დამხმარე აღჭურვილობა პარამეტრები

[ბესო]

სპინინგისტის აღჭურვილობაში არის გარკვეული ნივთები/საგნები, რომლის ქონაც აუცილებელი ან საჭიროა.


1. ბრტყელტუჩა/მკვნეტარა.
ბრტყელტუჩა/მკვნეტარა არის აუცილებელი ნივთი ყველა სპინინგისტის აღჭურვილობაში. დაწყებული იქედან, რომ ხშირად საჭირო ხდება ნემსკავების გასწორება . ასევე უნდა ვიფიქროთ პირად უსაფრთხოებაზე. გაუფრთხილებლობით შეიძლება მოხდეს ისე, რომ ადამიანს ხელში/თითში გაერჭოს ნემსკავი. ამ დროს მკვნეტარა "უებარი" საშუალება შეიძლება აღმოჩნდეს. ბრტყელტუჩას უნდა ქონდეს გრძელი წვრილი პირები.

2. ქლიბი.
ქლიბი საჭიროა ერთად-ერთი რამისთვის - ეს არის ნემსკავების წვერების დამუშავება საჭიროების შემთხვევაში. ქლიბს გირჩევთ, რომ შეიძინოთ სადმე ნავთლუღის ბაზრობის ტერიტორიაზე და შეარჩიოთ რუსული წარმოების ალმაზური "ნადფილი"!!

3. ფრჩხილების მკვნეტარა ან მაკრატელი
გაცილებით საჭიროა იმათთვის ვინც იყენებს წნულ ძუას ვინაიდან კვანძის გაკეთებისას ზედმეტი ნაჭრის კბილებით მოძიძგვნა ცოტა არ იყოს და რთულია. ან დანით გადაჭრა!




4. თევზის გამოსაყვანი ჩოგანი.
მსგავსი ჩოგანი საჭირო ნივთია არა მხოლოდ იმისთვის, რომ თევზი გამოვიყვანოთ და შემთეგ კალათში მოვათავსოთ ამასთანავე იმისთვისაც, რომ დაიჭირე გაუშვის პრინციპით თევზაობის დროს თევზი მინიმალური ზიანით დავუბრუნოთ დედა ბუნებას.
მე გირჩევთ ხისგან დამზადებულ ჩოგანის გამოყენებას. ბადე უნდა იყოს დამზადებული ისეთი მასალისგან, რომ მაქსიმალურად გამოირიცხოს მასში თავისუფალი სამავების/ნემსკავების აბურდვა თევზის გამოყვანისას.



5. თევზის ჩასაყრელი კალათა.
ზოგი მეთევზე "სადოკს" იყენებს, ზოგიც ნაჭრის ჩანთას, ლითონის კალათს, კუკანს და ა.შ კალმახზე სათევზაოდ მე გირჩევთ ხის კალათს. კალათი კარგია იმიტომ, რომ სუნთქავს, ხე კარგად ინახავს თევზს. ნაჭრის ჩანთასთან შედარებით იგი მყარია და შესაბამისად თევზაობის/დღის ბოლოს თევზის ფარშს ან "ოტბივნოის" არ მიიტანთ სახლში არის საკმაოდ მსუბუქი და თუ ერგონომიულ საკიდს/ქამარს შეურჩევთ მისი ტარებაც არ დაგღლით.



6. პოლარიზებული სათვალე.
პოლარიზებული სათვალე სასურველია იყოს ყვითელი/სპილენძის ფერი ვინაიდან ამ ფერის სათვალიდან გარემოს უკეთესი აღქმა ხდება! პოლარიზებულის სათვალის ძირითადი დანიშნულება არის ის, რომ წყლის ანარეკლ შუქს ფილტრავს და წყლის სიღრმეების უკეთესი გარჩევის საშუალებას იძლევა. წყლის სიღრმის აღქმა და სატყუარაზე გამოკიდებული თევზის დანახვა კი ზოგ მომენტში გადამწყვეტი გახდეს, ვინაიდან მეთევზეს შეუძლია თევზის ქცევიდან გამომდინარე ან სატყუარას თამაში და გატარების სიჩქარე შეცვალოს, ან თვით სატყუარის შეცვლაც კი ჩათვალოს მიზანშეწონილად.



7. ქუდი.
პოლარიზებული სათვალე ეფექტურად მუშაობს მაშინ, როდესაც მას მზის შუქი არ ხვდება. სწორედ ამისთვის არის საჭირო ქუდი/კები, რომ სათვალე დაიცვას მზის პირდაპირი შუქის მოხვედრისგან.



8.დანა
თუ რისთვის არის დანა საჭირო - აღარ დავკონკრეტდები უბრალოდ ვიტყვი, რომ პირადად მე ფილეს ასათლელ დანებს/ფორმას ვანიჭებ უპირატესობას.



9."ზაცეპების" გამოსახსნელი მოწყობილობა
თუ რა ფუნქციის მატარებელია მსგავსი მოწყობილობები - დასახელებიდანაც ჩანს. ამოტომ ასახსნელი არაფერი არ არის. უბრალოდ კარგი იქნება მსგავსი მოწყობილობის ქონა ვინაიდან არაერთ მარადმწვანეს დაგიზოგავთ თუ თქვენთვის მოსახერხებელ მსგავს მოწყობილობას შეიძენთ და გამოიყენებთ.