ლულების გარეგანი საფარველი, "ვორონენიე" და "კალკა" პარამეტრები

[Geoჟორჟიკა]

თუ ვინმეს გაინტერესებთ შემიძლია კარგი მეთოდის "რეცეპტი" დავდო რუსულად მაქვს ოღონდ

დადე აბა . შენ გამოგიცდია?

[SPEC]

ფოლადის გაშავება

ინგრედიენტები:
1.კაუსტიკური სოდა 40-50 გრამი / ლიტრზე;
2.ნატრიუმის კარბონატი 20-30 გრამი / ლიტრზე;
3.თხევადი შუშა 10-15 გრამი / ლიტრზე;
შეიძლება დაემატოს ტრინატრიფოსფატი 10-15 გრამი / ლიტრზე.
გაშავებისთვის მომზადება
ლულის შიდა ნაწილის დასაცავად საჭიროა მათი დახშობა,დანარჩენი ნაწილი კი იწმინდება აცეტონიანი ნაჭრით,თავსდება ვანაში და ცხელდება 20-30 წუთი.
“ჟანგის ლაკის” მომზადება
ეს პროცესი აუცილებელია გაკეთდეს ღია ადგილას,რადგან ამ ოპერაციის დროს გამოიყოფა აზოტის ოქსიდი(N2O). საჭიროა მინიმუმ 1 ლიტრიანი კოლბა , ჯობს 3-ანი.
50 გრამი აზოტმჟავისა და 50 გრამი მარილმჟავის ნარევს ვამატებთ თუჯის ან ფოლადის ნახერხს/ფხვნილს.

კოლბაში ვასხამთ აზოტმჟავას და ვამატებთ ცოტა თუჯის ფხვნილს,ასევე ცოტა მარილმჟავას. იწყება რეაქცია დუღილით, ფორთოხლისფერი ნივთიერების გამოყოფით.
როცა რეაქცია ჩაწყნარებას დაიწყებს,ისევ ემატება ფხვნილი და მარილმჟავა. ჩვეულებრივ საჭიროა ამ ქმედების 4-5-ჯერ გამეორება. თუჯის ფხვნილის საერთო რაოდენობა – დაახლოებით 40 გრამია. როცა რეაქცია მორჩენილია და აზოტის ოქსიდი შეწყვეტს გამოყოფას (არ შეისუნთქოთ,ძალიან მტკივნეულია!!!) კოლბას თავი დაუცეთ და ერთი დღე-ღამით შეინახეთ(ყინვაში არა!). “დასვენების” შემდეგ ღია ყავისფერ ფაფას დაამატეთ 1 ლიტრი გამოხდილი წყალი(ჩვეულებრივი წყალი არ შეიძლება!), აურიეთ და დააცადეთ 5 წუთი,შემდეგ კი გადაიტანეთ სხვა - ფართო-ყელიან ჭურჭელში. ახლა თქვენს განკარგულებაშია ნარევი,რომელიც არ ფუჭდება წლობით.

ცხიმის მოშორების შემდეგ ლულა ფუნჯის საშუალებით კარგად გაპოხეთ “ჟანგის ლაკით” და დატოვეთ 15-20 წუთით. პროცესის დასაჩქარებლად 20-30 წუთის განმავლობაში, 40-60 გრადუს ტემპერატურამდე უნდა გავათბოთ ლულა,რის დროსაც მასზე არსებული ლაკი უნდა შეშრეს. შემდეგ საჭიროა ლაკის ხელახლა წასმა, მხოლოდ ერთი მიმართულებით,მაგალითად სავაზნიდან ლულის ბოლოსკენ,ან პირიქით. შემდეგ ისევ საშრობში.
გაშრობის შემდეგ ლულა მიიღებს მოწითალო(“რიჟა”) ფერს . ჭურჭელში(ვანა,ბოლოებ-დალუქული ფოლადის მილის გადანაჭერი),სადაც ლულა თავსდება უნდა იყოს ადუღებული წყალი.
ასადუღებელი წყალი უნდა იყოს მხოლოდ სასმელი. ჩაუშვით ლულა ადუღებულ წყალში და ადუღეთ 10-15 წუთი. შემდეგ ამოიღეთ,შეხედეთ, უნდა იყოს შავი ბარხატის მაგვარი. თუ მოწითალო ლაქებია,ან ვერ “მოხარშეთ” კარგად,ან იმ ადგილას ცხიმი არ მოცილებულა სრულად. როცა მთლიანად გაშავდება ამოიღეთ და დაელოდეთ გაშრობას.
დუღილისას ,თუ წყალი მეტისმეტად ცხელდება და შხეფებს ისვრის პერიოდულად შეიძლება მადუღარის გამორთვა. საჭიროა 97-100 გრადუსი ტემპერატურის შენარჩუნება 10-20 წუთით.
ლულის გაშრობის შემდეგ საჭიროა ბარხატისმაგვარი ზედაპირის მოშორება,რისთვისაც საჭიროა ჩოთქი წვრილი 0,15 მმ “ძაფებით”.ასეთი ჩოთქის შოვნა რთულია,თუმცა შესაძლებელია მისი დამზადება.

უნდა იყიდოთ წვრილი მეტალის ბადე(კოღოს ბადის მაგვარი),დაჭრათ მისგან წრეები და შეკრათ ისინი “ბოლტ-გაიკით”. ეს ჩოთქი უნდა დაამაგროთ ელექტრო-მოტორზე და ლულაზე მსუბუქი შეხებით გაწმინდოთ ის “ბარხატისგან”.ზედა უხეში ფენის ქვეშ დაინახავთ გაშავებულ მბრწყინავ ფენას.

ეს ფენა შეიძლება არც იყოს ლამაზი და სწორი,მაგრამ ეს პირველი ფენაა. ხელახლა წაუსვით ლაკი და გააშრეთ,შემდეგ გაიმეორეთ იგივე კიდევ ერთხელ და “დაჩოთქეთ”.
ამ პროცესის საერთო რაოდენობა უნდა იყოს 4,ლაკის წასმის საერთო რაოდენობა შესაბამისად - 8.
საბოლოოდ ლულა უნდა ვადუღოთ ზეთში 105-110 გრადუსზე, 5 წუთის განმავლობაში,გაცივების შემდეგ კი გავწმინდოთ.

გაშავებულ ლულას აღარ ეშინია ნესტის და პრაქტიკულად არ იჟანგება.
http://talks.guns.ru/forummessage/44/54774.html

ჩემი მწირი რუსულით გადმოვთარგმნე და წინასწარ ბოდიშს ვიხდი სავარაუდო შეცდომებისთვის.