კალმახის ჭერის იურიდიული ასპექტები, რა წერია კანონში ამის შესახებ ?!!? პარამეტრები

[zaza1978]

ვიტო არ ვიცი იმიტომ რომ ჩვენ სადღაც 12-ის ნახევარზე წამოვედით, აღარ მოდიოდა თევზი თან დაგლილები ვიყავით ღამისთევის ამბავში, ალბათ ხრამული და ჭანარი უნდა დაიჭირო, მაგრამ ამ ყველაფერს ერთი მაგრამ: როგორც ზემოთ ვთქვი არის დაცული ტერიტორია და ყავს მცველი რომელიც ჩვენ დილით შეგვხვდა და რუსთავამდე წამოვიყვანეთ, როგორც გვითხრა არ შეიძლებაო თევზაობა იქვე ისიც თქვა რომ საპირისპირო ნაპირიდან შეიძლებაო


პრინციპში არა მგონია რომ შექმნას პრობლემა

უფრო კოცონის და დანაგვიანების ამბავს აწვებოდა რომ ვიგაცამ შემდეგ საყვედური არ უტხრას თორემ ანკესზე ალბათ არაფერს არ იტყვის

[ბესო]

მოკლედ ვეცადე, რომ ყველა ჩვენი კითხვა ერთ პოსტში მომექციაიმ არგუმენტებითურთ, რომლებიც ჩვენ არგუმენტებად მიგვაჩნია.
მოკლედ ჩვენი აზრით საქმესთან კავშირში მყოფი წინადადებები, ფრაზები და განმარტებები წითელი ფერით მოვნიშნე.

1. ჩვენი გადმოსახედიდან მდინარის და ტბის კალმახის სამოყვარულო და სპორტული თევზჭერა საერთო სარგებლობის ფორმით დაშვებულია და არ არის აკრძალული!

საფუძველი:
საქართველოს კანონი საქართველოს "წითელი ნუსხისა" და "წითელი წიგნის" შესახებ
- მუხლი 3 -- საქართველოს კანონმდებლობა საქართველოს "წითელი ნუსხისა" და "წითელი წიგნის" სფეროს შესახებ
საქართველოს კანონმდებლობა საქართველოს "წითელი ნუსხისა" და "წითელი წიგნის" სფეროს შესახებ შედგება საქართველოს კონსტიტუციის, საერთაშორისო ხელშეკრულებებისა და შეთანხმებების, "გარემოს დაცვის შესახებ" და "ცხოველთა სამყაროს შესახებ" საქართველოს კანონებისა და სხვა საკანონმდებლო და კანონქვემდებარე ნორმატიული აქტებისაგან.

- მუხლი 10 -- გადაშენების საფრთხის წინაშე მყოფი სახეობების დაცვის ძირითადი მოთხოვნები
- - პუნქტი 2 -- აკრძალულია ყოველგვარი ქმედება, მათ შორის ნადირობა, რეწვა, მოპოვება (ბუნებრივი გარემოდან ამოღება), ჭრა და თიბვა, გარდა ამ კანონით, "ცხოველთა სამყაროს შესახებ" საქართველოს კანონითა და საქართველოს კანონმდებლობით განსაზღვრული განსაკუთრებული შემთხვევებისა, რომელსაც შეიძლება მოჰყვეს გადაშენების საფრთხის წინაშე მყოფი სახეობების რაოდენობის შემცირება, საბინადრო გარემოსა და საარსებო პირობების გაუარესება.

- მუხლი 23 -- გადაშენების საფრთხის წინაშე მყოფი გარეული ცხოველების მოპოვება (ბუნებრივი გარემოდან ამოღება)
- - პუნქტი 1 -- გადაშენების საფრთხის წინაშე მყოფი გარეული ცხოველების მოპოვება (ბუნებრივი გარემოდან ამოღება) დასაშვებია მხოლოდ "ცხოველთა სამყაროს შესახებ" საქართველოს კანონით განსაზღვრულ შემთხვევებში და დადგენილი წესით.


"ცხოველთა სამყაროს შესახებ" საქართველოს კანონი
- მუხლი 26 -- ცხოველთა სამყაროს ობიექტებით საერთო სარგებლობა
- - პუნქტი 1 -- საქართველოს მოქალაქეებს პირადი (ინდივიდუალური) მოხმარებისა და ესთეტიკური, რეკრეაციული, გამაჯანსაღებელი და სხვა მოთხოვნილებების დაკმაყოფილების მიზნით უფლება აქვთ ისარგებლონ ცხოველთა სამყაროს ობიექტებით საერთო სარგებლობის ფორმით.
- - პუნქტი 2 -- საერთო სარგებლობა ხორციელდება ცხოველთა სამყაროსათვის რაიმე ზიანის მიყენებისა და მისი ობიექტების ბუნებრივი გარემოდან ამოღების გარეშე (გარდა ამ კანონის 21 მუხლის მე-6 პუნქტსა და 30-ე მუხლის მე-3 პუნქტში მოყვანილი შემთხვევებისა)
- - პუნქტი 4 -- ცხოველთა სამყაროს ობიექტებით საერთო ფორმით სარგებლობა უფასოა და არ საჭიროებს ლიცენზიას
- მუხლი 30 -- თევზჭერა
- - პუნქტი 1 -- თევზჭერად ითვლება თევზის, წყლის უხერხემლოთა და ზღვის ძუძუმწოვართა მოპოვება, აგრეთვე სამოყვარულო და სპორტული თევზჭერა (წყალქვეშა ნადირობის ჩათვლით)
- -პუნქტი 3 -- ფიზიკურ პირებს უფლება აქვთ საერთო სარგებლობის ფორმით თევზჭერისა და წყალსარგებლობის დადგენილი წესების დაცვით აწარმოონ სამოყვარულო და სპორტული თევზჭერა (მათ შორის წყალქვეშა ნადირობა) და წყლის უხერხემლოთა მოპოვება პირადი (ინდივიდუალური) მოხმარების მიზნით საერთო სარგებლობის ყველა წყალსატევში, გარდა იმ წყალსატევებისა და წყალსატევების უბნებისა, რომლებიც უჭირავთ ნაკრძალებს ან სპეციალური წყალსარგებლობის ობიექტებს (თევზის საშენეები, გუბურები, თევზის სხვა კულტურული მეურნეობები და ა.შ) საქართველოს კანონმდებლობის შესაბამისად
- - პუნქტი 9 -- თევზჭერის საკითხებთან დაკავშირებულ სამართლებრივ ურთიერთობებს არეგულირებს ეს კანონი და სხვა საკანონმდებლო და კანონქვემდებარე ნორმატიული აქტები

ცხოველთა სამყაროს ობიექტების, მათი სახეობების მიხედვით მოპოვების წესების, ვადებისა და მოპოვებისათვის დაშვებული იარაღისა და მოწყობილობების ჩამონათვალის შესახებ დებულება (ბრძანება N 512)
- მუხლი 7 -- თევზჭერის აკრძალვის ვადები, ადგილები.
- - პუნქტი 3 - აკრძალულია თევზჭერა გარდა სამოყვარულო და სპორტული თევზაობისა:
და მოყვება ვრცელი სია იმ ადგილებისა სადაც არის აკრძალული გარდა სამოყვარულო და სპორტული თევზაობისა
- მუხლი 8 - ჭერააკრძალული თევზის სახეობები
სადაც წერია, 1 პუნქტის ქვეპუნქტებში - ა), ბ), გ), ნახსენებ თევზის სახეობებზე აკრძალულია თევზაობა მთელი წლის განმავლობაში,
ხოლო დ) კალმახი (მდინარის, ტბის) - 1 ოქტომბრიდან, 1 იანვრამდე.

დანართ 2-ში მოყვანილია თევზის მინიმალური, ზომა, რომლის ქვევითაც თევზი უნდა დაუბრუნდეს წყალსატევს:
და წერია, რომ კალმახი მდინარის - 190 მმ
კალმახი ტბის - 320 მმ

2. გვაინტერესებს შეიძლება თუ არა სასროლი ბადით თევზაობა და თუ შეიძლება რა შეზღუდვებია - კანონმდებლობიდან გამომდინარე დაშვებული უნდა იყოს, მაგრამ ბევრ მდინარეზე გდი-ს თანამშრომლები კრძალავენ და ბადეებს ართმევენ მეთევზეებს!

3. ჩვენი ინფორმაციით უნდა არსებობდეს "აღკვეთილებში და დაცული ტერიტორიების სხვა კატეგორიების ზონებში ცხოველთა სამყაროს ობიექტებით სარგებლობის წესების შესახებ" დებულება, რომელიც ვერსად ვერ მოვიძიეთ. ეს ებულება უნდა არეგულირებდეს დაცულ ტერიტორიებზე ამ კონკრეტულ შემთხვევაში თევზაობის საკითხებსაც. - თუ მსგავსი დებულება არ არსებობს, მაშინ საინტერესოა რა ხდება დაცულ ტერიტორიებზე, არის დაშვებული თევზაობა თუ არა? და თუ არის რა კანონით ან კანონქვემდებარე აქტით რეგულირდება ეს საკითხი?





მოკლედ ესეთი გამოვიდა და თუ რამის დამატება გინდათ დაწერეთ და დავამატებ!

ნოსო!

საქმე შემოლეული გაქვს?