ინგლისური მეძებრების საველე შეჯიბრი,22-23 მაისი. პარამეტრები

[barambo]

საქართველოს სამონადირეო მეძაღლეობის ფედერაცია,ამა წლის 22-23 მაისს,თბილისის ზღვის მიმდებარე ტერიტორიაზე,აწყობს ინგლისური ჯიშების მონადირე ძაღლების საველე შეჯიბრს.
მონაწილეობენ: საქართველოს პოინტერ კლუბის,სეტტერ კლუბის,სანადირო მეძაღლეობის და ძაღლით ნადირობის მოყვარულთა საზოგადოების(მაჩაბლის კლუბი) და კლუბ "ოჩოპინტრეს" წევრთა ძაღლები.

შეჯიბრს მსაჯობენ ბ-ნ შადიმან შამანაძე და ბ-ნ ნოდარ როსტიაშვილი.შეჯიბრი დაიწყება დილის 5 საათსა და30 წუთზე.

[შადი შამოდი]

მეც ვულოცავ კიდევ ერთხელ გამარჯვებულს, პრიზიორებს, ყველა მონაწილეს და ძაღლით ნადირობის მოყვარულს! მინდა ორიოდე განმარტება გავაკეთო ი. ნარსიას ხვადი პოინტერის "მაქსის"(ამჯერად მე-4 ადგილზე გასულის) შედეგთან დაკავშირებით. თუ ცხრილს შეხედავთ, ამ მეძებარმა ქულების რაოდენობით - 83, საგრძნობლად გაუსწრო ყველა დანარჩენს, მაგრამ მხოლოდ მესამე ხარისხის დიპლომი დაიმსახურა, არადა ყნოსვაშიც, ნაბულშიც, სტილშიც(მაქსიმუმი: 5, 5, 5,) და მომზადებაშიც მეორე ხარისხისთვის საკმარისი გამსვლელი ქულები დააგროვა. მაშ, რაში იყო საქმე? რაში და, შეჯიბრის რეგლამენტით ძაღლს ეძლევა ფრინველთან მხოლოდ 3 შეხვედრის უფლება. მაქსმა პირველივე ხუთ წუთში ორი შეხვედრა ჩააფლავა, ანუ გამოტოვა საყნოს მანძილზე მწყრები, რომლებსაც ჩაურბინა და ვერ დააფიქსირა. ეტყობა, მოთელვა ჭირდებოდა, გამომყვანმა კი პირდაპირ მანქანიდან გადმოუშვა მინდორში და სანამ მუხლს გაშლიდა, უფრო სწორედ ნესტოებს ორი შეცდომა დაუშვა. სამაგიეროდ მესამე და ბოლო შეხვედრაზე იმუშავა უბრწყინვალესად, (როგორც მუშაობს ძირითადად). ქულები მას დაეწერა ამ ერთადერთი დადებითი მუშაობის მიხედვით, მაგრამ რეგლამენტში ისიც წერია, რომ პირველი და მეორე ხარისხისათვის ძაღლმა 3 შეხვედრიდან ორჯერ მაინც უნდა დაამუშავოს ფრინველი. ერთი მუშაობა, როგორი შესანიშნავიც არ უნდა იყოს, მხოლოდ მესამე ხარისხის დიპლომით ფასდება.