მარჯვენა თუ მარცხენა ))) პარამეტრები

[თაზო]

ხალხებო, აბა გამომხედეთ აქეთ. ალბათ ყველა გაიგებდით ახალი კანონპროექტის შესახებ, რომელიც მარჯვენა საჭიანი მანქანების შემოყვანის აკრძალვას შეეხება. და 150 ლარიან სტიკერს "ჩემი მანქანა მარჯვენა საჭიანი იყო". ვიცი აქ ბევრს ყავს მარჯვენა საჭიანი და გადატანილი საჭიანი მანქანები. საინტერესოა თქვენი მოსაზრება ამ საკითხთან დაკავშირებით, რამდენად სწორია, არასწორია, გამართლებულია თუ არა ეს კანონპროექტი. რათქმაუნდა თუკი პარლამენტი დაამტკიცებს მას, რისი დიდი ალბათობაც არის. გავუზიაროთ ერთმანეთს ჩვენი აზრი)))

[ჩელე]

ეს კანონპროექტი მე ასე გავიგე: 2016 წლიდან (თუ დაამტკიცეს რა თქმა უნდა) ვეღარ შეოიყვანენ მარჯვენა საჭიან მანქანას და ვერ განაბაჟებენ. რეექსპორტზე და დასაშლელად მგონი პრობლემა არ შეექმნებათ.

რაც შეეხება თვითონ კანონპროექტს: აქვს როგორც დადებითი, ისე უარყოფითი მხარე.

დადებითი:

1. აღარ გაიზრდება მარჯვენა საჭიანი ავტომობილების რიცხვი. (თორე უკვე იაპონიის ერთ-ერთი პროვინცია გავხდით)
2. ეს ავტომობილები, იმდენად ბევრია და იმდენად იაფი, რომ ყველა მეორე ადამიანს უკვე მანქანა ყავს, თან მარჯვენა საჭით. (აიღებენ მართვის მოწმობას და მეორე დღეს ყიდულობენ მანქანას. რითიც იზრდება უბედური სემთხვევების რისკი.)
3. შედარებით გაიზრდება მარცხენა საჭიან ავტომობილებზე მოთხოვნა, რაც გაზრდის მის ფასს და ასე ყოველ მეორეს უკვე აღარ ეყოლება მანქანა. (რაც შემაცირებს ავტომობილების რაოდენობას ქალაქში. თუ არ შეამცირებს, კატასტროფულად მაინც არ გაზრდის)

უარყოფითი:

1. ის ადამიანები, რომლებიც გადართულნი არიან ამ საქმეზე და ორ კაპიკს შოულობენ, შეუმცირდებათ გაყიდვები. შესაბამისად შეუმცირდებათ შემოსავალი რაც ძალიან ცუდია. თუმცა ამ თემაში გამოცდილი კაცი, ადვილად ადაპტირდება ამერიკულ და ევროპულ ბაზრებზე. ამიტომ შეიძლება ითქვას, ეს მინუსი არ არის, მაგრამ მაინც....
2. იმ ადამიანებს, ვისაც დღემდე (ანუ სანამ გაჟღერდებოდა ამ კანონის შესახებ) უკვე ნაყიდი აქვს მანქანა და გზაშია, 2 თვის შემდეგ რომ ჩამოუვა ეს მანქანა, სად წაიყვანოს? ალბათ ამასაც კანონით დაარეგულირებენ. თუმცა დიდი იმედი არ მაქვს.
3. ხალხი აბუნტდება. თუმცა ეს იქნებ კარგიც იყოს, თორე მაგრად გადაისხეს თავზე უკვე....

150 ლარიანი ფირნიში, სრული იდიოტიზმია.

მოკლედ, რაღაცეები არ მახსენდება. ნუ დამიწყებთ კამათს იმაზე, რომ მარჯვენა საჭიანი ავტომობილი საფრთხეს არ წარმოადგენს:

1. ზოლებს ვერ იცავენ ან არ იცავენ. მაგრამ ასე 90% რომ ასე დადის, ეს უკვე პრობლემაა. მართალია მარცხენა საჭიანებიც არ აკლებენ, მაგრამ მარჯვენა საჭიანი რომ მიდის ჩემ წინ, მაშინვე ვხვდები და ფრთხილად ვარ.
2. ტრასაზე, გასწრებაზე, საშინელი საფრთხეა. თუ მარტო ზის მძღოლი ხომ საერთოდ. არ მითხრათ, რომ ვინც მარჯვენა საჭესთან სხედხართ, არ გიჭირთ ტრასაზე სიარული. ამასწინად, კინაღამ მარჩი გავაპე შუაზე გლდანში. ამით იმის თქმა მინდა, რომ მარჯვენა საჭეს ზემოდან ემატება ქართული იდიოტური სიარული მანერა რაც დამეთანხმებით, რომ დიდი პრობლემაა.

ბევრი, რომ აღარ გავაგრძელო, თან მომხრე ვარ ამ კანონის და თან არა. მაგრამ რაღაც უნდა გაკეთებულიყო აშკარად. თვითონაც კარგად ხედავთ რა მდგომარეობაა თბილისში. ასე, რომ უფრო მომხრე ვარ, რომ ეს კანონი ამოქმედდეს. ახლა მეტყვით, დაგაზული მანქანებიც საშიშიაო. მართალიც იქნებით, საშიშია. მაგრამ გაზზე შემოიღეს სავალდებულო დათვალიერება რასაც ნამდვილად არ მოყოლია ხმაური, იმიტომ რომ საჭირო იყო ეს გაკეთებულიყო და გაკეთდა კიდეც რაც თანდათან დაარეგულირებს გაუმართავი სისტემის გამართულად მუშაობას.

აბა გისმენთ, გადამეცით ანათემას....