თემის საბეჭდი ვერსია

პოსტის ავტორი: ვიტო Jul 2 2009, 23:18

ჯერ დიდი მადლობა თბილი შეხვედრისთვის............
ვიყავით მთელი სია + ლევანი90 VS 4კაცი და 1 ქალი

შევხვდით და ჩემ პირად შეხედულებას დავდებ.

პირველი - გაცნობითი შეხვედრისთვის საკმაოდ კარგი გამოვიდა.
ძირითად თემებს შევეხეთ, ანუ იმას რაც გვაწუხებს. ნადირობასაც შევეხეთ, თევზაობასაც და არაენდემურ და შემოყვანილ ცხოველებსაც.

რაც შეეხება მგელს. საკმაოდ არგუმენტირებული ინფორმაცია მივიღეთ, რომ ძალიან საგანგაშო სიტუაცია არ ყოფილა, მაგრამ აქა იქ რაღაც რაოდენობა ამოსაღები გახდეს შეიძლება.

თიანეთი და ჩოხატაურის რაიონი იყო ნახსენები, რა თაქმა უნდა ჩვენ ჩვენივე ხარჯებით შევთავაზეთ დახმარება, მაგრამ ამასაც თავის პროცედურა ნდომებია, რაც დასაზუსტებელია. რაც შეეხება მგელს ამ ჯერზე მოსმენის რეჟიმში ვიყავით.

რაც შეეხება წითელ მგელს, მითი დაინგრა, არავიტარი წითელი მგელი არ არსებობს, არსებობენ ჰიბრიდები რომლებიც ფერით ვიღაცეებმა მიამსგავსეს წითელს და აგორდა ჭორი. არგუმენტად რამოდენიმე წლიანი კვლევა არის მოტანილი და აქედან გამომგინარე რაიმე კავშირი წითელ მგელთან არ ჩანს. (ეგრეც მეგონა ).

თევზაობასთან დაკავშირებითაც მოკლედ მიმოვიხილეთ, კვირის შეჯიბრზეც დავძარით სიტყვა და დახმარება აღგვითქვეს.
სასიამოვნოა ის, რომ ფოთზე რეაგირება იქნება და თან რაღაცეების მარტივად გადაწყვეტა შეიძლება.

ვისაუბრეთ გარკვეული სახის სანადირო ობიექტების (მაგ. კურდრელი, მაჩვი და ა.შ.) სანადირო მეურნეობებიდან გამოტანაზე და ვნახოთ, შეიძლება წლევანდელ წელს მოუსწროს...
ასევე ვისაუბრეთ დუპელზე.

ასევე ვისაუბრეთ შემოყვანილ ცხოველებზე - ენოტი და ენოტისებური ძაღლი.

ეს არის მოკლედ რაც გუშინ მოხდა, დანარჩენზე კი შემდეგი შეხვედრების მერე ვისაუბროთ.


ძალიან კმაყოფილი ვარ იმით, რომ ეს ხალხი წინადადებებისა და შეთავაზებებისთვის გახსნილები არიან.

პოსტის ავტორი: ROVER Jul 2 2009, 23:34

ვიტო
ახლო მომავალში არის რამე კონკრეტული გეგმები? ბრაკონიერებზე რაო რა თქვეს?

პოსტის ავტორი: ლევანი Jul 2 2009, 23:44

რაღა უნდა დავამატოთ, მშვენივრად ჩამოაყალიბე ყველაფერი...ეს შეხვედრა..რაღაც პირველი მოსინჯვა იყო...ეხლა მთავარია..გონივრულად მივუდგეთ საკითხს.. მარტო ლაპარაკით არ შემოვიფარგლოთ და საქმეც ვაკეთოთ...უკვე ვიცით ძირითადად რა აინტერესებთ ჩვენგან, ასე რომ მაგ კუთხით მოგვიწევს გარკვეული ჯგუფის დაკომპლექტება...

პოსტის ავტორი: BEK_M Jul 2 2009, 23:46

ვიტო
ენოტი და ეგეთები სადაა?

პოსტის ავტორი: ახოტნიკ Jul 2 2009, 23:56

ენოტი ლაგოდეხის ნაკრძალშიც არის და ნუ ძირითადად აგმოსავლეთსია რა დასავლეთსი არაა იმდენად

პოსტის ავტორი: xedos Jul 3 2009, 01:00

კარგია ძალიან კარგი. ჩავთვალოთ რო საქმე დაძრულია

პოსტის ავტორი: ბესო Jul 3 2009, 14:07

http://www.garemo.itdc.ge/index.php?site-path=mainnews/news&id=945















მგონი სამინისტროს დღევანდელი ხელმძღვანელობის ოპერატიულ მუშაობაში ეჭვი აღარავის უნდა შეეპაროს - რისთვისაც პირადად მინდა მადლობა გადავუხადო

პოსტის ავტორი: გრიზლი Jul 3 2009, 23:43

ბესო

+1

პოსტის ავტორი: hunter777 Jul 4 2009, 08:51

ჰოდა მთავარია ამ საკითხის მიმართ სკეპტიკურად განწყობილი ხალხამდეც მივიდესდ ეს ინფო რომ არც ეგრეა საქმე! ჩვენ ფორუმზეც ბევრი სხვანაირდ უყურებდა ამ საკითხს და ყოველტვის საწინააღრმგედოს მტკიცება მიწევდა, სამინისტრო მუშაობს და თან კარგად! ოფიციალურ ვებ გვერდზე ყველაფერი დევს დაათვალიერეთ და ნახავთ რომ საკმაოდ საქმე კეთდება, ბრაკონიერობთან ბრძოლა კიდე მარტო გ.დ.ი. ს თანამშრომლების პრობლემა არაა ეს ყველა ნორმალური მოქალაქის ვალია და ამ მხრივ ერთმანეთს უნდა გვერდში დაუდგეთ თუ გვინდა რომ ეს პრობლემა გადაიჭრას, წითელი მგლებიც რაღაც ,,მითიური,, ცხოველი ყოფილა რომელიც ჩვენსი არარსებობს ხოდა ესეც უნდა გაიგოს ხალხმა, ასე რომ დიდი იმედი მაქვს მოვლენები და ჩვენი ურთიერთობა გაგრძელდება და ერთად ერთმანეთის დახმარებით მოვაგვარებთ თუნდაც ბრაკონიერების პრობლემას.

პოსტის ავტორი: Bonehill Jul 4 2009, 12:10

რათქმაუნდა ჰანტერ, გდი ბრაკონიერებთან ბრძოლაში მარტო არ უნდა იყოს, ნებისმიერი საქართველოს მოქალაქე ვალდებულია ითანამშრომლოს გდი-სთან, არააქვს მნიშვნელობა მონადირეა თუ მეთევზე, დედა ბუნება საერთოა !!!
ბრაკონიერების თემას რაც შეეხება, მსოფლიოს ნებისმიერ ქვეყანაში საბოლოოდ ვერ მოსპეს ბრაკონიერები, ეს შეუძლებელია მოისპოს მაგრამ თავისუფლად შეიძლება მინიმუმადე დავიყვანოთ, ესაა ძირითადი ამოცანა...
მაგრამ მთავარია მაინც საზოგადოებაში ჩამოყალიბდეს ერთიანი აზრი, ცივილური შეხედულება ასეთ საკითხებზე
და ბოლოს, მემგონი ყველაზე უმთავრესი ამოცანა ბრაკონიერებთან ბრძოლაში ისაა რომ ვერავინ ვერ თქვას: "აუ გდი-ს უფროსი ჩემი ძმაა, ბიძაჩემი რაღაცის უფროსია, ყველას ვიცნობ, გდი-ს იქით დავიჭერ" და ა.შ.
P.S. უსამართლოა "უბრალო ადამიანებმა დავიცვათ" და "დიდმა ხალხმა" მაინც იბრაკონიეროს......................

პოსტის ავტორი: ნოსო Jul 4 2009, 12:55

Bonehill

ამაში გეთანხმები და ძალიან არმესიამოვნა მაღალჩინიანები რომ არღვევდნენ მისივე დაწერილ კანონს.(შევეწარი რაღაცეებს)

პოსტის ავტორი: ბესო Jul 4 2009, 21:38

ამ თემაში პესიმიზმი არ ვნახო მე...

პოსტის ავტორი: ჩელე Jul 4 2009, 21:45

ბესო
....... რაის პესიმიზმი? ოპტიმიზმი და მხოლოდ ოპტიმიზმი.......... მთავარია რომ საქმე დაიძრა და სასიკეთოდ რაც მთავარია..........

პოსტის ავტორი: ნოსო Jul 4 2009, 21:54

ბესო
არა რა პესიმიზმი ბესო,შენ ჩემი განწყობა კი იცი

პოსტის ავტორი: ფეოლა Jul 6 2009, 10:06

ბატონო ბესარიონ! აბსოლიტურად მართალი ბრძანდებით. ოპტიმიზმი ოპტიმიზმი და ოპტიმიზმი!!! ცოტა ლენინივით კი გამომივიდა მაგრამ არაუშავს.

პოსტის ავტორი: შალვა Jul 6 2009, 13:21

იქნებ შეხვედრაზე მისულმა სხვა ფორუმელებმაც გაგვიზიარონ თავიანთი შთაბეჭდილებები, ვიტოს მადლობა მგელზე ყველაფერი გავიგე, სხვა... კიდევ რაზე იყო საუბარი, თქვენ რა თქვით იმათ რა გითხრეს, იმათ რა თქვეს თქვენ რა უთხარით, ყველაფერი მაინტერესებს, გთხოვთ ნუ დაიზარებთ და სრულყოფილად გაგვიზიარეთ თქვენი მოსაზრებები, 3 დღე იმას ვარჩევდით ვინ უნდა წასულიყო და რაზე გველაპარაკა და შეხვედრის შემდეგ ერთი ორი პოსტი ცოტაა, აქ მინიმუმ -8-10 პოსტი უნდა იდოს , რაღაც შეხვედრის სტენოგრაფიასავით.

პოსტის ავტორი: ნოსო Jul 6 2009, 13:40

შალვა
ბატონო შალვა, ვიკამ სრულყოფილად თქვა სათქმელი,კიდევ იყო გადამფრენებზე ცოთა ლაპარაკი და ტურებზეც,ყველაფერზე შეჯერება მოხდა,ბუფერულ ზონების დაწევასა დაანულირებაზე იყო ლაპარაკი და რავიცი აბა მეტი რადავამატო,პრაქტიკულად ყველაფერი თქვა ვიქტორმა

პოსტის ავტორი: შალვა Jul 6 2009, 13:55

ნოსო ! გადამფრენზე ცოტა ლაპარაკი და ტურებზეც ლაპარაკი--- რა გავიგო? ბუფერულ ზონებზე ლაპარაკი იყოო რომ გვეუნები--- რა ლაპარაკი იყო? მგელზე გავიგე 5-ზე, სხვა ბოდიშით და ვიტომ უნდა დაწეროს ყველას მაგივრად?

პოსტის ავტორი: ნოსო Jul 6 2009, 14:07

შალვა
მაისის მწყერი რომ იხოცება და რეაგირებაა საჭირო ამაზე ვილაპარაკეთ და დაპირება იყო რმ რეაგირება იქნება .
ტურის სიმრავლის პრობლემაზეც ვილაპარაკეთ და ხოხბის განადგურებაზე,ეგ ცოტა გადაიწევს ეგ თემა არგახურდა იქ ,ასე რომ განსაკუთრებული შეთანმხება არყოფილა,ვინაიდან მაინც მგელი იყო აქტუალური.
ასევე მე ვკითხე კალმახის თანჭერილზე, ბრაკებია პრობლემა და კალმახი გამრავლდბა,აქიდან გამოდინახე რაღაც გადასახედია კალმახზე თევზაობის აკრძალვა.
კურდღელზე შეჯერება მოხდა რომ მეურნეობებს გარეთ გამოვა და დაიშვება კანონთ მასზე ნადირობა სეზონურად.ოღონდ ეგ მაინც ასე ერთი ხელის მოსვით არგამოვა მაგ საკითხზე უკვე სამინისტრო იმუშავებს და შეხვედრებიც იქნება სამომავლოდ როგც თქვეს.
ხო ბუფერულ ზონებზე ითქვა რომ 5 კილომეტრიანი ზონები შემცირდება 2 კილომეტრამდე და ისეთი სოფლები სადაც უშვალოდ ნაკრძალთანაა გაშენებული (რაღაც სოფელი ითქვა მაგლითად)იქ ნულოვანი იქნება ზონა.

პოსტის ავტორი: შალვა Jul 6 2009, 14:09

ნოსო
ეგრე რა ძლივს არ ამოშაქრე

პოსტის ავტორი: ფეოლა Jul 6 2009, 14:49

ბრაკონიერებთან, ბადეებთან, დენთან მიმართებაში თუ თქვეს რაიმე კონკრეტული?

პოსტის ავტორი: ნოსო Jul 6 2009, 15:20

ფეოლა
იყო ლაპარაკი მაგრამ არა სრული სახით მაგაე კიდევ იქნება შეხვედრებო,უფრ თევზაობის ცესებსა და კანონებზე იქნებაოდა იქ ჩაებმევა ეგ თვისთავად.

პოსტის ავტორი: ვიტო Jul 6 2009, 15:22

ფეოლა
ყველაფერზე ვერ ვილაპარაკეთ, ძირითადად მგელზ იყო საუბარი,
თან პირველი შეხვედრა იყო და ცოტა შებოჭილები ვიყავით, შემდეგი
შეხვედრა უფრო თავისუფალი იქნება

პოსტის ავტორი: ჰერცოგი997 Jul 6 2009, 15:23

მართალია ნოსო ყურადღება გამახვილებული იყო მგელის ამოღებაზე და დანარჩენს ყველაფერს შევეხეთ იმედია კიდევ იქნება შეხვედრა და კიდევ მოხდება განხილვა

პოსტის ავტორი: ლევანი Jul 6 2009, 21:55

შალვა
ძირითადად მაინც მგელზე იყო საუბარი, ყბადაღებულ წითელ მგელზე, საკმაოდ კარგად განგვიმარტეს ყველაფერი...როგორც გაირკვა წითელი მგელი ყოფილა უფრო პატარა და ფეხები ქონია შიგნით შებრეცილი...ეგეთი რამე არ დაფიქსირებულა..ეგენი ყოფილან ძაღლთან ნაჯვარი ჰიბრიდები..რომელსაც საკვები აღარ დარჩა მთაში...(90-იან წლებში გაუნადგურებიათ ძირითადად და არც მერე აკლებდნენ თურმე..ვისაც ხელი მიუწვდებოდა) ასე რომ, ადამიანებმა შეუჭამეს მგელს ძირითადი საარსებო წყარო(ირემი) და ეხლა ეგენი გვიჭამენ სამაგიეროდ ძროხებს, აი სულ ეგ არის...დანარჩენზე გამოვთქვით ჩვენი მოსაზრებები..როგორც გაირკვა მაგ ყველაფერზე ძირითადად ისედაც მუშაობდნენ..ნელნელა ყველა მიმართულებით აპირებენ გამოსწორებას...პრინციპში.ჩემთ

პოსტის ავტორი: მონადირე Jul 7 2009, 17:15

მივესალმები ორივე მხარეს!

პოსტის ავტორი: FISHING CLUB Jul 7 2009, 21:44

გაუმარჯოს კაი იდეებს! მარა მთავარია ეგ ყველაფერი ლაპარაკათ არ დარჩეს!

პოსტის ავტორი: ROVER Jul 8 2009, 20:35

FISHING CLUB
აქტიურობაა საჭირო ჩემო ბიძო აქტიურობა!

პოსტის ავტორი: FISHING CLUB Jul 11 2009, 01:00

ნელნელა მოდის ეგ აქტიურობა ხალხში დავით და თუ ეგრე გაგრძელდა 3-5 წელიწადში უკვე რაღაც შედეგებიც გამოჩნდება...

პოსტის ავტორი: AlekoN Oct 6 2009, 17:26

ეგ წითელი მგელი გინახიათ ვინმეს? სურათზე, რათქმაუნდა, თორემ ჩვენთან მეეჭვება ვინმეს ენახა.
მგელი ქვია, თორემ მგლის არაფერი ცხია.

თუ მაგ ნადირის ჩვენში არსებობაზეა საუბარი, მისი შემოყვანის ფაქტებიც უნდა არსებობდეს.
მისი სამშობლო ინდოჩინეთის ტროპიკული ტყეები უნდა იყოს.
"მაუგლიში" რომ არიან წითელი ძაღლები, ეგენია.
ჰოდა, თავიდანვე ზღაპარი იყო ეს ამბავი.

პოსტის ავტორი: AlekoN Oct 6 2009, 18:16

მგელძაღლები სხვა რამეა და მათ წითელი მგელი რად უნდა დავარქვათ, არ მესმის.
--------------------------------------------------

ირემი და სხვა ჩლიქოსნები როცა საკმაოდ იყო, მგელი არ ეტანებოდა შინაურ პირუტყვს, თუ როგორაა?
ახლა ერთ ირემზე რომ ორასი ან სამასი მგელი მოდის, დავიცვათ მგლები?
და საერთოდ, რამდენჯერ გინახავთ მგელი ბუნებაში? და რამდენჯერ სასროლ მანძილზე?
ეგრე არაა, წახვიდე და "ამოიღო". ჯერ მისული არა ხარ, აქეთ ყევხარ თვალში ამოღებული და ტოვებს ადგილს.
ძველ მონადირეებს კითხეთ, რამდენი მგელი უნახავთ ან მოუკლავთ, ხანგრძლივი სანადირო პრაქტიკის განმავლობაში. მათი გამოცდილება არავის აინტერესებს და ველოსიპედს თავიდან ვიგონებთ.
კი, სოფლებში იყვნენ მონადირეები, რომლებიც მტაცებელზე სპეციალურად ნადირობდნენ და წარმატებითაც, თუმცა მათი რიცხვი მცირე იყო ქვეყნის მასშტაბით.
მგლის დაცვას, ჩლიქოსნების მომრავლებაზე ხომ არ ეზრუნა სამინისტროს? თუ პირველი უფრო ადვილი საქმეა ? - მგელი თავსაც უკეთ უვლის და უკეთაც იცავს.
ფაქტია, რომ მტაცებელსა და ჩლიქოსანს შორის დისბალანსი დიდია. თანაფარდობა მგონი პირიქითაცაა.
გაჭირვებულ გლეხს, მთელი წელი რომ შეჰყურებს საქონელს და მგელი რომ შეუჭამს, სახელმწიფო კომპენსაციას უხდის?
არანაირი დაცვა მგელს არ ჭირდება. ისიც საკმარია, რომ მის მოკვლაზე პრემია აღარ გაიცემა და მასზე სპეციალურად არავინ ინადირებს. დანარჩენ შემთხვევებში მისი მოპოვების ფაქტები მიზერულია. თანაც საქართველოს ირგვლივ მგლის კარგი რეზერვატებია - გინდა ჩრდ. კავკასია, აზერბაიჯანი, სომხეთი, გინდა თურქეთი.
საერთოდაც, ევროპის რიგ ქვეყნებში მგელი დიდი ხანია გაწყვიტეს და იქაურ ფაუნას არაფერი უჭირს, იმდენი ჩლიქოსანი ყავთ, სად წაიღონ, არ იციან.
უბრალოდ, ჩვენი პოზიცია ამ საკითხთან დაკავშირებით "ადვილი გამოსავალია", მაგრამ არის კი გამოსავალი??

პოსტის ავტორი: Bonehill Oct 6 2009, 19:15

+ 10000000000
ეს უნდა შეიგნოს საზოგადოებამ... პრინციპში საზოგადოებამ უკვე შეიგნო , სხვა რამეა საჭირო.................................................

პოსტის ავტორი: 919 Oct 6 2009, 21:02

AlekoN
Bonehill

მგელი როგორც ზვიგენი ტყის განუყოფელი ნაწილია, მისი სრული მოსპობო ვანდალიზმია.
თუ ვინმე მოსასპობია ამ პლანეტაზე ეს არის HOMO-ერექტიკუსი ანუ იგივე საპიენსის ნათესავი
მაგრამ არა საპიენსი...
ბავშვობაში გერმანიში ვცხოვრობდი და თქვენ არ გინახავთ მეტყევეების "უმგლობით" გამოწვეული ცრემლები
გარეული ღორი, კურდღელი და შველი ხდება ახლო მდებარე ნათესებისა თუ ნერგების ულევი მტერი...

ჩვენ შემთხვევაში კი მგლის სრულ განადგურებას კი არ უნდა მივყოთ ხელი, არამედ მივხედოთ
ჩლიქოსნების დაცვასა და პოპულაციის ზრდას. მგელთან დაკავშირებით კი მოვითხოვოთ
სამონადირეო ლიმიტი რაიონების მიხედვით... იმჰო, რა თქმა უნდა

პოსტის ავტორი: bigmisha Oct 6 2009, 21:50

919

გეთანხმები, მგელი ნამდვილად არის და აქტიური ცხოველია მაგრამ მათზე ნადირობა სრული თუ არასრული დახოცვის წინააღმდეგივარ, უამრავი პრობლემაა და ჯობია მაგაზე იყოს აქტიური საუბარი.



და კიდევ, წინასწარ როყოფილიყო აქ თემა გახსნილი უფრო კარგი იქნებოდა უფრო ბევრი პრობლმას შეიტყობდით ფორუმელებისგან. და შებოჭილებიც არ იქნებოდით

პოსტის ავტორი: Bonehill Oct 6 2009, 22:10

919
ძალიან დიდი დრო და ძალისხმევა დასჭირდება საქართველოში მგლი სრულიასდ მოსპობას, ამის სურვილი არც არავის აქვს თუმცა მინიმუმადე უნდა იყოს დაყვანილი მისი რაოდენობა......

პოსტის ავტორი: ვიტო Oct 6 2009, 22:58

AlekoN

+1000000000000000000
მაგას ვიძახდი ოდითგანვე მარა რაცხა ყველა თავისაზე დგას და ლეგენდას აცოცხლებს

919

რამოდენიმეჯერ გვქონდა მაგ საკითხსე საუბარი სამინისტროსთან...

ჩლიქოსნებს რომ მივხედოთ მტაცებლის ამორება უნდა მოხდეს, ეს კი არაკანონიერია,
ისიც მესმის რომ ნებისმიერი მონადირე დანახვისთანავე არ ტოვებს მომენტს და ადუღებს მგელსაც, ტურასაც და მელასაც,
მაგრამ მაგაზე ცოტა ჩუმათ, არვინ გავიგოოოოოოოოოოოოოოოოოს, უნდა "გაპრავდეს" ამოღება, ისედაც არ არის ბევრი
მონადირე რომელის განზრახ ინადირებს მტაცებელზე და ეგ კულტურაც დასანერგი რომ არის რა უყოთ ამას კანონმა თუ არ შეგვიწყო ხელი?

bigmisha

http://forum.ochopintre.ge/index.php?showtopic=283

პოსტის ავტორი: bigmisha Oct 6 2009, 22:59

და რატოა ეს მგელი ასე აქტიური? იმიტორო ცხოველი აღარ დაეჩა ტყეში!!! ჯობია მაგ პრობლემა იყოს აქტიურად დასმული თორე მგელი ეხლა არ გაჩენილა საქართველოში

პოსტის ავტორი: AlekoN Oct 7 2009, 00:08

919
მგლის მოსპობა არც მე მიმაჩნია სწორად.
იმის ახსნა მინდა რომ, საქართველოს პირობებში რომც მოინდომო მგლის ამოწყვეტა, არაფერი გამოგივა.
ქვეყანაში სადაც ბუნებრივი ლანდშაფტები ან უდაბური ადგილები საკმაოდ გვხვდება, ასეთი რამ შეუძლებელია.
ევროპაშიც, იმ ქვეყნებშია მგელი საკმაოდ დიდი რაოდენობით, სადაც ბუნებრივი ტყის დიდი მასივებია (პარკის ტიპის ტყის საპირისპიროდ) - პოლონეთსა და იუგოსლავიაში.
მაშინ ტყეები უნდა გაჩეხო ან გადაწვა, ანუ საარსებო გარემო მოუსპო.
სხვაგვარად, ბავშვური გულუბრყვილობაა იმის ფიქრი, რომ ნადირობით მგლის როგორც სახეობის გადაშენება, შესაძლებელია.
ამის მშვენიერი მაგალითია ჩვენი ქვეყნის საბჭოური წარსულიდან, როცა მგელზე ნადირობა დაშვებული იყო თითქმის ყველანაირი მეთოდით და სტიმულიც მაცდუნებელი იყო - მგონი ასი მანეთის ოდენობის პრემია თითო მგელზე. ზოგი ბუნაგს პოულობდა და მთელ ბუდობას ანადგურებდა...
რუსეთშიც, ამავე პერიოდში, მგელზე ნადირობდნენ ვერტმფრენებიდან, შხამებით, წითელი ალმებით ... მაგრამ ამით პოპულაცია არ გაწყვეტილა, უბრალოდ, მათი რაოდენობა რეგულირდებოდა, რათა სანადირო და სოფლის მეურნეობისთვის შესამჩნევი ზიანი არ მიეყენებინა.
90-იანი წლებიდან მგელის რაოდენობამ საქართველოში მკვეთრად მოიმატა. არავინ აწარმოებს სტატისტიკას, თუ რაიონებში რამდენ პირუტყვს ხოცავს ეს ნადირი. ამ ბოლო დროს სოფლებში შევარდნაც დაიწყეს დღისით-მზისით, არის ადამიანების მსხვერპლიც. იმაზე საუბარიც სასაცილოა, რომ დღეს მგლის პოპულაცია მცირერიცხოვანია ან იკლებს და მის პოპულაციას რაიმე საფრთხე ემუქრება. ამიტომ, მასზე ნადირობის აკრძალვის მიზეზი, ვითომდა დაცვის მიზნით, ყურით მოთრეულია.
მგელს იცავს მისი სმენა, ალღო, მეხდველობა, სიფრთხილე, ტყე და უდაბური ადგილები.
თიანეთში ბავშვი რომ დაკბინა ცოფიანმა და კიდევ ერთი-ორგან, მონადირეები რომ შეკრიბეს და "ამოღებას" რომ შეუდგნენ, ვის რა ფეხები მოსჭამეს? თვალით თუ დაინახეს მაინც მგელი? არაა ასეთი ადვილი მისი მონადირება, პირიქით...

ამ ცხოველების რაოდენობის რეგულირება სულ თავისუფლად შეიძლება ნადირობით.
თუმცა ისიც მჯერა, რომ მათი სიმჭიდროვე სავარგულებში შეიძლება ზედმეტიც იყოს.
მემგონი, გერმანიაში, სანადირო მეურნეობები და მეტყევეები უჩვენოდაც გაარკვევენ ურთიერთობებს.
აი მგელი კი არ შეყავთ, არც მაგათ და არც ინგლისელებს.


იმიტოა აქტიური რომ, რამდენჯერმე მეტია, ვიდრე 20-25 წლის წინ.
მაშინ მგლის მოკვლა ნებადართული იყო და ახლა - არა. კომიკური სიტუაციაა არა?
სხვათაშორის არც ჩლიქოსნები ფუთფუთებდნენ მაშინ ტყეებში.

პოსტის ავტორი: AlekoN Oct 7 2009, 00:27

ეს კანონი ამათი მოგონილი არ არის? ათ მცნებაში ხომ არ წერია? ცოტაა უაზრო კანონი? რამდენიც გინდა...

ამ ყველაფრის მიზეზი მარტივია - ნურავის ეწყინება და ესაა სანადირო საქმეში დილეტანტიზმი.
იმიტომ, რომ სამინისტროში არ არსებობს ნადირობის დეპარტამენტი, სადაც იმუშავებდნენ პროფესიონალი ნადირობათმცოდნეები, ზოოლოგები და მონადირეები. მათთვის დიდი ხანია ნათელია რომ, მტაცებლებიდან, მართლაც გაფრთხილება სჭირდება: ჯიქს, ფოცხვერს, წავს, დათვს, და არა სარანჩასავით გამრავლებულ ტურას.

პოსტის ავტორი: ბესო Oct 7 2009, 09:00

AlekoN

ევროპის ის ქვეყნები, სადაც მგელი და ზოგან დათვიც კი არის ამოღებული უკვე მუშაობენ მათი ისევ მომრავლების საკითხზე, ამიტომ რა იდიოტიზმიც ჩაიდინეს არ არის აუცილებელი იგივე საქართველომაც გაიმეოროს. მაგრამ ეს არ ნიშნავს იმას, რომ მგლის ამოღება არ უნდა ხდებოდეს....

პოსტის ავტორი: შარკი Oct 7 2009, 18:15

AlekoN
ევროპის რიგ ქვეყნებში მგელი დიდი ხანია გაწყვიტეს და იქაურ ფაუნას არაფერი უჭირს, იმდენი ჩლიქოსანი ყავთ, სად წაიღონ, არ იციან.
-------------------------------------------------------------------------------------------------------------------------------------------------------
უკაცრავად პატივცემულო, მაგრამ ეს აბსურდია.

სწორედ ის ფაქტი, რომ ევროპაში ჩლიქოსნები არანორმალურად გამრავლდნენ არის მგლების გაწყვეტის არასწორობის და კიდევ იმის დამადასტურებელი, რომ ფაუნას უჭირს. არსებობს ასეთი ცნება - ბიომრავალფეროვნებითი ბალანსი და ბუნება ამ ბალანსს ადამიანის იდიოტური ჩარევის გარეშეც სავსებით კარგად და სწორად იცავს. ჩარევა კი სწორედ მგლების გაწყვეტა იყო, რის გამოც იგივე გერმანელები ჩვენთან ურთიერთობაში დღეს უკვე ხმამაღლა აღიარებენ, რომ ეს სრული სისულელე და ავანტიურიზმი იყოო.

AlekoN
იმიტომ, რომ სამინისტროში არ არსებობს ნადირობის დეპარტამენტი, სადაც იმუშავებდნენ პროფესიონალი ნადირობათმცოდნეები, ზოოლოგები და მონადირეები. მათთვის დიდი ხანია ნათელია რომ, მტაცებლებიდან, მართლაც გაფრთხილება სჭირდება: ჯიქს, ფოცხვერს, წავს, დათვს, და არა სარანჩასავით გამრავლებულ ტურას.
-------------------------------------------------------------------------------------------------------------------------------------------------------------------------------------
სამინისტროში არსებობს ბიომრავალფეროვნების დეპარტამენტი, რომელიც პროფესიონალ მონადირეებთან შეთანხმების გარეშე ლამის არცერთ გადაწყვეტილებას არ ღებულობს. თავად ვყოფილვარ ამის მოწმე არაერთხელ და ასეთ უაპელაციო განცხადებებს არ გავაკეთებდი თქვენს ადგილას.

AlekoN
ეგ წითელი მგელი გინახიათ ვინმეს? სურათზე, რათქმაუნდა, თორემ ჩვენთან მეეჭვება ვინმეს ენახა.
---------------]

არავითარი წითელი მგელი საქართველოში არავის არ შემოუყვანია. თავად ეს სახელწოდება ხალხის შერქმეულია და არაფერი აქვს საერთო ნამდვილ წითელ მგლებთან, რომლებიც საქართველოში არასდროს ბინადრობდნენ.

პოსტის ავტორი: ბესო Oct 7 2009, 18:23

შარკი

+1

http://forum.ochopintre.ge/index.php?showtopic=823 - ეს ამბავი გამოვა თუ არა თუნდაც მისი რაიმე სახეცვლილებით?

პოსტის ავტორი: დათო ბუ Oct 7 2009, 20:49

ცოტა სხვა ფერი აქვს სულმთლად წითელი არ არის, შეიძლება სურათიც დავდო.

პოსტის ავტორი: AlekoN Oct 7 2009, 21:04

კომუნისტების დროს დიდი პრემიები გაიცემოდა მგლის ტყავზე ათწლეულების განმავლობაში, მაგრამ რა ... გაწყვიტეს?
შენი სიტყვებით რომ ვთქვათ, საქართველოში იგივეს იმეორებდნენ 70 წლის განმავლობაში და ამით მხოლოდ დაარეგულირეს მგლის რაოდენობა.
რომც დაუშვან მგელზე ნადირობა, ამიერიდან ისეთი პრესი ვეღარასდროს იქნება ამ ცხოველზე, როგორც მაშინ, იმიტომ რომ, მასზე სპეციალურად არ ინადირებს არავინ.
ნუ შეადრი ჩვენს ბუნებრივ პირობებს, მჭიდროდ დასახლებულ დასავლეთ და ცენტრალური ევროპის ტყე-პარკებს.
კავკასიაში, რუსეთში, პოლონეთში და მსგავს, ბუნებრივი ლანშაფტებით მდიდარ ქვეყნებში, მგელს მოსპობის საფრთხე არ ემუქრება.
მგლის "დაცვაზე" საუბარი და "მიღებული ზომები" დროის ფუჭი ხარჯვა და რეალური პრობლემებიდან ყურადღების გადატანაა მხოლოდ.

პოსტის ავტორი: AlekoN Oct 7 2009, 22:16

ის რომ, ევროპის ზოგიერთი ქვეყნის სანადირო სავარგულებში ჩლიქოსნების სიმჭიდროვე ოპტიმალურზე მაღალია, ძირითადად, სანადირო მეურნეობის განვითარების ინტენსიური ხასიათისა და მაღალი სანადირო კულტურის შედეგია. გარეულ ჩლიქოსნებს ისე უვლიან და კვებავენ, ჩვენთან ბევრი შინაურ პირუტყვს რომ ვერ მიხედავს... რომ დასჭირდეთ, თავისუფლად შეამცირებენ მათ რიცხვს - ან ნადირობის კვოტას გაზრდიან და ან შეუწყვეტენ დამატებით კვებას (განსაკუთრებით ზამთარში). ანუ, ძვირფასი სანადირო-სარეწაო ცხოველების მაღალი რიცხოვნება ხელოვნურად და სავსებით შეგნებულადაა გაზრდილი და შენარჩუნებული. მეტი ნადირი - მეტი ნადავლი - მეტი შემოსავალი, ესაა სანადირო მეურნეობების მოტივაცია. ეს ინფრასტრუქტურა კარგადაა აწყობილი ამ ქვეყნებში - გერმანია, ჩეხეთი, ავსტრია, უნგრეთი, სლოვაკეთი. აქ არავინ მოინდომებს მგლების გამრავლებას და ჩლიქოსნების რაოდენობის მათი მეშვეობით დარეგულირებას.
გერმანელმა მწვანეებმა შეიძლება უარესებიც თქვან...

პოსტის ავტორი: AlekoN Oct 7 2009, 22:42

სად ბიომრავალფეროვნების და სად ნადირობის დეპარტამენტები??
რომელ მონადირეებს უთანხმდებიან?
საქართველოში უძველეს სანადირო გაერთიანებასთან თუ აქვთ კავშირი?
და თუ საიდუმლო არაა, რა გადაწყვეტილებებია მათთან შეთანხმებით მიღებული?

აბსურდები და უაპელაციო განცხადებები მერე მოვიკითხოთ.

პოსტის ავტორი: ვიტო Oct 7 2009, 23:04

AlekoN

ეგ რომელია, მონკავშირი?

პოსტის ავტორი: ლევანი Oct 7 2009, 23:42

AlekoN
გასაგებია თქვენი გულისტკივილი...მაგრამ დღევანდელ საქართველოში(და არა ევროპასავით მოძლიერებულ, მომავლის)...რა გამოსავალს გვთავაზობთ?????....ამბობთ მგელს ვერ გაანადგურებთო...(ნეტა ეგ ევროპის ქვეყნებმა როგორ მოახერხეს)....რეგულირებაა საჭიროო...კიმაგრამ მაგას ვინ კრძალავს???...გარკვევით გვითხრეს შეხვედრაზე..."აგერ ბატონო...53 მგელია გასანადგურებელი და თუ შეგიძლიათ მიხედეთო"....არადა ჩვენ ხომ გვაწუხებს ეს საკითხი...მივხედოთ რა...წავიდეთ და გავანადგუროთ. სამინისტრო წინააღმდეგია...ადამიანები შევარდნენ ტყეში და გაწყვიტონ მგლები..ვისაც როგორ მოუნდება და რა საშუალებით...აი მაგას კრძალავენ....თორემ გამგეობებთან შეთანხმებით..(კანონიერად) ნებადართულია იმ მგლების მოსპობა..რომელიც...ფიქსირდება ამა თუ იმ მიდამოებში და აწუხებს მოსახლეობას...

პოსტის ავტორი: AlekoN Oct 8 2009, 11:20

ლევანი

მემგონი ყურადღებით არ კითხულობ ჩემს პოსტებს, რადგან ამ კითხვების პასუხები უკვე დავწერე.
კიდევ ერთხელ გავიმეორებ.
დას. და ცენტრ. ევროპა კარგა ხანია მჭიდროდაა დასახლებული, ამან გამოირვია პირველყოფილი ლანდშაფტის შეცვლა და სავარგულების გაკულტურება (ტყე-პარკები, სასოფლო-სამეურნეო მიწები), პრაქტიკულად, აუთვისებელი და უდაბური ადგილები აღარ დარჩა (ნაკრძალებისა და ცალკეული მთიანი რეგიონების გარდა). სწორედ ამან გახადა მოწყვლადი მგელი. ანუ ბუნებრივი პირობების გლობალურმა ცვლილებამ და მოსახლეობის დიდმა სიმჭიდროვემ მას შანსი აღარ დაუტოვა.
საქართველოში კი ყველაფერი პირიქითაა. მოსახლეობა მნიშვნელოვნად შემცირდა,(ძირითადად პროვინციების ხარჯზე), სოფლები იცლება, სასოფლო-სამეურნეო სავარგულები მიუხედავია და უდაბურდება, რაც ნადირის გამრავლებას ხელს უწყობს.
კიდევ ვიმეორებ, რომ კავკასიაში მგელს ვერ გაწყვეტ, ისევე, როგორც რუსეთსა და ზოგ. აღმ. ევროპულ ქვეყანაში, თუ იგივე გლობალური ცვლილებები არ მოხდა რაც დას. ევროპაში. ამას დაუმატე მგლის კარგი რეზერვატები უკლებლივ ყველა ჩვენი მეზობელი ქვეყნიდან, რომელიც შეავსებს ჩვენს პოპულაციას, შემცირების შემთხვევაში.

პოსტის ავტორი: ლევანი Oct 8 2009, 12:14

გასაგებია...უბრალოდ ეგ ან არის ეგრე და ან არა...ტაიგა და უღრანი არც იმათ აკლიათ..(ეგ ჩრდილოეთია)...ტაიგა კი ნამდვილად ვიცი რასაც წარმოადგენს...ბევრჯერ ვარ ნამყოფი...ღრმა ტაიგაში...მანდ რამის მიგნება და განადგურება...პრაქტიკულად შეუძლებელია...საუკეთესო პირობებია ისეთი მტაცებლისთვის, როგორიც მგელია...თუმც ამაზე დავა ნამდვილად არ ღირს....მგლის ბოლომდე განადგურემა მაინც არ შეიძლება..და ვერც მოახერხებს ვერავინ...რეგულირებას კი არავინ კრძალავს...ასე რომ შეგვიძლია პრაქტიკულ მხარეზე ვიფიქროთ...რა შეგვიძლია ჩვენ....მაგ კუთხით გავაკეთოთ...

პოსტის ავტორი: ბესო Oct 8 2009, 13:36

რომელია უძველესი სანადირო გაერთიანება? ან სად არიან? მე გადმოცემით თუ ვიცი მაგათ შესახებ ბაბუაჩემიდან და ბაბუაჩემიც აღარ არის ცოცხალი 80 წლიდან. მას მერე არაფერი მსმენია!
სანადირო გაერთიანება აქ ვართ (მე ესე ვთვლი ყოველ შემთხვევაში).

ხოლო რაც შეეხება ევროპაში ადამიანების გაფართოვებით შევიწროვებულ მგლებს - მოხდა ამ მგლების ამოღება და არა "შევიწროვება" რისი შედეგიც ის არის, რომ ეხლა ფიქრობენ მათი პოპულაციის ისევ მოშენებაზე. არ მგონია აქ მყოფთაგან ჩემზე უფრო მეტი ინტენსიური ურთიერთობა ქონდეს ვინმეს ევროპასთან, ამიტომ ვიცი დაზუსტებით, რომ ევროპაში, ფერმერების გარდა ყველა უკმაყოფილოა მგლების გაწყვეტით!!!!!!!!!! იმ ფერმერებს კი სათანადო განათლება არ აქვთ, მათ ზიანის შემთხვევაში (თუ მგელი მათ საქონელს დაგლეჯდა) სახელმწიფო ზარალს სრულად უნაზღაურებდა, მაგრამ განათლება არ ყოფნით მეტი და იმიტომ არიან კმაყოფილები...

პოსტის ავტორი: შარკი Oct 8 2009, 13:46

AlekoN
ის რომ, ევროპის ზოგიერთი ქვეყნის სანადირო სავარგულებში ჩლიქოსნების სიმჭიდროვე ოპტიმალურზე მაღალია, ძირითადად, სანადირო მეურნეობის განვითარების ინტენსიური ხასიათისა და მაღალი სანადირო კულტურის შედეგია. გარეულ ჩლიქოსნებს ისე უვლიან და კვებავენ, ჩვენთან ბევრი შინაურ პირუტყვს რომ ვერ მიხედავს... რომ დასჭირდეთ, თავისუფლად შეამცირებენ მათ რიცხვს - ან ნადირობის კვოტას გაზრდიან და ან შეუწყვეტენ დამატებით კვებას (განსაკუთრებით ზამთარში). ანუ, ძვირფასი სანადირო-სარეწაო ცხოველების მაღალი რიცხოვნება ხელოვნურად და სავსებით შეგნებულადაა გაზრდილი და შენარჩუნებული. მეტი ნადირი - მეტი ნადავლი - მეტი შემოსავალი, ესაა სანადირო მეურნეობების მოტივაცია. ეს ინფრასტრუქტურა კარგადაა აწყობილი ამ ქვეყნებში - გერმანია, ჩეხეთი, ავსტრია, უნგრეთი, სლოვაკეთი. აქ არავინ მოინდომებს მგლების გამრავლებას და ჩლიქოსნების რაოდენობის მათი მეშვეობით დარეგულირებას.
გერმანელმა მწვანეებმა შეიძლება უარესებიც თქვან...
------------------------------------------



გერმანელი მწვანეების არ ყოფილან, გერმანელი ბიომრავალფეროვნების სპეციალისტები იყვნენ და რატომღაც მგონია, რომ ზოგიერთ მონადირეზე უკეთესად იციან საკუთარი პრობლემები.

არასწორია ამის მტკიცება:
ზოგიერთი ქვეყნის სანადირო სავარგულებში ჩლიქოსნების სიმჭიდროვე ოპტიმალურზე მაღალია, ძირითადად, სანადირო მეურნეობის განვითარების ინტენსიური ხასიათისა და მაღალი სანადირო კულტურის შედეგია. გარეულ ჩლიქოსნებს ისე უვლიან და კვებავენ, ჩვენთან ბევრი შინაურ პირუტყვს რომ ვერ მიხედავს
-----------------------------------------------------------------------------------------------------------------------------
სანადირო სავარგულებში არაა პრობლემა. პრობლემაა მთლიანად ქვეყნის მასშტაბით და ამას ვერანაირი კვოტებით თამაშით ვერ დაარეგულირებენ. ასეთია მათი აზრი. მიზეზსაც ასახელებენ - თავის დროზე მგლების გაწყვეტა.

AlekoN
სად ბიომრავალფეროვნების და სად ნადირობის დეპარტამენტები??
რომელ მონადირეებს უთანხმდებიან?
საქართველოში უძველეს სანადირო გაერთიანებასთან თუ აქვთ კავშირი?
და თუ საიდუმლო არაა, რა გადაწყვეტილებებია მათთან შეთანხმებით მიღებული?
----------------------------------------------------------------------------------------



ბიომრავალფერონების სპეციალისტები მუშაობენ ბაიომრავალფეროვნების ბალანსისი შენარჩუნებაზე.
მათი მოვალეობაა სხვადასხვა კვლევების წარმოება და ამის საფუძველზე ნადირობის სეზონის გახსნა, სხვადასხვა ცხოველებსა და ფრინველებზე ნადირობის ნების დართვა ან აკრძალვა, ნადირობის და ტევზაობის წესების შემუშავება, ცვლილება, კვოტების დაწესება და ასე შემდეგ. ახლა ტქვენ თუ ფიქრობთ, რომ ამას მონადირეები უნდა აკეთებდნენ, მე და თქვენ ვერ შევთანხმდებით.

თანამშრომლობის კონკრეტულ ფაქტს რაც შეეხება, ჯერ ერთი ყველა ამ შეხვედრების აქტიური მონაწილე და ინიციატორები სწორედ ამ დეპარტამენტის თანამშრომლები იყვნენ სხვებთან ერთAდ.

მეორეც, ტევზაობის და ნადირობის წესების დამტკიცების დროს სამონადირეო მეურნეობების და მეთევზე-ლიცენზიანტების წარმომადგენლების მოწვევა ხდება რეგულარულად.

იმედია არ ფიქრობთ, რომ მონადირეები ტყე-ტყე უნდა ეძებონ ან მტკვარზე ეკრანშიკებს უნდა შეუთანხმონ რამე.
მონკავშირთან დაკავშირებით რა გითხრათ, კიდევ არსებობს?

ბესო
მოგვიანებით.

პოსტის ავტორი: AlekoN Oct 8 2009, 17:21

ლევანი

სკანდინავია არაა დას. და ცენტრ. ევროპა და ამიტომაც არ მქონია მხედველობაში. მანდ შეიძლება არის მგელი, ზუსტი ინფორმაცია არ მაქვს.
კარგად იცი, რომელ ქვეყნებსაც ვგულისხმობ.



კონკრეტულად რაში არ მეთანხმები?


და მერე ვინ თქვა, რომ საქართველოში მგელი უნდა გავწყვიტოთ?


ესე იგი, ამაში მეთანხმები.
რეგულირებას სერიოზული ჯგუფების შექმნა ჭირდება და დღეს მგონი, ეს მექანიზმი მხოლოდ ქაღალდზე დარჩება.



ცნობილი შემთხვევების შემდეგ ხომ დარაზმეს მონადირეები, ზოგს ტყვია-წამალი მისცეს და ა. შ.
მოდი ვიკითხოთ, ამ რეაგირებების მერე ერთი მგელი მაინც თუ იქნა მოპოვებული?
ანუ, მიღებული ზომების ეფექტურობა როგორი იყო?



ახლა მე და შენ რომ წავიდეთ, მგლებს დავხოცავთ?!


შენი ფორმულირების მიხედვით, სამინისტრო უტოპიურ იდეასაა აყოლილი.
გულწრფელად გეკითხები, მართლა ასე ადვილი გგონია მგლის მონადირება?
ცოფიანი მგელი ნებისმიერი საშუალებით არ უნდა გაანადგურო??
-----------------------------------------------------------------------------------------


ბესო

ეს ის გაერთიანებაა, რომელმაც შექმნა და აქამდე მოიტანა მონადირული ტრადიციები, სანადირო მეძაღლეობა, და დღეს თუ ვერაა სათანადო დონეზე, მაგის მიზეზი სხვაა.
საქართველოში სანადირო ორგანიზაციების ისტორია 2009-დან არ იწყება.


ვსაუბრობდი არა "შევიწროებაზე" ევროპაში, არამედ გაწყვეტაზე.
რაღაც, გაუგრძელდათ ფიქრი, მგონი...

პ.ს. ეს "ამოღება" რაღაა?! ტიპიური კალკაა.


ბუნებრივიცაა, ერთი აზრი არ ექნებათ - ერთს, რომელსაც ცისფერ ეკრანზე თუ უნახავს მგელი და მეორეს, რომელსაც საკუთარ ტყავზე აქვს გამოცდილი მისი მეზობლობა. მეორის გრძნობები სულაც არ იქნება სენტიმენტალური.

პოსტის ავტორი: 919 Oct 8 2009, 19:15

შარკი

რესპეკტ, შარკი რესპეკტ!
ოქროს სიტყვებს წერ, გეტყობა რომ კითხვაც და აზროვნებაც
არ გაკლია - 100%ით გეთანხმები

და კიდევ, ვინმემ თუ იცით გერმანული მეურნეობების პრეისკურანტი?
გაიგებთ და ინსულტს ვერ გადაურჩებით... მერწმუნეთ იქ ხალხი ვერ
ნადირობს სიძვირის გამო. გერმანელები სანადიროთ ბულგარეთს, ჩეხეთს,
სლოვაკეთს და საფრანგეთს სტუმრობენ იმიტომ, რომ იქ ნადირობა
"შვაინ-იშტოიერ"-ი არ არის ანუ უნამუსოდ ძვირი

პოსტის ავტორი: ბესო Oct 8 2009, 23:03

მონადირული ტრადიციები არ შეუქმნია მაგ გაერთიანებას!!!!!!!!! და არც მის გაქრობასთან ერთად გამქრალა ნადირობის კულტურა საქართველოში!!!
ნადირობის ტრადიციაც და კულტურაც საქართველოში შეიქმნა და იხვეწებოდა მრავალი საუკუნეების განმავლობაში. ამიტომ კომუნისტების მიერ შექმნილი "მონკავშირი" და მისი მსგავსი სხვა ორგანიზაციები დღევანდელობასთან არაფერ შუაში არ არის... თუ ვინმეს უნდა კიდევ სამინისტროს შესაბამის სტრუქტურებთან ურთიერთობა არ მგონია, რომ უარი ეთქვათ ვინმესთვის. მაგალითად: ჩვენ, მივაკითხეთ და კარი გაგვიღეს!!!!!!!!



2009 წელს დაიწყო ჩვენი კლუბის ისტორია (იმედი მაქვს, რომ არც დამთავრდება ) და ვიმედოვნებთ, რომ ველოსიპედს არ გამოვიგონებთ და ამ საუკუნეების ნამოღვაწარს ღირსეულად დავიცავთ და შევინახავთ - როგორც მინიმუმ - ჩვენ წილ ქვას მაინც გადავაგორებთ!!!



გაუგრძელდათ თუ არ გაუგრძელდათ ამის მსაჯი არ მგონია საქართველო იყოს, მაგრამ ფაქტია, რომ ამაზე სერიოზულად ფიქრობენ და გზებს სახავენ და 1 და 2 თვეში არ ხდება ამგვარი საქმეების დაგეგმვა და განხორციელებაც, როდესაც ყველა დეტალი გასათვალისწინებელია!



რა თქმა უნდა არ ექნებათ 1 აზრი. ის "არასენტიმენტალური" ფერმერი ხარობს, მაშინ, როდესაც მგლის არსებობის დროსაც კი მისი ზიანი 0-ის ტოლი იყო. და "სენტიმენტალური" ქალაქის მოსახლეობა კი წუხდება უკვე გაცოფებული ირმებით!!, რომლებიც ავტობანებზე რქებით ერჭობათ საქარე მინებში... და მომრავლდნენ ავადმყოფი ჩლიქოსნები ევროპაში, ვინაიდან ეს "გარეწარი" მგლები აღარ არიან და აღარ ხდება ამ ავადმყოფი ცხოველებისგან ფაუნის გასუფთავება. მგლები და მათი მსგავსი მტაცებლები გარკვეულ წილად ტყის სანიტრები არიან და მათი ამოწყვეტა სრული უმეცრებაა, რაც უკვე აღიარა ევროპამ და აქ მესამედ ნაღდად არავინ მიუბრუნდება ველოსიპედის გამოგონებას!!!

პოსტის ავტორი: ლევანი Oct 8 2009, 23:11

კონკრეტულად ვერ ვიტყვი ვერაფერს...უბრალოდ ეგეთი რამე რაღაც გარკვეულ ფაქტებს უნდა ეყრდნობოდეს...საინტერესოა..ვინ დაადგინა, რომ ცენტრალურ ევროპაში მგლები ადამიანებმა შეავიწროვეს და მათი ტერიტორიები აითვისეს...რაიმე დასკვნა არსებობს???...
ვკითხოთ...საინტერესოა..თუმცა მე რაც ტელევიზიით ვნახე...გლდანში მოკლეს(ცემი ნაცნობიც იქ იყო) კახეთშიც იყო 2 თუ 3 განადგურება...ერთერთის სურათები ჩვენ ფორუმზე დევს...
შეიძლება მე და შენ ვერ დავხოცოთ...მაგრამ ჩვენ კლუბში არიან იმ დონის მონადირეები...თუ გინდა ლომებს დაგიხოცავენ...
არაფერი არ მგონია...და არ არისი საჭირო ჩემგან ისეთი მონადირის პროტოტიპის ჩამოყალიბება..ვისაც მარტო სურათზე ყავს მგელი ნანახი...მგელი 3 ჯერ მყავს ნანახი 8-10 მეტრის მანძილზე...რუსეთში..უღრან ტაიგაში... ისიც კარგად ვიცი რასაც წარმოადგენს...და რა მანძილს გადის მოკლე დროში...ჩემ ნააზრევში...სამინისტრო რატო აწვება უტოპიურს..მაგას ვერ მივხვდი..ხოლო რაც შეეხება ცოფიან მგელს...უცოფოს განადგურებაც ნებისმიერი ხერხით შეიძლება...თუ მოსახლეობას აწუხებს...ხოლო ცოფიანია თუ არა მგელი...მაგის დადგენა სხვა თემაა...

პოსტის ავტორი: ბესო Oct 8 2009, 23:19

ჩემი პოსტები, რომ წავიკითხე დავიშოკე - არ გამომიყვანეს მგლის დამცველად? არა და მგონი პირველი მე გავყვიროდი ამოსაღებია მეთქი მაგრამ მათი გარკვეული რაოდენობის ამოღება არ ნიშნავს მგლის ჯიშის სრულ ამოწყვეტას!!

პოსტის ავტორი: ბესო Oct 8 2009, 23:46

და საერთოდ ეს თემები ეხება ჩვენი კლუბის ურთიერთობას სამინისტროსთან და გაოფებას არ ექვემდებარება....
სხვადასხვა პრობლემები განიხილება შესაბამის თემებში
ამიტომ -
- ცლოსედ!!!



არადა 2 სიტყვის დამატება მინდოდა, კარდი დისკუსია იყო

ვიტო