უსადენო ინტერნეტი, რჩევა მჭირდება პარამეტრები

[ჩელე]

ეხლა რა ხდება: ვინაიდან გადავედი საცხოვრებლად სოფლად და იქ სილკნეტი ჯერ შესული არ არის და შესაბამისად არც ინტერნეტია, მაინტერესებს რომელი მოდემი ჯობია რომ შევიძინო და გამოვიყენო.

1. მაგთი
2. ჯეოსელი
3. მაქსიმალი

თუ კიდევ არის რამე მსგავსი და არ ვიცი ისიც მითხარით.

მადლობა წინასწარ.....

[გიორგი]

რა არის აქ გაურკვეველი ? მაინც და მაინც ვრცლად უნდა დავწერო ხომ ?? კარგით მაშინ, დავწერ:

დავიწყოთ იქედან, რომ მაგთიც და ჯეოსელიც ყიდის მეგა/გიგაბაიტებს… ანუ გადაიხდი ვთქვათ 30 ლარს და გაქვს 5 გიგაბაიტი, რომელიც რომ ამოიწურება მერე ან თავიდან უნდა გადაიხადო ფუკები, ან წახვიდე ჭურჭელი გარეცხო. მაქსიმალი ყიდის დროს - ანუ თვეს და ამ თვეში მოცულობა შეზღუდული არ არის.

გავაგრძელოთ, მაქსიმალი ზის ისეთ ტექნოლოგიაზე (Wimax), რომელიც ისედაც უფრო სწროფია ვიდრე GSM/EVDO ტენოლოგია და რაც მთავარია, თუ აიღებ WiFi მოდემს - შეგიძლია რამდენიმე კომპიუტერით (მოწყობილობით) ისარგებლო ინტერნეტით.

ბოლოს და ბოლოს, მე პირადად ჯერ ჯეოსელის მოდემი მქონდა და გადავაგდე, მერე მაგთი ფიქსის მოდემი მქონდა ორი და მოვიქნიე და ეხლა მაქსიმალი მაქვს უკვე წელიწადზე მეტია და ძალიან კმაყოფილი ვარ… ნუ ეხლა მთლად სილკნეტი არაა, მაგრამ მაგათ შორის ყველას ეს ჯობია…

მთავარია მანდ თუ იჭერს