ლეკვის გაზრდა, ... პარამეტრები

[კუდიგორელი]

აქ დავწეროთ თუ რა ინფორმაცია მოგვეპოვება ლეკვის გაზრდის შესახებ. საკუთარი მეთოდებიც თუ გაქვთ ეგეც დაწერეთ, ბევრს დააინტერესებს ალბათ.

[ზაზა]

ჩვენთან ახალი ლეკვები გამოჩნდნენ,თან თემაც არის გახსნილი საველეებზე და გამოფენებზე,ამიტომ საინტერესო უნდა იყოს ძაღლის მომზადება გამოფენისათვის.ეს უკანასკნელი 2.5,3 თვიდან უნდა მივაჩვიოთ ლეკვს ანუ სწორი დგომა,კბილების ჩვენება და სხვა.ლეკვი დააყენეთ პატარა სკამზე ან იატაკზე და წინა ფეხები გაუსწორეთ ერთმანეთის პარალელურად,უკანა კი -- გაუწიეთ უკან,მარჯვენა ხელით აუწიეთ თავი ქვედა ყბაზე ხელის ამოდებით ისე,რომ თავი კარგად უჩანდეს,ხოლო მარცხენა ხელით გაუსწორეთ მუცელი.ასეთი დგომი გამოფენებზე და ვიდეოებში ნანახი გექნებათ.ასე ამყოფეთ ლეკვი 2-3 წუთი,თან შეაქეთ და ბოლოს რამე საჭმელი მიეცით (პატარა ყველის ნაჭერი...).იმეორეთ აღნიშნული ხშირად და ლეკვი შემდეგ ამას სიამოვნებით გააკეთებს.რაც შეეხება კბილებს,ექსპერტებს ხშირად უჭირთ ძაღლისთვის თანკბილვის შემოწმება,რაც ხშირად ძაღლის აგრესიითაც არის გამოწვეული,ის ვერ ხვდება რა უნდათ მისგან,ამიტომ იმავე ასაკის ლეკვს ხშირად დაუთვალიერეთ კბილები,მოეფერეთ და მიხვდება,რომ ამაში საგანგაშო არაფერია