მარჯვენა თუ მარცხენა ))) პარამეტრები

[თაზო]

ხალხებო, აბა გამომხედეთ აქეთ. ალბათ ყველა გაიგებდით ახალი კანონპროექტის შესახებ, რომელიც მარჯვენა საჭიანი მანქანების შემოყვანის აკრძალვას შეეხება. და 150 ლარიან სტიკერს "ჩემი მანქანა მარჯვენა საჭიანი იყო". ვიცი აქ ბევრს ყავს მარჯვენა საჭიანი და გადატანილი საჭიანი მანქანები. საინტერესოა თქვენი მოსაზრება ამ საკითხთან დაკავშირებით, რამდენად სწორია, არასწორია, გამართლებულია თუ არა ეს კანონპროექტი. რათქმაუნდა თუკი პარლამენტი დაამტკიცებს მას, რისი დიდი ალბათობაც არის. გავუზიაროთ ერთმანეთს ჩვენი აზრი)))

[ჩელე]

ეს მთავრობა ძალიანაც არ მეხატება გულზე, მაგრამ დამეთანხმეთ რომ მოუწესრიგებელი მოძრაობა მთლად მთავრობის ბრალი არ არის. იმაში გეთანხმებით, რომ გზები მოუწესრიგებელია, ქუჩები კიდევ უფრო შეიზღუდა მშენებლობებით და ა.შ. იმაშიც გეთანხმებით, რომ მთავრობა ვალდებულია მოაწყოს ინფრასტრუქტურა, რათა ადამიანებმა ავტომობილით თუ მის გარეშე იმოძრაონ შეუფერხებლად. მაგრამ მოდით ერთ რამეზე შევთანხმდეთ რა.

1. სანამ ჩვენი შეგნება არ მიუახლოვდება ევროპულისას ანდა ამერიკულისას (ყველაფერი კი არ აქვთ ცუდი იმ ხალხს, როგორც მავანნი ამბობენ) რომ გზა უნდა დავუთმოთ ზებრაზე გადმომსვლელს, სასწრაფოს, სახანძროს.
2. რომ როდესაც საცობში ვდგავარ, არ უნდა ვიჩალიჩო და თავზე არ უნდა გადავაჯვა ყველა იქ მდგომს ჩემი საწინააღმდეგო მიმართულებით გადასვლით და ვითომ მაგარი ბიჭი ვარ ორღერძული ხაზი გადავკვეთე, იმიტომ რომ ''მეჩქარება''.
3. სანამ არ ვისწავლით ერთმანეთის დათმობას.
4. სანამ შუქნიშანზე მდგარ მანქანას ისევ სირული მანერით ვუსწრებთ და წინ ვუდგებით.
5. სანამ ზოლში სიარულს არ ვისწავლით.
6. სანამ ''კაი ბიჭები'' ფანჯრიდან ფანჯარაში ებაზრებიან ერთმანეთს შუა გზაზე იმიტომ, რომ საბაზრო აქვთ ძმაო და ყველა დანარჩენი სამყარო ერთ ადგილზე ახატიათ...
7. სანამ ნორმალურად პარკირებას ვისწავლით...
8. სანამ 2 ნაბიჯის გადადგმა არ დაგვეზარება მაღაზიაში შესასვლელად და ვარჩევთ უბრალოდ ავარიული სიგნალით ვაცნობოთ დანარჩენებს, რომ გაჩერებული ვარ და არ დამეჯახო, იმიტომ რომ მაღაზიაში საქმე მაქვს და პარკინგის ადგილი 5 მანქანის იქით არის...
9. სანამ ''ქართველები'' ვიქნებით....
10. სანამ კალთაში ბავშვები გვიზის ინტენსიურ მოძრაობაში და მანქანას ''ვატარებინებთ''.....
11. სანამ...
12. სანამ...
13. სანამ...

ჩვენი საშველი არ იქნება. ვერც მთავრობა გვიშველის და ვერც მამაზეციერი... სანამ შეგნება არ გვექნება, არ იქნება ჩვენი საშველი. მაშინ მოდით ჯერ ამას მივხედოთ და მერე დანარჩენს.... სხვისკენ თითის გაშვერა ძალიან ადვილია. ამ საცობების მთელი პრობლემა, არასწორი მოძრაობაა. ვინ სად ჩაგიხტება კაცმა არ იცის. ერტმანეთს არ ვუთმობთ, პატივს არ ვცემთ, ყველას გვინდა პირველები ვიყოთ და იმათზე ''კაი და მაგარი ბიჭები'' ვინც ელემენტარულ მოძრაობის წესებს იცავს.....

პ.ს. ვიღაც ერთხელ აუცილებლად მცემს მაგრად, იმიტომ რომ ვერ ვიტან უსამართლობას და ამ ყველაფერს რაც ზემოთ ჩამოვწერე... სულ ჩხუბი მაქვს და სულ ვიგინები მსგავს შემთხვევაში. თუ ვიღაც არასწორად ცდილობს გამისწროს საცობში, თუ ამის საშუალება მაქვს არანაირად არ ვუშვებ ჩემზე წინ და არც გავუშვებ....