ცეცხლსასროლი იარაღის და ვაზნების შენახვის წესები, მიმდინარეობს იარაღის და ვაზნების შენახვის შემოწმება!!! პარამეტრები

[Misha Perajka]

მოგესალმებით ჩემო კეთილო ადამიანებო. იმედია ეს თემა სათანადო ადგილზე გავხსენი. თუ არა და ადმინს ვთხოვ მიუჩინოს ადგილი საქმე იმაშია, რომ როგორც შევიტყვე მიმდინარეობს უბნის ინსპექტორების მიერ რეგისტრირებული იარაღის და ვაზნების შენახვის შემოწმება. გუშინ ჩემ ძმასთანაც ყოფილან, კარგია რომ სეიფში ინახავს ჩემსავით თუ რამე გააჩნია. უკითხავს პოლიციელისთვის, რომ არ ყოფილიყო სეიFში რა იქნებოდაო? პოლიციელის პასუხი ასეთი იყო: დაგაჯარიმებდითო, რაოდენობა არ უთქვავს.

შეიძლება თქვენც გქონდათ უკვე ასეთივე შემოწმება, მაგრამ მე მაინც მიზანშეწონილად ჩავთვალე ეს თემა გამეხსნა ინფორმაციის მიზნით.
სახლში იარაღი სეიფებში შეინახეთ, მიმდინარეობს შემოწმება!!!!

[Davitus]

ეს ტემა უკვე არის აქ სადღაც, მეზარება ახლა ნახვა, კიდევ ერთხელ გავიმეორებ რომ, რკინის სეიფში შენახვის აუცილებლობა რა რასებობს, და ვერც ვერავინ ვერავის ვერ დააჯარიმებს


მთავარია, იარაღი არ იყოს ადვილად ხელმისაწვდომ ადგილას და საბრძოლო მზადყოფნაში

თავი III
იარაღის შენახვის წესი

მუხლი 10. (22.12.2008 N 613)
1. იარაღი და საბრძოლო მასალა უნდა ინახებოდეს ისეთ მდგომარეობასა და პირობებში, რომელშიც უზრუნველყოფილი იქნება მისი დაცვა და უსაფრთხოება, გამოირიცხება გაუთვალისწინებელი (უნებლიე) გასროლა და იარაღთან გარეშე პირთა დაშვების შესაძლებლობა.
2. „იარაღის შესახებ“ საქართველოს კანონის მე-9 მუხლის მე-2 პუნქტის „კ“, „ლ“ და „მ“ ქვეპუნქტებით გათვალისწინებული დაწესებულებების/ ორგანიზაციების ბალანსზე რიცხული იარაღი (გარდა სამსახურებრივ-საშტატო სტატუსით უფლებამოსილ პირზე განპიროვნებული იარაღისა, რომელიც არ ინახება დაწესებულებაში) და საბრძოლო მასალა უნდა ინახებოდეს სპეციალურად ამისთვის გამოყოფილ საცავში არსებულ ცეცხლგამძლე ლითონის კარადაში, რითიც გამოირიცხება იარაღთან და საბრძოლო მასალასთან გარეშე პირთა დაშვების შესაძლებლობა. იარაღის აღრიცხვიანობისათვის (იარაღის საცავიდან გატანა-შემოტანისათვის) უნდა წარმოებდეს სპეციალური ჟურნალი, რომელიც იქნება აკინძული და დამოწმებული შესაბამის ორგანიზაციის პასუხისმგებელი პირის და საქართველოს შინაგან საქმეთა სამინისტროს შესაბამისი სამსახურის მიერ.

მუხლი 11.
1. შესაბამისი პროფილის სპორტულ ორგანიზაციებს უფლება აქვთ შეინახონ სასპორტო ხრახნილლულიანი და გლუვლულიანი, სასპორტო პნევმატური იარაღი, რომლის კალიბრი 4,5 მილიმეტრზე ნაკლებია და სასპორტო ცივი და ცივი სასროლი იარაღი სპორტულ ობიექტებზე ამ ინსტრუქციით დადგენილი მოთხოვნების დაცვით საამისოდ მოწყობილ სათავსოებში.
2. პირები, რომლებიც მოქმედი კანონმდებლობის შესაბამისად ახორციელებენ იარაღის და საბრძოლო მასალის დამზადებას, შეკეთებას ან იარაღითა და საბრძოლო მასალით ვაჭრობას, ინახავენ იარაღს და საბრძოლო მასალას საწარმოს ტერიტორიაზე იარაღის შენახვისათვის დადგენილი ყველა აუცილებელი პირობის დაცვით.

აქ არსად არის ნახსენები რკინის კარადა, გარდა ამ მუხლით გატვალისწინებული იარაღისა:

მუხლი 9. სამსახურებრივ-საშტატო იარაღი
1. სამსახურებრივ-საშტატოა იარაღი, რომლის ტარების უფლება აქვთ ამ მუხლით განსაზღვრულ პირებს მათ მიერ საქართველოს კანონმდებლობით გათვალისწინებულ უფლებამოსილებათა განსახორციელებლად.
2. სამსახურებრივ-საშტატო იარაღის ტარების უფლება აქვთ: (27.06.2008 N 74 ამოქმედდეს გამოქვეყნებიდან 30-ე დღეს)
ა) საქართველოს თავდაცვის სამინისტროს უფლებამოსილ მოხელეებს;
ბ) საქართველოს შინაგან საქმეთა სამინისტროს უფლებამოსილ მოხელეებს;
გ) საქართველოს იუსტიციის სამინისტროს სისტემის უფლებამოსილ მოხელეებს; (15.07.2008 N 227 ამოქმედდეს 2008 წლის 1 ოქტომბრიდან)
დ) საქართველოს ფინანსთა სამინისტროს სისტემის უფლებამოსილ პირებს; (26.03.2010 N 2869)
დ1) საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სისტემის უფლებამოსილ მოხელეებს; (12.06.2009 N 1184)
ე) საქართველოს დაზვერვის სამსახურის უფლებამოსილ მოხელეებს; (27.04.2010 N 2988)
ვ) საქართველოს სახელმწიფო დაცვის სპეციალური სამსახურის უფლებამოსილ მოხელეებს;
ზ) საქართველოს პროკურატურის უფლებამოსილ მოხელეებს;
თ) მოსამართლეებს;
ი) სასამართლოს მანდატურებს;
კ) საქართველოს გარემოს დაცვისა და ბუნებრივი რესურსების სამინისტროს უფლებამოსილ მოხელეებს; (4.05.2010 N 3055)
ლ) საქართველოს ეროვნული ბანკისა და საბანკო დაწესებულებების ინკასატორებსა და მოლარეებს – სამსახურებრივ მოვალეობათა შესრულებისას;
მ) სამოქალაქო ავიაციის საავიაციო უშიშროების სტრუქტურული ქვედანაყოფის თანამშრომლებს – სამსახურებრივ მოვალეობათა შესრულებისას;
ნ) საქართველოს კონტროლის პალატის პრეზიდიუმის წევრებს;
ო) „საჯარო სამსახურის შესახებ“ საქართველოს კანონის პირველი მუხლის მე-3 პუნქტით გათვალისწინებულ სახელმწიფო-პოლიტიკური თანამდებობის პირებს;
პ) საქართველოს ეროვნული უშიშროების საბჭოს მდივანსა და წევრებს;
ჟ) მთავარი საჯარო თანამდებობის პირებს, რომელთაც მინიჭებული აქვთ უფროსი და უმაღლესი სპეციალური წოდებები ან უფროსი და უმაღლესი ოფიცრის სამხედრო წოდებები.
3. სამსახურებრივი უფლებამოსილების ვადის




წითლად მონიშნული და ხაზგასმით აღნიშნული ის ორი წინადადება ერევათ ერთმანეთში და ჭორებს ავრცელებენ