საჭმელი და სამკურნალო მცენარეები პარამეტრები

[bego]

არა მგონია რომ საქართველოს ნებისმიერ კუთხეში შიმშილით სიკვდილი გემუქრებოდეთ, მაგრამ დამიჯერეთ რომ ბუნებაში ბევრია მცენარეები რომლებიც არა მარტო სასარგებლოა არამედ გემრიელიცაა.
ლელქაში (рогоза) წყლის კაკალი, დუმფარა, ამარანტა, ბაბუაწვერა, ჭინჭარი, მოლოქა, დანდური, წიწმატურა, კენკრა, სოკო და ასე შემდეგ. თუ გაინტერესებთ დამაცადეთ და ყველას ჩამოვწერ ოღონდ არ ვიცი სურათები როგორ გადმოვიტანო. თუ მასწავლით მადლობელი ვიქნები.

[ჩელე]

Maverick
არაფერი რთული არ არის........





ქრისტესისხლას ახასიათებს ნაღვლმდენი, სპაზმოლიზური და ტკივილგამაყუჩებელი მოქმედება. იგი შედის მრავალი პრეპარატის შემადგენლობაში.
ქრისტესისხლას სპაზმოლიზური აქტივობა გამოწვეულია მასში შემავალ ალკალოიდ ხელიდონინით, რომელსაც ამის გარდა გააჩნია ცენტრალურ ნერვულ სისტემაზე დამამშვიდებელი მოქმედება, რის გამოც იგი ავლენს ტკივილგამაყუჩებელ და დამამშვიდებელ ეფექტს. ხელიდონინის გავლენით ადგილი აქვს ტკივილგამაყუჩებელ მოქმედებას, დოზის გადიდებისას ეს ეფექტი გადადის ნარკოზში.
ალკალოიდი ჰომოგელიდონინი ხასიათდება საანესთეზიო მოქმედებით, თუმცა ამ მიზნით არ იყენებენ, ვინაიდან მისი მაღალი დოზებით გამოყენება იწვევს კრუნჩხვებს.
ალკალოიდ სანგვინარინს ახასიათებს ანტიქოლინესთერაზული მოქმედება რის გამოც მისი ზემოქმედებით ძლიერდება საჭმლის მომნელებელი ტრაქტის მოტორული ფუნქცია და ნერწყვის გამოყოფა. ქრისტესისხლას ფესურაში აღმოჩენილი ალკალოიდი ბერბერინი ფლობს ქოლერეტულ აქტივობას. ალკალოიდი პროტოპინი კი ზრდის საშვილოსნოს კუნთების ტონუსს.
ხალხურ მედიცინაში ქრისტესისხლა გამოიყენება უძველესი დროიდან. მცენარის მიწისზედა ნაწილის წვენი გამოიყენება მეჭეჭების, კოჟრების, პიგმენტური ლაქების მოსაშორებლად; ასევე კანის ტუპერკულოზის დროს, ძნელად შეხორცებად ჭრილობების ეპითელიზაციის დასაჩქარებლად.
ქრისტესისხლას ნახარში ბულგარული მედიცინის მიერ მოწოდებულია როგორც დიურეზული საშუალება ასციტის დროს, რომელიც დამახასიათებელია ღვიძლის ციროზისათვის.
ზოგიერთ ქვეყანაში ალკალოიდ ხელიდონინს იყენებენ ტკივილგამაყუჩებელ საშუალებად პაპავერინის ნაცვლად, განსაკუთრებით კუჭ-ნაწლავის ტრაქტის სპაზმური ხასიათის ტკივილებისას.
საოჯახო პირობებში ქრისტესისხლას გამონაწვლილს შემდეგნაირად ამზადებენ. 1 სუფრის კოვზ ნედლეულს ასხამენ 0,5ლ მდუღარეს და დააყენებნ 1სთ-ით თავდახურულად. შემდეგ გადაწურავენ და ღებულობენ 100 გრამის ოდენობით დღეში 3-ჯერ.
გახსოვდეთ! ქრისტესისხლას ალკალოიდები ხასიათდებიან ტოქსიკურობით ამიტომ ამ ნედლეულის გამოყენებისას განსაკუთრებული სიფრთხილე გმართებთ.
რეკომენდირებულია ქრისტესისხლას გამოყენება ექიმის დანიშნულებით