რა გვეშველება? პარამეტრები

[MIMINO]

პატივცემულო ადმინისტრაციავ, კლუბისა და ფორუმის წევრებო მსგავსი თემა შეიძლება ბევრი გახსნილა ან ბევრ თემაში გვისაუბრია ამ მტკივნეულ საკითხზე. რა ვქნათ როგორ დავიცვათ ბუნება? საშინელი ფაქტების მომსწრე ვარ. ნადგურდება ცხოველ-ფრინველი, ტყე და თევზი. რა ვქნათ? რამე არ შეიზლება ვარგოთ ამ ქვეყანას? აქ ესე ჯდომა და საუბარი ხეირს არ მოგვცემს რამე ნაბიჯები არავის გესახებათ? როგორ მოვიქცეთ რომ ბუნების დამცველებმა დაიცვან და არა გაანადგურონ მთა და ბარი.



ძმებო შაბათ კვირას გასული ვიყავი ერთ ტბაზე სათევზაოთ თბილისიდან ასიოდე კილომეტრზე სულ სამი საათი ვითევზავე და ლოტკაზე მოკალათებული დენის აპარატ მომარჯვებული ნაბიჭვრები ერთი მეორეს ცვლიდნენ. იქვე ტბის პირდაპირ ერთ ერთი სოფლის კუთვნილ ტყეში იმისთანა განუკითხაობააა 3 საათში 8 მანქანა შეშა გამოვიდა. ეს შეშა გასაყიდად გავიდა სოფელში არ მისულა.

ერთმა მწყემსმა ბავშვმა თქვა თეთრი ნივით ბიჭები მოდიან თევზს ართმევენ ხოლმე აქ ბადეებით და აპარატით მოთევზავეებს და მიდიანო. ზედ რაღაცა აწერიაო.

ასე ვერ გავფრინდებით და იქნებ რამე ერთად მოვიფიქროთ რა შეიძლება ვუშველოთ მამა-პაპისგან ნაგოგმანებ ბუნებას.

გვერძე თემაში 3 ჯიხვი ყავთ მოკლული მშიერ მესაზღვრეებს და ეგ გიკვირთ. იანვარში იციტ რა ხდება მთაში? ვერტალიოტით ნადირობენ და 10 ზე ნაკლებს ნანადირევს არ ეძახიან. ეგ სპობს ბუნებას.

[ჩელე]

-- პლასტმასის კალმახი --

.....რომ ჰკითხო, უყვართ თავისი ქვეყანა, დედაბუნება, ბევრჯერ უკითხავთ სუფრაზე: სხვა საქართველო სად არის-ო და პასუხიც იქვე გაუციათ: არსად, ჰოდა, ჩვენს საქართველოს გაუმარჯოს-ო. ბევრს ილაპარაკებენ საქართველოზე, მის წარსულზე, აწმყოსა და მომავალზე, იტყვიან თუ როგორი საქართველო უნდათ, გაბრწყინებული, განათებული, დამშვიდებული და გამთლიანებული. იტყვიან თუ როგორი ბუნება აქვს საქართველოს, რომ მსგავსი ბუნება და ლანდშაფტი არსად არ არის, რომ შვეიცარია მონაგონი იქნებოდა პატრონი რომ ჰყავდეს ამ ქვეყანასო, როგორი ანკარა წყლები, მოედინება, ზოგი ჟანგიანი, ზოგი გაზიანი, სამკურნალო და ჩვეულებრივი, რომ მსგავსი ტყე, ტბები, ხევები, გამოქვაბულები არსად არ არის......

მერე ეს ყველაფერი ავიწყდებათ და ზურგზე იკიდებენ აპარატს, რომელიც ანადგურებს ,,დედაბუნებას,, და ,,სხვა საქართველოს,, და დიდი მონდომებით მიუყვებიან ულამაზეს ხეობას...ნეტა ერთხელ თუ დაფიქრებულან იმაზე, რას აკეთებენ? თუ გაუაზრიათ ის, რომ კალმახი ქვირითობს და ესეც რომ არ იყოს, ადამიანი რომელიც კოჭამდე წყალში ამხელა თევზს იჭერს, თევზს, რომელიც შესულია წითელი წიგნის ნუსხაში. ეგეც რომ არ იყოს, მერე სუფრაზე აუცილებლად დალევდნენ საქართველოს ბუნების და მერე ამ ბუნებაში მოსიარულე ყველა ვაჟკაცის სადღეგრძელოს, თავიანთი თავის თამადობით და აუცილებლად იმ კალმახს მიაყოლებდნენ ისე, რომ თვალსაც არ დაახამხამებდნენ და აზრადაც არ მოუვათ, რომ მისი შვილი რომ გაიზრდება, არც თევზი ექნება, არც ტყე, არც ფრინველი და არც ნადირი.

გაივლის დრო და ჩინეთიდან შემოიტანენ პლასტმასის კალმახებს და ამას რომ ნახავენ, მოიხმობენ თავის შვილებს და შვილიშვილებს და ეტყვიან უკვე ღრმად მოხუცები:
--ეეეხ შვილებო, იცით რამდენი ნამდვილი კალმახი იყო ჩვენს მდინარეებში, თან რამხელები და რა გემრიელები და იცით რამდენი მყავს დაჭერილი და განადგურებული დენის აპარატით? მაგრამ სად მქონდა ტვინი მაშინ, მეგონა კარგ საქმეს ვაკეთებდი, თურმე კი არა ვანადგურებდი ჩემს დედაბუნებას-ო. მაგრამ ნიანგის ცრემლები უკვე გვიანი იქნება.

მოხარშავენ პლასტმასის კალმახს და შეექცევიან გემრიელად.
--ჭამე ბაბუ, იცი რა გემრიელია?- შესთავაზებს ლოყებაღაჟღაჟებული ცისფერთვალება ბავშვი ბაბუს, რომელიც ზის სუფრასთან ჩაფიქრებული, მაგრამ მოხუცი პირს არ აკარებს და აგონდება ჯოხზე წამოცმული, დენდარტყმული და განადგურებული ნამდვილი კალმახები, რომელიც ასე უხვად იყო ერთ დროს ჩვენს მშვენიერ საქართველოში. მიხვდება, რომ ქვეყნის პატრონი ხალხია და არა ხელისუფალი და რომ ის ,,სხვა საქართველოც,, უკვე აღარსად არის.......