ალკოჰოლი და ნადირობა პარამეტრები

[ვიტო]

მეზობელი განყოფილებიდან მომივიდა ამ თემის გახსნის იდეა, ძალიან აუცილებელი საკითხია.
ყველას გთხოვთ საღადაო პოსტებისგან თავი შეიკავოთ..... აქ საუბარი არ არის იმაზე რომ
"თუ ოჩოპინტრე არ ვადღეგრძელე ისე არ ვნადირობ" ან კიდევ "სიცივეში მახურებს" ან კიდევ
"ნადირობის მერე კარგია ჩარტყმა" იმედია მიხვდით თემის არსს.

პირველ რიგში მედიცინაში გარკვეულ ხალხს ვთხოვ ამ თემაზე რეაგირებას, დაწერეთ რას იწვევს ალკოჰოლი,
რა უკუჩვენებები აქვს და რა აქვს დადებითი, თუ გინდათ დოზების მიხევით და სახეობების მიხედვით, თუ კი, მაშინ
რომელი ჯობია, თუ არა მაშინ რომელია უარესი....... ზოგადად მაინტერესებს ადამიაზე რა ზემოქმედებას ახდენს,
აკარგვინებს თუ არა მაგალითად მოტორიკას, ანელებს თუ არა რეაქციას და მოკლედ ყველაფერი რაც შეიძლება შეეხოს ამ
თემას, შემდგომში გავაკეთოთ საბოლოო სტატია, მივპინოთ და დავხუროთ ერთპოსტიან თემად, რომ ყველამ იცოდეს
რა და როგორ არის, პორველადი სტატიასავით დაწერეთ, მერე კითხვები წამოვა და მათზე პასუხებიც საინტერესო იქნება,
საბოლოოდ ავკინძოთ და ეგ იქნება...

[Davitus]

კარგით, შევეცდები სრული სტატია დავწერო, მაგრამ ეს ისევ ზღვაში წვეთი იქნება იმასთან შედაებით რაც ამ ქიმიურ ნაერთთან მიმართებაში მოიპოვება.

იმედია გამოგადგებათ

წავედით!

რა არის ალკოჰოლი?

ბევრი მითები არსებობს ალკოჰოლის შესახებ, ზოგი სპეციალურად გამოგონილი, ზოგი საკუთარ გამოცდილებაზე დაყრდნობით, მაგრამ ფაქტია რომ ალკოჰოლი მეცნიერებაში ალკოჰოლად რჩება და მასზე არსებული ინფორმაცია ცვლილებებს არ ექვემდებარება...

ალკოჰოლი ბევრნაირი არსებობს, ზოგს არომტი აქვს, ზოგს ფერი აქვს, ზოგს სუნი აქვს, მაგრამ ალკოჰოლის ძირითადი შემადგენლობა არის ეთილის სპირტი და წყალი, ძნელი მისახვედრი არ არის რომ ადამიანებს ალკოჰოლში წყალი არ იზიდავს, მთელი ხიბლი ეთილის სპირტშია

ეთილის სპირტის მიმზიდველობისთვის, მსოფლიოში უამრავი დამატკბობელი, არომატიზატორი, საღებავი, ათასი ქიმიური კომპონენტია გამოგონებული, მაგრამ მათ დიდი არსებითი მნიშვნელობა არა აქვთ რადგან ალკოჰოლი უშუალოდ თრობის ეფექტისთვის გამოიყენება, ამიტომ მთავარი განმასხვავებელი ნიშანი უამრავ ალკოჰოლურ სასმელებს შორის არის, ეთილის სპირტის კონცენტრაცია

რა არის ეთილის სპირტი?

მოდით სკოლის ქიმიის გაკვეთილებიდან გავიხსენოთ რომ არსებობს ნახშირ-წყალბადოვანი ნაერთი (CH), რომლებსაც შეიძლება მიერთებული ქონდეს ერთი ან რამოდენიმე ჰოდროქსილ ჯგუფი, (OH) თუ ეს შემცველობა 2-ზე ნაკლებია - ქვიათ ერთატომიანი სპირტები, 2 და მეტი შემცველობისას - მრავალატომიანი სპირტები, ამათგან ჩვენთვის საინტერესოა ერთატომიანი სპირტების რამდენიმე წარმომადგენელი
СН3ОН - მეთანოლი (ხის სპირტი)
СН3СН2ОН - ეთილის სპირტი

მრავალატომიანიდან აღსანიშნავია ეთილენგლიკოლი - რომელიც ანტიფრიზის შემადგენლობაში შედის

კიდევ ბევრია, მაგრამ არ არის ჩვენთვის საინტერესო და აღარ ჩამოვყვები

სამივე სპირტი ადამიანისთვის ტოქსიკურია შესაბამის დოზებში: ეთილენგლიკოლი- 20-70 მლ, მეთანოლი - 30-100 მლ, ეთილის სპირტი - 250-400 მლ, რატომ ეს სამი სპირტი,
მეთანოლი, ეთილენგლიკოლი და ეთილის სპირტი ერთმანეთს ძალიან გავს ფიზიკური პარამეტრებით (შეფერილობა, სუნი, გემო ) ამათგან პირველი ორი არის ძალიან ტოქსიკური, 20 მლც კი საკმარისია ადამიანის სიკვდილისთვის, მეთანოლი და ეთილენგლიკოლი ეთილის სპირტში რომ არ აერიოს ადამიანს და რომ არ დალიოს შემთხვევით, მათ ღებავენ ლურჯად ან სხვა მყვირალა ფერად, მთავარია მივხვდეთ რომ ადამიანი მოწამლულია მეთანოლით ან ეთილენგლიკოლით, რადგან მისი მკურნალობა მარტივია იმის გამო რომ მისი ანტიდოტი(გამანეიტრალებელი) სწორედ ეთილის სპირტია (მოწამვლის შემთხვევაში საკმარისია 100 გრამი არაყის მიღება და მოწამლული 5-10 წუთში წასწაულებრივ განიკურნება, წინააღმდეგ შემთხვევაში ლეტალური გამოსავალ გარანტირებულია)

აქედან გამომდინარე, საყოველთაოდ მიღებულია რომ "ალკოჰოლის" ქვეშ იგულისხმება ეთილის სპირტი

ალკოჰოლის მოქმედება

ალკოჰოლის მიღებისას, ძალიან მცირე ნაწილი შეიწოვება კუჭის კედლებიდან, უმეტესი ნაწილის შეწოვა კი ხდება წვრილი ნაწლავიდან... (ამიტომ მითი იმის შესახებ რომ თუ კარაქს შეჭამ ან ქონიანს, არ დათვრები, მითად რჩება, ამ მეთოდს აქვს ის პრინციპი რომ კუჭის კედლებიდან არ მოხდეს შეწოვა, მაგრამ თუ კუჭში არ მოხდა ალკოჰოლის დაყოვნება და გადავიდა წვრილ ნაწლავში, თრობის ეფექტს გვერდს ვერ ავუვლით, ამიტომ საჭიროა კუჭში იყოს საჭმელი და წინასწარ ცხიმმიღებული და "კედლებ ამოგლესილი" კუჭი გადამუშავების პროცესში იყოს, ამ დროს წვრილ ნაწლავში გადამშვები სპინკტერი ("კლაპანი") დაკეტილია, და ჩასული ალკოჰოლი საჭმელტან ერთად ბრუნავს, და მცირედი ნაწილი ნეიტრალდება კუჭში მცირე რაოდენობით არსებული სპეციალური ფერმენტებით, კედლებიდან კი ის მინიმლური შეწოვაც აღკვეცილია "ცხიმით გაპოხვის" გამო ანუ უბრალოდ ყოვნდება თრობის დადგომა, საბოლოოდ ალკოჰოლი მაინც გადავა წვრილ ნაწლავში და გვიან მაინც გამოიწვევს თრობას)

როგორც კი შეიწოვება წვრილი ნაწლავიდან, ალკოჰოლი სისხლში ხვდება 5-10 წუთის შემდეგ, ალკოჰოლის კონცეტრაციის პიკი სისხლში უზმოზე დგება 30-60 წუთში, ნაჭამზე 60-120 წუთში

სისხლში ალკოჰოლის კონცენტრაცია პირდაპირპროპორციულია ალკოჰოლით ინტოკსიკაციასთან (მოწამვლა), როდესაც სისხლში არის ალკოჰოლის 0.1% ანუ (100მგ ალკ. - 100მლ სისხლში) შეესაბამება მსუბუქ თრობას(იგივე მოწამვლას),

ალკოჰოლის 0.2% შეესაბამება, საკმაოდ ძლიერ თორბას (მოწამვლას), ამ დროს დარღვეულია მოძრაობის კოორდინაცია და ა.შ.

ალკოჰოლის 0.4% დროს უკვე დგება კომატოზური("გათიშული") მდგომარეობა

ალკოჰოლის 0.6-0.7% ის დროს სუნთქვის ცენტრზე ზემოქმედებით და სუნთქვის გაჩერებით დგება სიკვდილი

პროცენტულობა ვარირებადია, და დამოკიდებული ორგანიზმის მასაზე, აგებულებაზე (კუნთოვანი სიჭარბე, ცხიმოვანი სიჭარბე) და სისხლში გამანეიტრალებელი ფერმენტების რაოდენობაზე

აღარ ჩავუღრმავდები ალკოჰოლის ზემოქმედებას უჯრედებზე და ორგანოებზე, თორემ შორს წაგვიყვანს.

ბევრს აინტერესებს როგორ მოქმედებს ალკოჰოლი ადამიანის ქცევაზე და ნერვულ სისტემაზე, ეს რომ გავიგოთ აუცილებელია მინიმალური ცოდნა თუ რისგან შედგება თავის ტვინის ქსოვილები, ისინი ჩეულებრივი უჯრედებისგან დიდად არ განსხვავდებიან, ნეიორონებიც იგივე უჯრედებია, მხოლოდ ნერვული, სხვა უჯრედებისგან იმით განსხვავდებიან რომ ერთამნეთთან აქტიური კავშირის დამყარება შეუძლიათ ელეკტრული იმპულსებით, რომელიც გატარდება უჯრედის წანაზარდ კუდში, რომელსაც -აქსონები ქვია, ეს აქსონები ერთმანეთს უკავშირდებიან დაბოლოება-სინაფსებით,სწორედ სინაფსებიტ ხდება ერთი ნეირონიდან (უჯრედიდან) იმპულსის გადაცემა მეორე ნეირონზე (უჯრედზე) ამ სინაფსების დონეზე მქომედებს ყველა ნარკოტიკი, ალკოჰოლის ჩათვლით, განსხვავება მათი მოქმედების მექანიზმშია, მაგალითად კოკაინი უფრო სტიმულანტია ვიდრე დეპრესანტი, ალკოჰოლი კი დეპრესანტების ჯგუფს განეკუთვნება


სწორედ თრობის ეფექტია, რომელიც ასე მოსწონთ ადამიანებს, მაგრამ უნდა აღინიშნოს, რომ არსებობს ადამიანების მცირე პოპულაცია, რომლებსაც არ მოსწონთ თრობის ეფექტი და ვერ ღებულობენ მისგან სიამოვნებას


ალკოჰლის ამტანობა ბევრ ფაქტორზეა დამოკიდებული, უშუალოდ ორგანიზმიდან გამომდინარე, არის რამდენიმე ფაქტორი

1. სისხლში გამანეიტრალებელი ფერმენტის - ალკოჰოლ დეჰიდროგენაზას კონცენტრაცია. ამ ფერმენტის საშუალებით ალკოჰოლის საკმაო რაოდენობა ნეიტრალდება, ამიტომ თუ ბევრი გვაქვს ეს ფერმენტი, უფრო მეტი ალკოჰოლი განეიტრალდება და უფრო ნაკლებად დავთვრებით, სხვათაშორის, ფერმენტის რაოდენობა მემკვიდრეობითაც გადაეცება, ამიტომ გვარში კარგი მსმელები თუ გვყავდა არ არის გამორიცხული ეს გადაეცეს მომავალ თაობას... ამიტომ ადამიანი შეიძლება მცირე მასის იყოს მაგრამ ფერმენტის რაოდენობა ქონდეს ბევრი და ამიტომ "კარგად სვამდეს"

2. ადამიანის მასას ლოგიკურად დიდი ნიშვნელობა აქვს, რაც უფრო დიდია მასა, მით უფრო დიდია სისხლის და უჯრედების მოცულობა, შესაბამისად ალკოჰოლის გადანაწილება ხდება უფრო დიდ მოცულობაზე და თრობისთვის უფრო მეტი ალკოჰოლია საჭირო

3. დიდი მნიშვნელობა აქვს, ორგანიზმის აგებულებას, ცნობილია რომ, დაკუნთული ადამიანი უფრო ნაკლებად დათვრება, ვიდრე მასზე უფრო დიდი სხიმების მქონე ადამიანი, რადგან კუნთი დიდი რაოდენობით შეიცავს წყალს, სადაც ალკოჰოლი გაზავდება, ხოლო ცხიმი რაც არ უნდა ბევრი იყოს, ძალიან მცირე რაოდენობით შეიცავს H2O-ს და ალკოჰოლი ვერ ზავდება

ამიტომ ამ ყველაფრის გათვალისწინებით სავსებით რეალურია, პატარა ტანის ჩასხმულმა ყმაწვილმა, თეფშზე თავი დაადებინოს ტიტანური წონის, ჩასუქებულ, ღაბაბიან ბიძიას : ) ) )




ალკოჰოლი თავიდანვე იყო მსოფლიოს შთაგონების წყარო, ბევრმა ქვეყანამ გადაიტანა ალკოჰოლური რევოლუცია

19-ე საუკუნის დასაწყისში ამერიკაში ალკოჰოლის პიკი იყო, რომს და ვისკის მიქონდა ამერიკა, 18-ე საუკუნეში ჯინის ეპიდემია გადაიტანა ინგლისმა, მაგრამ რეალურ დროში ყველაზე დიდი მომხმარებელი მაინც რუსეთი რჩება, ისინი თვითონვე აღიარებენ რომ ალკოჰოლთან უზომო დამოკიდებულებამ თითქმის 1 საუკუნით ჩამოარჩინა, მათი პიკი ჯერ არ დამდგარა და როგორც ამბობენ: Каков наш предел пьянства – никто не знает



ყველაფრის დაწერა ერთ პოსტში შეუძლებელია, ამიტომ თუ კითხვები გექნებათ გამოუშვით...

მაქსიმალურად ვეცადე სამედიცინო ტერმინებით არ დამეწერა, თუ რამე მაინც გაიპარა ბოდიშს გიხდით




ესეც მცირე ვიდეოროლიკი ალკოჰლის შესახებ