მართლწერა forum.ochopintre.ge-ზე პარამეტრები

[საბო]

უპირველეს ყოვლისა ბოდიშს ვიხდი ყველასთან, რამეთუ არ მსურს არავის განაწყენება.

ძმებო და მეგობრებო!!!

დიდი ხანია, ვაკვირდები ჩვენს ფორუმზე არსებულ პოსტებს და ვფიქრობ ამ საკითხზე, მაგრამ დღეს რატომღაც იფეთქა ჩემში ამ პრობლემამ და თავი ვეღარ შევიკავე თემის გახსნისგან.
არ ვიცი , არსებობს თუ არა მსგავსი თემა, მაგრამ მე ვერსად მივაგენი და თავს უფლება მივეცი გამეხსნა ახალი.
მე არც ბატონი ლევან ღვინჯილია,არც ვინმე, გამოჩენილი საზოგადო მოღვაწე და წერა-კითხვის გამავრცელებელი საზოგადოების თავჯდომარე არ ვარ.
მიუხედავად ამისა, როგორც ერთ-ერთ ჩვეულებრივ ქართველ მოკვდავს, მაწუხებს და მაღელვებს ეს საკითხი და ამავ დროულად ჩვენი ფორუმის იერსახე.არ მინდა დავემსგავსოთ სხვა ფორუმებს და მინდა ვიყოთ მათგან გამორჩეული, თუნდაც ამ კუთხით.
გასაგებია, როდესაც რომელიმე ჩვენგანი იუმორით, ან კუთხური აქცენტით(მაგ. მე პირადად ხშირად ვიყენებ კუთხურ დიალექტს), ან რომელიმე სხვა ენიდან აკეთებს ციტირებას ქართული ანბანით,ან უნებლიე მექნიკურ შეცდომას უშვებს. მაგრამ როდესაც პოსტს მსგავსი არაფერი ეტყობა, მაშინ დამეთანხმებით ალბათ, რომ საკმაოდ გამაღიზიანებელია ასეთი პოსტების კითხვა.არასწორად აკრეფილი ანბანი, არა სასვენი ნიშნები, ერთმანეთზე გადაბმული სიტყვები, საკმაოდ ცუდი საკითხავია და ნებისმიერ მკითხველს რამოდენიმეჯერ უწევს წაკითხვა, რომ სწორი აზრი გამოიტანოს.
გვახსოვდეს ის , რომ ჩვენს ნაწერს უცხო ადამიანებიც კითხულობენ და სირცხვილია!!!
გვახსოვდეს ისიც, რომ ჩვენს ნაწერებს ბავშვებიც კითხულობენ და არ ვაფიქრებინოთ, თურმე ასე წერაც შეიძლებაო(მათ ისიც ყოფნით, უამრავ ჟარგონს თუ უცხოურიდან შემოსულ სიტყვას, რომ ისმენენ ყოველდღიურ ცხოვრებაში).
გვახსოვდეს ის, რომ გამართული ქართულით წერა, მეტყველებს ჩვენს და ჩვენი ფორუმის კულტურაზე.

უმორჩილესად გთხოვთ ყველას!!!

არ იფიქროთ: ნეტავი ერთი მოცლია ამ კაცსო.
არ იფიქროთ, რომ იუმორის ან ერთმანეთთან მსუბუქი ხუმრობის წინააღმდეგი ვარ.

უმორჩილესად გთხოვთ:

თავიდან გადაიკითხეთ და შეასწორეთ, თქვენი ნაწერი, სანამ დააჭერდეთ ღილაკს "გამოხმაურება".
პატივი ვცეთ საკუთარ თავს, მშობლიურ ენას, ჩვენს ფორუმს, მის უცხო მკითხველსა და ერთმანეთს.

ამავე დროს მაინტერესებს და დიდი ყურადღებით მოვისმენ თქვენს აზრსა და წინადადებებს, ამ საკითხთან დაკავშირებით.

პატივისცემით, ბოდიშის მოხდითა და უდიდესი სიყვარულით

თქვენი მონა მორჩილი
დავით ვერულავა (იგივე საბო).

[ნუკრიMax]

[სანდრიკა]

[გოგა]

და ვინმემ სწორად წაიკითხეთ?

[სანდრიკა]

სწრაფად რომ წაიკიტხავ სწორედ გგონია

[Davitus]

ნუკრიMax

ძალიან ძველია ეგ ნუკრას შემოვევლე, ხო, მართალი ხარ, კარგად დავიწყებული ძველია

[საბო]

ჰოოოოოოოოოო მაგის იმედზე დარჩით და მარტო პირველი და ბოლო იკითხეთ და წერეთ............

[ლევან ყიასაშვილი]

ისადა....ჩემმა ვაჟმა..რაღაც ფონტები ჩაწერა. ხოდა ეხლა ისეთი შრიფტი მაქვს...ფორუმს ვკითხულობ "ვეფხისტყაოსანივით" ასე რომ შეიძლება კარგად და გამართულად ვერ ვწერდე..მაგრამ.... ამ შრიფტის გადამკიდე თავი იაკობ გოგებაშბილის პარალელური კლასელი მგონია.

[საბო]

თავი იაკობ გოგებაშბილის პარალელური კლასელი მგონია.

აბა კარგად გაიხსენე და მართლა მასე იქნება. მიდი, გაიხსენე ჯეელობა, თავს ძალა დაატანე და გაგახსენდება სკოლააააააააა, კლასელები, პირველი მერხი..................

[ლევან ყიასაშვილი]

აბა კარგად გაიხსენე და მართლა მასე იქნება.

მართალი ხარ. გამოვტრყები. აქამდე ვერ ვამხელდი და ჩემ წინა მერხზე იჯდა ნეტარხსენებული. დედაენაც ჩემგან გადაწერილი შპარგალკების მიხედვით ააგო. თან ეგ ჩემო კლასელი რატო იყო იცი???... იმიტომ..რომ მე რამდენიმე წელიწადი ზედიდიზედ ჩავრჩი ერთიდაიგივე კლასში...თორემ თავიდან დიმიტრი ყიფიანის კლასში ვიყავი.