შეჯიბრება "ანტ"-სა და იური კონოვალოვის "ევროპელებს" შორის! პარამეტრები

[barambo]

ძალიან საინტერესოა!
მე მგონი ბევრ რამეს ხდის უფრო გასაგებს.
ჩვენთანაც ხომ არ მოგვეწყო მსგავსი ღონისძიება?

http://www.uahunter.com.ua/forum/sravnenie...ove-t61633.html

[ზაზა]

ძალიან კარგი საუბარი მიდის, გიგოს,, კონსერვის ქილები" რომ არა...



ამის მსგავსი ბევრი თემა იყო აქ, რომლებიც მერე დაიხურა. მე პირადად ყველას აზრი ვიცი უკვე, არავინ გადასულა ამ გუნდიდან იმ გუნდში და პირიქით. მე 81 წესების მომხრე ვრჩები, სანამ აქ ჩამოყვანილების მუშაობას არ ვნახავ, იმედი მაქვს ეს დროც მალე დადგება, მომზადებული ევროპელიც გამოჩნდება და ხარკოვული შედარება და არა შეჯიბრება, გაიმართება, უცხოებს ხომ არ ჰყავთ , ორივე გუნდში მეგობრები არიან. ვიდეოები და სტატიები კარგია, მაგრამ როცა შენი თვალით ხედავ, სულ სხვაა. არ მითხრათ წამო ყირმში, სერბეთში, იტალიაშიო, იქ კარგები გამოდიან, ვიცი, იქ დიდი ძებნაა, მე იმათი ნაშიერების აქ რეალური ნადირობა მინდა ვნახო

[შადი შამოდი]

ძალიან კარგი საუბარი მიდის, გიგოს,, კონსერვის ქილები" რომ არა...



ამის მსგავსი ბევრი თემა იყო აქ, რომლებიც მერე დაიხურა. მე პირადად ყველას აზრი ვიცი უკვე, არავინ გადასულა ამ გუნდიდან იმ გუნდში და პირიქით. მე 81 წესების მომხრე ვრჩები, სანამ აქ ჩამოყვანილების მუშაობას არ ვნახავ, იმედი მაქვს ეს დროც მალე დადგება, მომზადებული ევროპელიც გამოჩნდება და ხარკოვული შედარება და არა შეჯიბრება, გაიმართება, უცხოებს ხომ არ ჰყავთ , ორივე გუნდში მეგობრები არიან. ვიდეოები და სტატიები კარგია, მაგრამ როცა შენი თვალით ხედავ, სულ სხვაა. არ მითხრათ წამო ყირმში, სერბეთში, იტალიაშიო, იქ კარგები გამოდიან, ვიცი, იქ დიდი ძებნაა, მე იმათი ნაშიერების აქ რეალური ნადირობა მინდა ვნახო

კარგი საუბარის რა მოგახსენო, ჩემო ზაზა, მშვიდი და ჩვენებურად უსაგნო, გზას და მთავარსათქმელს აცდენლი საუბარი კი მიდის. გადავწყვიტე, ისევ ჩემს "თანაგუნდელს" შეგეკამათო, აბა, "მოწინააღმდეგეები" თითქოს არც კითხულობენ, არც ისმენენ, რას ვწერ და რას ვამბობ, (ეგ ამბავი შენც გამოცადე შენს პოსტებზე და აღნიშნე კიდეც), იმ პირველ ჩვენებას აწვებიან ერთგულად. ახლა, რაში არ გეთანხმები: ხარკოვული შეჯიბრება თუ შედარება, განა რომელმა რომელს აჯობა, ამით იყო მნიშვნელოვანი? პირიქითაც რომ მომხდარიყო, ან მოხდეს, რა დიდი ამბავია, მჯობნის მჯობნი როდის დალეულა? ამ შემთხვევაში სულ სხვა რამესთან გვაქვს საქმე - შეჯიბრი, გინდაც შედარება საერთოდ ვერ შედგა.. ან როგორ შედგებოდა? ერთი გუნდი გამოვიდა ფეხბურთის სათამაშოდ(სანადიროდ), ხოლო მეორე - მოკლე დისტანციაზე სპრინტერულ სირბილში. არცერთი ნაბულის მცდელობაც კი, 20 წუთიანი ქროლვა-ნავარდის შემდეგ ჯორივით დადგომა...ძალიან კარგი, რომ კონოვალოვი გაპაზორდა, მაგრამ არ ვიცი, კარგია თუ ცუდი, რომ კიდევ ერთხელ დაგვიდასტურდა ეჭვები საფილტრაილერო ძაღლების ლეკვების დიდი ნაწილის სანადირო ვარგისიანობის შესახებ. ეს ეჭვები გუშინ და ცარიელ ადგილას არ გაგვჩენია. დარიგადის ორი ფრაზა მაქვს გულსჩარჩენილი: 1. დიდი ძებნის საუკეთესო ძაღლების 200 შთამომავლიდან 2 ლეკვი თუ გამოდგა საჩემპიონო მონაცემების, მაგარი ამბავიაო. 2. ნადირობა აუცილებელია, მე და ჩემი ძაღლები წელიწადში 47 კვირა ვარჯიშს და შეჯიბრებებში გამოსვლას ვუნდებით, 48-ე კვირას მთლიანად ნადირობას ვუთმობთო. (მეორე ფრაზა ამ კონკრეტულ შემთხვევას არ ეხება, მაგრამ სხვა მხრივ ნამდვილად საყურადღებოა.) ეჭვებს დავუბრუნდეთ. განა ჩამოყვანილი ძაღლების უმრავლესობას ნაბულის პრობლემა რეალურად არ უდგას? განა სისწრაფის შესაბამისი ყნოსვა ბევრს მოსდევს? ან განა სტილი ყველას დამაკმაყოფელი აქვს ( ზოგს სვლის, უმეტესობას ნაბულის, - თუნდაც იმათ, ვინც ნაბულზე ხანდახან მაინც დგება) ? რაც მთავარია, პანტრონთან კონტაქტისა და გეშვის შეუდარებლად დიდი სირთულეები... აქაური მეძებრების, სამამულო კინოლოგიის, ჩვენი ღონისძიებების, სელექციისა თუ წესების ხელაღებით ლანძღვა ისედავ მეწყინებოდა, ყველაფერში სამართლიანებიც რომ ყოფილიყვნენ. კონოვალოვის და სხვა უამრავი მაგალითი კი საპირისპიროს მეუბნება, მარწმუნებს, რომ ნამდვილად არ არიან ყველაფერში მართლები, არაა სწორი ის "ხბოს აღტაცება", რომლითაც "ევროპული" ძაღლების სანადირო მონაცემებს აფეტიშებენ. კი, ევროპულ საფილტრაილერო მეძებრებში არსებობს უბრწყინვალესი ელიტა, მაგრამ ეს ელიტა საერთო რაოდენობასთან შედარებით ძალიან მცირერიცხოვანია და მას "ბრაკების" მნიშვნელოვანი შლეიფი მოსდევს უკან - არა მარტო დიდი ძებნისთვის, არამედ უბრალო ნადირობისთვისაც გამოუსადეგარი გენეტიკური მასალა. ხარკოვში სწორედ ეს სამწუხარო ფაქტი დადასტურდა. ხარკოვშიც, მთლიანად უკრაინაშიც და რუსეთშიც უკვე დიდი ხანია თვალი გაუსწორეს ამ სიმართლეს. ეს არ ნიშნავს,რომ ენთუზიაზმი გაუქრათ, ისინი, ნაღდი ფილტრაილერისტები , კიდევ მეტი შემართებით აგრძელებენ არჩეულ გზას. ჰოდა, ღმერთმა ყველას თავის გზაზე გაუმარჯოს! ოღონდ ახალგაზრდებს პლიუსებთან ერთად მინუსებზეც უნდა მოვუყვეთ ხოლმე, რეალური სურათი დავუხატოთ, მოსალოდნელმა იმედგაცრუებებმა საერთოდ რომ არ ჩააქნევინოთ ხელი. სხვა შემთხვევაში მთელი ეს კლიპების ძებნა და ვიდეოების ტრიალი, იმის ხაზგასმა , რომ ეს ლეკვი იმ დიდი ჩემპიონის ძმისშვილია და ამ ძაღლის დეიდაშვილმა შარშან ყირიმში დადებითი შეფასება მიიღო, მხოლოდ იაფფასიანი რეკლამა, თავის მოტყუება და რაც მთავარია, უბიწო სულების ცდუნებაა.
ზაზა, 81 წლის წესებზე მერე შეგეკამათები. ახლა დროც აღარ მაქვს და წერაც მეზარება.