Margo 22LR, სამოქალაქო დანიშნულების იარაღი პარამეტრები

[xishnika]

ყალიბი————————-.22LR (5.6)
ტყვიის სიჩქარე (მ/წ)———200
მჭიდის ტევადობა (ცალი)— 7
ლულის სიგრძე (სმ)———-10
წონა (გრ)———————–750


როდესაც იქმნება სამოქალაქო დანიშნულების იარაღი, უმეტეს შემთხვევაში კონსტრუქცია აღებულია საბრძოლო ან სპორტული დანიშნულების იარაღებიდან. ეს ტენდეციაა მთელ მსოფლიოში და ასევე იჟევსკის ქარხანაში, სადაც „მარგოლინი“ს ბაზაზე 90-თიან წლებში შექმნეს სამოქალაქო დანიშნულების იარაღი „მარგო“. ორიოდ სიტყვით არ შეიძლება, რომ არ შევეხოთ ამ უნიკალური პისტოლეტის ნიმუშს და მის გენიალურ კონსტრუქტორს. 1924 წელს ოცი წლის სპეციალური დანიშნულების რაზმის ოცმეთაური მიხეილ მარგოლინი ბანდიტურ დაჯგუფებებთან ბრძოლის დროს დაიჭრა მძიმედ და მთლიანად დაკარგა მხედველობა. მიუხედავად ამისა მარგოლინმა მაინც შეძლო ხელის შეხების აღქმით პრაკტიკაში შეესწაავლა მაშინდელი პისტოლეტების და რევოლვერების კონსტრუქციები. მარგოლინმა 1936-1939 წლებში წარმოადგინა რამოდენიმე სპორტული მოდელი პისტოლეტ „ტტ“ს ბაზაზე. ომის დამთავრების შემდეგ კი მიაღწია განსაცვიფრებელ შედეგს, 1948 წელს დაიწყეს მისი ორიგინალური პისტოლეტის წარმოება 5.6 ყალიბის ვაზნაზე (.22LR). პისტოლეტის მუშაობა დაფუძვნებული იყო თავისუფალი საკეტის უკუცემის პრინციბზე, საკეტის ზამბარა განთავსებული იყო ლულის ქვეშ, გააჩნდა სარეგულირებელი სამიზნე და დამსხლეტი მექანიზმი, ქონდა კარგი ბალანსი, მოსახერხებელი ტარი, რომლის დახრა იყო 111 გრადუსი, რაც წინაპირობა იყო ზუსტი სროლისთვის. 1952 წელს მარგოლინი გამოუშვეს ასევე 5.6 ყალიბის მოკლე ვაზნაზე (.22 short). დღესაც მარგოლინი ითვლება ერთერთ საუკეთესო სპორტულ პისტოლეტად. მარგოლინის ბაზაზე შეიქმნა პისტოლეტი „მარგო“ 5.6 ყალიბის გრძელ ვაზნაზე (.22LR). „მარგოლინ“თან განსხვავება ისაა, რომ „მარგო“ს არ ააქვს სასხლეტისა და სამიზნეების სარეგულირებელი, აქვს მოკლე ლულა და გამარტივებული სამიზნე. მიუხედავად ამისა „მარგო“ს გააჩნია დიდი სიზუსტე, საკმაო ენერგია და გამაჩერებელი ძალა, რაც ეფექტურს ხდის თავდაცვისთვის. 5.6 ყალიბის მოკლე წრიული აალების ვაზნა (.22 short) არის ერთერთი უძველესი ვაზნა, რომელიც „სმიტ ენდ ვენსონმა“ შექმნა 19857 წელს თავისი რევოლვერებისთვის. 1871 წელს გაუშვეს 5.6 ყალიბის გრძელი ვაზნა (.22LR), რომელიც განკუთვნილი იყო ჯიბის რევოლვერებისთვის. შემდეგში ამავე ვაზნაზე შეიქმნა მრავალი სამონადირეო და სპორტული იარაღი, რომლებიც საკმაოდ ეფექტურია, როგორც სამონადირეო ასევე თავდაცვის მიზნით.



ესეც მაყუჩიანი

[Shooter]

ტექსტი აღებულია რომელიღაცა იარაღის მაღაზიის საიტიდან, მგონი ქუთაისში რომ არის იმ მაღაზიის, და გარდა ამისა ძალზედ არაზუსტია. მათ შორის ყველაფერი რაც წერია "გეკოზე" უბრალოდ სიმართლეს არ შეესაბამება.

ეს კიდე განსაკუთრებით სამწუხაროა, როდესაც არსებობს google და wikipedia

როდესაც იქმნება სამოქალაქო დანიშნულების იარაღი, უმეტეს შემთხვევაში კონსტრუქცია აღებულია საბრძოლო ან სპორტული დანიშნულების იარაღებიდან (აბსოლუტურად მცდარი მოსაზრებაა მითუმეტეს ბოლო დროს როდესაც სამოქალქო, სმხედრო, სპორტული, სანადირო და თვადაცვის სეგმენტები ძალზეგ განსხვავებულია). ეს ტენდეციაა მთელ მსოფლიოში და ასევე იჟევსკის ქარხანაში, სადაც „მარგოლინი“ს ბაზაზე 90-თიან წლებში შექმნეს სამოქალაქო დანიშნულების იარაღი „მარგო“. სპორტული იარაღიც არის სამოქალაქო, ხოლო იჟევსკში თუ რამე ტენდენცია არსებობს ეს არის საბრძოლო იარაღის სამოქალაქოდ გადაკეთების

ორიოდ სიტყვით არ შეიძლება, რომ არ შევეხოთ ამ უნიკალური პისტოლეტის ნიმუშს და მის გენიალურ კონსტრუქტორს. მარგოლინი არაფრით არ არის უნიკალური ხოლო მარგოლინი არ არის გენიალური კონსტრუქტორი ,

მიუხედავად ამისა „მარგო“ს გააჩნია დიდი სიზუსტე, საკმაო ენერგია და გამაჩერებელი ძალა, შემაჩერებელი რისთვის? ციყვისთვის? მაშინ კი ბატონო. კი რაც ეფექტურს ხდის თავდაცვისთვის. კარგით რა 5.6 ყალიბის მოკლე წრიული აალების ვაზნა (.22 short) არის ერთერთი უძველესი ვაზნა, რომელიც „სმიტ ენდ ვენსონმა“ შექმნა 19857 ??? წელს თავისი რევოლვერებისთვის. 1871 წელს გაუშვეს 5.6 ყალიბის გრძელი ვაზნა (.22LR), 1871 წელს სმიტ ვესონმა გაუშვა სერიაში .22 ლონგი, რომელზე დაყრდნობით მერე სხვა კომპანიამ შექმნა .22ლრ რომელიც განკუთვნილი იყო ჯიბის რევოლვერებისთვის. შემდეგში ამავე ვაზნაზე შეიქმნა მრავალი სამონადირეო და სპორტული იარაღი, რომლებიც საკმაოდ ეფექტურია, როგორც სამონადირეო ასევე თავდაცვის მიზნით. თავდაცვა .22 ლრ-ით არის როგორც მინიმუმ სერიოზული ექსტრიმი



ესეიგი .22ლრ-ის "გამომგონებელი" არის J. Stevens Arms & Tool Company და წავიდა წარმოებაში 1887 წელს. სმიტ ვესონის გავლენა ცხადია იყო მაგრამ ის რასაც ჩვენ ვიცნობთ როგორც გეკო სმიტ ვესონის მოგონილი არ არის. სახელი ლრ ლონგ რაიფლ წამოვიდა ალბათ იქიდან , რომ დიზაინი იყო აღებული სმიტ ვესონის .22 ლონგიდან ხოლო კომპანია უშვებდა შაშხანებს (რაიფლ) და მოახდინა ორი სახელის შერწყმა