ნადირობის სეზონი - 2010, შეჯიბრების წესები პარამეტრები

[ვიტო]

სეზონის გახსნა

‘’სეზონის გახსნა’’- ჯიშიანი მეძებრების ძაღლებისა და მათი მფლობელების შეჯიბრი მწყერზე ნადირობაში - გახლავთ სანადირო სეზონის გახსნისადმი მიძღვნილი საზეიმო ღონისძიება, რომელიც მიზნად ისახავს სუფთა სისხლის მეძებრებით ფრინველზე მართებული ნადირობის პოპულარიზაციას, კულტურული სამონადირეო ტრადიციებისა და მონადირული ეთიკის პროპაგანდას. ასევე სანადირო მეძაღლეობის განვითარების ხელშწყობას საქართველოში.

შეჯიბრებას-‘’სეზონის გახსნა 2010’’ ატარებს მონადირეთა და მეთევზეთა კლუბი ’’ოჩოპინტრე’’ - ‘’სანადირო მეძაღლეობისა და ძაღლით ნადირობის მოყვარულთა საზოგადოების’’დახმარებით

შეჯიბრება ტარდება გადამფრენ ფრინველებზე სანადირო სეზონის გახსნის წინა დღეს, გარემოს დაცვის სამინისტროსთან შეთანხმებით და მათი ნებართვით.

შეჯიბრებაში მონაწილეობენ ჯიშიანი (საგვარეულო საბუთების მქონე) როგორც კუნძულელები ასევე კონტინენტალები (10 თვიდან 10 წლამდე ასაკის). ასპარეზობის მონაწილე მონადირეებს აუცილებლად უნდა ქონდეთ გადამფრენ ფრინველებზე ნადირობის ლიცენზია და სანადირო თოფის ტარების ნებართვა

შეჯიბრებას მსაჯობენ ექსპერტთა ბრიგადა ან ბრიგადები -ორ-ორი მსაჯის შემადგენლობით.

შეჯიბრი ’’სეზონის გახსნა 2010’’ - წესები მარტივია:

თითოეულ მონაწილე წყვილს(მონადირე და მისი მეძებარი)საასპარეზოდ ეძლევა 20 წუთი და 10 ვაზნა. სროლა მოხდება მხოლოდ ძაღლის მიერ დამუშავებულ და ნაბულით ამოყვანილ ფრინველზე.

პირველი სროლით მოპოვებულისათვის ენიჭება 20 ქულა

მეორე სროლით მოპოვებულისათვის ენიჭება 10 ქულა

ფასდება ასევე ძაღლის მიერ მოპოვებული ფრინველის პოვნა და აპორტირება:

ა) პოვნა, აპორტირება, ხელში მიწოდება +5 ქულა;

ბ)პოვნა, აპორტირება, ძირს დაგდება + 4 ქულა;

გ) პოვნა, აპორტირება, ოღონდ ძაღლი ფრინველს კბილებს ზედმეტად უჭერს +3 ქულა;

დ) პოვნა, ადგილზე დარჩენა და პირით დაჭერა+2 ქულა;

ე) მოპოვებული ფრინველის ადგილმდებარეობის ხელმეორედ ნაბულით დაფიქსირება, აპორტირების გარეშე +1 ქულა;

ვ) ძაღლი მოპოვებულ ფრინველს საგრძნობლად აზიანებს(ღეჭავს) - იხსნება შეჯიბრებიდან

ძაღლის მიერ კვალზე მუშაობით, აგრეთვე შეფეთებული, ძაღლის მიერ ახლოს მიწევით უნაბულოდ ფრინველის მოპოვება ფასდება 5 ქულით.

ფეხში ამოფრენილ და/ან ძაღლის მუშაობის არეალის მიღმა ’’თავისით’’ ამოფრენილ ფრინველზე სროლა დაუშვებელია:

პირველ შემთხვევაზე მონაწილეს აკლდება 5 ქულა, პრეცენდენტის განმეორებისას მონაწილე იხსნება შეჯიბრებიდან.

შეჯიბრებიდან მონაწილე იხსნება, მეძებრის მიერ 3 ცრუ ნაბულის შემთხვევაშიც და თითოეულ ცრუ ნაბულზე მონაწილეს აკლდება 5 ქულა.

თუ ძაღლი გასროლამდე გაეკიდა ამოფრენილ ფრინველს ასევე დაუშვებელია ამ ფრინველის მოპოვება და მოასპარეზე წყვილს აკლდება 5 ქულა. პრეცედენტის განმეორების შემთხვევაში მონაწილე წყვილი იხსნება შეჯიბრებიდან

წესების მიხედვით მოასპარეზე წყვილის გამოსვლა მთავრდება:

ა) დროის ლიმიტის (20 წუთი) ამოწურვისთანავე(თუ ძაღლი ნაბულზე დგას, მოასპარეზეს ეძლევა ბოლო შანსი);

ბ) ათივე ვაზნის გახარჯვის შემთხვევაში;

გ) მოასპარეზის მოთხოვნით

[/size]შეჯიბრების მონაწილეები დაჯილდოვდებიან დიპლომებით და ფასიანი საჩუქრებით:

1 ხარისხის დიპლომი - 130 ქულა და მეტი

2 ხარისხის დიპლომი - 100 -129 ქულა

3 ხარისხის დიპლომი - 70-99 ქულა

გამარჯვებულად ცხადდება ყველაზე მეტქულიანი წყვილი

ჩემპიონად ცხადდება წყვილი რომელმაც ყველაზე მეტი ქულა დააგროვა და თან I ხარისხის დიპლომი აიღო



თანაბარი ქულების შემთვევაში უპირატესობა ენიჭება წყვილსს, რომელმაც:

1) ყველაზე ნაკლები საჯარიმო ქულები დააგროვა;

2) ყველაზე ნაკლები დრო მოანდომა ასპარეზობას;

3) ყველაზე მეტი ფრინველი მოიპოვა

შადიმან შამანაძე

14/07/2010

პ.ს. ეს იქნება პირველი კომპლექსური ჩემპიონატი საქართველოში, ამიტომ ამ შემთხვევისთვის დაიშვა პრეცენდენტი და
მონაწილეობას შეძლებენ ე.წ. უსაბუთო ძაღლებიც, თუმცა ეს მოხდება მხოლოდ ერთჯერადად, მომავალი წლიდან
დაშვებულები იქნებიან მხოლოდ საგვარეულო ნუსხის მქონე ძაღლები..........

პ.პ.ს. ამ ჩემპიონატში მონაწილეობის მიღებას შეძლებენ მხოლოდ კლუბის წევრები...

[Maverick]

kakabisti
შეჯიბრი სავარაუდოდ ჩატარდება წალკაში

[kaxa108]

მოგესალმებით ყველას და წარმატებას გისურვებთ შესანიშნავ წამოწყებაში. რამდენი წყვილია უკვე რეგისტრირებული და რომელ რიცხვშია შეჯიბრი? მაქვს თუ არა მონაწილეობის მიღების უფლება? თუ მაქვს მაშინ ისიც მითხარით კენჭისყრა როდის ტარდება და სად.

[ვიტო]

kaxa108
სამწუხაროდ მონაწილეობას ვერ მიიღებ, ეს შეჯიბრი ტარდება კლუბებს შორის

რაც შეხება დუპლს, არ შეიძლება რომ ძაღლს 1 მუშაობაში ჩაეთვალოს და მსროლელს 2-ში? ქულებს ვგულისხმობ)

[Giorgi_M]

kaxa108
სამწუხაროდ მონაწილეობას ვერ მიიღებ, ეს შეჯიბრი ტარდება კლუბებს შორის

რაც შეხება დუპლს, არ შეიძლება რომ ძაღლს 1 მუშაობაში ჩაეთვალოს და მსროლელს 2-ში? ქულებს ვგულისხმობ)

ვიტო, კახა ჩვენი კლუბის წევრია

[ზაზა]

გიორგი,შენ რას აპირებ,გამოხვალთ შენ და ჯოლი?

კახა,ოჩოპინტრეს კლუბში არ ხარ (თუ სურვილი გაქვს,მობრძანდი),მარა თქვენი კლუბიდანაც უნდა შეირჩეს 5 მონაწილე ასე, რომ მონაწილეობის მიღება შეგიძლია.
ასეთი სახით არასოდეს ჩატარებულა და საინტერესო უნდა გამოვიდეს.

[kaxa108]

გასაგებია და შეჯიბრი როდის არის?

[შოთა.03]

მე და ჩაპა სად მივეწეროთ რომელ სიაში?

[ზაზა]

გასაგებია და შეჯიბრი როდის არის?

კახა,

შეჯიბრი იქნება სეზონის გახსნის დღეს,21 აგვისტოს წალკაში.ზუსტი ადგილი,შეხვედრის დრო და ა.შ. სავარაუდოდ 2-3 დღეში დაიდება ფორუმზე.

მე და ჩაპა სად მივეწეროთ რომელ სიაში?

ამას უნდა კითხულობდე პატივცემულო?
სხვა რომელ კლუბში ხარ????

[შოთა.03]

ზაზა

ამას უნდა კითხულობდე პატივცემულო?
სხვა რომელ კლუბში ხარ????

ვერ გამიგე შენა ანუ სად ჩავეწეროთქო რომელ თემაში?
აქ ხდება ჩაწერები?
2 კვირაა ფორუმზე არ შემოვსულვარ და თავგზა მაქვს აბნეული სად რა ხდება არ ვიცი და მაგიტომ ვკითხულობ.....

[ზაზა]

შოთა,
შენ როგორც ვხედავ გამოსვლა გინდა.დაწერე ამ თემაში და უფროსობა მოაბამს თავს.გადაწყდება ამ დღეებში ვინ გამოვა ჩვენი კლუბიდან,როგორც ყოველთვის ობიექტური და დემოკრატიული გზით.

[შოთა.03]

ვა ხო მიწერია უკვე. სად ჩავეწეროთო და შესაბამისადაც გვნდა რა...

[Giorgi_M]

გიორგი,შენ რას აპირებ,გამოხვალთ შენ და ჯოლი?

კახა,ოჩოპინტრეს კლუბში არ ხარ (თუ სურვილი გაქვს,მობრძანდი),მარა თქვენი კლუბიდანაც უნდა შეირჩეს 5 მონაწილე ასე, რომ მონაწილეობის მიღება შეგიძლია.
ასეთი სახით არასოდეს ჩატარებულა და საინტერესო უნდა გამოვიდეს.

ზაზა მე ვერ გამოვდივარ სამწუხაროდ, პირველ რიგში ძაღლი ატყდა არ შეიძლება . მეორედ კი იმხელა გამოცდილება არ აქვს აპორტირებასთან დაკავშირებით როგორ მოიქცევა არ ვიცი, ეს ხომ პირველი სეზონია მისთვის. მომავალ წელს კი დიდი სიამოვნებით

[soso n]

კარგი რამ მოგიფიკრებიატ

[ვიტო]

Giorgi_M

ვიტო, კახა ჩვენი კლუბის წევრია

ბოდიშშშშშშშს

შოთა.03

ვერ გამიგე შენა ანუ სად ჩავეწეროთქო რომელ თემაში?

ზევით ქართველო, ზედა თემაში