ირლანდიური სეტერი, "წითელი ძაღლი" პარამეტრები

[მონადირე]

ირლანდიური სეტერი




ირლანდიური სეტერი, ანუ "წითელი სეტერი", როგორც შინაურულად ეძახიან ხოლმე (განსაკუთრებით პერიფერიებში) _ წარმოშობით, რა თქმა უნდა, ირლანდიელია. ცალკე ჯიშად სეტერების საერთო ოჯახს გამოეყო XVII-XVIII საუკუნეებში. თუმცა თანამედროვე იერი და შეფერილობა მხოლოდ XIX საუკუნის მეორე ნახევრიდან მიიღო. მანამდე ირლანდიაში ჭრელი, თეთრ-წითელა ძაღლები სჭარბობდნენ, მხოლოდ დუბლინსა და მის შემოგარენში ამრავლებდნენ სხვაფერშეურეველ წითელ მეძებრებს. სწორედ დუბლინში, ჩრდილოეთ ირლანდიაში ჩამოყალიბდა ირლანდიური სეტერების პირველი კლუბი და დამუშავდა ჯიშის პირველი სტანდარტი, რომელშიც ირლანდიური სეტერის შეფერილობად ერთიანად წითელი ფერი დადგინდა.
მოხდენილი შეფერილობის გარდა ირლანდიურის "სამოსელი" სხვა მხრივაც გამოირჩევა _ მისი ბეწვი შედარებით მოკლეა და უფრო სწორად ჩამოვარცხნილი, ვიდრე ინგლისური და შოტლანდიური სეტერებისა, და ალბათ უფრო ეფექტურიც. დღეს ეს ჯიში, შეიძლება ითქვას, ყველაზე "საპოდიუმეა" კუნძულელ მეძებრებს შორის. ირლანდიური სეტერი არა მარტო მონადირეებს ეძვირფასებათ _ აშკარა იმპოზანტურობის, გამორჩეული სილამაზისა და თუნდაც ფერის გამო იგი არამონადირე ძაღლისმოყვარულთათვისაც ძალზე მიმზიდველი ჯიშია.
დაუოკებელი სამონადირეო ჟინი და ულევი ენერგია - აი, თანამედროვე ირლანდიური სეტერის სავიზიტო ბარათი. იგი, გასული საუკუნის დასაწყისში გავრცელებული შეხედულებების საპირისპიროდ, ადრეული ასაკიდანვე ავლენს საველე თვისებებს, ადვილად იგეშება და მუშაობასაც ადრევე და ადვილად იწყებს. ეგ არის, შედარებით გულიც ადვილად უცრუვდება _ მინდორში თუ ცოტა ფრინველია, ხანგრძლივი, უშედეგო ძებნის შემთხვევაში, თავდაპირველ აზარტს და ენთუზიაზმს ხანდახან კარგავს კიდეც.
ირლანდიური სეტერი ეძებს სწრაფი, ენერგიული ნავარდით, მოძრაობს ღონიერი არეკვნით, გავის დამახასიათებელი შეხტუნებებით, მისი სვლა თითქოს დანაწევრებულია. თავი მაღლა უჭირავს. ახლომიწევა და მიტანებაც სწრაფი აქვს. ნაბული მუხლგამართული და თავაღერილი იცის, შედარებით დინჯი და ზომიერად დაძაბული. გამოირჩევა შორი და ზუსტი ყნოსვით.

საერთო იერი, კონსტიტუციური ტიპი

ირლანდიური სეტერი პროპორციული აღნაგობის, საშუალო სიმაღლის ძაღლია; კონსტიტუციური ტიპით _ ძვალსრული და ხმელია. მაღალ ფეხზე დგას და გამორჩეულად წინამაღალაა.

სქესის გამოხატულება

სქესობრივი დიმორფიზმი კარგადაა გამოხატული. ხვადები უფრო ტანადები და ღონივრად დაკუნთულები არიან; ძუები _ უფრო მსუბუქები და ტანმორჩილები.
ნაკლი: ძუ _ ხვადის მომგვანო.
.
ხინჯი: ხვადი _ ძუს ტიპისა.

ქცევა და ხასიათი

ტემპერამენტიანი, მოძრავი და ენერგიულია; პატრონისადმი უაღრესად ერთგული გარეშეებს ძნელად ენდობა. სიავე და სიმხდალე ხინჯად ეთვლება.

ტანადობა

მინდაომდე ხვადები 57-64 სმ სიმაღლისანი არიან; ძუები 3 სმ-ით ნაკლები. ფორმატი _ კვადრატთან მიახლოებული. გაწელილობის ინდექსი ხვადებთან 100-105 -ია, ძუებთან _ 102-107. ზედა ზღვარზე 2 სანტიმეტრამდე მეტი სიმაღლე ნაკლია, 2 სმ-ზე მეტად გადამეტებული ან ქვედა ზღვარზე ნაკლები სიმაღლე კი _ ხინჯი.


შეფერილობა

ერთფერი _ ჟღალი, მუქი წითელი, წითელი ხის (ძელქვის) მერქნის გაპრიალებულ ზედაპირს რომ გვაგონებს. დასაშვებია კაზმული ბეწვის უფრო ღია და ბაცი შეფერილობა. ასევე მისაღებია პატარა თეთრი ლაქები შუბლზე, კეფაზე, დრუნჩზე, მკერდზე და თათებზე.
ნაკლი: მუქი ყავისფერი ან ღია ყვითელი ფერის ძირითადი შეფერილობა; ღია ფერის "სათვალეები"; მეტისმეტად ღია ფერის კაზმული ბეწვი.
ხინჯი: შავი ფერის ბეწვები; თეთრი ლაქები ტანზე სტანდარტით გაუთვალისწინებელ ადგილას.


ბანალი

ირლანდიური სეტერი შემოსილია გრძელი, ხშირი, სალუქი, სწორი, ტანზე მჭიდროდ მომდგარი ბანლით. თავზე და ფეხების წინა მხარეს ბეწვი მოკლეა, სხვაგან კი _ საგრძნობლად გრძელი. ყურებზე, მკერდქვეშ, წინა ფეხების უკანა მხარეს იდაყვიდან თათამდე, უკანა ფეხების უკანა მხარეს კუდის რიკიდან სანავარდო სახსრამდე, აგრეთვე კუდის მუცელზე _ ბანალი კიდევ უფრო გრძელია და უფრო ხშირი, ვიდრე დანარჩენ ტანზე და ნაძეძებად და ფოჩებად არის ჩამოსწორებული. თათებსა და თათისგულებს შორის სქელი ბუნჯგალია გაფანჩული. კუდი სწორი, კაზმული ბეწვით არის შემოსილი, რომელიც კუდის რიკიდან ცოტა მოშორებით იწყება და მარაოსავით იშლება _ შუაში ყველაზე გრძელია, ბოლოსკენ თანდათან მოკლდება.
ნაკლი: ზურგის ხაზიდან აქეთ - იქით გადავარცხნილი, გადამეტებულად გრძელი ბეწვი, რომელიც ზურგზე განაყოფ ღარს ქმნის; "ფაფანაკი" თავზე; ნაწილობრივ დატალღული ბანალი; ნაკლებად გამოსახული კაზმული ბეწვი.
ხინჯი: ხუჭუჭა ბეწვი; კულულებად დაყრილი, კუდზე დახვეული, ძალიან უხეში ბანალი; ტანზე არამჭიდროდ მიჯრილი და მომდგარი; კაზმული ბეწვის არქონა.


ტყავი; ძვალკუნთოვანი სისტემა

ტყავი ტანზე მჭიდროდ, ნაკეცების გარეშეა მომდგარი, თხელი და ელასტიურია; ძაღლს ჩონჩხი და კუნთები კარგად აქვს განვითარებული.

თავი

გრძელი და ხმელია. თავის ქალის კოთხო ყურებს შორის ოვალურია, კეფისკენ ცოტათი ვიწროვდება და მთავრდება ლამაზად გამოკვეთილი კინჩხით (კეფის კეხით). წარბზედა რკალები რამდენადმე ზეაწეულია (გახელილია), რაც შუბლსა და დრუნჩს შორის შესამჩნევ გადასვლას ქმნის. თავის ქალის ხაზი დრუნჩის წიბოს პარალელურია და მასზე მაღლა დგას.
დრუნჩი გრძელია, ხმელი და ზომიერად ღრმაა, ბოლოსკენ ოდნავ ვიწროვდება. ზედა ტუჩის (ლაშის) კიდე ლამაზად არის მომრგვალებული. ტუჩი თხელი და მშრალია, მჭიდროდ ეკვრის ყბას. ცხვირის ზურგი სწორია ან სულ მცირე კეხი დასდევს. ცხვირის წვერი ფართოა, მუქი წითელი ან კაკლის ხის მუქი მერქნისფერი ან შავი შეფერილობისაა. ლაშიც ცხვირის წვერის შესადარად უნდა იყოს შეფერილი.
ნაკლი: სუსტად გამოხატული კინჩხი (კეფის კეხი); თხემის ძვლის კეფისაკენ დაფერდება; გადამეტებულად განვითარებული თხემ-შუბლის ძვლები; მკვეთრად გამოხატული ტიხარი (შუბლის კუთხე) _ ძლიერ მკვეთრი გადასვლა შუბლიდან დრუნჩზე; გადამეტებულად მსუბუქი თავი; ზედმეტად წამახვილებული დრუნჩი.
ხინჯი: მოკლე, ფართო, ბრტყელი თავი; გადამეტებულად განვითარებული წარბზედა რკალები; მძიმე, აპრეხილი დრუნჩი; მომჩვარული, დაშვებული ლაშები; ვარდისფერი ან მღვრიე მარმარილოს ფერი ცხვირის წვერი.

ყური

საშუალო სიგრძის (ცხვირის წვერომდე 2-3 სმ აკლდება); დაკიდული, სალუქი, მომრგვალებული ბოლოებით; საძირკველში არცთუ ფართო. ირლანდიურ სეტერს ყური დაბალზე (უპის ჭრილის გასწვრივ) უზის; ოდნავ კეფისკენ გადაწეულია, მსუბუქ ნაკეცს იკეთებს და თანაბრად ჩამოშვებული ღაწვებს მჭიდროდ ეკვრის.
ნაკლი: მაღალზე გაკიდული ყური; ღაწვებზე არამჭიდროდ მიკრული ყური.
ხინჯი: დიდი და გაშლილი ("პარტყუნა"); გრძელი და მძიმე; კულულივით ან მილაკივით დახვეული; ხრტილზე გაკიდული; პატარა, მოკლე ყური.

თვალი

საშუალო ზომისაა, ოვალური ფორმის (ნუშისებრი), მუქი ყავისფერი, არაღრმად ჩამჯდარი, მაგრამ არც გადმოკარკლული; უპის ჭრილი ოდნავ ცერად უზის (ბუდეშურად); ქუთუთოს კიდეები ცხვირის წვერის შეფერილობისა უნდა იყოს.
ნაკლი: დიდი, გადმოკარკლული თვალები; უპის პირდაპირი ჭრილი; შიდა (მესამე) ქუთუთო, რომელიც ნაწილობრივ ფარავს თვალის ნაწილს.
ხინჯი: პატარა, ჩაცვენილი, შემღვრეული თვალები; გან-გან ან ახლო-ახლო ჩამჯდარი; მრგვალი თვალი; ლოხი, ჩამოღვენთილი უპეები; გადმობრუნებული ან ჩაბრუნებული უპეები.

კბილები

თეთრია, საღია, მყარად და მჭიდროდ ჩალაგებული. მჭრელები ერთ ხაზზეა გამწკრივებული. კბილთაყარა მაკრატელისებურია.
კისერი

საშუალო სიგრძისაა, ხმელი, კუნთოვანი, არცთუ სქელი, გვერდებიდან ცოტა შეჭყლეტილივითაა; ხვადებს ქედი ოდნავ ამოზნექილი აქვთ, ძუებს _ სწორი.
ნაკლი: მოკლე, სქელი, ლოხი, მრგვალი კისერი; ღაბაბიანი ყელი.

მინდაო

გამოკვეთილად ამოზიდულია რამდენადმე დაქანებულ (კუდისკენ) ზურგის ხაზს ზემოთ (განსაკუთრებით ხვადებში). კუნთოვანია; კარგად განვითარებულია.
ზურგი

სწორია, არცთუ ფართო, მაგრამ კუნთოვანი.
ნაკლი: გადრეკილი (რბილი), ან ოდნავ ამოკუზული ზურგი.
ხინჯი: ჩაზნექილი (გაწყვეტილი), ან საგრძნობლად ამოკუზული ზურგი.

წელი

მოკლე, კუნთოვანი და ოდნავ ამოდრეკილია.
ნაკლი: არასაკმარისად კუნთოვანი; გრძელი; სწორი (თარაზული) წელი.
ხინჯი: გადრეკილი წელი; ამოკუზული წელი.


გავა

განიერია, (განსაკუთრებით ძუებს _ მინდაოსთან შედარებით შესამჩნევად განიერი გავა აქვთ). საკმაოდ გრძელია, (ძუებთან _ უფრო გრძელი). ოდნავ დაფერდებული; კუნთოვანი.
ნაკლი: შედარებით მოკლე და ცოტათი ჩათლილი გავა.
ხინჯი: საგრძნობლად მოკლე და მკვეთრად ჩათლილი ("ჩასხეპილი") გავა.

მკერდი

არცთუ ფართოა; გრძელი და ღრმაა _ იდაყვებამდე ჩამოშვებული; ცრუ ნეკნები კარგად განვითარებულია; გვერდიდან შეხედვისას _ მკერდის შუაძვალის წიბო და ქვედა ხაზი რბილად გადადის მუცლის ზოლში. ნეკნები რამდენადმე გამობურცულია.
ნაკლი: არასაკმარისად გამობურცული ნეკნები; ბრტყელი ან ზედმეტად ფართო, გაშლილი მკერდი.
ხინჯი: ძალზე ვიწრო ან გადამეტებულად განიერი ან ძალზე ღრმა ან ძალზე მოკლე ან კასრისებური მკერდი ან შევარდნილი მკერდი.


მუცელი

მუცელი აკვალთულია, ფერდები აკრეფილი.
ნაკლი: ჩამოწეული მუცელი, მოშვებული ფერდები.


წინა კიდურები

წინიდან თუ შევხედავთ _ ფეხები სწორი და ურთიერთპარალელურია; კუნთოვანი, მშრალი და ძვალსრულია. იდაყვისთავები აუცილებლად უკან უნდა იყოს მიმართული. დგომისას განბჯენი არ არის ფართო. მხრები გრძელია, დაკუნთული. მხარ_ბეჭის შესახსრების კუთხე 100 გრადუსზე ცოტა მეტია. წინამხარი გრძელია, სწორი, განივკვეთში ოვალურია. ტერფები საშუალო სიგრძისაა, ვიწროა, მყარია და პირდაპირ მიმართული; ძაღლს ოდნავ დახრილად უდგას _ 10-12 გრადუსიანი კუთხით.
ნაკლი: შედარებით სწორი მხრები; ოდნავ გამრუდებული წინამხარი; მცირედად განზე გამოყრილი იდაყვები; შვეულად მდგარი ან ზედმეტად დახრილი ტერფი; მოჩორთილი ან ბატატურა დგომი; ფართო განბჯენი.
ხინჯი: იგივე გადახრები, მკვეთრად გამოხატული. მოკლე წინამხარი, მოკლე კიდურები.


უკანა კიდურები

უკნიდან თუ შევხედავთ _ ფართოდ მდგომი, სწორი და პარალელურია. გვერდხედში _ თვალნათლივ გამოხატული შესახსრების კუთხეებით. თეძო გრძელია, დაკუნთულია; წვივის ძვალი გრძელი და ცერად დახრილია. კარგად გამოკვეთილი სანავარდოები ქვემოთ არის დაშვებული და აუცილებლად უკან მიმართული. კოჭი მოკლეა, თითქმის შვეულად მდგარი.
ნაკლი: განუვითარებელი კუნთი. ერთმანეთს დაახლოებული სანავარდოები, ვიწრო განბჯენი; ზედმეტად გაბაჯგული დგომი. შესახსრების შედარებით გასწორებული კუთხეები.
ხინჯი: იგივე გადახრები, ოღონდ უფრო მკვეთრი ფორმით გამოხატული. მოკლე წვივი; სუსტი, გრძელი კოჭი.


თათები

საშუალოზე მცირე ზომის; ოვალური, შეკრული, ერთმანეთან მჭიდროდ მიჯრილი თითებით; ბრჭყალები მოკლე, მაგარი, მიწას ეხება.
ნაკლი: მრგვალი თათი; ბრტყელი თათი, გაშლილი თითებით.


კუდი


საკმაოდ მაღლა უზის, ბუნებრივად აგრძელებს გავის ხაზს; ძაღლს კუდი ზურგის ხაზზე მაღლა არ უნდა ეჭიროს; მოძრავია; სწორია ან ხმლისებური; ფუძესთან სქელი, ბოლოსკენ თანდათან და თანაბრად წვრილდება. ძუებს კუდი სიგრძით სანავარდოებამდე წვდება, ხვადებს 2-3 სანტიმეტრი აკლდება.
ნაკლი: ზედმეტად გრძელი; დუნე; არატიპიურად შემოსილი კუდი.
ხინჯი: წვრილი; უღიმღამოდ მოძრავი; მაღლა აპრეხილი ან ნამგალივით მორკალული კუდი; მოკლე კუდი (ხვადებთან _ როცა სანავარდოებამდე 6 სანტიმეტრი აკლდებათ; ძუებთან _ როცა 4 სმ აკლდებათ).

პოსტის ავტორი ბატონი შადიმანი

[ლევანა90]

არაფერს არ უმოქმედია რაც ასაკში შევა ბეწვი უფრი გაეზრდება .. ჯერ 2 წლისაც არაა და ფეხ აწეულიც არ ფსამს

ხოლო რაც შეეხება წარმომავლობას ამ ძაღლის დედა უსაბუთო მეგონა არადა უკრაინული სისხლის ყოფილა..

მამაც უკრაინული წარმოშობის იყო სამწუხაროდ ჩემ ძაღლს არააქ საბუთები მაგრამ თუ დედის საბუტები მომცეს დავდებ მაგას ..




GIGO მ დაგვპირდა მგონი სურათებს და იქნებ მოგვაწოდოს როგორმე ,, პატივისცემიტ

[avtandil jangava...]

გილოცავთ ყველას ნათლიღებას.
ვინმეს ხო არ ყავს ირლანდიურის ლეკვები ან ხო არ აპირებს დართვას? უკვე მალე ლეკვობის პერიოდი დაიწყება. იქნებ კლუბიდან მიპასუხოს ვინმემ დიდი მადლობელი დაგრჩებით.
ჩემი უფროსი მეგობრისთვის მინდა მთელი ცხოვრება ირლანდიურები ყავს, ბოლოს რაც ყავს უკვე ძალიან დაბერდა და მინდა კარგი ლეკვი ვაჩუქო.
იქნებ დამეხმაროთ, თუნდაც რჩევით.
წინასწარ დიდ მადლობას გიხდით.

[barambo]

avtandil jangavadze
შენც გილოცავ,მრავალს დაესწარი!!!!!!!
899 768316 დათო ცხვედიანი.
დაურეკე,შეიძლება რამე იცოდეს მოსალოდნელი დართვების შესახებ,ამჟამად ლეკვები ნამდვილად არ არის(იხილე "დართვები")

სხვა კლუბებს თუ ყავთ რამე საგვარეულოიანი ლეკვები(არა ნაჩალიჩარი საგვარეულოთი) შევეცდები გაგიგო.

ლევანა90

მშვენიერი ექსტერიერის ძაღლია(ეგ თეტრი ლაქა დასაშვებია).შეეცადე მოიძიო მშობლების შაგვარეულო .

[ლაშა თევზაძე]

ესეც ჩემი ყოფილი სეტერი რეი. ყოფილი იმიტომ, რომ სოფელში გავუშვი სანადიროდ... საოცრად ენერგიული და აზარტულია. მწყერი თუ არ არის ან არის მაგრამ ცოტა გარბის შორს. მაგრამ თუ კვალს დაადგა შანსი არ არის მწყერი გაუშვას. ნუ რაც სეტერების ნაკლია ძალიან ჯიუტია. ნადირობისას თუ ძალიან მკაცრი შენიშვნა მიეცი გვერდით ამოგიდგება და მხოლოდ დიდი ხვეწნის და ფერების შემდეგ განაგრძობს ნადირობას.
[ url=http://pix.ge/][/url]











ძალიან მომწონს ეს ძაღლი, საქართველოში ასეთი სილამაზის ჯერ არ შემხვედრია. ეს ძაღლი იმყოფება პოლონეთში. როგორც გავიგე იქ ვერ ანადირებენ ქალაქის პირობების გამო. მინდა ჩამოვიყვანო ამ ძაღლის ლეკვი. მაინტერესებს თქვენი აზრი, რამდენად ინადირებს, იქიდან გამომდინარე რომ მშობლები არ ნადირობენ. აქვს რამე მნიშვნელობა მშობლების "პროფესიას"? რამდენადაც ვფიქრიბ სეტერი ჯიშით მონადირეა და არამგონია რაიმე მნიშვნელობა ქონდეს მშობლებს ანადირებენ თუ არა. მაინტერესებს თქვენი აზრი...

P.S. ეს პოლონელი სეტერი არის პოლონეთის არაერთგზის ჩემპიონი. პატრონმა როგორც მითხრა ძალიან ჭკვიანია!!!

[barambo]

khmaltevza

მაინტერესებს თქვენი აზრი, რამდენად ინადირებს, იქიდან გამომდინარე რომ მშობლები არ ნადირობენ. აქვს რამე მნიშვნელობა მშობლების "პროფესიას"?

ეგ პოლონური ძაღლი,ჩემი აზრით,შოუ კლასის არის..თუ ეგრეა დიდი ალბათობით,სადღაც95 პროცენტი,მაგის ლეკვები არ ინადირებენ. თუ ევროპიდან ლეკვის ჩამოყვანის სურვილი და საშუალება გაქვს,გირჩევ იპოვნო მუშა,მონადირე ხაზების ძაღლსაშენი და იქიდან აიყვანო ლეკვი.

[avtandil jangava...]

[quote name='თენგო' date='Jan 19 2011, 11:07' post='131248']
avtandil jangavadze
შენც გილოცავ,მრავალს დაესწარი!!!!!!!
899 768316 დათო ცხვედიანი.
დაურეკე,შეიძლება რამე იცოდეს მოსალოდნელი დართვების შესახებ,ამჟამად ლეკვები ნამდვილად არ არის(იხილე "დართვები")

სხვა კლუბებს თუ ყავთ რამე საგვარეულოიანი ლეკვები(არა ნაჩალიჩარი საგვარეულოთი) შევეცდები გაგიგო.



დიდი მადლობა, ბატონ დავითს აუცილებლად დავურეკავ.

[ჰერცოგი]

ის შენი ძაღლი სოფელში რომ გაუშვი მემგონი როგორც სურათზე ჩანს კარგი თავის მოყანილობა აქვს და იდიალური ყურებიც უჩანს, ის პოლონურს კი ცოტა არ იყის მეეჭვება მაგნაირი ურები ლეკვს არ უნდა ქონდეს მითუმეტეს სეტერს აწეულიაქვს მაღლა

[ლაშა თევზაძე]

ის შენი ძაღლი სოფელში რომ გაუშვი მემგონი როგორც სურათზე ჩანს კარგი თავის მოყანილობა აქვს და იდიალური ყურებიც უჩანს, ის პოლონურს კი ცოტა არ იყის მეეჭვება მაგნაირი ურები ლეკვს არ უნდა ქონდეს მითუმეტეს სეტერს აწეულიაქვს მაღლა

არა რაც სურათებია ყველა ჩემი ძაღლის არის. მარტო ვიდეოა პოლინელის

[ჰერცოგი]

ესეც ჩემი სეტერი ლედი ეს სურათი სადღაც 5 წლის უკან არის გადაღებული, სეტერს უფრო მუქი ფერი უნდა ქონდიეს ვიდრე ღია

[ლაშა თევზაძე]

დიახ გეთანხმები და ზუსტად მაგიტომ მომეწონა ეს პოლონელი სეტერი. მუქი ფერი აქ და რაღაც ძლიერი აღნაგობა. მაგრამ სანადიროდ თუ არ გამოდგება მაშინ აზრი არ აქვს. ძაღლი მარტო სილამაზისთვის ცოდოა

[ლაშა თევზაძე]

ესეც პოლონელის ლეკვები

[ჰერცოგი]

ვა ძალიან მაგარი ლეკვებია დედაც ნორმალურია, ჩემი ძაღლის ლეკვები გამახსენდა მათ შემყურე

[ლევანა90]

რაც შეეხება ძაღლის ინთელექტს მართლაც ჭკვიანები არიან ,, მაგრამ ჩემი მაგარი ჯიუტია ტუ არ უსჭორდება ნაბიჯს არ გადადგამს

[ლაშა თევზაძე]

ჰერცოგი997

ანუ ჩამოყვანაც რომ მოვახერხო ძალიან დიდი შანსია რო არ ინადირებს ხომ?

[ჰერცოგი]

შეიძლება ძალიან მაგრადაც ინადიროს აღზრდაზეც არის, როგორ გაზდი და გენეტიკაც არის ლეკვს უნდა დააინტერესო თავიდანვე ნადირბა და უნდა მოგყვეს ყველაფერში ყოველდღიური შეხება უნდა გქონდეს ლეკვთან და არამგონია, რომ მაგისგან ამის შემდეგ არაფერი გამოვიდეს, მაგრამ გენეტიკა მაინც მთავარი და გადამწყვეტია თუ იმ ლეკვის მშობლები არ დადირობდენ მათი შვილისგან ვარსკვლავების მოწყვეტას ნუ დაელოდები, რის ბევრი მაგალითიც მე პირადად მინახია და ერთია კიდე საქართველოში ირლანდიური სეტერი ძალიან ცოტაა სუფთა სისხლის არადა ძალიან მაგარი ჯიშის ძაღლია, მაგარ პატივს ვცემ ამ ჯიშს დიდი სიამოვნებით ავიყვანდი სუფთა სისხლისას გასაზრდელად ლეკვს პირველ ადგილები ეკავა ამ ჯიშს საველაზეც და გამოფენაზეც მაგრამ ცუდია რომ ამ ბოლო ხანებში აღარ ჩანან