ იმ ლამაზმა გოგონამ მიპასუხა:წინა წლებში ანგარიშის ნომერი თვით მონადირეებს მოჰქონდათ და მერე ვრიცხავდითო(თი-ბი-სი-ში მოხდა ეგ ამბავი).
საქ.ბანკშიც ანალოგიური პასუხი მივიღე.
სავარაუდოდ 1 კვირაში მოგვარდება...
მემგონი თვითონ არ იციან მონადირეებს რას გვიპირებენ ან რა როგორ იქნება სამწუხაროდ.
ესეც სახაზინო კოდის შედგენის ინსტრუქცია http://www.mof.ge/2330
ანუ თბილისთვის გადასახადი იქნება სახაზინო კოდით 100773030
http://pix.ge/
ასეთი ქვითარი გამოუწერეს მეგობარს თელავის ბაზისბანკში, ანუ 30051 თვითმართველობის ერთეულის კოდია, ეკუთვნის თელავს, და სხვა და სხვა რაიონებში და ქალაქებში განსხვავებული იქნება, 3033 კი ბიუჯეტის შემოსავლების სახეს წარმოადგენს და ყველგან ეს კოდი იქნება. ესეიგი კოდი თელავის რაიონისათვის ასე გამოიყურება 300513033
romeo 1
მადლობა ინფორმირებისთვის, გაიხარე
ბრაკონიერებისათვის ჯარიმა რამდენია და თუ გაიგეთ რომ ვინმე დაეჭირათ? ერთი კაი მაგალითი უნდათ და შეეშვებიან ცოტა ხნით მაინც
სეზონი 20-ში იხსნება თუ 27-ში?
ჰეჰეე ელექტრომწყერი მაგარია)))
baiateo
არ დაიკარგი ხოლმე. რამე სიახლეები თუ იცი შემოგვაშველე ხოლმე
ჭალიმგელა
დაკარგვით არა თვალს მაინც ვადევნებ ფორუმს, მაგრამ სიახლეების რა გითრათ, თქვენთვის საინტერესო საკითხი ენერგეტიკაში გადაბარგდა)))
ისე ალბათ არ აწყენდა ფორუმს ენერგეტიკისა და ბუნებრივი რესურსების სამინისტროს წარმომადგენლები რომ შემოსულიყვნენ შეგიძლიათ მიაწოდოთ იდეა
baiateo
ეჰ ვინა აბა? ჯერ გარემოს დაცვა ხო ერკვეოდა ნადირობაში და ენერგეტიკები სულ დაგლიჯავენ (შენ არ გეწყინოს ოღონდ http://ge.smiles.26l.com/smile.80012.html )
წეროზე ნადირობა აკრძალულია?
bor-ka
ჩამონათვალში რაც წერია , მარტო ამ ფრინველებზე არის დაშვებული ნადირობა
ა) მწყერზე, გარეულ მტრედზე, ჩიბუხაზე, ჩვეულებრივ გვრიტზე, ქედანზე, გვიძინზე (გულიოზე) – აგვისტოს მესამე შაბათიდან 15 თებერვლამდე;
ბ) ტყის ქათამზე – 15 ოქტომბრიდან 15 დეკემბრამდე;
გ) წყალმცურავ ფრინველებზე (რუხი ბატი, რუხი იხვი, ჭიკვარა, გარეული იხვი, იხვინჯა, ფართოცხვირა იხვი, მელოტა) – 1 ნოემბრიდან 1 მარტამდე.
ზახარა
bor-ka
მეც ბევრი ვნახე მაგრამ წეროს მოკვლას არანაირი აზრი არააქვს. არც შეიძლება.
არ შემედავოთ, რაიმე საგემოვნო თვისებები აქვსო...
ლამაზი მოხდენილი ფრინველია, ალმაზებს ბუნეს, რატომ უნდა ესროლო ?! ?! ?! ?!
Bonehill
წეროს ხორცი მეტნაკლებად ვარგისია, ზოგს მიაჩნია რომ გემრიელი ხორცი აქვს, ნუ მე არ გამისინჯავს და ვერაფერს ვიტყვი
ჩვენთან, წეროზე ყანჩაზე და მთელ რიგ მისნაირ ფრინველზე ნადირობა აკრძალულია
წერო მაგარია
უზრუნველყოფა Invision Power Board (http://www.invisionboard.com)
© Invision Power Services (http://www.invisionpower.com)