06.05.2010 წ.-საველე გამოცდა პარამეტრები

[ზაზა]

ნამდვილი მონადირისთვის ძაღლის გეშვა დიდი სიამოვნებაა,ამიტომ ველოდებით ასე მოუთმენლად გაზაფხულს.ბევრს სამწუხაროდ ეს პერიოდი სეზონის დასაწყისში ეშლება და თოფმომარჯვებული დაეხეტება-ხოლმე.წელსაც შემხვდა რამოდენიმე ,,ეგეთი"...
ახლა რაც შეეხება დღევანდელ საველე გამოცდას,სულ 3 ძაღლი იქნა გამოყვანილი და შეფასებული(ექსპერტები:დათო ცხვედიანი,შადიმან შამანაძე,გია ადიკაშვილი):ინგლისური სეტერი პერი(მფლობელი-ფორუმის და კლუბის წევრი maverick,იგივე ნიკო რიჟამაძე) - 1 წლის და 5 თვის;პოინტერი მაქსი (მფლობელი ფორუმის წევრი irakli#maxi,იგივე ირაკლი ნარსია) - 2 წლის და 2 თვის და ჩემი პოინტერი როკი - 2 წლის და 1 თვის.ამ ორ უკანასკნელს უკვე ჰქონდათ შარშან აღებული საველე დიპლომები,ამიტომ პირველი მინდორში პერი გავიდა და დაახლოებით 20 წუთში 73 ქულითა და მე-3 ხარისხის დიპლომით მკერდდამშვენებული დაბრუნდა.ამის შემდეგ, ჩემი აზრით, ამჟამად საუკეთესო მეძებარი პოინტერი მაქსი გავიდა მინდორში და 79 ქულას და მე-2 ხარისხის დიპლომს დაეპატრონა.რაც შეეხება როკის,76 ქულით ისევ გაიმეორა შარშანდელი მე-3 ხარისხის დიპლომის ე.წ. ნორმატივი.
ათასჯერ მაინც მექნება ნათქვამი,კიდევ გავიმეორებ,ყველას გთხოვთ შეიძინეთ ლეკვი მხოლოდ საგვარეულო ნუსხით,გამოიყვანეთ საველე გამოცდებსა და გამოფენებზე.

[ზაზა]

ექსპერტებიც ალბათ დაწერენ,მაგრამ მოკლედ მეც შევეხები იმას,რაც ვნახე:მე და ნიკოს ბევრჯერ გვინადირია,ძაღლებიც თითქმის ერთად დავგეშეთ.პერი ასაკთან შედარებით ბევრად კარგად მუშაობს,სულ ეძებს.დღესაც,გავიდა თუ არა მინდორში,თავი არ დაუწევია,ცხვირი სულ ,,ჩართული" აქვს,იმ პატარა მონაკვეთში რაც კი მწყერი შეხვდა,ყველა ,,ამოკრიფა",ამიტომ მოკლე დროშივე დაარწმუნა ექსპერტები თავის შესაძლებლობებში და შეფასებისთვის სავსებით საკმარისი მუშაობით დაამტკიცა,რომ იუნიორებში ერთ-ერთი საუკეთესო ინგლისური სეტერია.მაქსიც ძალიან ბევრჯერ მინახია საქმეში,ზოგჯერ მინატრია კიდეც,ნეტავი ასეთი მუშაობა საველეც აჩვენოს-მეთქი და მართლაც,შედეგი სახეზეა.მე გირჩევთ,თუ გაქვთ სურვილი და დრო,15-16 მაისს ციციშვილის მემორიალს დაესწარით და დატკბით ამ და სხვა ჯიშიანი ძაღლების მუშაობით.