უკომენტაროდ !, ანუ . . . . . პარამეტრები

[Maverick]

პრეზიდენტმა მთავრობას გარემოს დაცვის სამინისტროს რეორგანიზაციის გეგმის შემუშავება დაავალა
თბილისი (GBC) - პრეზიდენტმა მიხეილ სააკაშვილმა პარასკევს სათაფლიაში გამართულ მთავრობის სხდომაზე მინისტრთა კაბინეტს გარემოს დაცვის სამინისტროს რეორგანიზაციის გეგმის შემუშავება დაავალა.

პრეზიდენტის განმარტებით, სამინისტროს რეორგანიზაციის საჭიროება მის უწყებაში შემავალ სატყეო დეპარტამენტში აღმოჩენილმა კორუფციულმა დანაშაულებებმა განაპირობა.

"ის, რომ სამასკაციან სამსახურში 110 ადამიანს დააპატიმრებენ, კონკრეტული დასკვნების გამოტანის საშუალებას იძლევა. ყოველი მესამე ადამიანი ამ სამსახურში დაპატიმრებულია და მინდა ვთქვა, რომ კიდევ ასია დასაჭერი. არ მინდა ვინმეს ვაწყენინო, მაგრამ საქმიდან ასე ჩანს. საქართველოში ყველამ იცის, რომ სატყეო დეპარტამენტი ის ადგილია, სადაც წესრიგი ვერაფრით ვერ დავამყარეთ... ერთადერთი ადგილი, სადაც ქრონიკულად ვერ ვამყარებთ წესრიგს, არის ტყე. როდესაც ლაპარაკია 30-40-100 ლარიან ქრთამზე, ეს იმას კი არ ნიშნავს, რომ კორუფციის დონე დაბალია, არამედ იმას, რომ აქ კორუფცია სისტემურია და მასში ყველაა ჩართული. პირადად მე, ბევრი ინფორმაცია მომივიდა ამ კონკრეტულ ადამიანზე. მას ბევრჯერ უთქვამს: ტყეში არ შემოგიშვებ, თუ ჩემს ნათესავს საკუთარ ფირმას არ გააკეთებინებო და ა.შ", - განაცხადა პრეზიდენტმა სატყეო დეპარტამენტის ყოფილ ხელმძღვანელზე პაპუნა ხაჩიძეზე, რომელიც კორუფციაში ბრალდების გამო დააკავეს.

პრეზიდენტის განცხადებით, ტყე უნდა ჩამოყალიბდეს მომგებიან, მაგრამ კარაგად კონტროლირებად ბიზნესად.

"ეს უნდა იყოს ბიზნესი, რომელიც რეალურად არჩენს ქვეყანას, მეტყევეებს და მუშაობს ხალხისთვის. ბევრჯერ ვყოფილვარ შვედეთში და თვითმფრინავიდანაც ჩანს როგორ მუშაობს სატყეო დეპარტამენტი - ტყე ზოგან გაჩეხილია, ზოგან ახალია და ზოგან ძველი, მაგრამ კარგად მოვლილი. ამას სახელმწიფო მკაცრად არეგულირებს და არ დაიჯეროთ, რომ სხვაგვარად შესაძლებელია. მხოლოდ საბჭოთა კავშირში არ რეგულირდებოდა არაფერი, საბაზრო ეკონომიკის შემთხვევაში კი, ყველაფერი მკაცრად რეგულირდება და ხალხის საკეთილდღეოდ. მინდა პიდაპირ ვთქვა, რომ თქვენ ეს სფერო ჩააფლავეთ. ამ სამინისტროში ყველაფერი უნდა შეიცვალოს. პრემიერ-მინისტრი საქმის კურსშია, მაქსიმუმ, წლის დამლევამდე დასხედით ყველა ერთად და წარმოადგინეთ იმის გეგმა, როგორ უნდა შეიცვალოს სისტემა. ბევრს წასვლა მოუწევს, ფუნქციები გადანაწილდება და საერთოდ, ბევრი საკითხი უნდა დაისვას სტრუქტურული თვალსაზრისით", - განაცხადა პრეზიდენტმა.