ნეოპრინის ჩექმები პარამეტრები

[iosebovich]

ყველას მოგესალმებით. მაგნუმში ვიყიდე ნეოპრინის ჩექმები 5მმ-იანი სისქის. 120 ლარად. მართალი გითხრათ ვერ დავრჩი აღფრთოვანებული. შეიძლება არასეზონურად ჩავიცვი. სადახლოსკენ ვიყავით სანადიროდ, ჩამოცხა და მივხვდი რო სიარული შეუძლებელი გახდა. ძლივს მივედი მანქანამდე. მთლიანად სველი მქონდა ფეხები ჩახურებისგან. ეხლა რა მინდა გკითხოთ , ეგენი ცივი ამინდებისთვისაა მხოლოდ. ანუ ზამთარი და გვიანი შემოდგომისაა? არადა იმიტომ ვიყიდე რო დილის ცვარი და წვიმიანი ამინდი მწყერზე ბათინკებს მისველებდა. ავღანურები მაქვს. ვისაც მსგავსი ჩექმები გაქვთ იქნებ გამიზიაროთ შთაბეჭდილებები. წინასწარ ყველას მადლობა. აი ეს ჩექმებია მაგნუმში FJ-091, 5 mm. neoprene, size: 41, 42, 43, 44, 45, 46, 47
04:04 PM - 6 November 2011
ფასი: 120 ლარი
აი ლინკიც : http://www.magnum.ge/production-ka

[Davitus]

iosebovich

ნეოპრენი თითქმის არაფერ შუაშია, ნეოპრენი უშუალოდ კანთან კონტაკტში არ არის, ამიტომ მნიშვნელოვანია ამომფენი, რომელიც შიგნიდან აკრავს ნეოპრენს, თვითონ ნეოპრენს მაგალითად ფართოდ ხმარობენ ჰიდროკოსტიუმებში, საქმე იმაში რომ ჰიდროკოსტუმის ტარების დროს წყალი ასრულებს გაგრილების სისტემის ფუნქციას და ამიტომ არ ოფლიანდება კანი

ჩექმის შემთხვევაში აუცილებელია ვენტილირებადი კონსტრუქცია, ბევრნაირი ამომფენი არსებობს ამისთვის, შენს შემთხვევაში უცნობია რა ტიპის ამომფენისგან არის წარმოდგენილი ეგ პროდუქცია, საკითხავია მეორე ფაქტორიც, შარვალჩატანიებული ჩექმა ქმნის ძაბრის ეფექტს, ნამიან, მუხლებამდე ბალახში სიარულისას შარვალზე დაგროვილი ნესტიდან, წყალი ისე ჩაიწურება და დაგროვდება შეიძლება გადმოსაღვრელიც გაგიხდეს, ანუ ეგ ფაქტიც გამოსარიცხია

მესამე, როცა ასეთი ჩექმის "გაგრილება" არ ხდება გარემო ტემპერატურისმ მეშვეობით, დაგროვილი ნესტი და სითბო ძლიერ დისკომფორტს იწვევს, ამიტომ ძირითადად გამოიყენება ზამთარში, თუმცა დიდი ალბათობაა იმისა რომ ზამთარშიც გაოფლიანდეს ფეხი.

ხარისხიანი ჩექმა იმიტომაც ღირს ძალიან ძვირი