რატომ ტადება საქართველოში საველე შეჯიბრი მხოლოდ მწყერზე პარამეტრები

[misha17]

გამარჯობათ ყველას, მაინტერესებს რატომ ტარდება საველე გამოცდები ყოველ წლიურად ერთი და იგივე ადგილას და ისიც მწყერზე, რატომ არ შეიძლება ,რომ ადამიანმა თავისი ძაღლი გამოცადოს სხვა ფრინველზე, როგორც აღმოსავლეთელი ჩემი მეგობრები ამბობენ ჩვენსკენ რუსთავისკენ და წალკისკენ არის საკმაოდ დიდი ადგილები სადაც ბეკასი და დუპელი საკმაოდ არისო, რა გვიშლის ხელს, რომ ამით დავინახოთ ჩვენი ძაღლების უფრო მეტი თვისებები&

[შადი შამოდი]

მეძებრებისთვის (მოქმედი წესებით) საველე თვისებების გამოსავლენად მთავარი დისციპლინა "მინდვრის და ჭაობის ფრინველებზე გამოცდაა". ანუ დუპელზე, ბეკასზე, ღალღაზე,ჭყიამპოზე(გარშნეპზე), მწყერზე,გნოლზე და რუსეთში და დასავლეთში ხოხობზეც, რადგან იქ ძირითადად ფერმის ხოხობზე ცდიან და ნადირობენ. კაკაბიც ამათ სიაში შედის. ამ ფრინველებიდან ყველაზე ნაკლებსუნიანი გარშნეპია, მერე მწყერი. ღალღა ყველაზე მეტად დარბის, მაგრამ უფრო მძაფრსუნიანია. მწყერი დარბის კიდეც და ნაკლები სუნიც აქვს. ამიტომაა ლეკვისთვის საგეშად მოუხერხებელი და როგორც საგამოცდო ობიექტი, ყველაზე რთული. ჩვენ სხვა რა გზა გვაქვს, იძულებული ვართ მწყერზე ვგეშოთ, აღმოსავლეთ საქართველოს ვგულისხმობ. მწყერზე დაგეშილი სხვა ფრინველზეც შეიძლება გამოიცადოს, მაგრამ გამოცდამდე ერთი-ორჯერ მაინც უნდა ყავდეს ის ფრინველი ნანახი. შედარებით მძაფრსუნიანზე დაგეშილი, ვთქვათ დუპელზე ან ხოხობზე , მერე ხშირად მწყერით ძნელად ინტერესდება. პრაქტიკოსი მონადირესათვის ჩვენს პირობებში ეს ძალიან არასასურველი რამეა.