დღეს გავედით მე და თემურ გურაშვილი ბუნებაში ჩვენი მდევრებით, ჯერ ღამე იყო რომ გავუშვით ძაღლები , გავუშვით თუარა ელვა ეგრევე კვალზე დადგა და 5 წუთი არიქნებოდა გასული ელვამ მოსცხო ყეფა გაახტუნა კურდღელი. 3 ჯერ თუ 4 ჯერ გაიახლა კვალი , ბოლოს კურდრელმა წინ ამომირბინა რამდენიმე მეტრში და მოვრთე მეც ბღავილი შევცდი უნდა გამეტარებინა და მერე მომეხმო ძაღლები, ამ ჩემ ყვირილზე კურდღელი ისე გაქრა ძაღლებმა ვეღარაფერი გაუგეს, ამასობაშიც კარგად ჩამოცხა დაწამოვედით. საბოლო ჯამში კარგად ვისიამოვნე დღეს.

ღამიანად ნუ უშვებთ ძაღლებს.

aragveli
რატო?
ისე რომ გაუშვით მალევე გათენდა ალბათ 10 წუთში.

არ არის რეკომენდირებული მდევრის ღამიანად მუშაობა, მაგას რო თავი დავანებოთ, მგელს აიკიდებთ.

100% უამრავი სხვა მიზეზის გამოც... მთავარი - დაწოლილის პოვნას ვეღარ ისწავლის.

გასაგებია გავითვალისწინებთ

მოკლედ, ქაჩალმა ჯერ არ მოიფხანა და მერე მოიგლიჯაო, ისეა ჩემი საქმე. სულ მინდოდა დევნა-გეშვის პროცესის გადაღება, კამერაც სულ ჯიბეში მედო, მაგრამ ამოღება მეზარებოდა თუ მავიწყდებოდა, არ ვიცი, ერთი პატარა სიუჟეტიც ვერ გავქაჩე ამდენი ხანია, გულს ვერ ვუდებდი. გუშინ კიდე, ალბათ მუზა მესტუმრა და კაი შვიდნაწილიანი "თურქული" სერიალი გამოვაცხვე. მესამე ნაწილში თავად ყურცქვიტაც გამეჩითა ორ ნაბიჯში..მაგრამ თავიდან მივყვეთ. პირველ სერიაში ირმისა ცივკვალობს ზედმეტად და ნაცმუცნევზე ხმას აძლევს, მერე საწოლ კვალზე კვალისამაც ჩააყეფა. მერე ისეთი ყეფა იყო, ნამეტი (დაბორი) აღარ ეთქმოდა. ბაჭია მეგონა. ზედიზედ პატარ-პატარა ხევებია და იქით გადაეპარათ. არ გაურბოდა, ამ ხევებში დაძვრებოდა. ბოლოს ასეთი დასკვნა გავაკეთე. მანამდე კი მაგარი აღშფოთებული ვიყავი და ეს კარგად ჩანს მეორე ნაწილის ჩემეულ კომენტარებში.

მესამე სერიაში ბატონი თუ ქალბატონი მთავარი მოქმედი პირიც გამოჩნდა სცენაზე(მეორე წუთიდან). მოიპარებოდა, გაჩერდებოდა, უსმენდა. 3-4 ნაბიჯში დამიჯდა წინ.. ვერ დამინახა. მერე კი მოცოცხა, მაგრამ არც ნამეტნავად მოუნდომებია. ვიკივლე, მოვუხმე, მაგრამ ირმისა რა თქმა უნდა, თავისას აგრძელებდა. პატარამ კი (წლის და ორი თვისაა) მოირბინა, დაადგა და შეუბერა. ირმისა როდის-როდის მიეწია. მაინც კვალისას მიყავდა ბოლომდე.

ირმისას, რომელსაც ფილმში ხშირად სულელად მოვიხსენიებ ხოლმე, ერთი ცუდი თვისება აქვს. ჯერ ერთი, კვალისას არაფრად აგდებს, ედიდგულება და არ ენდობა, ვითომ თავს არ უყადრებს, ძნელად ეხმარება. რაც მთავარია, თუ საგრძნობლად ჩამორჩა, უკან ბრუნდება და უკვე გავლილ კვალს ახლიდან მიყვება. თან ხამუშად ჩააყეფებს კიდეც. ამის გამო წინ გასულ კვალისას, რომელიც ყველა ყეფაზე თავქუდმოგლეჯილი გარბის, რამდენიმეჯერ მიუტოვებია დევნა და უკან გამოქცეულა. რა ჭკუაზე დავდგები ხოლმე ასეთ შემთხვევაში, გასაგები უნდა იყოს. აქაც ამ ამბის შემეშინდა და ამიტომაც ავუტეხე დედის გინება რისთვისაც მაყურებელს გულწრფელად ვუხდი დიდ ბოდიშს.

სამაგიეროდ ირმისა მაგარი ჟინიანი და გადამკიდე ძაღლია. დაკარგულის გაახლებაში კვალისასთან შედარებით ციცერონია. გადაანგრია იქაურობა და თითქმის ერთი საათის მერე მაინც იპოვა.

მოვიდნენ და ვალმოხდილები დაეყარნენ. ასე იყო ეს ამბავი, რომელიც საერთო ჯამში სამსაათნახევარზე მეტი გრძელდებოდა.
ცნობისთვის - ტელეფონის ზარი ერთერთ ჩვენ ფორუმელს გიორგი ვანსკის ეკუთვნოდა, ისიც ტყეში იყო, ოღონდ სხვა ადგილას.

ძაან კარგია, მშვენიერი ხმებია, მაგ ამბავს აუცილებლად გამოასწორებს ირმისა შადიმან. ერთად რაც ხშირად ატარებ , ნდობაც ჩამოუყალიბდება და ხმაზეც რიაგირება ექნება. ჩემი ჭრელი იყო ზუსტად ეგრე, ეხლა საერთოდ აღარ აქვს ეგ პრობლემა.

ეგ უნდა დამეწერა ზუსტად ვიაზკა ირმისას გაცილებით მეტი აქვს, იმიტომ აცივდება იმ ძველ კვალს მაგდენხანს, მატრო უნდა მაგ ძაღლს ტარება, კვალისას რომც არ გამოეტანა ეგ კვალი, ირმისა მაინც გამოიტანდა, უბრალოდ კვალისას უკეთესი ყნოსვა აქვს ალბათ შედარებით.

კი ყნოსვა უკეთესი უჩანს. ბოლო დროს მეტი დამოუკიდებელიც ხდება, მაგრამ ბუნებით ჯერ მაინც ლეკვია, არასერიოზული "მიდგომები" აქვს. ორჯერ რომ მარტო წავიყვან, ერთხელ ირმისასთან ერთადაც გამყავს - სულ რომ არ გადაეჩვიონ ერთმანეთს.