ტყის ქათამი 2015-16, მიმოხილვა... პარამეტრები თემის გამოწერა თემის ელ-ფოსტით გაგზავნა თემის ამობეჭდვა თემის ჩამოტვირთვა / ამობეჭდვა ამ განყოფილების გამოწერა ჩვენების რეჟიმები განტოტვილი შეცვლა: სტანდარტული შეცვლა: ხაზოვანი+

[megreli]

გილოცავთ ქათამზე სეზონის გახსნას ვიმედოვნებ საინტერესოდ და შედეგიანად ჩაივლის ეს პერიოდი აქ დავწეროთ ამ სეზონის მიმოხილვა და პატარა რეპორტები





ეს ფოტო განწყობისთვის,წავედით ტყეში

ვიმედოვნებ,ბევრი გვექნება სალაპარაკო ამ სეზონზე

[უიარაღო]

ხოოოდაა.. გუშინ 8 წუთით ადრე წამოვედი სამსახურიდან ქათამის გადმოფრენაზე დასადგომად. ნაუცბათევად წავიხემსე. იარაღი ავიღე. ერთი მუჭა ვაზნები ჩავიყარე ჯიბეში; ძაღლი ჩავისვი მანქანაში და გავწიე სანადიროდ. ბევრი ვიარე თუ ცოტა ვიარე მივედი დანიშნულების ადგილზე . ტერიტორიაზე სხვა მონადირეებიც შეიმჩნეოდნენ. ადგილის ძებნაში ვნახე 4-5 გასროლილი ვაზნა და ვიფიქრე "აჰაა , აი იღბლიანი ადგილიი" და დავბანაკდი აქვე. ათი წუთიც არ იყო გასული რომ მარცხენა ფლანგიდან დაფეთებულმა ქათამმა გადმომიარა. თოფის აწევა ძლივს მოვასწარი რომ ის უკვე გამცდა შემოვბრუნდი უსწრაფესად და მოვახდინე ერთი გასროლა. ქათამი პირდაპირ საფანტის ჯგუფში მოექცა და თავისუფალი ვარდნის აჩქარებით დაენარცხა დედამიწას. დედამიწას რა მაყვლის ბარდებს. აი აქ დამჭირდებოდა ჩემი ოთხფეხა მეგობარი მაგრამ რად გინდა. თოფის ხმაზე მეზობლად მდგარი მონადირეების ცუგრიამ (ისიც დრატხაარი იყო) მოირბინა და დაიწყეს ერთმანეთის გაცნობა და თამაში. ბედად ქათამი ბარდის პირას დავარდნილა და კუდის თეთრი ბუმბულებით ხელად აღმოვაჩინე. შემდეგ უკვე კარგად შემგლისფერებულზე მეორე ქათამმა გადმოიარა მაგრამ საკმაოდ შორს. ერთი ვაზნა მისთვისაც არ დავინანე მაგრამ როგორც მოსაოდნელი იყო უშედეგოდ. წამოვედი სახლში ბედნიერი და უზომოდ გახარებული. ახლა სამსახურში ვარ და ველოდები საღამოს რომ ისევ წავიდე "იქანე"


http://a.pix.ge/b/dc7up.jpg

პოსტის უკანასკნელი ჩამსწორებელია უიარაღო: Oct 29 2015, 08:24