I ხარისხის საველე დიპლომი, ინგლისური სეტერი ლილუ პარამეტრები

[ზაზა]

ბესო გვასალიას 4 წლის ძუ ინგლისურმა სეტერმა ლილუმ დღეს საველე გამოცდაზე მიიღო 82 ქულა,მათ შორის ყნოსვაში 8,9,5 და დაიმსახურა პირველი ხარისხის საველე დიპლომი.ექსპერტები იყვნენ ბატონები შადიმან შამანაძე და ნოდარ როსტიაშვილი.
I ხარისხის დიპლომი დიდი ხანია(თითქმის 10 წელი) არც ერთ მეძებარს არ მიუღია.ძაღლმა აჩვენა საოცარი ყნოსვის მანძილი და სიზუსტე,რამდენჯერმე დიდი მანძილიდან დაამუშავა გადამჯდარი მწყერი.ეს რაც მე ვნახე და დანარჩენს ბატონი შადიმანიც დაწერს ალბათ.
ვულოცავ სეტერსაც და მის მფლობელსაც.

ეს ისეთი მოვლენაა,რომ ღირდა ამაზე ცალკე თემის გახსნა

[Davitus]

ვულოცავ მნიშვნელოვან წარმატებას!

ზაზა

სურათები არ იქნება?

[OQRO444]

მეც ვუერთდები მილოცვებს..... .......ეს ერთი და სხვა მრავალიიიიიიიი.......

კარგი იქნებოდა ვიდეოს ან სურათებს თუ დადებთ....

[გოგა]

და ვისი ძაღლი არის არ გვეტყვით?

[ჭალიმგელა]

და ვისი ძაღლი არის არ გვეტყვით?

შენ რაღა გჭირს

ბესო გვასალიას 4 წლის ძუ ინგლისურმა სეტერმა ლილუმ

[ჩელე]

მოსალოცი ამბავია...... მიხარია ხოლმე ასეთი ამბები...

[ნუკრიMax]

მილოცვები-და ისევ მილცვები......

[ჩიკა]

მშვენიერი ამბავია ვულოცავ მფლობელსაც და ძაღლსაც ასეთ წარმატებას ასე გაგრძელებულიყოს მომავალშიც

[ზაზა]

ვიდეო არ იქნება,მფლობელი და ექსპერტები იყვნენ,მე შორიდან ვუყურებდი.აბა ვინ გადაიღებდა.სურათებს რაც შეეხება,ეს ძაღლი ციციშვილზეც იქნება და იქ შეგიძლიათ ნახოთ.
მანამდე ამ ძაღლს 5 მე-3 ხარისხის დიპლომი ჰქონდა,ყველა საველეზე იღებდა დიპლომს,მხოლოდ ამინდში არ უმართლებდა.დავამატებ კიდევ იმას,რომ გვასალიას მავერიკმა დაურეკა დილით,ნისლია,წვიმს,ქარიცაა და თუ გინდა საველეზე ამოდიო.დაახლოებით 10 საათზე გავიდა მინდორში.დილით ადრე ჯობია და 9 საათის მერე აზრი არა აქვს და ეგეთ მითებს ბოლო მოუღო ამ სეტერმა.ექსპერტები სიამოვნებით ყვებოდნენ მის თითოეულ მუშაობაზე,საოცარი მანძილები აჩვენა.
კარგია,რომ ასეთ შედეგს აქაური სისხლის ძაღლი,აქ დაგეშილი აჩვენებს.მე კიდევ ვიცი,ახლა არ დავასახელებ,ერთი ძაღლი,რომელსაც ჩემს თვალწინ საოცარი მანძილები უჩვენებია.
რა მინდოდა მეთქვა:დაგეგმილი შეჯვარებებით შეიძლება ასეთი შთამომავლები მისცენ ამ ძაღლებმა და კიდევ ერთხელ ვურჩევ იმათ,ვისაც უნდა საგვარეულოიანი ლეკვის აყვანა,არ გადადოთ და ერთ დღეს ისევე გაიხარებთ,როგოც გვასალიამ გაიხარე.
პრინციპში ვინც დღეს იქ ვიყავით,ყველამ გავიზიარეთ მასთან ერთად.

[ლეკი]

ვულოცავ მფლობელსაც და ძაღლსაც ამ დიდ წარმატებას!! მართლაც სასიხარულო ამბავია..

[ჰერცოგი]

საღოლ მაგარი შედეგია ვულოცავ

[შუკა]

ვილოცავ მფობელს! მართლაც მაგარი მაჩვენებელია ეგ 1 და სხვა მრავალი!!!

[შადი შამოდი]

ვიდეო არავის გადაუღია, მაგრამ ზუსტად ახლა "ვათეთრებ" გამოცდის ანგარიშებს (ძაღლების მუშაობების აღწერებს და შეფასებებს) და რადგან პირველი ხარისხის დიპლომი ამ საუკუნეში საქართველოში მხოლოდ მეორედ დაიწერა, დავდებ აქაც ამ ღირსშესანიშნავი მოვლენის ამსახველ დაკუმენტს.

12/05/11. საველე გამოცდა. თბილისის ზღვა. მსაჯები: შადიმან შამანაძე, ნოდარ როსტიაშვილი. სტაჟიორი: ვანო დონჯაშვილი.
ნაწვიმარია, მოღრუბლულია, ქრის საჭიროზე მეტი ძალის ქარი, დილით წამოვიდა ნისლი და მალევე გადაიყარა. ტემპ.14-16 გრდ. ბალახი სველია, 10-15 სმ.

N5."ლილუ", ინგ. სეტერი, ძუ. მფლობელი და გამომყვანი ბესო გვასალია.
9სთ. 45წთ. ბრძანებით დასვა მინდორში, მოშორდა რამდენიმე ნაბიჯით და გაუშვა საძებნად. ძაღლი დადის სწრაფი, საშუალო სიმსუბუქის ნავარდით, თავი უჭირავს ზურგის ხაზს ზემოთ, საკმაოდ ფართო პარალელებზე, ტიპიური სვლით, ზოგჯერ უხვევს ქარშიგნით.
9-48. სწრაფი ნავარდიდან სწრაფადვე შებრუნდა ქარისკენ, ოდნავ შეყოვნდა და სწორხაზოვან ახლომიწევაზე გადავიდა, კლასიკურად - მუხლებში ჩამჯდარმა და ბეჭებამოყრილმა თითქმის სირბილით გაიარა 16-17 მეტრი და მყარად, დაძაბულად დადგა. წინა ფეხები ჩახრილი, ცხვირი მაღლა. ნელ-ნელა უკვე ფრთხილი ახლომიწევა წამოიწყო, გადაიწია კიდევ 4 მეტრამდე და ნახევრად მიწას გაკრული გაიწვართა. გამომყვანი როგორც იქნა დაეწია, ამოუდგა გვერდით და ამ დროს წინ, ზუსტად ძაღლის ცხვირის მიმართულებით 3 მ მანძილიდან ტყუპად ამოფრინდა ორი მწყერი. ძაღლი ბრძანებით ადგილზე დარჩა.
9 - 55. მწყერის ხმას ავყევით გორაკის თავზე, თხრილისა და ბუჩქების პირას. ნატარზე წამიერად შეყოვნდა რამდენჯერმე, შეუჩერებლად გაარკვია ნაჯდომები, აიწია ზემოთ, ორნაბიჯიანი ახლომიწევა და მყარად დადგა. ბრძანებაზე ოდნავ გადაიწია, მიეტანასავით და წინ 6 მ ამოფრინდა მწყერი, რომელიც იქვე შორიახლოს ჩაჯდა. მივიყვანეთ ქარის საწინააღმდეგო მხრიდან, მეორე პარალელზევე იყნოსა და ახლომიწევის გარეშე მყარად, დაძაბულად დაუდგა 9-10 მეტრში. მიტანების გარეშე ამოფრენილი მწყერი ისევ ახლოში ჩაჯდა, ადგილს ადვილად ვიმახსოვრებდით. ისევ გავაშვებინეთ ძაღლი და ისევ ჩაუარა თუ არა გვერდზე, იყნოსა და ლამაზად დადგა. 10 მეტრიდან კვლავ მიტანების გარეშე ამოფრინდა მწყერი და კიდევ უფრო ახლოს, მწვანედ ამობუჩქულ ბალახებში ჩაჯდა. გადავწყვიტეთ ერთი ცდა კიდევ მიგვეცა, ცოტა შორიდან მოვატარეთ და ქარის საწინააღმდეგოდ გავუშვით. სწრაფი , მოკლე პარალელებიდან იყნოსა თუ არა ტიპიური, მკვეთრად დაძაბული ნაბულით დადგა. ბრძანებაზე მიტანება დააყოვნა, მწყერმაც აღარ დააცადა და ზუსტად ცხვირის მიმართულებიდან, სადაც ჩაჯდა, იმ მუქმწვანე ბალახებიდან ამოფრინდა. ძაღლმა გასაკიდებლად გაიწია მაგრამ ომახიანი შეძახილით გააჩერეს. გადავზომეთ მანძილი - 11 მეტრზე მეტი აღმოჩნდა.
10-04. გამოცდის დამთავრება.
გამოსაცდელმა ინგ.სეტერმა "ლილუმ" ზედმიწევნით მაღალი ყნოსვით, ტიპიური სვლითა და ნაბულებით ზუსტად დაამუშავა ყველა შემხვედრი ფრინველი, გამოავლინა განსაკუთრებული სიშორისა და სიზუსტის ყნოსვა, დაიმსახურა შემდეგი შეფასებები: 8, 9, 5, 8, 7, 5, 5, 6, 5, 5, 4, 7, 8. ჯამში 82ქულა. მიენიჭა პირველი ხარისხის დიპლომი.

[Zhorika]

მაგარია! მაგ გამოცდის ყურება ერთი სიამოვნება იქნებოდა. ვწუხვარ რომ ვერ დავესწარი

ვუერთდები მილოცვებს

[T A M P L I E R]

ვულოცავ ამ დიდ მიღწევას მგეშავს და მის ოთხფეხა მეგობარს
1ხარისხი მართლაც რო მიღწევაა