Fabarm და XLR 5 პარამეტრები

[ბესო]

მოკლედ გადავწყვიტე სტატიის გაკეთება ამ თოფზე - რა თქმა უნდა ეს გადაწყვეტილება ძირითადად განაპირობა იმან, რომ მე ვარ მფლობელი და თავგზას, რომ უბნევენ პოტენციურ მომხმარებლებს იმანაც



Fabarm spa,

ქარხანა მდებარეობს ქალაქ ტრავალიატოში (Travagliato), ხოლო დასახელება კი იშიფრება შემდეგნაირად: სს "ბრეშიას საიარაღო ქარხანა" (Fabbrica Bresciana Armi, societa per azioni).

ფაბარმი არის ერთ-ერთი იმ იშვიათი იარაღის მწარმოებელთაგანი, რომელიც ყველა დეტალს საკუთარ საწარმოში უშვებს და არ ახორციელებს გარედან შესყიდვებს - ან გარეთ შეკვეთებს!

მათი ერთ-ერთი ძირითადი პროფილი არის ნახევრადავტომატური გლუვლულიანი იარაღის წარმოება. ეს იარაღები არაფრით ჩამოუვარდება გრანდების ნაწარმს და ამასთანავე მოიცავს ბევრ ინოვაციურ "წვრილმანს", რომელთა ერთობლიობაც საკმაოდ კარგი იარაღის იმიჯს შესძენს ამ ქარხნის ნაწარმს!

XLR 5 - წონა 2.9-3.1 კგ დამოკიებულია ლულის სიგრძეზე (61-66-71-76)



ეს არის ფაბარმის უახლესი ნახევრადავტომატური გლუვლულიანი იარაღი. მისი დასახელება იშიფრება შემდეგნაირად: eXtra Long Range - "ძალზე შორი დისტანცია", ხოლო ციფრი 5 კი ნიშნავს, სტანდარტული პატრონების რაოდენობას - ანუ 4 მაღაზიაში, +1 ლულაში!

უნდა აღინიშნოს, რომ მწარმოებლის ერთ-ერთი მიმართულება არის შორს დისტანციაზე სროლა და სწორედ ამ მიზნისათვის შეიქმნა იარაღის ეს მოდელი, რომელიც გათვლილია, როგორც ტყვიის, ასევე ფოლადის საფანტზეც/პატრონებზე!

პირველი ნიშანი რაც იარაღის ამ მოდელს განასხვავებს სხვა ნებისმიერი (მსგავსი დანიშნულების) თოფისგან არის მისი ლულის ტესტი წნევაზე, რომელიც შეადგენს 1,630 ბარი ~ 1,482 ატმოსფერო. დღეს მსოფლიოში ტესტირების უმაღლეს წნევად მიჩნეულია 1,370 ბარი ~ 1245 ატმოსფერო. ნაციონალურმა სტენდმა შესაბამისად შექმნა ახალი სერტიფიკატი და ახალი მარკირება, რომელიც ადასტურებ XLR 5-ის გატესტვას უმაღლესი წნევით რომელსაც ანალოგი არ აქვს!

სერტიფიკატი:



მარკირება:


მოდელი მუშაობს დენთის მიერ გამოყოფილი გაზებით გადატენვის პრინციპზე. გადატენვის აღნიშნული პრინციპი ითვლება, ყველაზე სწრაფ პრინციპად თუ შევადარებთ ინერციული გადატენვის პრინციპს, ასევე გადატენვას ლულის მოძრაობის მეშვეობით. ბევრი პლიუსისა გაზის მეშვეობით გადატენვის პრინციპს აქვს მინუსებიც - თუ დენთი მცირეა მაშინ შეიძლება გადატენვისას იყოს ჩავარდნები, ხოლო დიდი დენთის შემთხვევაში კი დეტალების მუშაობა არის ძლიერი და შეიძლება წმოიშვას დეფორმაციები. ამ მინუსების გადაწყვეტის გავრცელებული მეთოდი არის გაზის არხების რეგულირება. ოღონდ სხვადასხვა დენთის შემთხვევაში უნდა ხდებოდეს ამის რეგულირება (ზოგ შემთხვევაში გარემოს ტემპერატურის მიხედვითაც კი).
ფაბარმს აქვს აღნიშნული მინუსების გადაწყვეტის დაპატენტებული მეთოდი - ფრიქციული მუხრუჭი!

რომელიც დიდი რაოდენობის დენთით/დატენვის შემთხვევაში ამუხრუჭებს გადატენვას და შესაბამისად ის სულ ოპტიმალური სიჩქარით მუშაობს!
ამასთანავე ეს გადაწყვეტა - რეგულირების სისტემასთან შედარებით გამოირჩევა ნაკლები წონით! და ძლიერი ან სუსტი მუხტის მქონე ვაზნების გამოყენება პრაქტიკულად არ ახდენს გავლენას უკუცემაზე!


ნაკლები დენთის შემთხვევაში:


მეტი დენთის შემთხვევაში:


ეს სისტემა გამოიყენება ფაბარმის შემდეგ მოდელებში
XLR 5
LION H35
LION H38
LION H368
S.A.T. 8

გარდა ამისა ფაბარმს აქვს ლულის გაჩარხვის დაპატენტებული სისტემაც (შექმნილია 10 წლის წინ)- ტრიბორი!
2005 წელს კი შეიქმნა ტრიბორის გაუმჯობესებული ვარიანტი!


ტრიბორი მოიცავს ლულის პირველად უფრო გაფართოებულ ცილინდრულ ნაწილს დიამეტრი - 18.8 მმ, რაც უზრუნველყოფს ნაკლებ ხახუნს და შესაბამისად მეტი საფანტის მიტანას!
შემდეგ მოსდევს 205 მმ-იანი კონუსური ნაწილი, რომელიც მცირდება 18.8 მმ-დან 18.4 მმ-მდე - რაც შესაბამისად ზრდის წნევას, ხოლო ეს უკანასკნელი კი ზრდის ტყვიის/საფანტის სიჩქარეს.
ლულა ბოლოვდება ჰიპერბოლული (დაპატენტებული) ლულის შევიწროვებებით - ჩოკებით!
ფაბარმი იყენებს 82 მმ-იან ხრომი მოლიბდენის შენადნობისგან დამზადებულ ჩოკებს, რომელთაც შიდა ზედაპირი აქვთ ჰიპერბოლური ფორმის და მათი დამზადება ძვირად ღირებულ ტექოლოგიად ითვლება. ამ ინოვაციაზე დაყრდნობით ფაბარმი არის ერთად-ერთი მწარმოებელი, რომლის 0.75 და სრული 0.9 ჩოკითაც შეიძლება ლითონის ტყვიის სროლა!


თუ დავეყრდნობით ფაბარმის ვებ გვერდზე არსებულ მონაცემებს: ტესტირებისას, - 0.9 ჩოკი, 30 მეტრი დისტანცია, 75 სმ დიამეტრის მქონე მიზანი, 12 კალიბრი, 35 გრამიანი ვაზნა, 4 ნომერი ფოლადის საფანტი - საფანტის 89 პროცენტი ხვდება მიზანს. მაშინ, როდესაც ნახევრად ჩოკით მიზანს ხვდება 76%. რაც ნიშნავს 15%-ით ნაკლებ ზიანს.


XLR 5 მოდელს დამატებული აქვს ოპტიკური სამიზნის დასამონტაჟებელი, რომლის მეშვეობითაც ნებისმიერი ოპტიკის დამაგრება შეიძლება.
ასევე, ამ მოდელს აქვს დამატებული მწვანე ოპტიკური ჩანართი, რომელიც სწრაფი და ზუსტი დამიზნების კარგ საშუალებას იძლევა!


ამ მოდელს ზამბარა აქვს ლულის პარალელური - მწარმოებლის მონაცემებზე დაყრდნობით, ზამბარის ამგვარი განლაგება ამცირებს 2 მიყოლებულ გასროლას შორის აცდენას 30%-ით და წარმოადგენს ყველაზე სწრაფ სროლა-გადატენვის მექნიზმს (5 სროლაზე - 0.31 წამი)

იარაღს ასევე მოყვება კონდახის მდებარეობის სარეგულირებელი პლასტმასის ჩანართები, რომლებიც მისი რეგულირების 12 პოზიციას უზრუნველყოფენ!



ინფორმაცია ძირითადად მოპოვებულია:
Fabarm-ის ვებ-გვერდიდან;
http://gunmag.com.ua

[HUNTER FREDY]

+100 გაიხარე, ეგ ეგრეც უნდა მოხდეს თუ ოდესმე მოხდა, აბა აქამდე ეგერაა ჭალიმგელას ბრაუნინგი და შუკას ფაბარმი და არცერთი მეტყოდა უარს ამგვარ ტესტზე მაგრამ არაფრის მომცემი არ იქნებოდა ეგ მონაცემები და იმიტომ შევიკავე თავი.

[ჭალიმგელა]

romeo 1
+100000
აბსოლიტური სიმართლეა.

აქ კიდევ მეორეა გასათვალისწინებელი. ადრე სოფლებში და არა მარტო, ხშირად გამიგია 60-70 მეტრზე 1 მეტრზე შლის მეტი არა ნახე რა თოფიაო. მწყერზე და ქათამზე ნადირობისას სულ არ მჭირდება შორს გაშლა, აქ უკვე თანაბარ გაშლას ენიჭება უპირატესობა, ანუ ფურცელზე ცილინდრიდან სროლისას ფანჯრები არ უნდა იყოს დარჩენილი, საფანტი თანაბრად და მრგვლად უნდა იყოს დაშლილი, ამ ყველაფერს დიდი მნიშვნელობა აქვს.

ამიტომ აბსურდულად მიმაჩნია თოფების ''შეჯიბრი''

შეიძლება შეადარო კონკრეტულ ვაზნაზე, კონკრეტულ სიტუაციაში (შეღწევადობა ან თანაბარი გაშლა ან შორს გაშლა ან ახლოს გაშლა) რომელი უკეტეს შედეგს აჩვენებს.

ამიტომ მცდრათ მიმაჩნია აზრი ჩემი ჯობია იმიტომ რომ შორს მეტი საფანტი მოხვდა. მე იქნებ სულ არ მინდა შორს რომ გაშალოს და ახლოგამშლელი მირჩევნია.

და კიდე, აბანოში ჩანს ხომ იცით შავი და თეთრი ტრაკი

და კიდევ ერთი კიდევ , ჩემი ძმა ეძებს XLრ 5 ს თუ ნორმალურ ფასში მოკარით თვალი მითხარით რა

[Davitus]

romeo 1


10000000000000% ით გეთანხმები, მაგიტომაც ვიკავებთ თავს თორემ, ეგრე მარტივად რომ იყოს, უკვე კარგა ხნის დადებული იქნებოდა ტესტირების სედეგები, უბრალოდ, ამ ტიპის "შეჯიბრს: ტესტირებას ვერ დაარქმევ, დილეტანტური "ვისი ჯობიას" ჭიდილი იქნება მეტი არაფერი

ჭალიმგელა

აბსურდულად რომ არ მიგაჩნდეს, პირველი შენ მოხვიდოდი დასაჯიბრებლად და მეორე შუკა

ისე, XLR 5 ის ფასები მაგნუმის საიტზე რეალურია? თუ რამე შეცდომაა?


ასე კატასტროფულად მოიმატა ფასმა?

[dole]

აქ მგონი დავა მიდის იმაზე ვის რა მოსწონს და ეს ყველაფერი უაზრობაში გადადის ბოლოს , ვინაიდან ყველა თავის არჩევანს ინდივიდუალურად აკეთებს .

[romeo 1]

Davitus ეგ ფასები მაგნუმის საიტზე რეალურია, იმიტომ რომ FABARM XLR 5 PRESTIGE-ა 3605ლარად და FABARM XLR 5 ELITE-ა 3225 ლარად. ჩვეულებრივი XLR 5 არაა ეხლა გაყიდვაში, შემოდგომაზე შემოვა. ის ღირდა 2500-2600 ლარი.

[ზახარა]

იმიტომ რომ FABARM XLR 5 PRESTIGE-ა 3605ლარად და FABARM XLR 5 ELITE-ა 3225 ლარად. ჩვეულებრივი XLR 5 არაა ეხლა გაყიდვაში, შემოდგომაზე შემოვა. ის ღირდა 2500-2600 ლარი.

ფასიდან გამომდინარე დიდი სხვაობაა , ხომ ვერ დაწერთ რითი განსხვავდებიან ეს მოდელები ?

[romeo 1]

ზახარა სხვაობას განაპირობებს კონდახის და ტიბჟირის მაღალხარისხიანი კაკლის მასალა, აგრეთვე ძვირფასი ექსკლუზიური 100%-ით ხელით დამზადებული კეისი ESTHETE.

[ზახარა]

romeo 1
მადლობთ პასუხისთვის
ანუ ლულა , მექანიზმი და ნაწილები ყველას იგივე აქვს როგორც გავიგე

[T A M P L I E R]

ზახარა სხვაობას განაპირობებს კონდახის და ტიბჟირის მაღალხარისხიანი კაკლის მასალა, აგრეთვე ძვირფასი ექსკლუზიური 100%-ით ხელით დამზადებული კეისი ESTHETE.

კარგი ინფოა

არიან ხალხი რომელთაც თანხა არ ყოფნით მაგ ნავაროტებისთვის და აიღებენ უფრო იაფიან ვარიანტს

[romeo 1]

ლულაც, რესივერიც, ნაწილებიც ყველა მოდიფიკაცია XLR 5-თს ერთი აქვს.

[ქსოვრეთელი]

თელავში ვნახე FABARM XLR5 COMPOSITE ბოლო აქვთ დარჩენილი ფასი 2070 ლარი. 76 იანი ლულით.

[mgeluka]

მე პირადად გამოვცადე ფაბარმი საქმეში და ჩინებული იარაღია... ჯერ ჯერობით არანაირი ნაკლი და ნასროლში ფანჯრები. ძალიან კარგი თანაბარი გაშლა აქვს ყველა ჩოკზე და ყველა ნომრის

[Zhorika]

ვინმემ თუ იცის ფაბარმის გადატენვის ფრიქციული მუხრუჭი XLR Composite -მოდელზე დგას ქარხნულად?

[alika77]

Fabarm შედარებით ახალგაზრდა ფირმაა, რომელიც მდებარეობს ქალაქ ტრავალიატოში. თუმცა მისი პროდუქცია, თავისი ხარისხით, დიდად არ ჩამოუვარდება ბერეტას, ბრაუნინგს, ბინელის და სხვა გარანდებს. Fabarm-ი იმიჯის ზრდასთან ერთად ზრდის თავის ასორტიმენტსაც.
ეს ფირმა ადრე მუშაობდა ბერეტასა და ბინელზე, ასეთმა სკოლამ უკვაკოდ არ ჩაიარა.

გალეზების გვარის ფირმა მეორე მსოფლიო ომამდე მდებარეობდა ბრეშიაში და ორიენტირებული იყო რამდენიმე ტიპის ბაბრძოლო იარაღის წარმოებაზე.

ომის დამთავრების შემდეგ საერთაშორისო შეთანხმების საფუძველზე ევროპის ბევრ ფირმას ჩამოერთვა სამხედრო იარაღის წარმოების უფლება და ფაბარმიც გადადის გლუვების წარმოებაზე. 1956 წლიდან ფირმამ დაიწყო მუშაობა მცირე ასორტიმენტით. მეოცე საუკუნის ბოლოსათვის მას გააჩნდა სრულიად ახალი საწარმოო ბაზა, ამჟამად უშვებს სამი ძირითადი კლასის_ ორლულიანების, თვითდამტენებისა და პომპების დიდ ასორტიმენტს. დღეისათვის მისი ნაწარმი ცნობილია მთელი მსოფლიოსათვის, მიუხედავად მძაფრი კონკურენციისა. ყოველგვარი გადაჭარბების გარეშე შეიძლება ითქვას, რომ დღეს Fabarm გახდა განთქმული კომპანია, რომელიც უშვებს ხარისხიან და შედარებით იაფ პროდუქციას.
ექსპერტების აზრით, ამ ფირმის პროდუქცია ცნობადობის ზრდასთან ერთად აუცილებლად გაძვირდება.

Fabarm S.p.A._ ერთ-ერთი ფირმაა, რომელიც თოფის ყველა დეტალს თვითონ(თავის ფირმაში) აკეთებს. გარდა ამისა თავად უშვებს სხვადასხვა აქსესუარებს: კრონშტეინებისა და ოპტიკებიდან დაწყებული სანადირო ტანსაცმლით დამთავრებული.
ფირმას აქვს დამოუკიდებელი მიღწევებიც, როგორიცაა ლულათა ორიგინალური გაბურღვის პროფილი Fabarm Tribore Barrel System და Fabarm Tribore Barrel System, რომელთა შედეგად გაზრდილია ჭრა, სიბურჯღლე და დაჯგუფება.
ლულები მონობლოკებია და მზადდება 42СгМо4 მარკის ფოლადისაგან, არხები ქრომირებულია.

კიდევ ერთი დამოუკიდებელი მიღწევაა ლულების კომპლექტაცია სახსნელი მოწყობილობების 4 ტიპით:ა) სახსნელი მოკლე ჩოკები(0-დან 1,0-მდე) ბ) 1,5-სმ-იანი დამაგრძელებლები სტენდისათვის(8 ჩოკის ჩათვლით), გ) დამაგრძელებლები 3; 5; 7,5; 10 და 12 სანტიმეტრი სიგრძითა და ამასთან ერთად 4,5სმ-იანი ხრახნილი ჩოკი; დ) პომპებისათვის 6 ცალი ლულის კომპლექტი(სახსნელი ჩოკებით).

ლულათა სიგრძის მიხედვით თოფების მასა მერყეობს 2,65-დან 2,85კგ-მდე, რაც ხარისხიანი მსუბუქი შენადნობების დამსახურებაა. მცირე მასიდან გამომდინარე, დიდმუხტიანი ვაზნების სროლისას დისკომფორტის აღმოფხ**ის მიზნით, კონსტრუქციებში დატანებულია ბუფერული სისტემა, რომელიც ნახევარავტომატურებში ამცირებს საკეტისა და ლულის, ფიქსირებული და მოძრავი მექანიზმების უკუცემას.

ამ ფირმის სახელგანთქმული მოდელებია: თვითდამტენები გაზის უკუქცევაზე Н368 Super Goose, Н368 Hunter 610, 660, 710, 760 და 900მმ სიგრძის ლულებითა და 12/76 სავაზნით(მჭიდის ტევადობაა 3, 6 ან 8 ვაზნა); ლულების ჰორიზონტალური განლაგებით Nobile, Beta Classis, Lion, რომლებსაც აქვთ ოპტიმალური ბალანსი და საუკეთესო დაჯგუფება.

ვერტიკალურებში განთქმულია Alpha 12/76 სავაზნითა და 660, 710, 760მმ სიგრძის ლულებით(განსაკუთრებით დახვეწილია მათი კონდახები), აგრეთვე Gamma, Max Field და Le LYS. ახალი მოდელია Axis 20/76 610, 660, 710 და 760მმ სიგრძის ლულებით.

განსაკუთრებით აღნიშვნის ღირსია Fabarm-ის ნაკეთობათა ზედაპირების დამცავი ფენა PVD Titanium, რომელიც შემუშავებული იქნა 2003 წელს. ამ ტექნოლოგიით დამუშავებული ლითონის ზედაპირი უძლებს აგრესიულ ნივთიერებათა ზემოქმედებას ძალიან დიდი ხნის განმავლობაში. ტესტირებამ 1500 საათის განმავლობაში აჩვენა საუკეთესო შედეგები.

[MIMINO]

სანამ არ ვნახავ 25 წლის ფაბარმს ისეთივე იდეალურ მდგომარეობაში როგორშიც თუნდაც ერთ-ერთი რუსული (არც თუ ისე სახელგანთქმული და რამით გამორჩეული) იჟ 58 -ია, რომელსაც 25 წლის განმავლიბაში სულ მცირე 10 000 ვაზნა აქვს გასროლილი და უკიდურესად იდეალურად აქვს შენარჩუნებული ქრომი, ვარანენია, და არანაირი შატკა არა აქვს, მანამდე ვერ დავიჯერებ მის არაჩვეულებრივობას. (თუმცა არავინ იფიქროს რომ ვაკრიტიკებ. უბრალოდ ეს ჩემი აზრია.