თემის საბეჭდი ვერსია

პოსტის ავტორი: noso May 16 2009, 11:51

სიგრძე__45სმ. წონა__1.2კგ.


ბ ი ნ ა დ რ ო ბ ს : მდინარეში და ტბაში,იტანს წყლის ტემპერატურის დიდი მერყეობას.


ი კ ვ ე ბ ე ბ ა : როგორც ცხოველური , ისე მცენარეული საკვებით--- წყლის მწერებითა და მათი მატლებით, ტევზებითა და მათი ქვირითით, ბაყაყებით, წყალმცენარეებით.

პოსტის ავტორი: sergeevich Sep 14 2009, 22:05

ბარემ ამის ცოცხალ სურათსაც დავაგდებ, ხარჯი ხარჯია.
http://www.radikal.ru
http://www.radikal.ru

პოსტის ავტორი: ვიტო Oct 7 2009, 22:43

sergeevich
ხომ ვერ გააკეთებდი ჩამონათვალს კონკრეტულად რომელ მდინარეებში და ტბებში შეიძლება შეგვხვდეს ეს თევზი,
განსაკუთრებით აღმოსავლეთი მაინტერესებს, რაცხანაირად ხომ უნდა გავიღრმავო სპინინგის ხელობა

პოსტის ავტორი: troutbaiter Oct 7 2009, 23:37

აღმოსავლეთი არ ვიცი და სამეგრელოში ტეხურაზე, ხობისწყალზე, აბაშაზე, ცივზე, ტარჩელზე და კიდევ ბევრგან კარგადაა... გუბისწყალიც ცნობილია...
აღმოსავლეთში კი მტკვარი ვარძიასთან

პოსტის ავტორი: Fuego Dec 1 2009, 14:38

როდესაც გინდათ რომ, თევზის რომელიმე სახეობის ლათინური დასახელება გადაამოწმოთ - არსებობს სამეცნიერო-საძიებო სისტემა http://www.fishbase.org/search.php, სადაც ქვეყნდება თანამედროვე სისტემატიკის უახლესი ინფორმაცია.
კიდევ ერთხელ ბოდიში - ჩემს ცოდნას ვენდე - შემოწმება სჭირდწბა. (20 წელიწადია იქთიოლოგიასთან მხოლოდ გასტრონომიულ-სამოყვარულო კავშირში ვარ.)

ქაშაპი იხ.: http://www.fishbase.org/summary/SpeciesSummary.php?id=4482

პოსტის ავტორი: (dila)adriano Jan 25 2010, 13:06

მახსოვს თავის დროზე სასაცილოდაც არ გვეყო
როდესაც ერთ-ერთმა მეთევზემ (მარგალ კოჩმა)
ამ თევზს ქაშაპი უწოდა
დიდხანს ვღადაობდით:
ქაშაყის და ვეშაპის ნაჯვარს მეგრულად ქაშაპი რქმევიაო

ჩვენ "გალავჩიკს" ვეძახდით
მეგობარი იყო
ფაქტიურად

მახსოვს ლექსიც დავეწერე:
"ორმოცი ბუზი უნდა იკისრო
ჭამა თუ გიყვარს გალავჩიკისო"
ანდაზაა თითქმის

ბუზის დაჭერასაც ცოდნა უნდა
და ამ საქმის პროფი ჩვენს საძმაკაცოში ანზორი იყო მამარდაშვილი
მატსახელად "ბუზი"
თევზაობის არაფერი გაეგებოდა
მაგრამ ჭამა კი უყვარდა
ნამეტნავად
გალავჩიკის - განსაკუთრებით
მისი ხათრით სულ ლურჯტრაკა ჩასუქებულ ბუზებს გვიჭერდა ხოლმე
ნახევარლიტრიანი შუშის ქილით მოგვართმევდა
და
ჩვენც მივდიოდით სოფელ მერხეულში
მდინარე მაჭარკაზე სათევზაოდ.
ჩვენი არსენალი იყო:
გადასაბმელი ბამბუკები
ძუა - რომელიღაც ნომერი
შამპანურის საცობისაგან გამოთლილი
შიგგულშიასანთისღერგაყრილი ტივტივები
მუცელგამობზეკილი ნემსკავები
და რაც ყველაზე მთავარია
კოჭებთან ჩოგბურთისბურთმიხატული კედები

მდინარეზე უამრავი მცირე
მაგრამ საკმაოდ ღრმა მორევი იყო
ჩვენი წარმატებული თევზაობის და
ანზორის გემრიელი ვახშმის გარანტი

ჩემი მამიდაშვილი ავთო
ანკესის წყალში ჩაგდებამდე
წაუჩურჩულებდა ნემსკავზე გამობმულ ბუზს:
ბუზო ბუზი მშიერი არ დაგვიტოვოო
რა გამოლევდა მაჭარკაში გალავჩიკს

ერთხელ ისეც მოხდა
რომ ავთომ ორი ნახევარკილოიანი თევზი დაიჭირა
ადრე მაქსიმუმ 200 გრამიანებს ვიჭერდით
(ეტყობა შელოცვამ გაამართლა)
ჰოდა ავდექით
სანაპიროზე კოცონი დავანთეთ
შამფურებზე წამოვაგეთ თევზები
შევწვით და იქვე შევჭამეთ
სახლში დაბრუნებულებმა ეს ამბავი ბუზის ვუამბეთ
ისე ეწყინა რომ სულ ბებიები გვიგინა
აწი ბუზებს კი არა
ამ ჩემს იმას დაგიჭერთო
ბლიად (მიაყოლა)
მერე ომიც დაიწყო
და ყველამ ერთად დავიჭირეთ ის
რასაც ბუზი გულისხმობდა.

ნოსტრადამუსი იყო ფაქტიურად
ეგ ვეშაპის და ქაშაყის ნაჯვარი ეგა

პოსტის ავტორი: demi Jun 12 2010, 20:02

პოსტის ავტორი: Pendragon Jun 14 2010, 22:29

demi

შესანიშნავი ნადავლია!
ქაშაპზე თევზაობა ძალიან აზარტულია იმისდამიუხედავად, რომ დიდი წინააღმდეგობის გაწევა არ იცის... ჩოლოქზე დავიჭირე კილოიანი ქაშაპი და ისე ამოვიყვანე, თითქმის ვერც გავიგე

პოსტის ავტორი: Pendragon Jul 5 2010, 17:20

demi

მე სულ ლაითი სპინინგით ვთევზაობ

აი გუშინდელი ნადავლის ყველაზე დიდი ეკზემპლარი:

პოსტის ავტორი: demi Jul 8 2010, 13:16

პენდრაგონ მოგესალმები ეს დღეები გასული ვიყავი სამსახურის საქმეებზე და ვერ შეგეხმიანე, ნამყოფი ვარ მაგ ადგილებში ომის დაწყებამდე, ჭერეხის დასაჭერად, გვითხრეს ადგილობრივებმა თითქოსდა დაუჭერიათო მაგ ადგილებში ჭერეხი, ბევრი ვეცადე მე პირადად, მაგრამ სპინინგით მხოლოდ ქაშაპი იჭირებოდა, კიდევ ვეძებე ტეხურა რომ უერთდება რიონს(ლოქოს ვიჭერდით მანდ, ახალსოფლის მიმართულებით), მაგრამ იქაც მხოლოდ ქაშაპი და რამოდენიმე წითელფარფლა დაჯდა. ქაშაპი მანდეთ ყველგან კარგადაა, ერთადერთი ჯუმზე ვერ დავიჭირე(ალბათ არაა?) არის ენგურზეც(განსაკუთრებით ლია-ფახულანის მონაკვეთი). ერთი სიტყვით ვისაც ქაშაპის სპინინგით დაჭერა უყვარს, სამარგალო ნამდვილი ქაშაპის "სამეფოა".

პოსტის ავტორი: Pendragon Jul 8 2010, 18:52

ფიჩორში შესასვლელად როგორც ვიცი ძრავიანი ნავია საჭირო... თორემ მართლა წაითევზავებდა მანდ კაცი

თუმცა თემას გადავუხვიეთ და ქაშაპის ჭერა ქარიყლაპიაზე არანაკლებ აზარტულია რადგან გამჭვირვალე მდინარეში კარგად ჩანს რა და როგორ ხდება

პოსტის ავტორი: დემი Jul 16 2010, 11:44

უმორჩილესად გთხოვთ, რომ ამ თემაში დავდოთ მხოლოდ საქართველოში არსებული და დაჭერილი ქაშაპის შესახებ მოპოვებული ინფორმაცია(უცხოური ფოტო-ვიდეოს გარეშე), აგრეთვე განვიხილოთ ზემოთ ხსენებული მიზნების და რიგი გამოკვლევების განხორციელებისათვის ექსპედიციების დაგეგმვა, ორგანიზება და შედეგების დადება.ჩემი პირველი თემაა, ძალიან ვღელავ(აი ისე პალიასტომის ტბამ რომ იცის) და ... თქვენი თანადგომის იმედი მაქვს

პოსტის ავტორი: troutbaiter Jul 16 2010, 15:10

2 დღის წინ ვიყავი ჩოლოქზე. ძლიერი სიცხეები უჭირავს. დილაუთენია ტყუილა ვცდილობდი ქარიყლაპიას მოტყუებას. როგორც კი მზე გამოვიდა ქაშაპზე გადავედი პატარა ტრიალათი და შედეგმაც არ დააყოვნა - 2 ცალი 250-300 გრამიანი დავიჭირე. კიდევ 2 ცარიელი ჩარტყმა მქონდა.

პოსტის ავტორი: დემი Jul 16 2010, 22:09

ჩემი პირველი ქაშაპი სპინინგით დავიჭირე ეგრეთ წოდებულ უხამუთო MARTIN-ის №4 და №6 ბზრიალაზე, შემდეგ ისევ უხამუთო mepps-ის №3 და ხამუთიან №3 aglia-ს ტიპის ბზრიალებზეც, რომლებიც ჩემი დაკვირვებით მდ.ხობზე ივლისის მეორე ნახევარში და აგვისტოს თვეში სხვა ტიპის ბზრიალებთან შედარებით შედეგს მეტს გვაძლევს, ჩემს ხელთ არსებული ვობლერებიდან კარგი შედეგი მაჩვენა RAPALA-ს COUNTDOWN CD-5 SINKING-მა, Mini Fat Rap Floating და Salmo Hornet sdr 4sm. ვობლერებზე სწორხაზოვან გატარებულს მეტი დარტყმები ჰქონდა. სექტემბრის თვე კი მხოლოდ ვობლერით იყო წარმატებული. (ეს ჩემი მცირედი დაკვირვება)

პოსტის ავტორი: Davitus Jul 17 2010, 00:16

დემი

ხობის წყალზე, კონკრეტულად რომელ ადგილებში? მოგეხსენებათ რომ ყველგან ვერ ითევზავებ ქაშაპზე, მთელი ბავშვობა იქ მაქვს გატარებული და არასდროს მსმენია ქაშაპის ჭერაზე, მე სადაც ვთევზაობდი მანდ ნამდვილდ არ იყო ყოველშემთხვევისთვის


P.S. ბატონო დემი, ის პოსტებიც ხომ არ გადმოვიტანო ამ თემაში, ქაშაპის თემიდან?

პოსტის ავტორი: დემი Jul 17 2010, 15:23

Davitus

დ.პ. ხობში საავტომობილო ხიდს მარცხნივ (ხობი- სენაკი) ზედა მხარე. აი სურათიც.

პოსტის ავტორი: (dila)adriano Jul 17 2010, 17:47

უდიდესი მადლობა დემის
ამ თემის
გახსნისათვის

ქაშაპი აღმოსავლეთ საქართველოში ერთადერთი თევზია
(ვგულისხმობ მასიურად გავრცელებულ თევზებს)
რომელზეც შეიძლება ნადირობა (პირდაპირი გაგებით)
სპინინგით ჭერის თავისებურებებზე მსჯელობა თქვენთვის მომინდვია
მაგ საქმეში დამწყები გახლავართ
მე ქაშაპზე ჩემებური ნადირობის წესზე მინდა გესაუბროთ
თევზჭერის ყველაზე აზარტულ წესზე

ეს მეთოდი ბავშვობაში გამოვიგონე
და დროთა განმავლობაში დავხვეწე კიდეც

დასაწყისისთვის ორიოდ სიტყვა თავად ქაშაპზე
ის სწრაფი
ბუზ-კალიაზე უზომოდ შეყვარებული
და ფრთხილი თევზია
(უნდა ითევზაო მოფარებულიდან
შეეცადო რომ შენი ჩრდილი წყალს არ დაეცეს
ხშირად უნდა იცვალო ადგილი
და ა. შ.)

ამ რამოდენიმე კვირის წინ ალგეთზე ვინადირე
იქ სადაც მდინარე წყალსაცავს ერთვის
ხიდიდან
სადღაც დილის 11 საათვსთვის ადგილზე ვიყავით
ხიდზე მთევზეები საკმაოდ იყვნენ
ზოგიერთი მათგანი სერიოზულად იყო შეიარაღებული
ვგულისხმობ ფსკრული თევზჭერისათვის განკუთვნილ აღჭურვილობას
ფიდერები და რამე
თევზაობის ობიექტები იყვნენ:
საზანი (რა თქმა უნდა)
ხრამული (მაგას შემოვევლე)
და
კარასი (ბოზიშვილივიყო)
წყალი ოდნავ ამღვრეული
მდინარე მოდიოდებული
ერთი კარასის გარდა არავის არაფერი ქონდა დაჭერილი
და ეს ხელმოცარულობა იმის ფონზე
რომ წყალი თევზით დუღდა
ჩემი პირველივე რჩევა მეთევზეებისათვის იყო შემდეგი:
რახან თევზი წყლის ზედაპირიდან იკვებება
შესაბამისი ანკესია გასაწყობი მეთქი
მათ რჩევას თითქოს ყური უგდესავით
მაგარმ როდესაც ჩემს ყველზე ელემენტარულ მონტაჟს შეხედეს
გადაიფიქრეს და თავიანთ მითიურ საზან-კარასებს დაუბრუნდნენ

პირველი რაც გავაკეთე იყო ის რომ ბუზების დასაჭერად მინდორს მივაშურე
ბევრი ვიწვალე თუ ცოტა
ბუზი ვერ
მაგრამ ფუტკარი დავიჭირე
ნემსკავზე წამოვაგე და ხიდიდან წყლის ზედაპირზე დავუშვი
ანკესი შედგებოდა უბრალო კოჭიანი ჯოხისაგან
მოზრდილი ტივტივის
და ნემსკავზე წამოგებული მწერისაგან
მეტრნახევრიანი "პავადოკის" წყალობით
ფუტკარი "პაპალაოკისგან" საკმაოდ მოშორებით ტივტივებდა
შიგადაშიგ ფრთებსაც არხევდა
მოკლედ ყველაფერი რიგზე იყო
გარდა ერთისა
ირგვლივ ყველა პესიმისტურად იყო განწყობილი
მაშაყირებდნენ კიდეც
და არც მე მქონდა თევზის ფუტკარზე დაჭერის იმედი
ამიტომ
მეორე ჯოხი ტრადიციულად გავაწყვე
ძიორითადი ყურადღება მასზე გადავიტანე
ფუტკრიანი ანკესი კი ხიდიდან გადაყუდებული დავტოვე

სულ ხუთი წუთიც არ იყო გასული
როდესაც მოტივტივე ფუტკრის მხრიდან წყლის დგაფუნი მომესმა
და ვხედავ რომ "პაპლაოკი" კუდზეშპილკამობმული ძაღლივით ბზრიალებს
ქაშაპს ფუტკარი ნემსკავიანად იმდენედ ღრმად ქონდა გადაყლაპული
რომ ქირურგიული ჩარევა გახდა საჭირო
თუმცა თევზის ქაშაპობა იქაურთაგან არავინ დაიჯერა
უბრალო "უკლეიკაა" ოღონდ დიდიო
წონით 70-80 გრამის ფარგლებში იქნებოდა

სწრაფმა წარმატებამ ჩემი მეთოდის ეფექტურობაში დამარწმუნა
თან ხიდის მოაჯირზე ბუზების კომპაკტურად ჩასახელბის ადგილს მივაგენი
დიდი (თან ცოცხალი) ბუზი ნემსკავზე
ეს უკვე წარმატების 70% იანი საწინდარია
ანკესის ჩაგდებიდან რამდენიმე წამში შევნიშნე როგორ მიუახლოვდა სატყუარას ქაშაპი
ორი-სამი წრე დაარტყა
და გაელვების სისწრაფით ეცა ბუზს
გადაყლაპა და სწრაფადვე მოშორდა იქაურობას
თუმცა ტივტივამ და დილაადრიანომ ეს სიამოვნება არ შეარგეს
თევზი იგივე ზომის იყო
ასე გაგრძელდა მთელი საათის განმავლობაში
სანამ 30-ზე მეტი ქაშაპი არ დავიჭირე
10 ლიტრიანი წყლის ბოცა თევზით იყო სავსე
მეთევზეთაგან ზოგიერთმა მომბაძა კიდეც
და მათაც უდიდესი სიამოვნება მიიღეს
(არ მომბაძეს მხოლოდ მეკარასეებმა
ვერაფრით მივხვდი
ამსიშორეს კარასის გამო რამ წამოიყვანათ
მაინც ვერეფერი დაიჭირეს)

ახლადგამომცხვარი მექაშაპეები გამომეცნაურენ
მე ავუხსენი რომ "ფლაი ფიშინგი" თავისი სახელწოდებაშივე ცოცხალი ბუზით თევზაობას გულისხმობს
ერთერთს არსენალში შოლტით თევზაობისთვის განკუთვნილი "მუშკაც" აღმოაჩნდა
ვინადირეთ ხელოვნური მწერებითაც
შედეგი კიდევ 10 ქაშაპი
ალგეთის წყალსაცავი იდეალური ადგილია "ფლაი ფიშინგის" მეთოდით სათევზაოდ
თუ არ ჩავთვლით დილაადრიანოს ტბას

ჩვენი შემდეგი გასვლა სწორედ ამ ტბაზე მოეწყო
ამ მოგზაურობის შემდეგ ჩემი "ანგელიკა" (ჰონდა ცრვ)
ვერასოდეს იქნება ისეთი - როგორიც ადრე
ბოლომდე იბრძოლა "ჯიპის" წმინდა სახელის დასამსახურებლად

დილაადრიანოს ტბა თეთრიწყაროს რაიონშია
ბედენის ქედის სამხრეთ აღმოსავლეთ ფერდობზე
ბედენის ტბიდან კილომეტრნახევარში
იქაური ქაშაპის პოპულაცია იმდენად დიდია და ძლიერი
რომ კარასს გასაქანი არ მიეცა
და ეს ტბა საქართველოს ბუნებრივ ტბებში მგონი ერტადერთია
სადაც კარჩხანა არ ბინადრობს
ქაშაპი კი იცოცხლე იმდენია
სწორედ აქ გამოვიყენე "ფლაი ფიშინგისთვის" განკუთვნილი ჩემებური მოწყობილობა
ძუაზე ვაყენებთ მოზრდის ტივტივას
სიმძიმე ზედ ტივტივაზეა მიბმული
"პავადოკი" მეტრნახევრიანია
ნემსკავამდე 50 იოდე სანტიმეტრში მიმაგრებულია საფანტზე ოდნავ დიდი კიდევ ერთი ტივტივა
ბოლოში კი ცოცხალბუზიანი ნემსკავი
სიმძიმე საშუალებას გვაძლევს სატყუარა შორს გადავაგდოთ
დამხმარე ტივტივა კი მწერს ჩაძირვის საშუალებას არ აძლევს
წარმოიდგინეთ როგორი განცდაა
როდესაც ხედავ საკუთარი ხელით ნემსკავზე წამოგებულ ბუზს
ის წყლის ზედაპირზე ფართხალებს
რამდენიმე წამში მოდის ქაშაპი და სულმოუთქმელადე ყლაპავს

იმ დღეს უამრავი ქაშაპი დავიჭირეთ
და უკლებლივ ყველა გავუშვით
დილაადრიანოს ტბიდან თევზის სახლში წამოღება
თავისებური დანაშაულია
და სხვათა შორის
ცოცხალი ბუზის დაჭერა ქაშაპის მონადირებაზე გაცილებით რთულია

ამავე მეთოდით ძალიან წარმატებულია თევზაობა თეთრ ამურზე
იქ ბუზის მაგივრობას კალია წევს
თუმცა კალიაზე არც ქაშაპი ამბობს უარს

ერთი სული მაქვს ქობულეთისკენ როდის გავგაზავ
დასავლეთის ქაშაპები ხომ ზომით გაცილებით დიდები იზრდებიან
დემი დამეთანხმება
თუ გაგიმართლა შეიძლება ორკილოიანსაც გამოკრა ნემსკავი
თუმცა თავად 200 გრამიანზე დიდი არ დამიჭერია
ისიც ბავშვობაში

ამ აღმოსავლეთის იქტიოფაუნას რა ვუთხარი
ახლა კოდორზე რას ითევზავებდა კაციიიი
იფ იფ იფ

პოსტის ავტორი: დემი Jul 18 2010, 13:28

(dila)adeiano

პატივცემულო, მადლობა დიდი, თქვენი მეთოდი წააგავს სბირულინოს(ბომბარდა) სტილით თევზაობას. შედეგიანობას რაც ეხება,რა თქმა უნდა , როცა ქაშაპი ზედაპირიდან იკვებება, ბუზით,კალიით და დროის იმ პერიოდში იმ მიდამოში არსებული თითქმის ყველა მწერით(რომელიც შეიძლება წყალში ჩავარდეს) ბევრს დაიჭერ.

პოსტის ავტორი: Pendragon Jul 18 2010, 14:47

აი მეც ჩამოვედი....
სასტიკად დაღლილი და ეკალ-ბარდებისგან თავიდან ბოლომდე დასერილი

ვიყავი მდინარე ცივი-ზე (სენაკთან). ვინაიდან ჩემს მანქანას დროებითი პრობლემები შეექმნა, ხოლო მე თავისუფალი შაბათ-კვირა გამომიჩნდა, გადავწყვიტე მატარებლით გამგზავრება. სენაკში დაბარებულივით ზუსტად გამთენიისას ვიყავი, ტაქსს მოველაპარაკე და მდინარეზეც ამიყვანა.

ვინაიდან ეს ჩემი მესამე თევზაობა იყო ამ მდინარეზე, ბევრი საინტერესო ადგილი უკვე შეთვარიელებული და ჩანიშნული მქონდა. მაგრამ რატომღაც გადავწყვიტე 3-4 კილომეტრით კიდევ უფრო ზემოთ ავსულიყავი და აქედან დამეწყო ჭერა. სპინინგი რომ გავმართე, სწორედ მაშინ გათენდა. მდინარე ამ ადგილას მთლიანად სილიანი დამხვდა, ერთი ცალი ქვაც კი არსად ეგდო... ეს არ მომეწონა, თუმცა ერთი-ორჯერ მაინც ვისროლე სატყუარა და დავუყევი დაბლა.

სამწუხაროდ ძალიან დიდი მონაკვეთი სწორედ ასეთი ქვიშა-ტალახის გრუნტიანი და დაბალწყლიანი გამოდგა:



ასეთ ადგილებში დიდი თევზი არ დგება და მხოლოდ პატარები დაცურავენ... რამდენიმე პატარა ქაშაპის მეტი ვერაფერი დავიჭირე... უნდა აღინიშნოს, რომ თევზის რაოდენობა ძალიან დიდია. 4-5 ცალი 100 გრამიანი ქაშაპები მუდამ დასდევდნენ და აცილებდნენ სატყუარას...



მართალია ასეთი პატარების ჭერაც სასიამოვნოა, მაგრამ მე უფრო დიდ თევზზე მქონდა აქცენტი გაკეთებული და ამიტომ ასეთ ადგილებზე დიდ ხანს არ გავჩერებულვარ. სამწუხაროდ ზოგიერთი მონაკვეთი ძალიან ძნელად გასავლელი გამოდგა. საქმე იმაშია, რომ სანაპიროს გაყოლებით მოსახლეობას ყანები აქვს, ხოლო იმისთვის რომ საქონელი მაგათ ყანებში არ შეიპაროს, შემორაგვული აქვთ ეკლიანი ცოცხალი მცენარეეებით. რამდენჯერმე მომიწია ასეთ ღობეზე "გადაძრომა" რაც იყო სრული კოშმარი.

თან ეს შლამიანი ადგილი დიდ ხანს ვერ გავლიე, ყოველი მოსახვევის შემდეგ იგივე მხვდებოდა:



მოკლედ დღის პირველი ნახევარი შეიძლება ითქვას ტყუილად დავკარგე. დავიჭირე 5-6 ცალი პატარა ქაშაპი და რაოდენ დაუჯერებელიც არ უნდა იყოს, ვობლერზე დაჯდა თითისსიგრძე ფრიტა...

როგორც იქნა მივაღწიე ნამდვილ საქაშაპე ადგილებს. წყალში ლოდები, ჩაცვენილი ხეები, ჩქერები... და პირველივე ასეთ ადგილას ჩემს ვობლერს დაეტაკა მარა რა დაეტაკა! კინაღამ ჯოხი გამივარდა ხელიდან, სასწრაფოდ ამოვკარი, მაგრამ ვერ გავაჩერე - მიდის მიაქვს ვობლერი - კოჭის მუხრუჭი გაუჩერებლად მუშაობს, ცოტა ხანს ვაცადე და რომ აღარ გაჩერდა მუხრუჭს ოდნავ მოვუჭირე და გაძვრა კიდეც :(... ძალიან გული დამწყდა, მაგრამ ამავე დროს გამიხარდა რომ ესეიგი ამ მდინარეში მართლაც დიდი თევზი ბინადრობს! ჩემი ვარაუდით 1-1.5 კგ. იქნებოდა ეგ თევზი.

ამის შემდეგ კიდევ დავიჭირე რამდენიმე პატარა და 200-300 გრამიანი ქაშაპები:



დიდი თევზის მხოლოდ ერთი დარტყმა მქონდა, მაგრამ არ დამჯდარა.

საღამოხანს საოცარი სურათის მომსწრე გავხდი. ერთ-ერთ ძალიან პერსპექტიულ ადგილას (იქ სადაც წინათ დავიჭირე 600 გრამიანი ქაშაპი) ვნახე ყველანაირი ზომის აურაცხელი თევზი. ვერ მივხვდი ზუსტად რას აკეთებდნენ - ბრუნავდნენ წყალში და ლაპლაპებდნენ მზის შუქზე. პოლარიზებული სათვალე იძლეოდა საშუალებას მთლიანი სილუეტი დამენახა - ზოგიერთი ძალიან დიდი თევზი იყო, მაგრამ სატყუარას არად აგდებდნენ. გავუტარე ყველაფერი რაც კი გამაჩნდა, სილიკონიც კი, მაგრამ ამაოდ - თითქოს რაღაც რიტუალი ჰქონდათ და ჩემთვის არ ეცალათ. აი ამ ადგილას ხდებოდა ეგ ამბავი:



ბომბარდაც ვცადე ხელოვნური "ბუზით', მაგრამ ვერაფერი დავიჭირე. ისე უნდა ითქვას, რომ თევზი ზედაპირზე თითქმის არ ამოდიოდა. შესაძლოა ამიტომაც არ იმუშავა ზედაპირულმა სატყუარამ ბომბარდას გამოყენებით.

მოკლედ მაინც კი ვისიამოვნე, თუმცა მაგრად დავიღალე და დავიკაწრე.

მატარებლით მგზავრობა მომეწონა, ისე ჩავედი და ჩამოვედი - არ გამიგია

პოსტის ავტორი: (dila)adriano Jul 18 2010, 19:56

Pendragon

ბომბარდა ხელოვნური ბუზით უკეთ მუშაობს თუ ცოცხალი ბუზით?
და საერთოდ დასავლეთში ბომბარდით თევზაობა როგორი წარმატებულია?
მაინტერესებს

პოსტის ავტორი: amroci Jul 22 2010, 17:17

მანდ ვიყავი მეც 11-ში და მერე 18-ში. 11 ივლისს საკუთარი თვალით ვნახე 4 მკვდარი ქარიყლაპია თითო-ორკილოიანები. ელექტრიკებს ქონდათ ნაბოროტმოქმედალი.
რო სადმე შემხვდნენ წარმოდგენაარ მაქვს შარს როგორ ავცდები. აუცილებლად მომივა რამე მაგათთან.
არადა 2002-და 2008-მდე მართლა რომ მაგრად მუშაობდა გდი. ეხლა მთლად გაჩათლახდა ვიღაცა უწყებაში.

პატარა ოფტოპიკს შეგეკითხებით. ვთქვათ დავიჭირე ბრაკონიერი ფოტოთი როგორ მოვიქცე ისე რომ შედეგიანიც იყოს და იურიდიულ შარსაც ავცდე.
აღარ ვერიდები ასეთ საქციელს რადგან მართლა ახვარი როჟები აკეთებენ ამას და არა ვინმე გაჭირვებული. ეს 100% ვიცი.

პოსტის ავტორი: დემი Jul 23 2010, 19:53

მოგესალმებით ყველას პატივცემულებო, პირველ რიგში ბოდიშით, რომ ვერ შეგეხმიანეთ ფორუმზე, გასული ვიყავი "მოხმარების არედან", სამსახურის საქმეებზე, განსაკუთრებით მაინტერესებდა დასავლეთის მხარეს მყოფი Pendragon-ის მიღწევები და შედეგები, მადლობა შენი პოსტისთვის, ვწუხვარ, რომ გაწვალდი, მაგრამ ხომ გაგიგია ვარდი უეკლოდ ვის მოუკრეფიაო, ვეცადოთ შემდეგისთვის, რომ მარტო არ წახვიდე, რაც შეეხება ქაშაპის პასიურობას, შეიძლება მართლაც და დენის აპარატით გაიარეს მაგ ადგილებში( ასეთ დროს თევზი ზედმეტად ფრთხილია და დაშინებული), ან შესაძლოა შეგამჩნია (შენი სიფრთხილის მიუხედავად).

თუ არ შეწუხდებით პატივცემულო.

პოსტის ავტორი: დემი Jul 23 2010, 20:08

თუ თევზის აქტიურობა არ შეიმჩნევა წყლის ზედაპირზე(ზედა შრეებში), მაშინ ზედაპირული(floating) ბომბარდა ფსკერულა (sinking) ბომბარდით უნდა ჩაანაცვლოთ, რათა თქვენმა სატყუარამ(ბუზმა) წყლის ქვედა ფენებში ან ფსკერთან ახლოს გაიაროს.

პოსტის ავტორი: nikoloza_migina Sep 12 2010, 12:28

http://pix.ge/
აქ არის ძალიან ბევრი ქაშაპი

პოსტის ავტორი: ვიტო Sep 13 2010, 12:20

უიმე ეს თემა რათ არ ვიცოდი?

მე დიდი პრაქტიკოსი არ ვარ ამ თევზის ჭერის თუმცა მცდელობა მაქვს და 2 დღის წინ მდინარე ქციაზე
თემის ავტორთან ერთად და კიდევ ზოგიერთ პარტიის წევრებთანერთადაც მდინარე ქციაზე მქონდა
სურვილი თან დიიიიიიიდი რომ დამეჭირა ქაშაპი სპინინგზე, (მგონი ეს თემა მარტო სპინინგს არ ეხება ხო?
თუ როგორ არის? ) ხოდა მთელი დამსწრე საზოგადოების შედეგი იყო ნოლი, ვხმარობდით ვობლერებსაც
და ბზრიალებსაც.
გაგონილი მ,ქონდა რომ მანდ არის ეგ თევზი თუმცა ჩვენი წარუმატებლობა ნამდვილად არ ვიცი რისი ბრალი იყო
და იქნებ მცოდნეებმა გვიპასუხონ...

რა პირობებში ვთევზაობდით:
- იყო ძალიან ცივი დღე თუმცა მაინც სექტემბერი.
- ცოტა ცრიდა, + ხან ცრიდა ხან ჩერდებოდა.
- წყტალი კამკამა არ იყო, თუმცა ოდნავ იყო ამღვრეწული.

პოსტის ავტორი: troutbaiter Sep 13 2010, 13:08

მე კი მგონია, რომ მაგ მონაკვეთზე ქაშაპი ნაკლებად სავარაუდოა. 11 წლის მანძილზე პერიოდულად ვაკითხავ ხოლმე მაგ ადგილებს, და ქაშაპის ნასახიც არ შემხვედრია... მართალი რომ ვთქვა, არც გამიგია ვინმესგან, რომ დაეჭიროს.

პოსტის ავტორი: ბესო Sep 13 2010, 13:17

იქაურები კი ამბობენ, რომ არისო.

პოსტის ავტორი: troutbaiter Sep 13 2010, 13:35

საინტერესოა, ბევრიო???
ქაშაპი ისეთი თევზია, რასაც ჩვენ მად ბლესნებს ვატარებთ, თავს აუცილებლად გამოაჩენდა.

პოსტის ავტორი: ვიტო Sep 13 2010, 14:07

troutbaiter

იქაურები ხომ იცი როგორც იჭერენ, ხოდა მოყვებახოლმეო, აი მაგ დონეზეა რა, საერთოდ
არ არის მაგასაც ვერ იტყვის ადამიანი, და არაიქაურებისგანაც გამიგია

პოსტის ავტორი: (dila)adriano Sep 13 2010, 22:15

არც მე არ მგონია რომ
ქციაზე ქაშაპი ყოფილიყო
ეგრე
აუცილებლად თავს დაგვანახებდა
უყვარს მაგას თავისგამოჩენა და მერე მიმალვა
ეგეთი ხასიათი აქვს


ერთი გასვლა მჭირდება სამეგრელოში (დემისთან ერთად)
საბოლოოდ რომ დავრწმუნდე ქაშაპის სპინინგაშვილობაში

პოსტის ავტორი: ვიტო Oct 9 2010, 12:10

ეს და დემის თემა დავასუფთავე, თან გავაერთიანე, 6 გვერდი პოსტები წაიშალა,
ძალიან გთხოვთ დაიცავით თემის წესები, პოსტეთ მხოლოდ ქართულ გამოცდილებაზე და პრაქტიკაზე.....

სეზონი მოვიდა და ნუ დაანაგვიანებთ თემას

პოსტის ავტორი: l.u.k.a. Jul 31 2015, 16:18

http://www.radikal.ru
ქაშაპზე სათევზაოდ ესენი გამომადგება ???? წინასწარ დიდი მადლობა

ჩავასწორე და შემდეგში ფოტო ნორმალურად დადე !

პოსტის ავტორი: LeoTaso Aug 1 2015, 18:04

ყველა იმუშავებს პრინციპში, მარცხენა ქვემოთა ყველაზე უარესად.

ისე იცოდე, იჭერს მეთევზე და არა სატყუარა

წარმატებები

პოსტის ავტორი: l.u.k.a. Aug 1 2015, 18:28

მადლობა

პოსტის ავტორი: rezo197313 Dec 25 2015, 13:22

ზამთარში(ახლა) თუა შესაძლებელი ქაშაპის დაჭერა? არის ამის გამოცდილება?

პოსტის ავტორი: jorj Dec 26 2015, 14:29

rezo197313 ზამთარში ზოგადად ქაშაპი პასიურობს მაგრამ არ "იძინებს" და იკვებება.
გააჩნია სად აპირებ თევზაობას და რა მეთოდით.
ჩემი აზრით მდინარეზე ყოველთვის შეიძლება ამ თევზის დაჯერა სპიგინგით.

პოსტის ავტორი: მარდი Dec 26 2015, 17:59

ზამთარში მე პირადად ფრინველის შიგნეულობაზე ვთევზაობ და ამართლებს საკმაოდ დიდი ეგზემპლიარები ჯდება.

პოსტის ავტორი: rezo197313 Dec 27 2015, 11:14

საპატრიარქოს ტბაზე ვიჭერ გაზაფხულზე ვობლერ-პოპერებით და ზამთარში თუ მოვა სპინინგზე ეს მაინტერესებს

პოსტის ავტორი: მარდი Dec 27 2015, 19:22

კი, მაგრამ პასიურობა ზამთარში ცოტას