მონადირეთა და მეთევზეთა კლუბი - ოჩოპინტრეს წევრობა! პარამეტრები

[ბესო]

მონადირეთა და მეთევზეთა კლუბი "ოჩოპინტრე"-ს წევრობის მსურველთა საყურადღებოდ!

1) სახელწოდება: არაკომერციული (არასამეწარმეო) იურიდიული პირი “საქართველოს მონადირეთა და მეთევზეთა კლუბი “ოჩოპინტრე”

2) ააიპ “საქართველოს მონადირეთა და მეთევზეთა კლუბი “ოჩოპინტრე”-ს წევრი შეიძლება იყოს:
3) საქართველოსა და უცხოეთის სახელმწიფო მოქალაქე, ფიზიკური პირი;

4) საქართველოს რეზიდენტი ან არარეზიდენტი იურიდიული პირი. იურიდიულ პირს “საქართველოს მონადირეთა და მეთევზეთა კლუბი “ოჩოპინტრე”-ში წარმოადგენს “საქართველოს მონადირეთა და მეთევზეთა კლუბი “ოჩოპინტრე”-ს წევრი იურიდიული პირის უფლებამოსილი წარმომადგენელი;

5) კლუბის წევრად მსურველის მიღება ხდება წერილობითი განცხადების საფუძველზე, რომელსაც 2 რეკომენდატორის თანხმობა ახლავს;

6) კლუბის წევრად მიღების შემდეგ წევრი ავსებს სპეციალურ ანკეტას, რომლის მიხედვითაც წევრს გადაეცემა კლუბის წევრის მოწმობა!

7) კლუბის წევრად მიღების შესახებ განცხადებას განიხილავს კლუბის გამგეობა. გამგეობას უფლება აქვს როგორ დააკმაყოფილოს, ასევე უარი უთხრას განმცხადებელს წევრად მიღებაზე. უარის დასაბუთება სავალდებულო არ არის;

8) კლუბის წევრს უფლება აქვს ნებისმიერ დროს გავიდეს წევრობიდან გამგეობის წინაშე გაკეთებული განცხადების საფუძველზე;

9) კლუბის წევრის კლუბიდან გარიცხვა ხდება – კლუბის წესების, მიღების პირობების და წესდების დაუცველობის შემთხვევაში, ასევე კანონდარღვევის აღმოჩენისა და ნებისმიერი ისეთი საქმიანობის შემთხვევაში, რომელიც კლუბის მიზნებს და პრესტიჟს საფრთხეს უქმნის;

10) კლუბის უმაღლესი მმართველი ორგანოა წევრთა კრება;

11) კლუბის აღმასრულებელი ორგანოა კლუბის გამგეობა;

12) ნებისმიერ წევრს უფლება აქვს არჩეულ იქნას ან აირჩიოს გამგეობის წევრი;

13) კლუბის წევრს უფლება აქვს მიიღოს მონაწილეობა ერთობლივ ღონისძიებებში, რომელიც კლუბის სახელით იქნება მოწყობილი;

14) კლუბის წევრს შეუძლია ისარგებლოს ფასდაკლებებით, რომელიც კლუბისთვის არის დაწესებული;

15) კლუბის წევრის მიერ წევრობისთვის შესატანი საწევრო არის თვეში 10 ლარი, ეს თანხა ხმარდება კლუბის განვითარებას, რეკლამირებას, საკლუბო ატრიბუტიკის დამზადებას, ნადირობის კულტურის განვითარებას, სანადირო მეძაღლეობის ხელშეწყობას, ფორუმისა და ვებ გვერდის განვითარებას და ა.შ;

16) კლუბის ლიკვიდაციის შემთხვევაში მისი ქონება გადაეცემა ერთ ან რამდენიმე არაკომერციულ – მსგავსი მიზნების მქონე იურიდიულ პირს, რომლის შესახებაც გადაწყვეტილებას იღებს ლიკვიდაციის შესახებ გადაწყვეტილების მიმღები ორგანო;

17) კლუბის წევრობისათვის აუცილებელია, რომ კლუბის წევრობის კანდიდატი დადიოდეს კლუბის მიერ მოწყობილ თევზაობებზე, ნადირობებზე და სხვა ღონისძიებებზე. უნდა გააცნოს კლუბის წევრებს თავი. უნდა ეთანხმებოდეს კლუბში მიღების წესებს, კლუბის მიზნებს და წესდებას;

18) კლუბის წევრთა კრება უფლებამოსილია წევრთა 2/3-ის შეკრების შემთხვევაში;

19) კლუბის წევრთა კრებაზე გადაწყვეტილების მიღება ხდება კრების მონაწილეთა ხმების უმრავლესობით (50%+1);

20) კლუბის მმართველი ორგანო აირჩევა 1 წლის ვადით;

21) კლუბის წევრს გადაეცემა წევრობის დამადასტურებელი მოწმობა და მაღალი ხილვადობის კები კლუბის სიმბოლიკით;





1. კლუბის ძირითად მიზანს წარმოადგენს დაიცვას და გაუფრთხილდეს ბუნებას. გააუმჯობესოს ფაუნის წარმომადგენელთა არსებობის პირობები მეცნიერულად დადასტურებული მეთოდებით, კერძოდ სანადირო აღკვეთილების შექმნის გზით.

2. მიზნის მისაღწევად კლუბი იხელმძღვანელებს საქართველოში მოქმედი კანონმდებლობით და არსებული წესდებით შემდეგი ამოცანების გადასაჭრელად:

ა) ჩაატაროს საგანმანათლებლო სამუშაოები ბუნების დაცვის მიზნით;

ბ) კლუბის წევრებისათვის მოამზადოს ღონისძიებები ერთობლივი ნადირობის და თევზაობის მიმართულებით საქართვერლოში მოქმედი კანონმდებლობის შესაბამისად;

გ) ხელი შეუწყოს კლუბის წევრებში და გარეთ სპორტული ნადირობის და თევზაობის პროპაგანდას;

დ) ითანამშრომლოს აქტიურად მონადირე ძაღლების კლუბთან და კლუბთან ერთად აქტიურად მიიღოს მონაწილეობა მონადირე ძაღლების მოშენებასა, გამოფენებსა თუ სხვა ღონისძიებებში;

ე) მოამზადოს ტრენინგები და სემინარები სანადირო მეურნეობების მენეჯმენტის მიმართულებით, ხელი შეუწყოს ჯანმრთელი ცხოვრების წესის პროპაგანდას;

ვ) ითანამშრომლოს უცხოურ დონორ ორგანიზაციებთან გადაშენების პირას მყოფი ნადირი ფრინველის მოშენებასას და დაცვის მიმართულებით;

ზ) ხელი შეუწყოს სახელმწიფო დაცვის ორგანოებს ბრაკონიერებთან ბრძოლაში.

- ასევე ეწევა სხვა საქმიანობას, რაც არ არის აკრძალული მოქმედი კანონმდებლობით!

კლუბის ყველა წევრი სარგებლობს, ააიპ "საქართველოს მონადირეთა და მეთევზეთა კლუბი - "ოჩოპინტრე"-ს წევრის ყველა პრიორიტეტით!


განაცხადი: გადმოწერა: http://forum.ochopintre.ge/sound/Ocho_A4_Col.rar



ანკეტებთან ერთად აუცილებელია, კლუბში მისაღები განმცხადებლის საპასპორტო სურათის ციფრული (ელეკტრონული) ვერსია, მინიმალური გარჩევადობით 640X480 რომელიც უნდა გამოაგზავნოთ ელ. მისამართზე: Davitus[@]msn.com

კლუბის წევრობის მსურველებმა დაპოსტეთ ამ თემაში!

სხვა, თემასთან შეუსაბამო პოსტები, წაიშლება!!!

[Davitus]

ტაკს... მემგონი გაფრთხილებების სისტემა აღარ არის ეფექტურ აქტუალური, პირდაპირ ბანების სისტემაზე ხომ არ გადავსულიყავით

[ჩელე]

Deutschland

რიავიცი საბურთალოზე ვმუშაობ ნუცუბიძის დასაწყისში დიდ სილქნეტის ოფისში ხოდა აქეთ არს ვინმე?

ჰოდა მომიმატე ინტერნეტზე სიჩქარე და მე გამოგართმევ მაგ განაცხადს.....

Davitus

ტაკს... მემგონი გაფრთხილებების სისტემა აღარ არის ეფექტურ აქტუალური, პირდაპირ ბანების სისტემაზე ხომ არ გადავსულიყავით

მერე რას ელოდები?

[Deutschland]

ჩელე

რაც შემეძლება ჩემ ხელთ , ვიზამ უბრალოდ სახლის ნომერი დამიპიემე და ვნახავ ხვალე რა შეიძლება გაკეთდეს

მაპატიეთ ოფებისთვის...

[ლაშა თევზაძე]

დიდი ხანია მინდოდა სურვილი გამომეთქვა კლუბის წევრობაზე, მაგრამ ჯერ ხალხს არ ვიცნობდი, მერე კიდე იმიტომ ვიკავებდი თავს რომ ფეხზე ვერ დავდიოდი და აი დღეს მინდორშიც გავედი და გავიგე, რომ თურმე კოჭლებსაც იღებთ კლუბში ესეც ჩემი სურვილი კლუბის წევრობაზე

[საბო]

Fishman

შენ იყავი კარგად და ...........
გინდა იყოს კოჭლიიი, გინდა ბრუციანიიიი......... უჰ ბოდიში, რამ ამამღერა კაცუუუუუუუუუ..............
მთავარია გული გქონდეს მთელი და სხვა არ არის პრობლემა.

[ზახარა]

Fishman
+1

[T A M P L I E R]

+1Fishman

[Davitus]

ლაშას +1 ები არ ჭირდება, სურვილი თუ ექნება რეკომენდატორებიც კი ზედემტია

ერთი კითხვა მაქვს უბრალოდ და PM მოიწერე


რას მოელი კლუბისგან?

[კალვერა]

უხ დავითუს რა ხარ შენ

[ლაშა თევზაძე]

დიდი მადლობა ყველას ასეთი ნდობისთვის

დავითუს მოგწერე PM-ში

[ბესო]

კლუბის წევრობის ყველა მსურველი, ვინც აკმაყოფილებს კლუბის წევრობისათვის დაყენებულ აუცილებელ მოთხოვნებს და ვისაც ყავს რეკომენდატორების შესაბამისი რაოდენობა - დაფიქსირდნენ ამ თემაში. დამატებით ინსტრუქციებს მიიღებთ აქვე!

[ლაშა თევზაძე]

სიის სახით?

1) Fishman;
2)

[ბესო]

სიის სახით?

1) Fishman;
2)

ზუსტად ამ სახით. 8 კაცის სია არსებობს და ან ვინმე ხომ არ გამოგვრჩა ან ვინმე ზედმეტად ხომ არ ჩავსვით

[ალთაზარ]

1) Fishman
2) ალთაზარ
3)Deutschland
4)შოთა.03
5)ლევანი
6)samo
7)Jei

პ.ს სამწუხაროდ მე არ ვიქნები თბილისში , აგარაკზე მივდივარ 2 კვირით "ბაზალეთზე" , ანუ "დამატებით ინსტრუქციებს მიიღებთ აქვე!" ამას გამოვტოვებ? გადავქექე ბოლო 12 გვერდი 8 კაცი ვერ ვიპოვე

[ბესო]

1) Fishman
2) ალთაზარ
3)Deutschland
4)შოთა.03
5)ლევანი
6)samo
7)Jei

პ.ს სამწუხაროდ მე არ ვიქნები თბილისში , აგარაკზე მივდივარ 2 კვირით "ბაზალეთზე" , ანუ "დამატებით ინსტრუქციებს მიიღებთ აქვე!" ამას გამოვტოვებ? გადავქექე ბოლო 12 გვერდი 8 კაცი ვერ ვიპოვე

როდის მიდიხარ?


რომ დავაზუსტო 10 კაცის სია არსებობს რაღაც დაზუსტებები მიმდინარეობს!