ინგლისური პოინტერი პარამეტრები

[კუდიგორელი]

ბატონმა შადიმანმა გადმოგვცა ფორუმისათვის,რისთვისაც დიდი მადლობა








პოინტერი



პოინტერი ათლეტური აგებულების, ძალზე მკვირცხლი და ენერგიული მეძებარი ძაღლია. ნადირობისას უაღრესად სწრაფია, როგორი გრუნტიც და მწვანე საფარიც არ უნდა შეხვდეს. ეძებს ფართოდ, დიდ სივრცეზე. მისი სირბილი უკანა კიდურების ღონივრად არეკვნის, გრძელი და ნარნარა კამარების გამო სადოღე ბედაურის რბოლას უფრო ჰგავს. ნაბული განსაკუთრებულად ლამაზი აქვს - სკულპტურული, ყოველთვის დაძაბული. კუდი ნაბულისას გაჭიმულია, ან ოდნავ დაშვებული, კუნთები რელიეფურად დაბურცვილი. მიწას გაკრული ქროლვა და ძირს გართხმული ნაბული ამ ჯიშს არ ახასიათებს.
პოინტერი გამოყვანილია ინგლისში, XVII_XVIII საუკუნეებში. ვარაუდობენ, რომ იგი პირველი კულტურული ჯიშია, რომლის მთავარი დანიშნულება გახდა მყარი ნაბულით სანადირო ობიექტის ადგილსამყოფელის მითითება (ტო პოინტ - ჩვენება, მინიშნება). საწყის მასალად იყენებდნენ "ნაბულის მქონე" ესპანურ და იტალიურ ძაღლებს, აგრეთვე ფრანგულ ბრაკებსაც, რომლებიც თავადვე იყვნენ ესპანური და იტალიური წარმომავლობის. მერე და მერე სხვა სისხლებიც შეურიეს: მელისმდევრების _ ფოქსჰაუნდების, სეტერების, მწევრების _ გრეიჰაუნდების და ვინ იცის, კიდევ რისა. ყოველ შემთხვევაში, ამ 150 წლის წინ, როცა ინგლისში პირველი გამოფენები ტარდებოდა, პოინტერი თითქმის თანამედროვე სახის კეთილაღნაგ ჯიშად იყო უკვე ჩამოყალიბებული.


საერთო იერი, კონსტიტუციური ტიპი და ქცევა

პოინტერი საშუალოზე მაღალი ტანის, მოკლებანლიანი, ღონიერი და ამასთან მეტად მოხდენილი აღნაგობის ძაღლია. კონსტიტუციური ტიპით - ძვალსრული და ხმელი. გამოირჩევა მოქნილობით, კარგად განვითარებული, რელიეფურად გამოკვეთილი ძვალ-კუნთოვანი სისტემით. დამახასიათებელია: მაღლა აღერილი თავი, ყელყელაობა, ზვიადი იერი, კეთილშობილური მანერები და ზამბარული მოძრაობები. კუდიც ზამბარასავით დაძაგრული აქვს, მაგრამ სწორი და მსუბუქი _ წკეპლისებური. მზერა _ ცოცხალი, აზრიანი.
პოინტერი შეუპოვარი ბუნების, სისხლსავსე ტემპერამენტის ძაღლია. ფლეგმატურობა ნაკლად ეთვლება, ხოლო სიავე და სიმხდალე ხინჯად.
პოინტერი წინამაღალაა (განსაკუთრებით ხვადები), საერთოდაც მაღალ ფეხზე დგას. მინდაო, გავასთან შედარებით, 1-2 სმ-ით ზევით აქვს აზიდული. ხვადები მინდაოში 57-65 სმ სიმაღლისანი არიან, ძუები - 54-63 სმ. მითითებულზე ნაკლები ან 2 სმ-ზე მეტად გადამეტებული სიმაღლე ხინჯია. ფორმატი ნაკლებად გაწელილია, კვადრატთან მიახლოებული. გაწელილობის ინდექსია 100-104 (ხვადები) და 102-106 (ძუები).


სქესის გამოხატულება

სქესობრივი დიმორფიზმი თვალნათლივ ჩანს. ხვადები უფრო მოზრდილები და ძვალსრულები არიან, დაკუნთულობაც მეტად ეტყობათ, ვიდრე ძუებს, რომელთაც, თავის მხრივ, მეტი სიკოხტავე და გრაციოზულობა ახასიათებთ.
ხინჯი - სქესობრივი ტიპიდან მკვეთრი გადახრები.


ქცევა და ხასიათი

გაწონასწორებული, მოძრავი ტემპერამენტი და მიხვედრილობა პოინტერს შინ თუ გარეთ შესანიშნავ კომპანიონად წარმოაჩენს; ნადირობაში ხომ უბადლო თანაშემწეა. მშვიდი, თავდაჯერებული ბუნებისაა და საკუთარი ღირსების გრძნობითაც გამოირჩევა. მეგობრულია და მშვიდობისმოყვარეა, მაგრამ არც სიმამაცე აკლია.


შეფერილობა

ერთფერები: შავი, ყავისფერი, ჩალისფერი სხვადასხვა გრადაციებით.
ორფერები: შავფოთლიანი, ყავისფერფოთლიანი, წითელფოთლიანი და მოყვითალოფოთლიანი.
ორფეროვნების შემთხვევაში თეთრ ფონზე გაბნეულია დიდრონი ლაქები (ფოთლები) და წვრილ-წვრილი წინწკლები (ფორეჯები). ერთფერებთან დასაშვებია თეთრი ლაქები (მცირე ზომის) დრუნჩზე, მკერდზე, ყელზე და თათების ბოლოებზე. შავი და ყავისფერი შეფერილობის ეგზემპლიარებს ხანდახან ბრინჯაოსფერიც გადაკრავთ ლოყებსა და ლაშებზე. ნებისმიერ შემთხვევაში, ნესტოების, უპეების და ლაშების ფერი საერთო შეფერილობის (ორფერებთან - ფოთლების შეფერილობის) შესატყვისი უნდა იყოს ან საერთო შეფერილობაზე უფრო მეტად მუქი. ეს წესი ერთფერა შავებსაც ეხებათ.
ნაკლი: მკვეთრად გამოხატული ღია ფერის რუჯი ყავისფერ ეგზემპლიარებში; სამფეროვანი შეფერილობა, რომელიც ძალზე იშვიათად გვხვდება.
ხინჯი: ერთიანად თეთრი ან შავი შეფერილობა რუჯით.


ბანალი

მოკლეა, ხშირია, მჭიდროდ მიჯრილია სხეულზე, მბზინავია და დრეკადია. კისერზე, ტანსა და კუდზე 10-13 მმ სიგრძისაა. თავზე, ყურებზე, თათების და Fფეხების წინა მხარეს კიდევ უფრო მოკლეა. თავზე, დრუნჩსა და განსაკუთრებით ყურებზე ბანალი წმინდაა და აბრეშუმივით
ფაფუკია. მუქად შეფერილი ბანალი ყოველთვის უფრო მოკლეა, ვიდრე თეთრი ფერისა.
ნაკლი: ხეშეში ბეწვი; მოგრძო ბეწვი; მეჩხერი. გაქუცული ბეწვი.
N ხინჯი: ბანჯგვლები ბარძაყის შიდა მხარეს, კუდზე; ნაძეძიანი, ფოჩიანი კუდი.


ტყავი და ძვალკუნთოვანი სისტემა

ტყავი თხელია, სალუქი და ელასტიური, ნაკეცების გარეშე. მუსკულატურა თვალშისაცემად სანიმუშოდაა განვითარებული _ მკვრივია, გამომშრალია და მკაფიოდ გამოკვეთილი. ძვლოვანი სისტემა (ჩონჩხი) მყარია, მაგრამ სიტლანქეს მოკლებული.



თავი

ზომიერად გრძელია, ხმელია და ნაქანდაკარივით რელიეფური, სიდიდით კორპუსის და მინდაოში ძაღლის სიმაღლის პროპორციულია. დაფარულია თხელი კანით. მეტად განვითარებული წარბზედა რკალები განაპირობებს მკვეთრ ტეხილ გადასვლას შუბლიდან დრუნჩზე _ თითქმის მართკუთხა "ტიხარს" (შუბლის კუთხეს), რაც ჯიშისთვის გამორჩეულად დამახასიათებელი ნიშანია. თავის ქალის კოთხო მოგრძოა, სიგანე შუბლთან და თხემ-კეფასთან თანაბარი აქვს. კინჩხი (კეფის კეხი _ კინკრიხოს ძვალი) გარკვევით ისინჯება, მაგრამ არც ძალზე მკვეთრადაა გამოჩრილი. ყურებს შორის თავი თითქმის ბრტყელი და საკმაოდ განიერია. მას შუბლისკენ ორ ნაწილად თვალნათლივ ყოფს წარბზედა რკალთა შუა არსებული სამკუთხა ჩაღრმავება. საფეთქლის ფოსოები ამოვსებულია დაბურცული მყესა კუნთებით. ყვრიმალები ნათლად, მაგრამ არც მეტისმეტი სიმკვეთრით არიან გამოხატულნი. ზომიერად გრძელი და ხმელი დრუნჩი _ რომელიც პროფილში სწორკუთხა და ბლაგვია, ზედხედიდან კი არც ისე ფართო _ შესამჩნევი შევიწროების გარეშე ბოლოვდება განიერი, ფართოდგაშლილ ნესტოებიანი ცხვირით.
თხელი და ლბილი ტუჩები ცოტათი ქვედა ყბაზეა გადმოშვებული და პროფილში ქმნის დრუნჩის ბლაგვ დაბოლოებას მომრგვალებული ძირა კუთხით, პირის ჭრილის კუთხეში კი თავისუფლად კიდია და პატარა ნაკეცს იკეთებს.
ნაკლი: სუსტად გამოხატული "ტიხარი" (შუბლის კუთხე); ოდნავ წამახვილებული დრუნჩი; ცხვირისა და უპეების ნაწილობრივი დეპიგმენტაცია; გუბათივით ამობურცული შუბლი; მცირე ცხვირკეხიანობა.
ხინჯი: სოლისებური თავი; "ტიხრის" არქონა; მკვეთრად გამოხატული ცხირკეხიანობა.


ყური

შედარებით მაღალზე დაკიდულია _ ძაღლს თვალის ხაზზემოთ უზის; თხელია, სათუთი და ფამფალა, სისხლძარღვები ზედვე ეტყობა, სამკუთხა ფორმისაა, ოდნავ მომრგვალებული ბოლოებით; წინა კიდით მჭიდროდ ეკვრის ყვრიმალის პირს, ნაკეცს იკეთებს, მშვიდ მდგომარეობაში ძირს ჩამოშვებულია და ყბას ცოტათი ჩაცდენილია.
ნაკლი: ყური, რომელიც წინა კიდით არ ეკვრის ყვრიმალს; ხრტილზე გაკიდული ყური; უკან გადაწკეპილი ყური; დაბალზე დასმული; დიდი ზომის; მძიმე; სქელი ყური.


თვალი

მრგვალია, საშუალო სიდიდის, უპეების პირდაპირი ჭრილით; არ ჩაცვენილი და არც გადმოკარკლული. თვალის ფერი ფოთლების ფერის შესაბამისია ან მეტად მუქია.
ნაკლი: ჩაცვენილი ან გადმოკარკლული თვალები; ღია ფერის თვალი;შიდა ქუთუთო, რომელიც თვალის კაკლის ზედაპირს ნაწილობრივ ფარავს; ბუწუწგაცლილი, შიშველი ქუთუთო: ღია ფერის უპე.
ხინჯი: სხვადასხვა ფერის თვალები. თვალი ირიბი ჭრილით (ნუშისებური); გადმობრუნებული ან ჩაბრუნებული ქუთუთო.



კბილები

თეთრი, საღი, მაგარი, კარგად განვითარებული და ერთმანეთთან მჭიდროდ მიჯრილი. მჭრელები ერთ ხაზზეა ჩამწკრივებული.
კბილთაყრა აუცილებლად მაკრატელისებურია.


კისერი

მაღლა უდგას, თავს გაშლილი კუთხით უერთდება. გრძელია, ხმელია და კუნთოვანი; ქედის ხაზი თვალშისაცემადაა ამობურცული.
კისერს მომჩვარული და დანაოჭებულ-დანაკეცებული ტყავი არ უნდა ჩამოსდევდეს. კისრის და თავის შესაყარი ადვილად ისაზღვრება კინჩხით (კინკრიხოს ძვალით). კისერი ქვევით და ქვევით თანდათან მსხვილდება და მდორედ გადაედინება მინდაოსა და ბეჭისთავებში.
ნაკლი: ყოველგვარი გადახრა ზემოთაღნიშნულიდან.


მკერდი

ღრმაა და ძალუმი, განივკვეთში ოვალური ფორმისაა, ჩამოშვებულია იდაყვებამდე, წინიდან შედარებით ვიწროა, უკანა მხარეს კი უფრო ფართო. ცრუ ნეკნი _ გრძელია და მომრგვალებულად გამოდრეკილია. მკერდის შუაძვალის წინა შვერილი კარგად იკვეთება. მკერდის სილუეტის ქვედა ზოლიც გამობერილი და მომრგვალებულია. მომრგვალებულადვე და მდორედ, მკვეთრი შეტაცულობის გარეშე გადადის მუცლის ხაზში.
ნაკლი: ყოველგვარი გადახრა ზემოთაღნიშნულიდან.
ხინჯი: იგივე გადახრები, მკვეთრად გამოხატული.


მინდაო

სწორ და გავისაკენ ოდნავ დაფერდებულ ზურგის ხაზზემოთ ამოზიდულია. მკვრივია, კუნთოვანია; ცერად დახრილი, გრძელი ბეჭები ზურგს მჭიდროდ ეკვრიან.


ზურგი

ფართო, მკვრივი, კუნთოვანი, სწორი _ ოდნავ დაფერდებული გავისაკენ.
ნაკლი: გადრეკილი ("რბილი") ან ცოტათი ამოკუზული ზურგი.
ხინჯი: ჩაზნექილი ("ჩაწყვეტილი") ან თვალშისაცემად "კუზიანი" ზურგი.


წელი

ფართო, მოკლე და კუნთოვანია, ოდნავ ამოდრეკილი, რაც ხავადებისთვის უფროა დამახასიათებელი. ძუებთან სწორი წელი დასაშვებია, ხვადებთან კი ნაკლად ითვლება.
ნაკლი: მკვეთრად ამოკუზული წელი; წაგრძელებული წელი.



გავა

გრძელია, Fფართოა და ოდნავ დამრეცი.
ნაკლი: მოკლე, განუვითარებელი, გაბრტყელებული ან ჩათლილი გავა.
ხინჯი: მკვეთრად ჩათლილი (ჩასხეპილი) გავა; მაღლა აბზეკილი გავა.



მუცელი

კარგადაა აკვალთული. სათანადოდ აკრეფილ და მოკლე საზარდულებს არ ცდება.
ნაკლი: ჩამოშვებული მუცელი.


წინა კიდურები

წინიდან თუ შევხედავთ _ ფეხები სწორია და ერთმანეთის პარალელური. მხარი კარგად დაკუნთულია, ზომიერად ირიბად დახრილია (მხარ-ბეჭის შესახსრების კუთხე დაახლოებით 100 გრადუსია). იდაყვის წანაზარდები (მორჩები) ძლიერ აქვს განვითარებული. ისინი აუცილებლად უკან უნდა იყვნენ მიმართული და კორპუსს მჭიდროდ ეკვროდნენ. წინამხარი გრძელია და განივკვეთში ოვალურია. კიდურის სიგრძე იდაყვამდე ხვადებთან დაახლოებით საერთო სიმაღლის (იგულისხმება ძაღლის სიმაღლე მინდაოში) 55-56%-ია, ძუებთან კი _ 52-54%. მაჯებში თვალშისაცემი გამსხვილებები არ შეიმჩნევა. ტერფი გრძელია და ოდნავ დახრილი.


უკანა კიდურები

უკნიდან თუ შევხედავთ _ სწორი და პარალელურად განლაგებულებია. გვერდიდან კი ნათლად ჩანს კარგად გამოხატული შესახსრების კუთხეები. წინა ფეხებთან შედარებით უკანა ფეხები ცოტა გაბიჯგულია (ფართოდ დგანან) _ განსაკუთრებით ძუებთან. წვივი გრძელია. სანავარდო (კოჭ-წვივის სახსარი) კარგადაა განვითარებული და ქუსლის ძვალიც მკვეთრად გამოხატულია. ტერფი მოკლეა. საჯდომი ბორცვიდან (გავის შემაღლებიდან) პირობითად დაშვებული პერპენდიკულარი შვეულად მდგარი ტერფიდან 3-4 სმ-ით წინ უნდა გადიოდეს.
ნაკლი: ჩაკეტილსახსრებიანი ანუ გაშლილკუთხეებიანი კიდურები, რომლებიც დგომში ზედმეტად გამართული ჩანან. მოკლე წვივი; ახლო-ახლო განლაგებული სანავარდოები; მორკალული, ხმლის ფორმის მქონე უკანა კიდურები.
ხინჯი: იგივე გადახრები, ოღონდ მკვეთრად გამოხატული. ბალიკარტები (მეხუთე თითი). გავამაღლობა.


თათები

შეკრულია, ოვალური ფორმისაა; თითები შეტყუპული და მჭიდროდ მოკუმულია, Bბრჭყალები ძირსაა მიმართული. ბალიშები საკმაოდ მყარი და გაუხეშებული აქვს.
ნაკლი: გაბრტყელებული თათები; გაშლილი თათები.


კუდი

უხორცო, მოქნილი, დრეკადი და მოძრავია. საკმაოდ მაღლა ზის, ბუნებრივად აგრძელებს გავისა და ზურგის ხაზს. ზურგს 20 გრადუსამდე კუთხით შეიძლება ასცდეს ზევით; ბოლოსკენ წვრილდება. სიგრძით სანავარდო სახსარს ვერ წვდება, 2-3 სმ აკლდება.
ნაკლი: სტანდარტით დადგენილზე გრძელი ან მოკლე; ზედმეტად წვრილი ან მსხვილი, უხეში კუდი; მოდუნებული, მოღვენთილი კუდი; ხმალივით მორკალული კუდი;
ხინჯი: მკვეთრად მორკალული, ნამგლისებური კუდი. ზევით აპრეხილი კუდი; ფეხებშუა ამოძუებული კუდი. ნებისმიერ ადგილას გადატეხილი კუდი სადისკვალიფიკაციო ხინჯია.

[AlekoN]

შადი შამოდი

ალიკო, წმინდა გუბერტზე ბაასობთ?

არ იცნობ ამ ძიას?

კიდე, ეს გადმოქართულებული მიღწევები რომ დევს აღსაფრთოვანებელი ლეკვის დედ-მამისა, მე-2 და მე-3 ხარისხის დიპლომებით ( ძირითადად მე-3) და 70-78 ქულების ფარგლებში, მოსამართლეებად რომ სტოიაჩკო, კონოვალოვი, გოლუბჩენკო, ტომინა და მისთანანი გვევლინებიან, ნუთუ 81 წლის ავადსახსენებელი წესების მიხედვით გაცემულ "საბჭოთა" დიპლომებზეა საუბარი?

ეგ ძაღლები რამდენად აღსაფრთოვანებლები არიან, არ ვიცი ნამდვილად, ვერ გეტყვი.
ერთს ვიტყვი - უკრაინა დაიძრა და წინ მიდის, რაც ძალიან მიხარია, შეიძლება ჯერჯერობით ნელა, მოუხეშავად, მაგრამ მომავალი ჯერ კიდევ წინ აქვთ. პირველად ქვეყანაში (ყირიმში), აპრილის ბოლოს ერთი კვირის განმავლობაში ჩატარდება ფილდტრაილების (ცაციტის რანგის) სერია, სადაც იმსაჯებენ ევროპელები. ჩვენთვის უკრაინის წარმატებები იმიტომაა მნიშვნელოვანი, რომ იქ მეგობრები გვყავს, რომლებსაც ჩამოყავთ და ამზადებენ საინტერესო ძაღლებს და რომლებიც გვერდში დაგვიდგებიან; ასევე, მათთან მისვლა-მოსვლაც უფრო ადვილია, ვიდრე დანარჩენ ამ მხრივ საინტერესო ქვეყნებში.

[monadire batumel...]

monadire batumeli

პოინტერს + ტახი = მარაზმს.


მაგ ხვადის ალალი ძმა თბილისში გვყავს, თუ იცი.

ალბატ კურაჯი ხო?მე როგორც ვიცი ეხლა უნდა გავიდეს პირველად საველეზე ტუ არ ვცდები?

[AlekoN]

შადი შამოდი

მე ისიც გამიხარდა, რომ ის ცნობილი ექსპერტები, მე რომ ჩამოვთვალე და რომლებიც ცნობილები ძველი წესებით გამოცდების ჩატარების მიუღებლობითაც არიან, თურმე დღემდე უარს არ ამბობენ ამ წესებით გამოცდების ჩატარებაზე.

ჩამოთვლილი ექსპერტებიდან მხოლოდ კონოვალოვს ვიცნობ, როგორც დასავლური სისტემის მომხრეს.

თურმე ე.წ. ევროპული სისხლის ძაღლების ასეთ გამოცდებზე და შეჯიბრებებზე გამოყვანასაც არ თაკილობენ.

ძაღლის მფლობელს თუ სურს გაიყვანს, გააჩნია მფლობელს და მის შეხედულებებს.
ვინც ევროპული სისტემისკენ აიღო გეზი: ვაშენკოს, გრიცაის, კონოვალოვს, დინეცს, მორდვინს, იმათ არ გამოყავთ!!!
ჩვენი მეგობარი ლეონიდ ვაშენკო ერთი კვირაა ხორვატიაში იმყოფება და ბრეტანული ეპანიოლების მსოფლიო და კონტინენტალების ევროპის ჩემპიონატებში იღებს მონაწილეობას უკრაინის ნაკრების შემადგენლობაში.



კიდევ ერთი მაგალითი ამ ქვეყნის კინოლოგიის (ვგულისხმობ მეძებრებს) წინგადადგმული ნაბიჯებისა და პირველი წარმატებისა - 27-ში კონტინენტალების ევროპის ჩემპიონატზე უკრაინის წარმომადგენელმა ძუ კურცჰაარმა დაიკავა საპატიო 9 ადგილი შეფასებით ძლიერ კარგი.

[monadire batumel...]

მე ალიკო ნ-ს ვეკითხებოდი მეგობარო, ლეკვის შემოყვანაც გულით გამიხარდა და ასეთი სახელოვანი მშობლები რომ ყავს, ისიც..ამის მტკიცებაც კი მეუხერხულება. დამერწმუნე, დაცინვა ერთი წუთითაც არ მიფიქრია. ან უკრაინელებს რა ჭირთ ჩვენი დასაცინი? მე ისიც გამიხარდა, რომ ის ცნობილი ექსპერტები, მე რომ ჩამოვთვალე და რომლებიც ცნობილები ძველი წესებით გამოცდების ჩატარების მიუღებლობითაც არიან, თურმე დღემდე უარს არ ამბობენ ამ წესებით გამოცდების ჩატარებაზე. თურმე ე.წ. ევროპული სისხლის ძაღლების ასეთ გამოცდებზე და შეჯიბრებებზე გამოყვანასაც არ თაკილობენ. ამის შესახებ ჩავეკითხე ჩემო ბატონო, სხვა არაფერი.. ჰო, მსაჯი რომ მოსამართლედ არის გადმოქართულებულ-გადმოთარგმნილი, ამაზე კი გამეღიმა ცოტათი

ჩვენი მეგობარი ქვეყენაა უკრაინა და მარტლაც რო წინ წაიწია,,ეხლა მე როგორც მომახსენეს ჩემა უკრაინელმა მეგობრებმა შემოყავტ იტალიდან და საფრანგეტიდან საკმაოდ ტიტულოვანი დზაგლების შტამომავლები,,იტალია საფრანგეტი მოგვეხსენებათ ცოტა დზნელიია გასვლა ხაზე მიტ უფრო ტრანსპორტირება,აი უკრაინიდან სამომავლოდ ადვილი იქნება ჩვენსტვის რო შემოვიყვანოტ ახალი სისხლები,ღმერტმა ხელი მოუმართოთ,რაც ნატრაგმნიაა ეს ჩემი ნათარგმნი არაა კომპიუტერის მეშვეობიტ,,(პერევოჩიკიტ გადავტარგმნე)ხოდა მეც გამიკვირდა მსაჯი და მოსამარტლე

[iva75]

monadire batumeli
ძაღლის ჩამოყვანა და კონტაქტზე გასვლა არაა ძნელი(ფული თქვი შენ თორე), უფრო ძნელია და საპასუხისმგებლოა აქ არსებული ახალი და ძველი სისხლის ძაღლების ისე შეჯერება რომ კაი შედეგი მივიღოთ. წინ არიან თუ უკან, მაგის გარკვევა ჩემის აზრით , მხოლოდ შეჯიბრზე შეიძლება(საერტაშორისო შეჯიბრზე).

[iva75]

AlekoN
ეგ კაცი(ვაშენკო) მსაჯია ,მგეშავია თუ გამომყვანია ვეღარ გავიგე.

[monadire batumel...]

ესეტი დიდი ტოკების დაბმა,ჩემი აზრიტ დზაღლის დიდ წარმატებაზე უნდა იყოს ნისშნად გამოხატული,შეილება რაგაც ეტაბები ქონდეს ძაღლს გასავლელი რომ ესეტი თოკი ერგოს წილად,მერაც შევაფასე სურატი,, ფოტო კურიოზს არ უნდა გავდეს,ეს ჩემი აზრია უბრალოდ ამ ფოტოსტან დაკავშირებიტ.

[monadire batumel...]

monadire batumeli
ძაღლის ჩამოყვანა და კონტაქტზე გასვლა არაა ძნელი(ფული თქვი შენ თორე), უფრო ძნელია და საპასუხისმგებლოა აქ არსებული ახალი და ძველი სისხლის ძაღლების ისე შეჯერება რომ კაი შედეგი მივიღოთ. წინ არიან თუ უკან, მაგის გარკვევა ჩემის აზრით , მხოლოდ შეჯიბრზე შეიძლება(საერტაშორისო შეჯიბრზე).

ეხლა ფინანსებია მატავარი,ფული რო მქონდეს და ეხლავე შემოვიყვანდი და სამომავლოდ ისეტი ხალხს გავზდევინებდი ვინც უფრო მეტად ერკვევა ამ სფეროში,,საერტაშორისო ასპარეზე რო გვასახელებდა არა მარტო მე არამედ საქრტველოს,,მე მგონი ოცნებაში გადავერტე წერის დროს

[AlekoN]

iva75

ეგ კაცი(ვაშენკო) მსაჯია ,მგეშავია თუ გამომყვანია ვეღარ გავიგე.

მგეშავი და გამომყვანი რაღამ გაყო? ვინც გეშავს და ავარჯიშებს, იმას გამოყავს შეჯიბრებზე.

monadire batumeli

ალბატ კურაჯი ხო?

უფრო სწორედ კურაჟი.

ესეტი დიდი ტოკების დაბმა,ჩემი აზრიტ დზაღლის დიდ წარმატებაზე უნდა იყოს ნისშნად გამოხატული,შეილება რაგაც ეტაბები ქონდეს ძაღლს გასავლელი რომ ესეტი თოკი ერგოს წილად

ორიგინალური აზრია.

[giga_megu]

ეს კაცი არის თანამედროვე პოინტერის შემქმნელი თითქმის ყველა ცნობილძაღლს ყავს სისხლში დელ ვენტოს ძAღლები ,მემგონი უბრალოდ თავისებური კაცია და არ აქცევს ყურადღებას ესეთ რამეებს მე ამის ძაღLზე არ მინახავს პავადოკი სულ თოკებით და ესეთი რამეებით უბია.ისე მემგონი კაიფობს ამით

ALEKON რატომ არის უმსგავსობა ???:D კაიფობს კაციი.რად უნდა მონადირე ძაღლს პავადოკი???:Dძაღლებით მალე ვეცდები დავემსგავსოო ხომ იცი შენ

[GIGO]

ვაშჩენკო მსაჯიცაა და მგეშავი-გამომყვანიც.
ლეკვის ჩამოყანა ერთი მცირე ჯაჭვის რგოლია იმ საქმეში. თუმცა საკმაოდ დიდ ფინანსებთან დაკავშირებული. უფრო რთული ლეკვის სწორად აღრზდა და საერთაშორისო წესების შესაბამისად დაგეშვაა. რისი პრაქტიკაც ჩვენთან არ არსებობს და ალბათ საკმაოდ რთულიც იქნება ამის პრაქტიკის არარსებობის გამო. თუ ევროპიდან შემოყვანილი ძაღლები დაიგეშებიან და გამოიცდებიან აქაური მეთოდებითა და წესებით მაშინ ევროპიდან ძაღლის შემოყვანას აზრი არ აქვს და ტყუილად ზედმეტ ფულის ხარჯვად მიმაჩნია.
ახალი და ძველი სისხლების ძაღლების შეჯვარებით შედეგი ვერ მიიღწევა, ეს ეტაპი უკვე გაიარეს საბერძნეთში, უკრაინაში და რუსეთში , და ვფიქრობ მათი გამოცდილება ჩვენთვის გასთვალისწინებელი უნდა იყოს.
რა თქმა უნდა ვინ წინაა და ვინ უკან ეს საერთაშორისო წესებით გამართულ შეჯიბრში გამოჩნდება. მაგრამ უკრაინა დღეს რომ გაცილებით წინაა ჩვენზე მხოლოდ ისიც ადასტურებს რო უკრაინელებს უკვე კარგა ხანია საერთაშორისო შეჯიბრებზე გამოყავთ თავიანთი ძაღლები და გარკვეულ შედეგებსაც აღწევენ. ჩვენ კი არც ერთი "ევროპულად" დაგეშილი ძაღლი არ გვყავს.
ზუსტად ამ მიზნით 1 წლის წინ ჩამოვაყალიბეთ "საქართველოს პოინტერ კლუბი" რომელიც საერთაშორისო კინოლოგიურ ფედერაციაშია გაწევრიანებული და რომლის უპირველესი მიზანი ზუტად ევროპული მიმართულების პოპულარიზაცია და ხელის შეწყობაა: ახალი სისხლების შემოყვანით, მათი აღრიცხვით , შეჯიბრებების ჩატარებითა თუ სხვა ღონისძიებების განხორციელებით.

[giga_megu]

monadire batumel... კურაჟი ჩემთვის ყველაზე საყვარელიძაღლია საქართველოში ესეთი დასტოინი ძაღლი არ მინახავს არსად

კურაჟ

[giga_megu]

ბობი და კურაჟი

[AlekoN]

iva75

ძაღლის ჩამოყვანა და კონტაქტზე გასვლა არაა ძნელი(ფული თქვი შენ თორე), უფრო ძნელია და საპასუხისმგებლოა აქ არსებული ახალი და ძველი სისხლის ძაღლების ისე შეჯერება რომ კაი შედეგი მივიღოთ. წინ არიან თუ უკან, მაგის გარკვევა ჩემის აზრით , მხოლოდ შეჯიბრზე შეიძლება(საერტაშორისო შეჯიბრზე).

არც ეგრეა, ფული დაიჭირე ხელში და იყიდი რასაც გინდა. სხვა პრობლემებიცაა ამის გარდა...
სერიოზული, ძვირფასი სისხლების ლეკვის ყიდვას ვგულისხმობ რათქმაუნდა.
ჯერ ერთი, უნდა იცოდე, რა უნდა იყიდო, როგორ მოძებნო, რა მაჩვენებლების მიხედვით და ა.შ. ელემენტარულ დონეზე მაინც.
მეორეც, სერიოზულ დართვებს ადგილზევე ბევრი მსურველი ელოდება, ანუ ადგილობრივი კლიენტურის კონკურენცია, რიგები და ამდაგვარი. ჩვენ თუ ვიცით რომ კარგი ბუდობაა, იმათ ჩვენზე უფრო კარგად იციან ეს. ორი ძალიან სასურველი ბუდობიდან ვერ ავიყვანეთ ძუ ლეკვი, იმიტომ რომ არ გვერგო, მიუხედავად მათ დაბადებამდე დამყარებული კონტაქტისა მომშენებლებთან. ასევე, ჩემი ახლობელი აპირებდა ესპანეთიდან ლეკვის ჩამოყვანას და ხოსე კონდადომ რომ გაიგო, ქვეყნის გარეთ რომ გაყავდათ თუ აქეთ მოყავდათ, არაფრისდიდებით არ გამოატანა ძუ ლეკვი (საშენი Dela Mazorra).
იმას რა ჯობია, თუ პროტეჟე გყავს იქაური ავტორიტეტი ვინმე მაგ სფეროში.
--------------------------------------------------------------------------------------------------------------------------------

ევროპული და ადგილობრივი სისხლების შერევით ადგილობრივს გააუმჯობესებ, რაც შეიძლება კარგ შედეგად მივიჩნიოთ, მაგრამ არა ევროპული ძაღლებისთვის.

[giga_megu]

სერიოზული სისხლებია თითონ კაპონე (კურაჟის მამა)საკმაოდ კარგი ძაღლია ,თან ისეთი ძაღლები უზის როგორიცაა RIBOT DELA NOCE ძაღლი ლეგენდა......