მართლწერა forum.ochopintre.ge-ზე პარამეტრები

[საბო]

უპირველეს ყოვლისა ბოდიშს ვიხდი ყველასთან, რამეთუ არ მსურს არავის განაწყენება.

ძმებო და მეგობრებო!!!

დიდი ხანია, ვაკვირდები ჩვენს ფორუმზე არსებულ პოსტებს და ვფიქრობ ამ საკითხზე, მაგრამ დღეს რატომღაც იფეთქა ჩემში ამ პრობლემამ და თავი ვეღარ შევიკავე თემის გახსნისგან.
არ ვიცი , არსებობს თუ არა მსგავსი თემა, მაგრამ მე ვერსად მივაგენი და თავს უფლება მივეცი გამეხსნა ახალი.
მე არც ბატონი ლევან ღვინჯილია,არც ვინმე, გამოჩენილი საზოგადო მოღვაწე და წერა-კითხვის გამავრცელებელი საზოგადოების თავჯდომარე არ ვარ.
მიუხედავად ამისა, როგორც ერთ-ერთ ჩვეულებრივ ქართველ მოკვდავს, მაწუხებს და მაღელვებს ეს საკითხი და ამავ დროულად ჩვენი ფორუმის იერსახე.არ მინდა დავემსგავსოთ სხვა ფორუმებს და მინდა ვიყოთ მათგან გამორჩეული, თუნდაც ამ კუთხით.
გასაგებია, როდესაც რომელიმე ჩვენგანი იუმორით, ან კუთხური აქცენტით(მაგ. მე პირადად ხშირად ვიყენებ კუთხურ დიალექტს), ან რომელიმე სხვა ენიდან აკეთებს ციტირებას ქართული ანბანით,ან უნებლიე მექნიკურ შეცდომას უშვებს. მაგრამ როდესაც პოსტს მსგავსი არაფერი ეტყობა, მაშინ დამეთანხმებით ალბათ, რომ საკმაოდ გამაღიზიანებელია ასეთი პოსტების კითხვა.არასწორად აკრეფილი ანბანი, არა სასვენი ნიშნები, ერთმანეთზე გადაბმული სიტყვები, საკმაოდ ცუდი საკითხავია და ნებისმიერ მკითხველს რამოდენიმეჯერ უწევს წაკითხვა, რომ სწორი აზრი გამოიტანოს.
გვახსოვდეს ის , რომ ჩვენს ნაწერს უცხო ადამიანებიც კითხულობენ და სირცხვილია!!!
გვახსოვდეს ისიც, რომ ჩვენს ნაწერებს ბავშვებიც კითხულობენ და არ ვაფიქრებინოთ, თურმე ასე წერაც შეიძლებაო(მათ ისიც ყოფნით, უამრავ ჟარგონს თუ უცხოურიდან შემოსულ სიტყვას, რომ ისმენენ ყოველდღიურ ცხოვრებაში).
გვახსოვდეს ის, რომ გამართული ქართულით წერა, მეტყველებს ჩვენს და ჩვენი ფორუმის კულტურაზე.

უმორჩილესად გთხოვთ ყველას!!!

არ იფიქროთ: ნეტავი ერთი მოცლია ამ კაცსო.
არ იფიქროთ, რომ იუმორის ან ერთმანეთთან მსუბუქი ხუმრობის წინააღმდეგი ვარ.

უმორჩილესად გთხოვთ:

თავიდან გადაიკითხეთ და შეასწორეთ, თქვენი ნაწერი, სანამ დააჭერდეთ ღილაკს "გამოხმაურება".
პატივი ვცეთ საკუთარ თავს, მშობლიურ ენას, ჩვენს ფორუმს, მის უცხო მკითხველსა და ერთმანეთს.

ამავე დროს მაინტერესებს და დიდი ყურადღებით მოვისმენ თქვენს აზრსა და წინადადებებს, ამ საკითხთან დაკავშირებით.

პატივისცემით, ბოდიშის მოხდითა და უდიდესი სიყვარულით

თქვენი მონა მორჩილი
დავით ვერულავა (იგივე საბო).

[ლევან ყიასაშვილი]

მდააა....(შეგნებულად) გადავიკითხე გულისყურით და რაცხა(შეგნებულად) აზრები მეც დამებადა.
ზოგადად რათქმაუნდა ქართულ ენასაც პატივი უნდა ვცეთ და ერთმანეთსაც..მაგრამ ჩემი აზრით არც ეგრე მკაცრი მიდგომაა საჭირო. არ არის აუცილებელი ეს აღშფოთებული ტონი. და არც ის არის აუცილებელი..რომ სტანდარტებში მოვაქციოთ ყველაფერი. ეგრე ადამიანის თავისუფლება იზღუდება. ამ ფორუმში..ბევრი ადამიანი შემოდის..ხოდა ყველას ვერ მოვთხოვთ ფილოლოგიურ განათლებას. შეიძლება სულაც მაგიტომ აღარ დაწეროს არაფერი.. იფიქრებს.."ვაიმე რამე ისეთი არ დავწერო..რომ თავი მომეჭრას ან ქართული ენის უპატივისცემლობაში ჩამეთვალოსო" . რაც ეს ფორუმი არსებობს...მე ჯერ არ მინახავს...ვინმეს რამე დაეწეროს შეურაცხმყოფელი ქართული ენისადმი. არ ცოდნა კი არ ცოდვაა..
ისე იმას..რომ ფეხებზე დაკიდება მართლა არ მოსულა(შეგნებულად)მაგას რათქმაუნდა ვეთანხმები. რაღაცა(შეგნებულად) მიაჯღაბნოს ვინმემ და მერე ჩვენ თავი ვიმტვრიოთ იმისი პოსტის გაშიფვრით....ტეხავს(შეგნებულად) ეგ უკვე ჩვენი უპატივცემულობაა. ისე კი მე მაინც თავისუფლების მომხრე ვარ...(თან ყოველთვის) ხოდა აქ ერთმანეთს ვუთითოთ გრამატიკულ შეცდომებზე და ვარკვიოთ ვინ უფრო განათლებულია მაგ სფეროში....არასწორად მიმაჩნია. მე კი ეგრე მივმართავ ყველა ფორუმელს...
გამოთქვით თქვენი აზრი...ეთიკისა და ზრდილობის ფარგლებში .. როგორც მოახერხებთ. თავი იგრძენით თავისუფლად და შეეცადეთ ისე დაწეროთ..რომ ჩვენ გავარჩიოთ. ჩვენთან ნამდვილი დემოკრატიაა.... ასე რომ თავისუფლად იგრძენით თავი.

[საბო]

ლევან

უძვირფასესო, უნეტარსო და სულზე უტკბესო........

მე ნამვილად არ მაქვს არანაირი ფილოლოგიური განათლება, გარდა იმისა, რასაც სკოლაში მასწავლიდნენ. განათლებით მხოლოდ ავტო ინჟინერი ვარ.(პროსტო მარია ნუ....).
არც თავისუფლებას ვუზღუდავ არავის.მე თვითონ ვარ მისი მოყვარული და არა დიქტატორი ( თუმცა კი ვაღიარებ, რომ ხანდახან " რკინის ხელიც" საჭიროა).
მაგრამ ეს ფრაზა სასტიკად მაღიზიანებს.

ზოგადად რათქმაუნდა ქართულ ენასაც პატივი უნდა ვცეთ

ზოგადად-ო ისე ამბობ საკუთარ ენაზე , გეგონება მეზობელ სომხურ ან რუსულ ენებზე გვქონდეს საუბარი.

არსებობს ღირებულებები, რომლებისაც "ზოგად ხარისხში" აყვანა არ შეიძლება, გინდა შეგნებულად და გინდა შეუგნებლად.
ეს თემა არავის არც გასაკიცხად და არც შესასზღუდად არ გამიხსნია. ისიც კარგად ვიცი, რომ მცირე ხნის შემდეგ, მივიწყებულ-დაარქივებული იქნება. ეს არის უბრალო თხოვნა და მოწოდება, იმისა რომ ვწეროთ ნორმალური, ადამიანური ქართულით.

თავს ვდებთ ბუნების სუყვარულში, მოდი რა ენის სიყვარულშიც დავდოთ თავი. ბუნება სამშობლოა, სამშობლო კი ენაა,მიწასთან და სარწმუნოებასთან ერათობლიობაში აღებული. თუ ბუნების განადგურება- დაბინძურების წინაააღმდეგი ვართ, მაშინ რატომ არ უნდა ვიყოთ ენის დაბინძურების წინააღმდეგი?

მე ჩემი სათქმელი და სატკივარი ასე გამოვხატე და სხვამ როგორც უნდა ისე იფიქროს.