ნადირობის სეზონი - 2010, შეჯიბრების წესები პარამეტრები

[ვიტო]

სეზონის გახსნა

‘’სეზონის გახსნა’’- ჯიშიანი მეძებრების ძაღლებისა და მათი მფლობელების შეჯიბრი მწყერზე ნადირობაში - გახლავთ სანადირო სეზონის გახსნისადმი მიძღვნილი საზეიმო ღონისძიება, რომელიც მიზნად ისახავს სუფთა სისხლის მეძებრებით ფრინველზე მართებული ნადირობის პოპულარიზაციას, კულტურული სამონადირეო ტრადიციებისა და მონადირული ეთიკის პროპაგანდას. ასევე სანადირო მეძაღლეობის განვითარების ხელშწყობას საქართველოში.

შეჯიბრებას-‘’სეზონის გახსნა 2010’’ ატარებს მონადირეთა და მეთევზეთა კლუბი ’’ოჩოპინტრე’’ - ‘’სანადირო მეძაღლეობისა და ძაღლით ნადირობის მოყვარულთა საზოგადოების’’დახმარებით

შეჯიბრება ტარდება გადამფრენ ფრინველებზე სანადირო სეზონის გახსნის წინა დღეს, გარემოს დაცვის სამინისტროსთან შეთანხმებით და მათი ნებართვით.

შეჯიბრებაში მონაწილეობენ ჯიშიანი (საგვარეულო საბუთების მქონე) როგორც კუნძულელები ასევე კონტინენტალები (10 თვიდან 10 წლამდე ასაკის). ასპარეზობის მონაწილე მონადირეებს აუცილებლად უნდა ქონდეთ გადამფრენ ფრინველებზე ნადირობის ლიცენზია და სანადირო თოფის ტარების ნებართვა

შეჯიბრებას მსაჯობენ ექსპერტთა ბრიგადა ან ბრიგადები -ორ-ორი მსაჯის შემადგენლობით.

შეჯიბრი ’’სეზონის გახსნა 2010’’ - წესები მარტივია:

თითოეულ მონაწილე წყვილს(მონადირე და მისი მეძებარი)საასპარეზოდ ეძლევა 20 წუთი და 10 ვაზნა. სროლა მოხდება მხოლოდ ძაღლის მიერ დამუშავებულ და ნაბულით ამოყვანილ ფრინველზე.

პირველი სროლით მოპოვებულისათვის ენიჭება 20 ქულა

მეორე სროლით მოპოვებულისათვის ენიჭება 10 ქულა

ფასდება ასევე ძაღლის მიერ მოპოვებული ფრინველის პოვნა და აპორტირება:

ა) პოვნა, აპორტირება, ხელში მიწოდება +5 ქულა;

ბ)პოვნა, აპორტირება, ძირს დაგდება + 4 ქულა;

გ) პოვნა, აპორტირება, ოღონდ ძაღლი ფრინველს კბილებს ზედმეტად უჭერს +3 ქულა;

დ) პოვნა, ადგილზე დარჩენა და პირით დაჭერა+2 ქულა;

ე) მოპოვებული ფრინველის ადგილმდებარეობის ხელმეორედ ნაბულით დაფიქსირება, აპორტირების გარეშე +1 ქულა;

ვ) ძაღლი მოპოვებულ ფრინველს საგრძნობლად აზიანებს(ღეჭავს) - იხსნება შეჯიბრებიდან

ძაღლის მიერ კვალზე მუშაობით, აგრეთვე შეფეთებული, ძაღლის მიერ ახლოს მიწევით უნაბულოდ ფრინველის მოპოვება ფასდება 5 ქულით.

ფეხში ამოფრენილ და/ან ძაღლის მუშაობის არეალის მიღმა ’’თავისით’’ ამოფრენილ ფრინველზე სროლა დაუშვებელია:

პირველ შემთხვევაზე მონაწილეს აკლდება 5 ქულა, პრეცენდენტის განმეორებისას მონაწილე იხსნება შეჯიბრებიდან.

შეჯიბრებიდან მონაწილე იხსნება, მეძებრის მიერ 3 ცრუ ნაბულის შემთხვევაშიც და თითოეულ ცრუ ნაბულზე მონაწილეს აკლდება 5 ქულა.

თუ ძაღლი გასროლამდე გაეკიდა ამოფრენილ ფრინველს ასევე დაუშვებელია ამ ფრინველის მოპოვება და მოასპარეზე წყვილს აკლდება 5 ქულა. პრეცედენტის განმეორების შემთხვევაში მონაწილე წყვილი იხსნება შეჯიბრებიდან

წესების მიხედვით მოასპარეზე წყვილის გამოსვლა მთავრდება:

ა) დროის ლიმიტის (20 წუთი) ამოწურვისთანავე(თუ ძაღლი ნაბულზე დგას, მოასპარეზეს ეძლევა ბოლო შანსი);

ბ) ათივე ვაზნის გახარჯვის შემთხვევაში;

გ) მოასპარეზის მოთხოვნით

[/size]შეჯიბრების მონაწილეები დაჯილდოვდებიან დიპლომებით და ფასიანი საჩუქრებით:

1 ხარისხის დიპლომი - 130 ქულა და მეტი

2 ხარისხის დიპლომი - 100 -129 ქულა

3 ხარისხის დიპლომი - 70-99 ქულა

გამარჯვებულად ცხადდება ყველაზე მეტქულიანი წყვილი

ჩემპიონად ცხადდება წყვილი რომელმაც ყველაზე მეტი ქულა დააგროვა და თან I ხარისხის დიპლომი აიღო



თანაბარი ქულების შემთვევაში უპირატესობა ენიჭება წყვილსს, რომელმაც:

1) ყველაზე ნაკლები საჯარიმო ქულები დააგროვა;

2) ყველაზე ნაკლები დრო მოანდომა ასპარეზობას;

3) ყველაზე მეტი ფრინველი მოიპოვა

შადიმან შამანაძე

14/07/2010

პ.ს. ეს იქნება პირველი კომპლექსური ჩემპიონატი საქართველოში, ამიტომ ამ შემთხვევისთვის დაიშვა პრეცენდენტი და
მონაწილეობას შეძლებენ ე.წ. უსაბუთო ძაღლებიც, თუმცა ეს მოხდება მხოლოდ ერთჯერადად, მომავალი წლიდან
დაშვებულები იქნებიან მხოლოდ საგვარეულო ნუსხის მქონე ძაღლები..........

პ.პ.ს. ამ ჩემპიონატში მონაწილეობის მიღებას შეძლებენ მხოლოდ კლუბის წევრები...

[AlekoN]

შადიმანი როდის ჩამოდის?
ეს წესები თუ მისი შედგენილია, უხერხულია მის გარეშე ცვლილებების შეტანა.
ისე, აპორტირების შეფასების თაობაზეც მაქვს ჩემი აზრი...

[Maverick]

შადიმანი როდის ჩამოდის?
ეს წესები თუ მისი შედგენილია, უხერხულია მის გარეშე ცვლილებების შეტანა.
ისე, აპორტირების შეფასების თაობაზეც მაქვს ჩემი აზრი...

დაწერე ალეკო, ყველაფერი დაწერე, მერე გადავიკითხოთ და გავერკვიოთ სიტუაციაში

[AlekoN]

დ) პოვნა, ადგილზე დარჩენა და პირით დაჭერა+2 ქულა;

ე) მოპოვებული ფრინველის ადგილმდებარეობის ხელმეორედ ნაბულით დაფიქსირება, აპორტირების გარეშე +1 ქულა;

აპორტირების ამ ორივენაირ შესრულებას (უფრო სწორედ - არშესრულებას), თანაბრად - 1 ქულით შევაფასებდი და რატომ - ორივე შემთხვევაში ძაღლი პოულობს ჩამოგდებულ ფრინველს, მაგრამ არ მოაქვს. პირში უჭირავს თუ ნაბულით აფიქსირებს, ამას უკვე დიდი მნიშვნელობა აღარ აქვს - მაინც უნდა მიხვიდე და გამოართვა ან მიწიდან აიღო. ჩემი აზრით, თუ მომტანი არაა, არც პირი უნდა მოკიდოს ფრინველს, თუ დაჭრილი არ გარბის.

[barambo]

Maverick
AlekoN
ეხლა ვესაუბრე შადიმანს,ჯერ ვერ ჩამოდის. რაღაც მოსაზრებები უთხარი.ზოგიერთზე დამეთანხმა,ზოგზე საკმაოდ არგუმენტირებული უარი გამოთქვა.
აჯობებს რომ ამ დღეებში შევიკრიბოთ და შევჯერდეთ.

[AlekoN]

თენგო

რაღაც მოსაზრებები ვუთხარი.ზოგიერთზე დამეთანხმა,ზოგზე საკმაოდ არგუმენტირებული უარი გამოთქვა.

კონკრეტულად რაზე გამოთქვა არგუმენტირებული უარი?

[barambo]

AlekoN
ახლომიწევით ,უნაბულოდ,ამოფრენილ ფრინველზე სროლასთან დაკავშირებით.
რეალური ნადირობის დროს,როდესაც ფრინველი ზედმეტად მკაცრია,ის უმეტეს შემთხვევაში არ აცლის მეძებარს მუშაობის დასრულებას.
ფრინდება ძაღლის მიერ მისი ყნოსვის და მუშაობის დაწყების თანავე. უმრავლესობა მონადირეების,ყველა თუ არა ასეთ ფრინველს ვესვრით.
ვინაიდან ეს შეჯიბრი ტარდება ნადირობასთან მაქსიმალურად მიახლოებულ პირობებში,ერთხელ ასეთი სროლა დასაშვებია,მითუმეტეს მსროლელი იღებს მხოლოდ 5 ქულას. მსროლელი კარგავს ამ შემთხვევაში 15 ქულას,+ვაზნა. ანუ საკმაოდ მკაცრად ისჯება.
განმეორებისას-იხსნება.
დუპლეტით ჩამოგდებულ ორ ფრინველთან დაკავშირებით,დამეთანხმა რომ მსროლელი უნდა წახალისდეს.

[დავით ორდენიძე]

ერთ კითხვას მეც დავსვავ.

ყველამ ვიცით,რომ დაბალ ბალახში თუ მომკილში მწყერი ხშირ შემთხვევაში არ უჩერდება ძაღლს ნაბულზე ამ შემთხვევაში რა ხდება ქულების ამბავში?

[barambo]

doni
ამიტომ აუცილებელია მსაჯი გამოცდილი ადამიანი იყოს.
უნდა შეეძლოს იმის გარჩევა მეძებარს ე,წ."პრიხვატკიდან" აუფრინდა მწყერი,თუ ხმაურზე,ე.წ."შუმავოი" აფრენილი ფრინველი იყო.
"შუმავოი"-ზე სროლა მკაცრად დაისჯება.

[დავით ორდენიძე]

თენგო

მადლობთ.გასაგებია.

[strong]

პატიბცემულებო

მინდა ჩემი აზრიც გამოვთქვა ქვენი ნებართვით:

ჩემი აზრით უსაბუთო ძაღლების პოპულარიზაციას ხელი არ უნდა შევუწყოთ, და შემდგომში ალბათ გასათვალისწინებელია. მეც უსაბუთო პოინტერის პატრონი ვარ (თუმცა საგვარეულო ნუსხა სრულად მაქვს), ჩემი მინუსია რომ თავის დროზე ვერ მივხედე ამ საქმეს... შემეძლო რათქმა უნდა საბუთის აღემა (გაჩალიჩება) მაგრამ ჩემ თავს ხომ არ მოვატყუილებდი, ისე ბრწყინვალე ძაღლი მყავს ულამაზესი ექსტერიერით და სამუშაო თვისებებით... შეჯვარების ვარიანტიც მქონდა საუკეთესო "ჩემპიონებთან" მაგრამ ასევე უსაბუთო ლეკვების მომრავლებას მოვერიდე.... ასე რომ გავუფრთხილდეთ სუფთა დასაბუთებულ სისხლს და გაუწიოთ პოპულარიზაცია.....

P.S ისე ჩვენი კინოლოგები უფრო უნდა გააქტიურდნენ, უფრო უნდა მოძლიერნენ ფინანსურად და საწყენად ნუ გაიგებენ და დიღმის ბაზრობის დამმხმარე მეურნეობად არ უნდა იქცნენ..კიდევ ერთხელ ბოდიში გამონათქვამისაგან და აქვე დიდი პატიციცემა ჩემგან მონადირე ძაღლების გულშემატკივრებს და ყველა თქვენგანს --- დიდ საქმეს აკეთებთ

[დავით ორდენიძე]

დიდ საქმეს აკეთებთ

ნამდვილად კარგი საქმეა.წელს შეიძლება ცოტა ხარვზები იყოს მარა გაისად უკვე ორგანიზბული და სასიამოვნო იქნება შეჯიბრის ჩატარება.

[barambo]

strong

მეც უსაბუთო პოინტერის პატრონი ვარ (თუმცა საგვარეულო ნუსხა სრულად მაქვს),

თუ საგვარეულო სრული ნუსხა გაქვს საჩალიჩო რა არის,მიიტანე იმ კლუბში ვინც გასცა და პასპორტზე გაგიცვლიან.

[strong]

თენგო

თუ საგვარეულო სრული ნუსხა გაქვს საჩალიჩო რა არის,მიიტანე იმ კლუბში ვინც გასცა და პასპორტზე გაგიცვლიან.

საქმე ისაა რომ გაცემულია ზესტაფონში, სადაც ახლა არც კლუბია და არც მონკავშირი, ეძებე ეხლა მთელ იმერეთის რეგიონში.... თან დროის უქონლობის გამო სამძებრო ექპედიციას ვერ მოვაწყობ.....
ისე თუ ვინმეს აქვს ზესტაფონში 2 წლის წინ არსებულ კლუბზე ინფორმაცია და დამეხმარებით დიდი მადლობელი დაგრჩებით...

[barambo]

strong
ზესტაფონში ცხოვრობს ექსპერტ-კინოლოგი ოთარ ბოჭოიძე,სასწრაფო დახმარების ექიმია.
თუ სურვილი გაქვს დაუკავშირდი და დაგაკვალიანებს.

ა საწყენად ნუ გაიგებენ და დიღმის ბაზრობის დამმხმარე მეურნეობად არ უნდა იქცნენ

კინოლოგი არ ვარ და ჩემ თავზე ვერ მივიღებ,მაგრამ ბევრი მეგობარი მყავს მაგ წრეში.
რას გულისხმობდი ამაში ,ვერ მივხვდი?

[kakabisti]

რამდენი დგით ადრე შეძლებთ იმის თქმას ტუ სად ცჰატარდება შეჯიბრი?