გონჩავიკებს პარამეტრები

[aragveli]

თუ მელიის კვალიდან კურდღლის კვალზე გადადის, თვლიან, დიპლომისთვის არასაკმარისი ჟინი და გადაკიდება გამოავლინაო. მელიის კვალს ბევრად უფრო მძაფრი სუნი აქვს და ძაღლს მეტად უნდა აღაგზნებდეს და აზარტში აგდებდეს, თავს არ უნდა ანებებინებდეს ისეთი ნაკლებსუნიანი კვალის გამო, როგორიც კურდღლისაა. ეს ნიშნავს, რომ ძაღლი ძალიან ადვილად, უმნიშვნელო მიზეზის გამო ტოვებს ძველ კვალს, რადგან კურდღლის კვალი არ არის ისეთი მკვეთრი და ცხვირშისაცემი, ჟინიანი მდევარი შეაცდინოს და ძველი კვალი დაატოვებინოს. მელადან მგლის კვალზე გადასვლას კი ამავე მიზეზით აქვს გამართლება, რაკი ის კიდე უფრო მძაფრი და ვნების აღმძვრელია. ისტორიულადაც ასე იყო და ასე დამკვიდრდა.
ეს ყველაფერი საველე გამოცდას და მდევრის ერთ-ერთი მთავარი სამონადირეო თვისების - გადამკიდეობის შეფასებას ეხება. ზოგს დღეს საერთოდ არ უნდა,რომ მისი ძაღლი კურდღლის გარდა სხვა რამეს დასდევდეს, მით უმეტეს მგელს. ეგ სხვა საქმეა.

არაგველს ალბათ უნდოდა ეთქვა: თუ კურდღლის კვალიდან მელიის კვალზე გადავიდა, ეპატიებაო, პირიქით კიდე - არ ეპატიებაო

ერთი საკითხზე მაინტერესებს თქვენი ყველას აზრი, რაში ხედავთ მგლისგან ,მდევრის დაგლეჯვის ან შეჭმის თავიდან აცილების ,დაზღვევის გზას, რუსულ ფორუმებზე ბევრს წერენ რომ წითელი ფერის საყელო და ზოგი ზედ ეჯვანსაც კი ჰკიდებს, კარგად მუშაობს და აზღვევს ძაღლსო, მე ამას ნაწილობრივ ვეთანხმები, ჯერ ერთი რომ საყელოთი მდევრის, გაშვება საძეებნელად არ მიმაჩნია მართებულად, დიდია ალბათობა დევნისას გამოედოს რამეს, მეორე ის რომ მგელს ნაწილობრივ ერთს და ორს გამოუცდელ მგელს შესაძლოა იმუშაოს და ვერ გაბედინოს ეგ საქმე და მშიერ მგლების ხროვას ზამთარში დიდი თოვლის და ყინვების დროს ეგ სასაცილოთაც არ ეყოფა, მე მაქვს ეს პრობლემა და იმიტომ მაწუხებს, დილით სანამდის კარგად არ გათენდება იმის შიშით რომ მგელს იპოვნის ძაღლი ვერ გამიშვია, ხან როგორც კურდღელს ისე დასდევს, ხან უტრიალდება და უკვე 4 ჯერ გამოვტაცე პირიდან.

[malkhaz]

დიდი მადლობა ბატონო შადიმან მაგრამ კვალის მიტოვება, კვალის მიტოვებაა არა აქვს მნიშვნელობა მადის აღმძვრელია თუ არა
გარდა მაგისა მანდ "სიავე"-ც არის მიეზი მგონი, რაზეც ზემოთ უკვე ვთქვი,
კუპრა მართალია,საერთოდ "გადაკიდება"-ჟინიან ძაღლს ვგულისხმობ ბოლომდე უნდა დასდევდეს ერთ ნადირს, ნუ მიწყენთ მაგრამ გადასვლა გადმოსვლებს გამოცდების დროს სხვა მიზეზებისა და "გადმონაშთების" -გამო წერდნენ, მიხვდნენ თვითონ რუსებიც ამას, რადგან ადრე მელაზე დიპლომი მხოლოდ III ხარისხის იყო როგორც წავიკითხე ეხლა I-ხარისხისაც ეძლევა,
კურდღელი-მელა-ტურა-მგელი.... და სადამდე??? დათვი, ღორი ან ირემი რატომ არ შედის, რატომ მაინცადა მაინც მგელამდე??
რუსების ძაღლებიც საკმაოდ დასდევენ შველს, ლოოსს შეჯიბრებების დროს, იხსნება მაგრამ მიზეზი ყველასათვის ცნობილია,
საერთოდ მდევარი ყველა სახის ნადირს უნდა დასდევდეს, რა თქმა უნდა მეტ ნაკლებობით
ევროპული მდევრების დადებითი თვისებაც ეს არის სწორედ დევნა გადასვლა გადმოსვლების გარეშე, ევროპაში ხომ ღორზეც ტარდება გამოცდა, თანაც ევროპელები ღორზე ყოველგვარი მორიდების გარეშე გეშავენ.
გავიხსენოთ FOXHOUND-ები რომლებმაც რუსული ინგლისურ-რუსული მდევარი ჩამოაყალიბეს როგორ ნადირობენ მელაზე და ასევე წარმატებით ირემზე."პასრფორსი"-ყველასთვის ცნობილია ასე რომ ნადირში შეზღუდვა კანონით თუ წესებით მხოლოდ რუსულ ძაღლებს დარჩათ.
მდევარი ყველა სახის ნადირს უნდა დასდევდეს "правильная гончая"-რუსები ამას ასე ეძახიან, მაგალითისთვის არაგველის ფოტო 7-რუსული 2-ჭრელი და შედ. 4 ღორი დარწმუნებული ვარ რომ ეს ძაღლები ტურა-მელა-კურდღელსაც დასდევენ
აქედან პასუხიც გაცემულია კითხვაზე: სად და რაზე, რისთვის გინდა და ა.შ.
პატივისცემით ყველას, ბატონო შადიმან უღრმესი მადლობა საინტერესო პასუხისათვის

[malkhaz]

მე მაქვს ეს პრობლემა და იმიტომ მაწუხებს, დილით სანამდის კარგად არ გათენდება იმის შიშით რომ მგელს იპოვნის ძაღლი ვერ გამიშვია, ხან როგორც კურდღელს ისე დასდევს, ხან უტრიალდება და უკვე 4 ჯერ გამოვტაცე პირიდან.
ეგ პრობლემა ყველა მდევრით მონადირეს გვაქვს არაგველო, გული არ გაიტეხო ;-)
ისე რა მაინტერესებს ფორუმზე ვინმეს ძაღლი თუ დასდევს მგელ ან თუ იცით ვინმემ ესეთი მდევარი ვის ჰყავს

[aragveli]

http://www.myvideo.ge/?video_id=982814
ეს რექსიკას ვიდეო, იმედია ერთ დროს მგელიც ესე არ დამიღრნის. ცოტა დისტანციას კი იცავს რაც დაგლიჯეს იმის მერე ,პირდაპირ ზედ აღარ ვარდება, თუ გაექცა მისდევს ბოლომდე, თუ შეატყო უტრიალდება დისტანციას იცავს და შორიდან უყეფავს განწირული ხმით, ეგრევე ვცნობ ამ ხმას, თან საითაც ვეგულები ეგრევე იქით იწყებს ძაღლი უკან დახევას.

[შადი შამოდი]

კი მელაზეც აძლევენ ახლა ვითომ I ხარისხისას, მაგრამ კურდღელზე მესამე ხარისხის დიპოლომი ბევრად მეტად ფასობს, რასაც პირადად მეც ვეთანხმები. გადასვლა-გადმოსვლა რომ კარგი არ არის, ამას რა მტკიცება უნდა. იდეალურია, რომელსაც წამოაგდებს, ბოლომდე იმას სდიოს. მაგრამ საქმე ეხება მდევრის საველე თვისებების გამოცდასა და შეფასებას, რომელიც ათას ნიუანსს შეიცავს და რაზეც ათას სპეციალისტს და ჩვენ რომ არ დაგვესიზმრება, ისეთი გამოცდილების ხალხს აქვს საუკუნეების განმავლობაში ნაფიქრი.
თუ ვლაპარკობთ მდევრით კლასიკურ ფეხად ნადირობაზე, რაშიც რუსებს დიდად არავისგან ესწავლებათ რამე, და არა მორეკით ნადირობაზე და ნომერში დგომაზე, გინდაც პორფორსზე - ხროვით და ცხენებით ნადირის გაწეწვამდე დევნაზე, მაშინ სწორედაც რომ კურდღელზე ნადირობაა უპირველესი, სწორედაც მხოლოდ კურდღელი-მელა-ტურა და მგელი. ჰა და ჰა ფოცხვერიც, ჩვენთან ტყის ან ლელიანის კატა. ღორზე, ლოსზე, შველზე იქ ნამდვილი გონჩატნიკისათვის მდევრით ნადირობა, არა მარტო არამართებულად, სირცხვილადაც ითვლება. მდევრით კლასიკური ნადირობის მუღამი გადაკიდებული დევნაა, დაკარგული კვალის გატანაა, ხელახლა გაცხადებაა, ძაღლის ძლიერი და მუსიკალური ხმაა. პრაქტიკაც ამას გვიჩვენებს, ღორზე და შველზე გარყვნილი ძაღლი კურდღელზე სანადიროდ უმეტესად გამოუსადეგარი ხდება.

არაგველო, აბა, რა გითხრა, რით განუგეშო? მე პირადად ვცდილობ მოვარიდო მგლიან ადგილებს, არა და წელს ექვსი საათი სდია, მეგონა ნაღდად შემოუბრუნდებოდნენ, ორნი იყვნენ მგლები, დედალ-მამალი.

[aragveli]

ზოგი გასროლილ გილზსაც ჰკიდებს საყელოზე, მოკლეთ მორიდება იმ ადგილების სადაც უფრო დიდი ალბათობაა ,რომ წაწყდეს და მუდმივად დევნის ეპიცენტრში ყოფნა, თუ რამეა რომ შეძლო ძაღლისთვის დახმარება. როდესაც ატყობ ნადირმა ადგილი შეინაცვლა და შორს დაიწყო ტრიალი შენც არ უნდა დაიზარო და გადაინაცვლო იმ ადგილებში.

[malkhaz]

კი მელაზეც აძლევენ ახლა ვითომ I ხარისხისას, მაგრამ კურდღელზე მესამე ხარისხის დიპოლომი ბევრად მეტად ფასობს, რასაც პირადად მეც ვეთანხმები.---აბსოლიტურად სხვა და სხვა თვისებებზეა ლაპარაკი
მაგრამ საქმე ეხება მდევრის საველე თვისებების გამოცდასა და შეფასებას, რომელიც ათას ნიუანსს შეიცავს და რაზეც ათას სპეციალისტს და ჩვენ რომ არ დაგვესიზმრება, ისეთი გამოცდილების ხალხს აქვს საუკუნეების განმავლობაში ნაფიქრი. -ეს ვფიქრობ საიტის თემა არ არის და არც მიწერ მოწერით გასარკვევი უბრალოდ უაზრობა იქმნება.
რაშიც რუსებს დიდად არავისგან ესწავლებათ რამე-მინდა გითხრათ რომ ბევრიც ესწავლებათ და ბევრად უკანაც არიან
ლოსზე, შველზე იქ ნამდვილი გონჩატნიკისათვის მდევრით ნადირობა, არა მარტო არამართებულად, სირცხვილადაც ითვლება.-არც მთლად ესეა, უბრალოდ თქვენ არ გექნებოდათ შეხება მსგავს "გონჩატნიკებთან" და არც ინფორმაცია მათზე არ გამოდის, ყველას ის ესმის რაც მხოლოდ საველე შეჯიბრებებზე და გამოცდებზე ხდება, დამერწმუნეთ რომ არსებობს "სხვა სამყაროც" "გონჩატნიკებში" თორემ აქმდე რუსული და რუსული ჭრელი მდევარი ხარიერებად იქცეოდნენ, 1995 წელს იზეიმეს რუსული მდევრის 100 წლისთავი, დამეთანხმებით რომ ერთი საუკუნე საკმაოდ დიდი დროა რომ ძაღლი "მეორე ძაღლად აქციო".
რუსეთში კანონის დონემდეა აყვანილი რომ, უდიპლომო ძაღლი დართვებში არ გაიშვება, მაგალითისთვის გადაშალეთ საგვარეულოები და და ნახეთ რამდენი უდიპლომო ძაღლია სელექციაში გასული, ახსნას ვიმედოვნებ თქვენ თვითონვე მოუძებნით.
მდევრით კლასიკური ნადირობის მუღამი გადაკიდებული დევნაა, დაკარგული კვალის გატანაა, ხელახლა გაცხადებაა, ძაღლის ძლიერი და მუსიკალური ხმაა.--სრულად გეთანხმებით (შეიძლება ამ თანხმობას :-) თქვენთვის არანაირი მნიშვნელობა და ღირებულება არა აქვს)
პრაქტიკაც ამას გვიჩვენებს, ღორზე და შველზე გარყვნილი ძაღლი კურდღელზე სანადიროდ უმეტესად გამოუსადეგარი ხდება.--ეს სადაოა მაგრამ დავას არ ვაპირებ, მაგალითისთვის გეტყვით რომ მდევარი ჩვეულებრივად ნადირობდა (დასდევდა) დათვს და ღორს, კურდღლის კვალის გადაკვეთაზე არ მახსოვს შემთხვევა რომ ის კურდღელზე არ გადასულიყო, მეორე მდევარი 3-ჯერ გაშვებული სარეკში ღორის კვალზე (სხვა ძაღლებმა გააგრძელეს ღორის დევნა)მიტრიალდა და კურდღელს დაუწყო დევნა, თუმცა ეს ძაღლი ყველაზე წარმატებული იყო ღორზე და დათვზე ნადირობაში იმ ძაღლებს შორის რომლებიც იმ დროს ღორებს მისდევდნენ.(ორივე მდევარი ჭრელი იყო და ორივე რადიკალურად განსხვავებული ხაზი)

[შადი შამოდი]

სადაო ალბათ უამრავია, მაგრამ დავას, რომც დავაპირო,მაინც ვერ მოვახერხებ, რადგან ბევრი რამ, გულწრფელად ვიტყვი, საერთოდ ვერ გავიგე. პირველ რიგში ის, რაში მეთანხმებით და რაში არა.. ან მდევრის რა აბსოლუტურად სხვადასხვა თვისებებზეა ლაპარაკი, როცა საქმე ეხება მელის და კურდღელის დევნისას ძაღლის შეფასებას..ან ვისზე უკან არიან რუსები და ვისგან ესწავლებათ მდევრით ნადირობის ის ფორმა,(რასაც თავად მდევრით კლასიკური ფეხადი ნადირობა დაარქვეს) რომელიც რუსეთშივე ჩამოყალიბდა და ჩვენშიც რუსეთიდან შემოვიდა იმ ჯიშებთან ერთად, რომელებითაც ჩვენი მამები და პაპები ნადირობდნენ და დღემდე ჩვენც ვნადირობთ. ან იმ ხალხს, ვისაც "ნამდვილ გონჩატნიკს" მე კი არ ვეძახი, თავად დაირქვეს, რადგან თავად გამოიყვანეს ეს ჯიშები სწორედ ასეთი ნადირობისათვის, თავად მოახდინეს ნადირობის ამ ფორმის კულტივირება, თავად შექმნეს საველე გამოცდებისა და შეჯიბრებების თავისი წესები, მდევრით ამგვარად ნადირობის ეთიკა, აგერ უკვე საუკუნეზე მეტია ეწევიან სელექციას და ა.შ. ამ გონჩატნიკებს განა არამართებულად არ მიაჩნიათ ღორზე, ლოსზე და შველზე მდევრით ნადირობა? განა ეს "სხვა სამყარო" მათთვის უწესო ნადირობად და უკულტურობად არ ითვლება?.. ან რატომ უნდა გადაქცეულიყვნენ რუსული და ანგლო-რუსული მდევრები ჰარიერებად, თუნდაც იმ შემთხვევაში, 100 წელი ყველას რომ მხოლოდ ამ "ნამდვილი გონჩატნიკების" მიერ დადგენილი წესებით ენადირა რუსეთში?.. ან რას ნიშნავს კანონის დონემდე აყვანა იმისა, რაც თქვენივე თქმით, არ სრულდება და ძალიან ხშირად პირიქით ხდება?.. ან ძაღლი, რომელიც შველს და ღორს დასდევს და კურდღლის კვალის გადაკვეთისას სასწრაფოდ კურდღელის დევნაზე გადადის, შეიძლება ღორზე და შველზე გარყვნილ მდევართა კატეგორიაში გავიყვანოთ?..

ერთი რამ კი მართლა დარწმუნებით მეთქმის, თუ რამეში მაინც დამეთანხმებით, ნამდვილად გამეხარდება. ეს ამბავი სულერთი რომ იყოს ჩემთვის, ამდენს არ გავირჯებოდი და ამდენ კითხვის ნიშანსაც არ დავხარჯავდი.

[malkhaz]

რამეში რა თქმა უნდ გეთანხმებით
თუ დამერწმუნებით არც ჩემთვის არის სულ ერთი
კარგით, უღრმესი მადლობა.

[malkhaz]

ბატონო შადიმან აღარ ვაპირებდი საიტზე შემოსვლას და დაწერას მაგრამ მაინც გეტყვით, არ მინდა ეს არ იცოდეთ, როგორც ვხედავ საიტზე ყველაზე გამოცდილი და უფროსი თქვენ ხართ,
არ ვიცი იცით თუ არა როდის დაიწერა პირველი წესები რუსეთში მაგრამ მოგახსენებთ რომ პირველი წესები მოსკოვში დაიწერა, 1900 წ 13 დეკემბერს წყვილთათვის, "испытаний для смычков " და 1901 წ 7 მარტს "для стай и стаек".
მხოლოდ 1925 წლის 1 დეკემბერს კინოლოგთა I საკავშირო ყრილობაზე შეიტანეს შესწორება წესებში და დაუშვეს მდევართა ინდივიდუალური შეფასება რა გითხრათ,..
თუ ეს თარიღები და მიმართულებებიც არაფერს გეუბნებათ მაშინ სალაპარაკოც აღარ დაგვრჩენია
-P.S.- თავად მოახდინეს ნადირობის ამ ფორმის კულტივირება, თავად შექმნეს საველე გამოცდებისა და შეჯიბრებების თავისი წესები--მინდა გითხრათ რომ ეს წესები ჯერ კიდევ 1880-იან წლებში იმპერატორის კარზე დაინტერესებულებმ პირებმა შემოიტანეს ევროპიდან, კერძოდ: ინგლისიდან და საფრანგეთიდან, გამოიყენეს მხოლოდ ფრანგული რადგან იმ დროისათვის ძალიან გამძლე ინგლისური მდევარისათვის დაწერილი მოთხოვნები ვერ გამოადგებოდათ, რადგან რუსეთში არ იყო მსგავსი გამძლეობისა, ამტანობისა და თვისებების მდევარი რამაც გამოიწვია მაშინ ჯერ კიდევ ჩამოუყალიბებელი რუსული მდევრების "FOXHOUND"-ებთან შეჯვარება დანარჩენი ყველასთვის უკვე ცნობილია (ეს ყველაფერი შიანმაც გადასარევად იცოდა ....... ;-) )

[aragveli]

ძალიან შორს წავიდა ლაპარაკი, მაგ საკითხებზე ლაპარაკი შორს წაგვიყვანს, შევეშვათ წარსულს, ახლა მე მაინტერესებს თქვენი აზრი , ჩვენს პირობებში ,თქვენი აზრით ,დასავლური ტიპის მდევრები ,გაუწევენ ჯანსაღ კონკურენციას ,რუსულსა და რუსულ- ჭრელ მდევარს?, თუ თვლით რომ კი, მაშინ რამდენმა გონჩატნიკების თაობამ გამოიარა ჩვენამდის და რატომ ვერ მოიპოვა პოპულარობა ამ ჯიშებმა ჩვენთან?

[შადი შამოდი]

ჰო,არაგველო, ალბათ არ ღირს. ეს თარიღები და საყოველთაოდ ცნობილი ფაქტები და მიმართულებები(?) რას უნდა მეუბნებოდეს, მართლა ვერ ვხვდები. საერთოდ, თანამედროვე დასავლური მდევრების რეალურ შესაძლებლობებზე ძალიან მწირი წარმოდგენა მაქვს, ყურმოკვრით გამიგია რაღაცაები და ერთი -ორი კლიპი მაქვს ნანახი. სიმართლე გითხრა, არც მერიდება ამისი, რადგან პახომოვს, ჩელიშევს, კაზანსკის და თუნდაც შიიანს ეგ კლიპებიც კი არ უნახიათ. რკინის ფარდა იყო და საბჭოთა ჩუჩხე, ამიტომ შენს შეკითხვაზე პასუხი მარტივია: ჩვენამდე ბოლო 85 წელი არც ერთ თაობას არ მიეცა შანსი იმ ჯიშებთან რაიმე სერიოზული შეხება ქონოდა. მანამდე, რუსებს როცა ქონდათ ამის საშუალება, შემოყავდათ კიდეც, მაგრამ თავის ჭკუაზე აჯიშებდნენ. ეტყობა, სრულად არ აკმაყოფილებდათ მათი მონაცემები. აბა, რატომ სეტერი და პოინტერი არ გადააჯიშეს? (როგორც, ვთქვათ, იგივე კოკერ-სპანიელის ბაზაზე, უფრო ამტანი და რთულ პირობებში მომუშავე რუსული სპანიელი გამოიყვანეს)..

[aragveli]

კი ალბათ მასეა, მაგრამ დიდი სიამოვნებით გავზრდიდი ოგარისა და ჰარიერის ლეკვს, პრინციპში პოლონურები რუსეთში საკმაო რაოდენობით ჰყავდათ და ალბათ არც მათ საველე თვისებებს იწუნებდნენ ,რადგანაც რუსული მდევრის შექმნაში , ეს ძაღლებიც გამოიყენეს.

[შადი შამოდი]

რა თქმა უნდა, ძალიან საინტერესო იქნება. აგერ ჰამილტონის მდევარია ჩამოყვანილი, საუკეთესო სამონადირეო ძაღლსაშენიდან, წლისაა, მაისში ინტენსიურად ატარებდნენ ტყეში (ზაზა ხუციშვილი), მეც რამდენჯერმე შევესწარი.. ვნახოთ, რა გამოვა.

პ.ს.ისე, პოლონეთი მაშინ რუსეთის იმპერიის ნაწილი იყო და რუსები სულაც არ თვლიდნენ, რომ თავიანთ ძაღლებს უცხო სისხლს ურევდნენ.

[kupra]

რა თქმა უნდა, ძალიან საინტერესო იქნება. აგერ ჰამილტონის მდევარია ჩამოყვანილი, საუკეთესო სამონადირეო ძაღლსაშენიდან, წლისაა, მაისში ინტენსიურად ატარებდნენ ტყეში (ზაზა ხუციშვილი), მეც რამდენჯერმე შევესწარი.. ვნახოთ, რა გამოვა.

პ.ს.ისე, პოლონეთი მაშინ რუსეთის იმპერიის ნაწილი იყო და რუსები სულაც არ თვლიდნენ, რომ თავიანთ ძაღლებს უცხო სისხლს ურევდნენ.

გამოპენაზე ყავდათ გამოყვანილი მემგონი ხო ეგ ჰამილტონის გონჩი ტუ არ ვცდები.