2012 - 2013 წლის სეზონის დახურვა, ჭიაურის მეურნეობა პარამეტრები თემის გამოწერა თემის ელ-ფოსტით გაგზავნა თემის ამობეჭდვა თემის ჩამოტვირთვა / ამობეჭდვა ამ განყოფილების გამოწერა ჩვენების რეჟიმები განტოტვილი შეცვლა: სტანდარტული შეცვლა: ხაზოვანი+

[ჭალიმგელა]

გავიდა სეზონი ბოლოში და ჩვენმა კლუბმაც ტრადიციისამებრ დავხურეთ სეზონი

განვიხილეთ რამოდენიმე ვარიანტი და გადავწყვიტეთ ჭიაურის მეურნეობას ვწვეოდით და დავხმარებოდით მტაცებლების ამოღებაში.

დავირაზმეთ და გავუდექით გზას შემდეგი შემადგენლობით:

1. ჭალიმგელა
2. საბო
3. ნუკრი MAX
4. ჯეი
5. კალვერა
6. ზახარა
7. Davitus
8. კუდიგორელი
9. Maverick
10. gacho
11. გოგიტა
12. ჩავლე
13. Fishman
14. ვიტო
15. გურგენა
16. ნოსო
17. ბაბუ (თენგო)
18. Hunter 777
19. ნიკა
20. TAMPLIER
21. ბონე
22. ლეკი
23. შოთა
24. ირაკლი
25. Kondoli
26. მამუკა
27. ზაზა
28. გოგა
29. ჩიკა
30. paata 71

შევიკრიბეთ აეროპორტის ტრასაზე, ანუ G.W. Bush ის გამზირზე

[T A M P L I E R]

ტრადიციისამებრ როგორც ვიქცევით ხოლმე"ოჩოპინტრელები"წელსაც ისე მოხდა და არ დაგვიშვია გამონაკლისი!
დიდი ბჭობის დაგეგმვის და მონადირეთა ფორუმზე სიების შედგენის შემდეგ დაითქვა შეხვედრის ადგილი!(შეხვედრის ადგილი ყოველთვის ჩემი სახლი იყო მაგრამ ამჯერად ჯორჯ ბუშის სახელობის ქუჩა ვამჯობინეთ პრაქტიკულობიდან გამომდინარე)
დილის 4 საათზე დათქმულ ადგილას ყველამ მოვიყარეთ თავი,გადავნაწილდით მანქანებში რომლებსაც "კლუბ ოჩოპინტრე"-ს ლოგო ამშვენებდა და გავემართეთ კახეთს დიდი კოლონით.
ყველა მანქანა წესის მიხედვით კოლონით ვმოძრაობდით თავში და ბოლოში ორგანიზატორების მანქანები გვყავდა რომ გაუთვალისწინებელი გაჩერების დროს რაციის დახმარებით კოლონა გაეჩერებინა!
ასე ჩავედით კახეთს კერძოთ ჭიაურის ნაკრძალში
ჩასვლისას კიდევ ბნელოდა და ცა პირს არ ხსნიდა,გადმოვბარგდით და მოვთავსდით ერთერთ ბინასთან.
როგორც მონადირეების წესია მოიკითხეს კიდევ ერთხელ ერთურთი და გაება საინტერესო თემებზე საუბარი,საუბარი ერთია და 30 მონადირე რომ ერთად დაიწყებს საუბარს ამას უკვე სხვა რამეს თუ დავარქმევთ
ცოტაოდენი ყაყანის შემდეგ ცა მტრედისფრად განათდა და ჩვენს გაგვიხარდა!გაგვიხარდა და მღელვარებით აღვივსეთ! თუ კი ვინმეს ერთხელ მაინც უნადირია ან მოწამლულია ამ საუკეთესო ჰობით ის მიხვდება რა გრძნობაა როცა ელოდები ამ ყველაფერს.
ამასობაში მანქანის ფარები გამოჩნდა,თეთრი ჯიპი ტოიოტას ფირმის რომელიც საუკეთესოდ იყო მომზადებული ტალახის და გაუვალი გზების საკვლევად.გაჩერდა მანქანა და გადმობრძანდა ბნ ნუგზარი(ბნ ნუგზარ გიოშვილი სამონადირეო მეურნეობის უფროსი)
მისალმების მოკითხვის და თითო სახუმარი ფრაზის შედეგ გვითხრა რომ უნდა გადავსულიყავით მთავარ ბაზაზე სადაც იყო განლაგებული კოტეჟები.
გადავედით ბაზაზე და უკვე კარგად მონათებული იყო,გადმოვლაგდით მანქანებიდან და გამოჩნდა მონადირისთვის საუკეთესო ხედი,
ლამაზი ხითნაშენი კოტეჟები,მთავარი საბაზისო შენობა,ხოხბის ვოლიერები და უშველებელი ტბის ამომშრალი კალაპოტი რომელიც რეკონსტრუქცის შემდეგ იდეალურ სათევზაო ტბად იქცეოდა.
ბნ.ნუგზარმა ჩაგვიტარა მცირე ექსკურსია მეურნეობაში და მოგვიყვა როგორ გაუნადგურა ათობით ფრთა კოლხური ხოხობი(რომელიც ნაკრძალში გასაშვებად იყო მზად)ველურმა კატამ.
ამ მცირე ექსკურსის შემდეგ შევიკრიბეთ ბაზაზე და მანვე მოგვცა რჩევა დარიგებები მომავალ ნადირობაზე.
მცირე ტრაპეზის შემდეგ ჩავბარგდით მანქანებში და გადავედით უკვე სანადირო სავარგულებში,აღიკაზმა ყველა მონადირე თოფებიტ და ყველა საჭირო ინვენტარით და გავყევით ეგერს რომელმაც ჩაგვაყენა ნომრებში.
ყველა მივყვებოდით ეგერს და მისი მითითებით ვდგებოდით ნომრებში,ჩემი თვალით შევარჩიე საუკეთესო ნომერი კარგი მხედველობის მქონე არეალით და ეგერის ნებართვით იქ დავდექი.
ამასობაში წამოგვეწიენ საბო და ქბ.მარიამი(ჟურნალ გზის ჭურნალისტი და საბოს მეგობარი)და საბოს თხოვნით დავუთმე ნომერი.
ბევრი რომ არ გავაგრძელო მომიწია ირაკლის(hunter fredy) და ნუკრის(nukri max) შუაში მდებარე ნომერში დადგომა რამაც როგორც მოგვიანებით გამოჩნდა გაამართლა!
დაიწყო სარეკი!შორიდან ისმოდა მარეკების სროლა და ყიჟინი,ძაღლების გაბმული გალობა და ეს ყველაფერი ერთიანობაში ისე სასიამოვნოდ ხვდებოდა მონადირის ყურთასმენას რომ მონადირე თუ მიხვდება მხოლოდ ამ ამბავს!
სულ უფრო და უფრო გვიახლოვდებოდა ძაღლების ხმა და მეც გაფაციცებიტ ვიყურებოდი ნომრიდან, ერთიც მოვკარი თვალი ჩვენი ნომრისკენ გამოქცეულ ორ ტურას და გავიტრუნე.თან ვფიქრობდი ცოტასაც მოვუშვებ და მერე ვესვრითქო ,ამ ფიქრებში ვიყავი და უკვე კარგა მოახლოებულ ტურებს დაუშინა ნუკრიმ,ამან ტურები აიძულა ჩემი ნომრისკენ აეღოთ გეზი და ასეც მოიქცნენ,გამოვიდა სასროლზე ორი ტურა და მეც არდავაყოვნე ,გამოვუწიე სასხლეტი და ვესროლე,პირველი სროლა უშედეგო აღმოჩნდა რომლის მერეც ერთმა ტურამ პირი იბრუნა და უკან გავარდა ტყეში მეორე კი იდეალურ სასროლ პპოზიციაზე გამოვიდა რომელსაც გაქცეულზე ორი ტყვია ვესროლე,უკანასკნელმა ტყვიამ წააყირავა ნადირი მაგრამ არ მოუღო ბოლო.
ჩემგან მარცხნივ ირაკლის ნომერი იყო და ისიც კარგად ხედავდა ამ ყველაფერს და მანაც უძილადა 36 გრამი საფანტი.
რომლის მერეც უკვე ტურას მოძრაობის სურვილი არ გასჩენია.
ასე დამთავრდა პირველი ნომერი ჩემთვის რომელსაც როგორც სარეკის დამთავრებისას აღმოჩნდა სამი თურა ემსხვერპპლა.

გადავინაცვლეთ მეორე ნომერში და იქ სხვა სიტუაცია დაგვხვდა!ეგერებმა გვითრეს რომ ამ ნომერში მგელი იყო მოსალოდნელი და ისიც დასძინეს რომ ბებერი მგელი ყოფილა ერთი რომელსაც 5 წელია დასდევენ და ვერ იხელთებენ და რომელსაც წინა დღეს ხბო შეუჭამია!
დაიწყო ისევ ნომრებში განაწიოლება და გავიშალეთ ტყეში ეგერების მითითებით!
სარეკის დაწყება გვამცნო ჰაერში გასროლილმა თოფმა და ყველა გავირინდეთ
ცოტა ხნის შემდეგ მარეკების და ძაღლების ხმებიც მოგვიახლოვდა და აი მაშინ დაიწყო რაც დაიწყო.
ნომრებში ერთი მეორეს მიყოლებით ვარდებოდა თოფი და არაერთჯერ!
იმ მომენტში სისხლი გეყინება და გული გამალებით იწყებს ფეთქვას მხედველობა და სმენა აასმაგებს თავის აღქმის უნარს!
მეც ვარ გატრუნული ჩემს ნომერში და ველოდები ნადირს როდის გამოვა და როდის მოვპპატიჟებ ერთ მუჭა საფანტზე...
დიდი ლოდინის და მეზობელ ნომრებში გაგონილი ზალპის შემდეგ გამოძუნძულდა ჩემთანაც მგელი.
ძალიან შორს იყო და ბევრი ბუჩქი თუ ახალწამოზრდილი ტყე ეფარებოდა რამაც არ მომცა სროლის საშუალება,ვიდექი ხეს სიბერისგან წაქცელ და ფუღურო გამომპალ ხეს ამოფარებული და ვუყურებდი,ერთ ხანს ისიც შედგა და დამიწყო თვალიერება სასროლზე კი არ მომეკარა!
ამ მომენტში ვიყავით მე და ის მგელი,მე მას ვუყურებდი და ის მე როდესაც მეზობელ ნომერში გავარდა თოფი და ამ მგელმა მოკურცხლა ტყისკენ საითაც არავინ მეგულებოდა.
დამთავრდა სარეკი,გამოვიდნენ მარეკები და ძააღლები და დავიწყეთ აშლა!
მანქანების მიმართულებით.
პირველი ნუკრი შეგვხვდა!ისედაც ეს დიდი ცისფერი თვალები სულ დამრგვალებოდა და იყრებოდა გაფაციცებით!
ისეტი აჟიტირებულ იყო ერთ ადგილზე ვერ ჩერდებოდა და პაპიროსს აბოლებდა!
გავხედეთ და ერთი უშველებელი მგელი მოვლანდეთ(რომელსაც ნუკრაზე დიდი თავი ჰქონდა )
მივედით დავხედეთ და ალბათ ყველამ ერთდროულად გავიფიქრეთ ეს ის ბებერი მგელია რომელიც ვერ მოიხელთა ვერავინ!
ბევრი მილოცვების შემდეგჩამივკიდეთ ეს მგელი მონადირულად გრძელ ძელზე და გამოვეშურეთ სხვა ნომრებისკენ!
სადაც კიდევ ერთი მგელი დაგვახვედრეს გოგამ დ(გიორგევიჩ)და კახამ(ჩავლე)რამაც ერთი ორადგაგვახარ!
ასე ავკიდეთ ორივე მგელი ძელზე და ამაყად გამოვეშურეთ გასასვლელისკენ.
გზაში კიდევ ვნახეთ ბიჭები რომლებსაც თითო ტურა ჰყავდათ მონადირებული და ამან კიდევ უფრო გაგვახარა(მართალია ისე არა როგორც მგლების მონადირებამ მაგრამ არც ბევრად ნაკლებად)
გამოვედით ტყიდან და რომ შევაგროვეთ ნანადირევი აღმოჩნდა რომ 4 ტურადა 2 მგელი იყო ამ სარეკიც ნადავლი,ამას მივუმატეთ დანარჩენი სამი ტურა და ხალხის თავლები სიამაყით აღივსო!
გადავედით კიდევ ერთი სარეკის მოსაწყობად და გავნაწილდით
ყველა ემორჩილებოდა ეგერის ნათქვამს და ყველა იქცეოდა ისე როგორც ეკადრებათ ჭეშმარით მონადირეებს და ჯენტლმენებს!
გაკეთდა კიდევ ერთი სარეკი რომელიც მალე დამთავრდა და მხოლოდ კახამ(ჩავლე)ივაჟკაცა და ერთი ტურა შეჰმატა საერთო ნადავლს!
ამით მორჩა ჩვენი ნადირობა და ყველა დავბრუნდით ისევ ბაზაზე სადაც დაგვხვდა ბნ.ნუგზარი
ისევ შეიკრიბა ერთად 30 მონადირე და ისევ ოღონდ გაათმაგებული ჭინით და ინტერესით უყვებოდნენ ერთმანეთს მათ გადახდენილ ნადირობის ისტორიას!
ბნ. ნუგზარიც ერთგვარი კმაყოფილებით უყურებდა ნანადირევს და ისმენდა ერთი ლამაზი ნადირობის ამბავს!
მთელი ნადავლი ერთად შევაქუჩეთ და გადავიღეთ ერთობლივი სანადირო ფოტო და გამომშვიდობების შემდეგ გამოვეშურეთ თბილისს!
მოგეხსენებათ ქართველები ვართ და მართო კუჭს რომ არ ვუყუროთ ტრადიცია და ადათი გვავალდებულებს ასეთი ამბის შემდეგ ტრაპპეზს.
ასეც მოხდა ჭიაურის ნაკრძალიდან გამოსვლისას დავრეკეთ კაჭრეთში და დაგვახვედრეს ტრადიციული ქართული პპურმარილი რომელიც დამაგვურგვინებელი შტრიხი იყო ამ დღის!ვიქეიფეთ ვისაუბრეთ მივირთვით ოჩოპპინტრეს წარმოებული ღვინო და დავლოცეთ ახალი კლუბის წევრები.ყველაფერი კარგია რაც კარგად მთავრდებაო,გამოვეშურეთ ეს ამდენი სიკეთით ნასიამოვნები ხალხი და ჩამოვედით თბილისს.
ყველას მინდა მადლობა მოვუხადო ვინც ამ ლამაზი დღის ორგანიზებაში მიიღო მონაწილეობა!.კერძოდ:ბნ.თემურ ტყემალაძეს, ნუგზარ გიოშვილს და ჭიაურის მეურნეობის მთელ კოლექტივს ამ დაუვიწყარი ნადირობის მასპინძლობისთვის.
ასევე ნიკოლოზ რიჟამაძეს, გიორგი მეტრეველს და კლუბის ყველა გამგეობის წევრს იდეალურად ორგანიზებული ერთობლივი ნადირობისთვის.
ასევე ჟურნალ გზის კორესპონდენტს, ხათუნა (გვარი არ მახსოვს), ჟურნალ “გზა”-ში პროფესიონალურად მაღალ დონეზე ამ დღის გაშუქებისთვის.
და ბოლოს, მადლობა Oოჩოპინტრეს ყველა კლუბის წევრს, ასევე ყველა ფორუმელს და ყველა იმ მონადირეს, ვინც ღირსეული მონადირის სახელს ატარებს.