ჭიაური... სეზონის დახურვა 2015.02.22. პარამეტრები

[MORGAN]

ხოო და სალამი კიდევ )
აღმოჩნდა რომ მე მომიწია ამ თემის გახსნა... როგორც ახალბედა, ვეცდები კორექტულად და მიზანშეწონილად გამოვთქვა ჩემი აზრი გასულ კვირასთან დაკავშირებით...

ყველაფერი დაიწყო ჩემს მიერ სურვილის გამოთქმით კლუბში გაწევრიანებისა... (მადლობა რეკომენდატორებს ) რის შემდეგაც მოვხვდი კლუბის წევრთა რიგებში... და მოვხდი შესაბამისად ორგანიზებულ ნადირობაზე...

სიმართლე რომ ვთქვა, თავიდან სულ სხვანაირად წარმომედგინა ეს ყველაფერი.. ისე, როგორც უნდა ყოფილიყო.. მაგრამ გაურკვეველი მიზეზების გამო, ყველაფერი "ისე" არ მოხდა, როგორც უნდა ყოფილიყო..

მოკლედ დიდი შემართებით წამოვედი.. მართალია დილეტანტი ვარ, მაგრამ პირველი სარეკი რომ დაიწყო, მივხდი რომ "ქაქი იხარშებოდა".. პირველად ვიყავი ეგეთ ნადირობაზე, თუმცა ბევრი მაქვს წაკითხული და ცოტა რამ კი არ გამეგება, როგორც აღმოჩნდა...

მოკლედ არ ვიცი ვის როგორ ურთიერთობა აქვს იქაურობის ბატონ-პატრონებთან, მაგრამ ფაქტია რომ მარეკებიდან ზოგი კეთილსინდისიერად ეკიდებოდა საქმეს, ზოგიც კი ახალტურებდა.. ნუ ეს ალბათ იმათი "შიდა სამზარეულოა"...

ნუ დალევას რაც შეეხება, ხდება ხოლმე

ჩემი აზრი გასულ კვირაზე კი ასეთია:
რაც მთავარი და ყველაზე მნიშვნელოვანია, გავიცანი ძალიან კარგი ხალხი... იყო სიტუაცია როდესაც შეიყარა ერთი ჭკუის ხალხი )

მე, ბევრისგან განსხვავებით, გამიმართლა რომ ტურა დავინახე, რომელსაც ზახარამ ესროლა და მერე სავარაუდოდ ახალციხელმა მოკლა )
(ნუ ჩემი აზრი ასეთი იყო იმ ტურასთან დაკავშირებით )

ეხლა კი ცოტა ფოტოები ) და დეტალები:
ივერიასთან შევიკრიბეთ და დავიძარით ჭიაურისკენ, ადგილზე 8 საათზე უნდა ვყოფილიყავით.

ხოდა ჩავედით კიდეც. ცეცხლიც გაჩაღდა, ცოტა წავიხემსეთ და წავიპაპარაცეთ. თან ძველი და ახალი მოვიკითხეთ







































































how to screenshot on windows






























აქ მერე ვიღაცა კაცი გამოვიდა და ყვარყვარე თუთაბერივით იქნევდა დირიჟორის ჯოხს

[ახალციხელი]

მოგიყვებით მეც ჩემი თვალით დანახულ 22 თებერვალს.
შევიკრიბეთ გამთენიისას, მივესალმეთ, მოვიკითხეტ ერთმანეთი, ჩავლაგდით მანქანებში და წავედით. დანიშნულების ადგილზე კარგ დროს ჩავედით, დავიწყეთ მომზადება, წავისაუზმეთ უსაფრთხოების წესები გაგვაცნო პრეზიდენტმა, ხელიც მოვაწერეთ და გავეშურეთ ნომრებში.
პირველ და ყველაზე მნიშვნელოვან სარეკში "გაგვანაწილეს" ნომრებში და დაიწყო ლოდინი.
მარეკიც დაიძრა თავისი სროლებით და ყვირილით, ათიოდე წუთში ბუჩქებში მოძრაობა შევნიშნე, დავიძაბე მეთქი მოიდა ტურიკო, მარა რათ გინდა მარეკის ძაღლი გამოძვრა ბუჩქებიდან ორიოდე წუთში გაკვირვებული ჭალიმგელაც გამოჩნდა (სარეკში იყო) აქ რა გინდათო. ჭალიმგელას გავლის შემდეგ იქაური მარეკიც, ერთი შავი კაცი მოვიდა, ნომრებიდან არ მოიხსნათ სანამ უკან არ ჩამოგივლითო დაგვიბარა და წავიდა. დაახლოებით 20 წუთი ვიდექი თან მიკვირდა მარეკმა ჩაიარა და აქ რაღას ვაკეთებ თქო, მერე კარგი ხე შევარჩიე, კუნძი დავიდგი, ხეს მივეყუდე და ...... 2-3 საათის ლოდინის შემდეგ ის შავი კაციც აღარ გამოჩნდა, ჩემს ზემოთ ნომრებშიც დაიღალნენ ჩემსავით (საკმაოდ ახლოს ვიდექით ერთმანეთთან), ჰოდა გადავწყვიტეთ მანქანებთან ჩავსულიყავით (კიდევ კარგი თორე იმ შავი კაცის დაბრუნებას რო დავლოდებოდით ეხლაც იქ ვიქნებოდით ). მანქანებთან აღმოვაჩინეთ, რომ ჩვენს გარდა (5-6 კაცი ვიყავით), ბიჭების დიდი ნაწილი მანქანებთან იყო და უკვე კარგა ხანი გველოდებოდა, ნაწილი ისევ ტყეში იყო, მარეკები კიდე სადღაც სულ სხვაგან აკეთებდნენ სარეკს

ცოტა ნერვიულობის და მომხდარის განხილვის შემდეგ, უკვე შუადღით, როცა ყველანი მოვგროვდით, გადავწყვიტეთ კიდევ ერთი სარეკის გაკეთება. გავნაწილდით ნომრებში. მე, ბლექი, გენერალი და ერთიც იქაური მონადირე ზურგს ვამაგრებდით ანუ ძირითადი ნომრებიდან თუ გამოიპარებოდა რამე ჩვენთან უნდა გამოსულიყო, ჰოოდა ახმაურდნენ ისევ მარეკები, ნომრებშიც ისროლეს და ისევ ფაჩუნი ბუჩქებში, დავაკვირდი ამჯერად ტურაა, მაგრამ ბუჩქებს მოეფარა და როცა ისევ გამოჩნდა ზუსტად ჩემსა და გენერალის ნომრებს შორის იყო ჩემგან 30-იოდე მეტრში. სროლით ვერ ვესროდი, გენერალს ვერ ვხედავდი სად იდგა და რისკი იყო. გავშეშდი ერთ ადგილას და ტურამაც გენერალი შენიშნა თუ რა იყო დაადო თავი და პირდაპირ ჩემკენ წამოვიდა, ათიოდე მეტრიდან შიც ცხვირ-პირში მოხვდა 4/0 და თქვენ წარმოიდგინეთ როგორ გამიკვირდა, როცა წელათრეულმა გვერდზე ჩამიარა და მაინც განაგრძო მოძრაობა, ჰოდა მიყვა მეორე ტყვიაც და კი იკადრა ბოლოს და ბოლოს წაქცევა, როგორც მერე გაირკვა იგივე ტურა (დიდი ალბათობით) ჩემამდე ზახარამ მოკლა ანუ ესროლა, ტურა აყირავდა და იქვე დავარდა თუმცა ეტყობა ორი სიცოცხლე ქონდა, გაცოცხლდა, გაიქცა და მეორეთ მოკვდა. ყოჩაღი ტურა იყო, ყველას არ შეუძლია 1 საათში ორჯერ სიკვდილი, ვოტ.

მართალია მეტ ნანადირევს ველოდებოდით, მაგრამ მთლად ხელცარიელებიც არ დავრჩით 4 თუ 5 ტურა და ერთიც მელაკუდა მოაკლდა დედა ბუნებას.

მერე კი დაიწყო დიდებული ნადიმი, ღვინო დიდებული, საზოგადოება გამორჩეული, თამადა არნახული ......... დავლოცეთ კლუბის ახალი წევრები, ძველებიც და ყველა და ყველაფერი ვისაც ეკუთვნოდა კარგადაც დავთვერით. ბიჭების ნაწილი, ვისაც ეჩქარებოდა სამწუხაროდ მალევე წამოვიდნენ ნაწილი კი გვიანობამდე შემოვრჩით, დოლი რომ ვერ მოიძიეს გენერალმა და ლეკმა ორი ქვაბი გამოართვეს იქაურებს და წავიდა დაკვრა და ცეკვა სიმღერა, მოკლედ დიდებული დრო ვატარეთ.
სულ ეს იყო რაც მახსოვს და ზოგიც ალბათ სხვებს ემახსოვრებათ