ფრინველთა და ცხოველთა მოძრაობის სიჩქარე, სასურველი საფანტის ან ტყვიის შესარჩევად პარამეტრები

[შალვა]

ფრინველთა მოძრაობის სიჩქარე და მათი ზოგიერთი დახასიათება,
საფანტის ნომრის შერჩევისთვის






,,мастерружье", მე-10 ნომერი, ოქტომბერი, 2010წელი

[akela1954]

მათემატიკური ფორმულებით ყველაფრის სწორი გამოთვლა შეიძლება ყველა კონკრეკრეტული შემთხვევისათვის, მაგრამ წარმოიდგინეთ რამდენი პარამეტრის (მოცემულობის) ვარირება იქნება საჭირო და რა რაოდენობის შედეგი დაიდება - ალბათ უსასრულო რაოდენობა.
საფანტით შედეგიანი სროლისათვის აუცილებელია პრაქტიკა (ისევე როგორც სხვა ყველაფერში მთავარი პრაქტიკული ცოდნაა), რომლის დროსაც ქვეშეცნებულად ხდება დამახსოვრება და ავტომატიზმამდე დაყვანა გასროლის პროცესისა (სინამდვილეში გამოთვლის მათემატიკური პროცესისა). აღქმა - თვალი, მათემატიკური გამოთვლები, დამიზნება, მოძრაობა, სასხლეტზე დაჭერა - ტვინი.
საფანტით შედეგიანი სროლის არეში სამიზნის ყოფნის დრო ძალზე შეზღუდულია, ამიტომ ეს ყველაფერი ავტომატიზმამდე ანუ დამახსოვრებული ანალოგის გამეორებამდე დადის.რასაკვირველია რაც მეტი ანალოგი არსებობს მით უფრო შედეგიანია გასროლა.
მწყერზე ნადირობის სეზონის გახსნის დროს როცა ძირითადად ადგილობრივ მწყერზე გვიწევს ნადირობა (ის შედარებით მსუბუქია და სასტარტო სისწრაფე ამოფრენის დროს მეტი აქვს) სროლა სწრაფია. ასეთ ნადირობაში მთელი დღე სწრაფი სროლა გვიწევს და შემთხვევით ამოსული ღალღა (რომლის სასტარტო სისწრაფე ბევრად დაბალია, ფარფატებს) 100 - დან 90 -თი უვნებელი რჩება ორივე ლულას (ეს მონაცემები მოყვარული მონადირის შედეგია.არი შემთხვევები როცა საერთოთ არ ესვრიან, რადგან ვერ არკვევენ რა ფრინველია და ასე ნელა, ფარფატით რატომ ამოფრინდა. მთელი დღის ნადირობაში სწრაფი ამოფრენის ანალოგი არ განმეორდა.). 10 მოპოვებული ფრინველი მოდის გამოცდილ მონადირეზე, რომელსაც ნადირობის და სროლის დიდი გამოცდილე აქვს და ახალბედებზე, რომლებიც დამიზნებით, გამომიზნებით ესვრიან, რადგან არა აქვთ სროლის და ნადირობის ჩამოყალიბებული ჩვევები. ჩემი შვილი იშვიათად ნადირობს და საინტერესო შედეგი მაქვს დაფიქსირებული; მისი ნასროლი ღალღაზე 100 % შედეგიანია (მან ეს არ იცის).იგი როგორც ბაბუამისი კლასიკური მონადირული გამომიზნებით ესვრის. მწყერს აცილებს როგორც ყველა.
ერთ პრაქტიკულ რჩევას მოგცემთ იმისათვის, რომ ჩამოგიყალიბდეთ მოძრავ ობიექტზე სროლის ჩვევა: ესროლეთ ყველაფერს რაც მოძრაობს, რასაკვირველია გონებაში მოძრავი მანქანა იქნება ეს თუ აფრენილი ბეღურა, გაფრენილი ყვავი თუ ტენისის ბურთი ეს მოგცემთ საშუალებას დააგროვოთ მახსოვრობაში ობიექტების მოძრაობის სისწრაფის ანალოგები და დროთა განმავლობაში ეს ვარჯიში შედეგსაც მოგცემთ.