სეზონი 2014-15, პროგნოზები მოლოდინი პარამეტრები

[assassin29]

მაპატიეთ თუ ცოტა ადრე ვხსნი ამ თემას მაგრამ ჩემი გული უკვე ვეღარ ითმენს და კანკალებს, დარწმუნებული ვარ თქვენიც.

2 კვირაში ჩვენ ქუჩაზეს მოვა გაზაფხული ისევ ვიხილავთ ჩვენი ოთხფეხა მეგობრების ნაბულებს და ისევ მოვეფერებით ჩვენ დენთიან მეგობებს.
ნამიან მიწას რომ ოხშივარი ასდის დილით და მაგას რომ დენთის სუნი შეერწმება აი ძაღლიშვილი ვიყო თუ ეგ ნებისმიერ სუნამოს სუნს არ მერჩივნოს.
ხოდა რახდება იმედი მქონდა რომ წინა არცთუისე ბარაქიანი სეზონის შემდეგ წლევანდელი წელი წარმატებული იქნებოდა მაგრამ ხმები რაც ჩემ ყურამდე აღწევს ცოტა არიყოს მაშფოთებს. წალკაში შირაქში და სხვა ადგილებში არ გაიგია რა ხდება მაგრამ როგორც მითხრეს ბოდბეში საშინელი გვალვა არისო და გადამხმარია ყველაფერია + მაგას ახლობლები იყვნეც ცტა ხნის წინ კომბაინით და ძალიან კანტიკუნტად ამოდიოდა მწყერიოო არა მგონია სხვაგან რადიკალურად განსხვავებული იყოს სიტუაცია, ნეტა ვცდებოდეე
ჩემი ლეკვი ჯერ პატარაა მაგრამ მაინც გავასეირნებ ცოტა მოგვიანებით, ხო კიდევ ვაზნები ისევ ბუგატები უნდა ვიხმარო რეკლამაში არ ჩამითვალოთ უბრალოდ დამრჩა ბლომად წინა სეზონიდან.

გისურვებთ ყველას იღბლიან ნადრობებს და ბევრ ტროფეის ბრაკონიერებს რასაც ვისურვებ მთელი გულით კი მიხვდებით მაგას
ბოდიში ცოტა პესიმიზმისთვის

პოსტის უკანასკნელი ჩამსწორებელია assassin29: Aug 1 2014, 15:02

[assassin29]

სანადირო სახეობები, ნადირობის დღიური ლიმიტები და ვადები
გადამფრენი ფრინველების სახეობები, რომლებზედაც დაშვებულია ნადირობა, მოპოვების დღიური ლიმიტები და ნადირობის ვადები შემდეგია:
ტყის ქათამი (Scolopax rusticola) 3 ცალი (ნადირობის ვადა 15 ოქტომბრიდან 1 მარტამდე);
ჩიბუხა (Gallinago gallinago) - 5 ცალი, მწყერი (Coturnix coturnix) - 20 ცალი, ქედანი (Columba palumbus) - 10 ცალი, გარეული მტრედი (Columba livia) - 10 ცალი, გულიო/გვიძინი (Columba oenas) - 10 ცალი, ჩვეულებრივი გვრიტი (Streptopelia turtur) - 10 ცალი; (ნადირობის ვადა აგვისტოს მესამე შაბათიდან 15 თებერვლამდე);
წყალმცურავი ფრინველები, რომლებზეც ნადირობა ნებადართულია 1 ნოემბრიდან 1 მარტამდე, საქართველოს ტერიტორიაზე, გარდა ახალქალაქის, ნინოწმინდის, წალკის და დმანისის მუნიციპალიტეტების ტერიტორიებისა, ქვემოთ მოცემული დღიური ლიმიტებით:
რუხი ბატი (Anser anser) - 5 ცალი; რუხი იხვი (Anas strepera) - 3 ცალი; ჭიკვარა/სტვენია იხვი (Anas crecca) - 5 ცალი; გარეული იხვი (Anas platyrhynchos) - 6 ცალი; იხვინჯა/ჭახჭახა იხვი (Anas querquedula) - 3 ცალი; ფართოცხვირა/განიერნისკარტა იხვი (Anas clypeata) - 3 ცალი; მელოტა (Fulica atra) - 6 ცალი; კუდსადგისა/ბოლოსადგისა იხვი (Anas acuta) - 3 ცალი; თეთრშუბლა იხვი (Anas penelope) - 6 ცალი; დიდი თეთრშუბლა ბატი (Anser albifrons) - 5 ცალი; წითელთავა ყვინთია (Aythya ferina) - 3 ცალი; ქოჩორა ყვინთია (Aythya fuligula) - 5 ცალი.
წყალმცურავი ფრინველები, რომლებზეც ნადირობა ნებადართულია 10 სექტემბრიდან 10 ნოემბრამდე, მხოლოდ ახალქალაქის, ნინოწმინდის, წალკის და დმანისის მუნიციპალიტეტების ტერიტორიებზე, ქვემოთ მოცემული დღიური ლიმიტებით:
რუხი ბატი (Anser anser) - 3 ცალი; რუხი იხვი (Anas strepera) - 2 ცალი; ჭიკვარა/სტვენია იხვი (Anas crecca) - 3 ცალი; გარეული იხვი (Anas platyrhynchos) - 5 ცალი; იხვინჯა/ჭახჭახა იხვი (Anas querquedula) - 2 ცალი; ფართოცხვირა/განიერნისკარტა იხვი (Anas clypeata) - 2 ცალი; მელოტა (Fulica atra) - 5 ცალი; კუდსადგისა/ბოლოსადგისა იხვი (Anas acuta) - 2 ცალი; თეთრშუბლა იხვი (Anas penelope) - 3 ცალი; დიდი თეთრშუბლა ბატი (Anser albifrons) - 3 ცალი; წითელთავა ყვინთია (Aythya ferina) - 2 ცალი; ქოჩორა ყვინთია (Aythya fuligula) - 3 ცალი.
ნადირობა აკრძალულია:
სახელმწიფო ნაკრძალებში და ეროვნულ პარკებში და მათ გარშემო 500-მეტრიან ზონაში, ასევე საქართველოს ქალაქების ადმინისტრაციულ საზღვრებში. ნადირობის წესების დარღვევა ნადირობის ობიექტებისათვის მიკუთვნებულ სახეობებზე გამოიწვევს დაჯარიმებას 100 ლარიდან 500 ლარამდე, მოპოვებული ობიექტისა და სანადირო იარაღის ან/და მოწყობილობის კონფისკაციით ან უამისოდ.
ნადირობის აკრძალული მეთოდები:
მცენარეული საფარის დაწვა;
გარეულ ფრინველთა კვერცხის შეგროვება და გაყიდვა;
ცხოველთა ბუდეების, ბუნაგების, საცხოვრებელი ადგილების მოშლა ან განადგურება;
ცხოველთა მასობრივი მოპოვების საშუალებებით - ყოველგვარი კუსტარული ან ქარხნული წესით დამზადებული ბადეებით, ხაფანგებით, მარყუჟებით, აგრეთვე ორმოებით, სარეგვავებით (სარეჯგველებით), ხმოვანი სიგნალების გამომცემი ელექტრონული (მათ შორის, ავტონომიურ კვების წყაროზე მომუშავე) მოწყობილობების მეშვეობით ფრინველის მოზიდვა, საწამლავით, სანადირო იარაღზე დამონტაჟებული რეფლექტორებით, ასაფეთქებელი საშუალებების გამოყენებით, თოფებისა და სხვა თვითმსროლელი იარაღების დაგუშაგება;
ნადირობა და/ან ცხოველთა მოპოვება (დაჭერა) თვითმფრინავიდან, ვერტმფრენიდან, ავტომობილიდან, მოტოციკლეტიდან, კატარღებიდან, ძრავიანი ნავებიდან და სხვა მოტორიანი სატრანსპორტო საშუალებებიდან, მათ შორის, ღამით განათებული ფარებისა და პროჟექტორების მეშვეობით, ცხოველთა დევნა სატრანსპორტო საშუალებებით, წყალმცურავ ფრინველებზე ნადირობა ძრავაგამოურთველი მოტორიანი ნავებიდან და კატერებიდან (მოპოვება დევნით), ასევე ნადირობა ღამის ცეცხლის დანთებით;
სტიქიური უბედურებების (წყალდიდობა, ხანძარი, დიდი თოვლი და სხვა) დროს დაუძლურებული ცხოველების მოპოვება, აგრეთვე მათზე ნადირობა წყალში გადასვლისას ან სხვა დაბრკოლებების გადალახვისას, მათ შორის, სტიქიური უბედურებისაგან თავის დაღწევის დროს.