ახალი მემორანდუმი, და მონადირეთა და მეთევზეტა როლი ბრაკონიერების წინააღმდეგ პარამეტრები

[ჭალიმგელა]

როგორც იცით და ზოგმა შეიძლება არ ციცით გაფორმდა მემორანდუმი გარემოს დაცვის სამინისტროს, შინაგან საქმეთა სამინისტროსა და ფინანსთა სამინისტროს შორის

არსი მდებარეობს იმაში რომ ყველა მხრიდან დავარტყათ ბრაკონიერებს

თევზის კონტროლი დაიწყება ბაზრებში, საბითუმო წერტილებში, სადაც თეორიულად შესაძლებელია დენით დაჭერილი თევზის რეალიზაცია

შეგვიძლია ბრაკონიერების ფაქტებზე დავრეკოთ 112 და სამივე სამინისტროს თანამშრომლები ერთდროულ რეაგირებას გააკეთებენ ფაქტზე. ეს გააიოლებს ბრაკონიერებთან ბრძოლას

გუშინ შსს ში გაიმართა სხდომა, სადაც მოვიწვიეთ ყველა არსებული კლუბის წარმომადგენელი. მაპატიოს თუ ვინმე უნებლიედ გამომრჩა.

განვიხილეთ საკითხები და მოგვეცა დავალება წარვადგინოთ პროექტები როგორ ვევრძოლოთ ბრაკონიერებს უფრო ეფექტურად

ყველა კლუბს ეთხოვა მოამზადოს თავისი მოსაზრება და მიდგომა ამ საკითხის მიმართ. მთავრობიდან მხარდაჭერა გვაქვს რომ იმოქმედებენ ისე როგორც ჩვენ ვურჩევთ

ეს ფაქტიურად გამოწვევაა და თუ რამის მოფიქრება შეგვიძლია ეხლა მაგის დროა ზუსტად. (მერე სხვას რომ არარაფერი გადავაბრალოთ)

გთხოვთ განვიხილოთ თქვენი მოსაზრებები და თუ რამე კონკრეტული ფაქტი იცით ერთობლივად სამივე სამინისტროსთან შეგვიძლია დავეცეთ

ველი გამოხმაურებებს

[NickAdams]

მოგესალმებით, ძალიან კარგია რომ ეს თემა აქტიურია. უპირველეს ყოვლისა ცოტა დამაბნია სიტყვა "მემორანდუმმა". ვერ ვხვდები კონკრეტულად რაზეა საუბარი - მოქმედ კანონმდებლობაში შედის მნიშვნელოვანი ცვლილებები თუ ფორმდება სამინისტროთაშორისი თანამშრომლობის აქტი? არ მაქვს წვდომა ზუსტ ინფორმაციაზე პირველწყაროდან და ამიტომ ვკითხულობ. ძიღითადად ბრაკონიერების წინააღმდეგ ბრძოლასთან მიმართებაში რა იგეგმება ეგ თემა მაინტერესებს. უკვე მერამდენე წელია აქტიურად ვაწვდი სამინისტროს მოსაზრებებს, მქონდა რამდენიმე შეხვედრა როგორც ხელმძღვანელობასთან (არა ახალ მინისტრთან) ისე სხვადასხვა დეპარტამენტის ხელმძღვანელთან. თითქოს ყველაფერში თანხმობას გამოხატავენ, იმასაც ხაზს უსვავენ, რომ არაერთი კლუბი და გაერთიანება მიმართავს მათ ამ საკითხებზე, მაგრამ....
მოკლედ თქვენთანაც დავდებ ჩემს მოსაზრებას, განსაკუთრებით იურისტების აზრი მაინტერესებს

სამწუხაროდ ბრაკონიერობის და ზოგადად გარემოს დაცვის კუთხით ჩვენი მკაცრი კანონები "კომპენსირდება" მათი არ/ვერ შესრულებით. მეტიც, ზოგი უმკაცრესი რეგულაცია საერთოდ ვერ სრულდება იმის გამო, რომ თვითონ ეს კანონი შეიცავს ისეთ დებულებებს, რომელიც მის შესრულებას ფაქტიურად შეუძლებელს ხდის. მაგალითად:

ყველამ ვიცით დენით თევზაობა რამხელა ჯარიმას ითვალისწინებს, წითელ ნუსხაში შესულ სახეობებზე დენით თევზაობა კი საერთოდ სისხლის სამართლის დანაშაულია. მაგრამ კანონით, თუ ნადავლთან ერთად არ დაიჭირეს დამთავრებულია საქმე. რომ ავიღოთ მაგალითად ბელორუსიის კანონმდებლობა იქ თევზის დენით მოპოვება კი არა წყალსატევთან თუ სწორად მახსოვს მანძილი 300 მეტრზე ახლო ყოფნა აკრძალული მოწყობილობით უკვე დასჯადია. არაერთხელ დავაყენე საკითხი, რომ აკრძალულიყო დენის აპარატის ყიდვა, გაყიდვა, დამზადება, ტრანსპორტირება. მაგრამ შეხვედრაზე ერთერთი ფედერაციის ხელმძღვანელმა კონტრარგუმენტად ის მოიყვანა, რომ ამით ზარალდებოდა თევზის მეურნეობის (ტბორების) ის მესაკუთრენი, რომლებიც თევზის გასაყიდად მოსაპოვებლად საკუთარ ტბორებში იყენებდნენ დენის აპარატებს. მაინტერესებს თქვენ რას ფიქრობთ?

მხოლოდ გასულ წელს რამდენიმე ათეულჯერ გამოვიძახე გარემოს დაცვა ორთაჭალაში ელექტრიკების დასაკავებლად. თვითოეულ გამოძახებაზე პირადად დავხვდი, შედგა ოქმი, გადაეცა ინფორმაცია სხვა ეკიპაჟს. რამდენიმე დღეში დამიკავშირდნენ და გამნმიმარტეს, რომ სამწუხაროდ ბრაკების დაკავება ვერ მოხერხდა. კი ბატონო, შემიძლია გავიგო ის, რომ არ ყოფნით თანამშრომლები, მაგრამ ასევე არაერთხელ მივაწოდე ფოტო და ვიდეო მასალა, სადაც ბრაკები ღიად ყიდიან თევზს ორთაჭალის ავტოსადგურის ხიდის მიმდებარე ტერიტორიაზე. რეაგირება არ მომხდარა, მერე პირადად მივედი სამინისტროში იმ არგუმენტით, რომ გარე ვაჭრობა აკრძალულია. ამაზეც არანაირი რეაგირება. რა უშლით ხელს, რომ ბრაკონიერობის ფაქტზე თუ არა რეალიზაციის გამო მაინც დააჯარიმონ? კანონი ხომ აძლევს ამის საშუალებას? ჯერ ერთი გარე ვაჭრობა აკრძალულია, მეორეც თევზს არ აქვს ვეტერინალური ცნობა, რომ საკვებად ვარგისია, მერე ის, რომ გაყიდვა საშინელ ანტისანიტარიაში ხდება. რატომ არ არის ამაზე რეაგირება? იქნებ კლუბის ხელმძღვანელობამ ეს საკითხიც დააყენოს.

რაც შეეხება სამინისტროთა შორის თანამშრომლობას. ისევ თევზის რეალიზაციის თემას რომ დავუბრუნდეთ. გაყიდვის ფაქტთან დაკავშირებით ასეთი რამ მითხრეს სამინისტროში, ვერ დავადგენთ, რომ დენით არის მოკლულიო, ექსპერტიზისათვის სამხარაულის ბიურო 5000 ლარს ითხოვსო. რა თქმა უნდა აქაც შეიძლება მხოლოდ უკანონო ვაჭრობის ფაქტზე დაჯარიმება, მაგრამ თვითონ ექსპერტიზის ფასიც არარეალურად მაღალია. ბოლოს რაც ტელევიზიით ვნახე 60 კილოზე მეტი ხრამულით დააკავეს ბრაკები. ტიპები ფაქტიურად სამეწარმეო საქმიანობს ეწევიან, აქ არ არის საუბარი მხოლოდ ოჯახის გამოკვებაზე (მაგათაც ახლა გარემოს დაცვის დარგში ნობელის პრემიის ლაურეატები არ დაზარდონ ოჯახებში, დაზრდიან თავისნაირი პირუტყვების ნორჩ თაობას) ანუ რა ხდება, ჯერ ერთი ბუნებას ანადგურებენ, მერე ფაქტიურად ხომ არც არანაირ გადასახადს არ იხდიან, რითაც ბიუჯეტი ზარალდება. ყველა წაგებაშია, მხოლოდ ბრაკები არიან მოგებაში.