,,ოჩოპინტრე"-ს პირველი შიდა საკლუბო საველე გამოცდა-დათვალიერება პარამეტრები

[ზაზა]

საქართველოს მონადირეთა და მეთევზეთა კლუბ ,,ოჩოპინტრე"-ს ორგანიზებით 2013 წლის 15 ივნისს ჩატარდა მეძებარ ძაღლებს შორის პირველი შიდა საკლუბო საველე გამოცდა-დათვალიერება სახელწოდებით ,,დმანისი-2013", რომელშიც დებულების შესაბამისად მონაწილეობის მიღება შეეძლოთ მხოლოდ კლუბის წევრებს მათი ოთხფეხა მეძებრებით. სავალდებულო პირობა, ასევე დებულების შესაბამისად მდგომარეობდა იმაში, რომ მეძებარი დარეგისტრირებული ყოფილიყო სანადირო მეძაღლეობისა და ძაღლით ნადირობის მოყვარულთა საზოგადოებაში, ჰქონოდა ექსტერიერის შეფასება არანაკლებ ,,კარგი" და ამავე დროს, უსაფრთხოების მიზნით, ორგანიზატორების მოთხოვნის შესაბამისად, ყოველ მონაწილეს უნდა წარედგინა ვეტერინარული საბუთი ძაღლის ჯანმრთელობის მდგომარეობის შესახებ (აცრები, ცოფის აცრა და ა.შ.).

საველე გამოცდამდე კლუბის წევრებმა (გენერალი, ილარიონა, ზაზა, ირაკლი, Fishman, gagrinski) რამოდენიმეჯერ ადგილზე (დმანისის რაიონში)დაათვალიერეს საველესთვის აუცილებელი რელიეფის და ფართობის მინდვრები, რაშიც დაგვეხმარა ადგილობრივი პიროვნება, gagrinskis სიძე პაატა ადუაშვილი (დიდი მადლობა გვერდში დგომისთვის), რის შემდეგაც შეირჩა მინდორი და კლუბის გამგეობის გადაწყვეტილებით გადაწყდა აღნიშნული ღონისძიების გამართვა, რომლის ჩატარების ერთ-ერთი უმთავრესი მიზანი გახლდათ ანტიბრაკონიერული აქცია, უარი ე.წ. ,,მანოკებს" - ელექტრონულ მოსახმობ საშუალებებს და მეძებარი ძაღლით სწორი ნადირობის პოპულარიაზაცია.

საველეს ჩატარებაში როგორც ყოველთვის გვერდში დაგვიდგა სანადირო მეძაღლეობისა და ძაღლით ნადირობის მოყვარულთა საზოგადოება და სეტერ კლუბი, რისთვისაც დიდი მადლობა მინდა გადავუხადო ბატონებს დავით ცხვედიანს, გიორგი ადიკაშვილს, ნოდარ როსტიაშვილს, გიორგი მამულაძეს,ასევე ვანო დონჯაშვილს (რომელიც ავადმყოფობის გამო სამწუხაროდ ვერ წამოვიდა).

წელიწადის ამ დროს თბილისთან ახლოს მწყერი ბუდეზეა, მისი შეწუხება მიუღებელია, დმანისი კი მაღალი რეგიონია და საველემდე იქ რამოდენიმე ასვლამ დაგვარწმუნა, რომ მეძებრის გამოსაცდელად ნორმალური პირობები იქნებოდა.

12 ივნისს ჩავატარეთ კენჭისყრა, საველეს მინდვრები დავყავით პირობით A და B სექტორებად, წილისყრა ჩატარდა ასევე იმის შესახებ, თუ ექსპერტების რომელი კომისია რომელ სექტორში გამოცდიდა მეძებრებს.

15 ივნისს ღამის დაახლოებით 2 საათიდან მონაწილეებმა და გულშემატკივრებმა დავიწყეთ შეკრება ორთაჭალაში ყოფილ ციხეებთან: იგორი, დათუნა, ბონე, ზურა, ჭალიმგელა, ჩავლე, თაზო, ირაკლი, Jager-man,გენერალი,კალვერა, Fishman,ჩიკა,ნიკა, ზაზა, ასევე ექსპერტები: დ. ცხვედიანი,გ. ადიკაშვილი,ნ. როსტიაშვილი,სტაჟიორ-ექსპერტი გ. მამულაძე. გადავნაწილდით მანქანებში და დაახლოებით 4-ის ნახევარზე 5 ეკიპაჟით გავემართეთ დმანისის მიმართულებით.

ადგილზე დაგვხდა იდეალური საველე პირობები, ნიავი, ნამი მინდორში, რაც მთავარია სიგრილე.





დაახლოებით 05:30 საათზე მონაწილეები და ექსპერტები გადანაწილდნენ წინასწარ განსაზღვრულ მინდვრებში. სექტორების მიხედვით საინტერესო მომენტების ფოტოზე დაფიქსირებისა და რიგით მომდევნო მონაწილის დროული გაფრთხილების მისია იტვირთეს: A სექტორი - კალვერა, Jager-man, B სექტორი - გენერალი, თაზო. მათ ბრწყინვალედ გაართვეს თავი, თავადაც მიიღეს საკმაო გამოცდილება და ღონისძიების მაღალ ხარისხზე უდიდესი გავლენა მოახდინეს. არც ერთი წუთი არ დაკარგულა, ყოველი მომდევნო მონაწილე მინდორში იყო წინა გამომსვლელის ქულების დაჯამებისთანავე. ამას ძალიან დიდი მნიშვნელობა აქვს, რადგან ამ პერიოდში უკვე 8 საათისთვის საკმაოდ ცხელა და მეძებრისთვის რთულია თავისი საველე თვისებების სრულად წარმოჩენა.

ობიექტური მიზეზების გამო რამოდენიმე მონაწილე დაგვაკლდა, ბაბუს კურცჰაარმა ფეხი იტკინა, მავერიკი სასწრაფო საქმეზე დასავლეთში გაემგზავრა, ნუკრიმ და გიზოვიჩმაც სამსახურების გამო ვერ მოახერხეს ჩამოსვლა.
სულ 11 მეძებარი გამოიცადა.
A სექტორში: ახალგაზრდა ინგლისური სეტერები დაფნი (გაგრინსკი), გუფი (ჭალიმგელა), დენდი (იგორი), რიჩი (Fishman), ასევე ახალგაზრდა პოინტერები მაქსიმუსი (ზაზა) და შერონ (ნიკა).






Jager_man-ი მომავალ ჩემპიონთან












ექსპერტები

















B სექტორში: გამოცდილი პოინტერი ჯილდა (ბონე), ახალგაზრდა პოინტერი ვიტო (დათუნა), კურცჰაარი ბერტა (ჩიკა), შოტლანდიური სეტერი პერი (ზურა), ცნობილი პოინტერი მაქსი (ირაკლი).



როგორც საველეს დასრულების შემდეგ ექსპერტებმა აღნიშნეს, თითოეულმა მეძებარმა აჩვენა ჯიშისთვის დამახასიათებელი ღირსებები, თუმცა გამოუცდელობამ, სიფიცხემ (უმრავლესობა გაეკიდა) და სხვა მიზეზებმა გავლენა იქონიეს საბოლოო შეფასებაში.
ამ ღონისძიების ჩატარების მიზეზი ზემოთაც აღვნიშნე. მხარდასაჭერად მონადირეები მობრძანდნენ ბოლნისის და დმანისის რაიონებიდან. სტუმრები გვყავდნენ ტელევიზიებიდან და გარემოს დაცვის სამინისტროდან. ერთად განვიხილეთ სწორი სამონადირეო საქმიანობის, ძაღლით ნადირობის კულტურის ძველი და ახალი მიმართულებები. ძალიან საინტერესო დიალოგი შედგა.
ეს ღონისძიება არ ატარებდა შეჯიბრების ხასიათს, თუმცა უნდა აღინიშნოს, რომ პირველი შიდა საკლუბო საველეს აშკარად გამორჩეული ძაღლი გახდა ბონეს (ნიკა ელერჯიას) ძუ პოინტერი ჯილდა, რომელმაც მე-3 ხარისხის დიპლომი დაიმსახურა. მათ დიპლომი და პრიზი გადასცა გარემოს დაცვის მინისტრის მოადგილემ.
ექსპერტების გადაწყვეტილებით პრიზები გადაეცათ ასევე პერსპექტიულ ახალგაზრდა ძაღლებს: ხვად ინგლისურ სეტერ გუფის (ჭალიმგელა) და ხვად პოინტერს მაქსიმუსი (ზაზა).

ამ საველე-დათვალიერებამ დარწმუნებული ვარ დადებითი როლი უნდა ითამაშოს ჩვენზე, როგორც მგეშავებზე, გამოცდილი ექსპერტების რჩევები, მათი დახასიათებები უდიდესი გამოცდილებაა თითოეული ჩვენთაგანისათვის.










































































































free upload

ახლა კი განსაკუთრებით მინდა აღვნიშნო და დიდი მადლობა გადავუხადო ბატონ პაატა ადუაშვილს და მის მეგობრებს, რომლებმაც ტრადიციული ქართული სუფრა გაგვიშალეს ულამაზეს მაშავერას ხეობაში. სურათებს დავდებ და თავადაც დარწმუნდებით.

დიდი მადლობა ilarionas, რომელსაც თავად არ ყავს ამ ეტაპზე საბუთიანი ძაღლი, მაგრამ ამას ხელი არ შეუშლია მისთვის, უდიდესი მონდომებით ჩართულიყო ამ საქმეში. თავად ამ დღეს ვერ მოახერხა ჩამოსვლა, იმ დილით ჩამოფრინდა თბილისში.
გაგრინსკიზე რა ვთქვა, ყველაფერი ნათლად ჩანს, დავით გაიხარე.შენ რომ არა , არ ვიცი. ხომ იცი, არ მოგასვენებ.
დავითუსამ ძალიან ლამაზი დიპლომები დაამზადა. მადლობა.
თაზო, გაიხარე, სამწვადე იყო, მშვენიალური
მადლობა ზურას და Jager_man-ს საუკეთესო ქართული ღვინოსთვის.


დიდი მადლობა კლუბის გამგეობას და თავმჯდომარეს, თითოეული კლუბის წევრს, ექსპერტებს, სტუმრებს, გულშემატკივრებს.
კლუბი ,,ოჩოპინტრე" მომავალშიც აქტიურად გააგრძელებს ასეთი სახის ღონისძიებების ჩატარებას და არასოდეს შეურიგდება ბრაკონიერობას, უწესო, მეხორცე ნადირობას.

დიდ მადლობას ვუხდით სპონსორობის გაწევისათვის ქართული ლუდის კომპანიას, კერძოდ საჩუქარად ხევსურული ლუდისა და ენერგეტიკული ვაილდერის გადმოცემისათვის.

ეს კი ულამაზესი ადგილი, სადაც ქართული სუფრა გაშალეს მასპინძლებმა. სუფრაზე ოჩოპინტრეს წესის შესაბამისად კლუბის წევრობა მივულოცეთ ზურას.

[მამუკა]

ყოჩაღ, მართლა კარგი ღონისძიება გამოგსვლიათ, ძალიან მიხარია ჩვენი კლუბის წარმატებები, მართალია გარკვეული პრობლემების გამო ისე ჩართული ვერ ვარ კლუბის საქმიანობაში, მაგრამ სულითა და გულით თქვენთანა ვარ. ზაზას და ყველა ორგანიზატორს მადლობა ამ ღონისძიების კარგად ორგანიზებისათვის, აგრეთვე ყველა კლუბის წევრს ვინც მიიღო და გარკვეული მიზეზების გამო ვერ მიიღო ამ ღონისძიებაში მონაწილეობა, ვულოცავ კლუბის კიდევ ერთ წარმატებას. ახალ წევრს ვულოცავ ჩვენს კლუბში შემოსვლას.
გაიხარეთ, ყველანი მიყვარხართ.

[საბო]

მიხარია ყველაფერმა კარგად რომ ჩაიარა.
გული მწყდება თქვენტან ერთად რომ ვერ ვიყავი. ეხ სამსახურ, სამსახურ............

[baroni]

კარგი ფოტოებია მალადეც, მალადეც

[kajuberi]

ჯიგაროები ხართ.მაგარიააა.ულოცავ გამარჯვებულებს.

[გიზოვიჩი]

ძალიან მაგარი ღონისძიება გამოვიდა, მე სულით და გულით მანდ ვიყავი,
ბიჭებმა თავშივე აღნიშნეს რომ გარკვეული წესს-ჩვეულებებს გაეწია პროპაგანდაო,
მე ერთს დავამატებ რომ ჩემი აზრით თითოეულ ახალბედა მონაწილეს გარკვეული
მოტივაცია გაუჩნდება სამომავლოდ თავისი ოთხფეხა მეგობრის უკეთ წარმოჩენისთვის
ანუ უკეთ მოამზადებს ძაღლს ამდაგვარი და უფრო სერიოზული შეჯიბრებებზე მონაწილეობისათვის,
ორგანიზატორებს დიდი მადლობები და ყველა პრიზიორს ჩემგან მილოცვები,
ბონეს განსაკუთრებიტ ვულოცავ საკმაოდ ძლიერ მეტოქეებს აჯობა, ახალგაზრდა
მეძებრებზე ეხლა წავიკითხე და კაკას და ჭალიმგელას ვულოცავ ...

[hunter88]

მართლაც კარგ საქმეს ჩაეყარა საფუძველი გილოცავთ ბიჭებო წარმატებები !!! ( ძირს ბრაკონიერები და ბრაკონიერობა )

სურათები, რეპორტი, ყველაპერი მაგრათ მომეწონა... ვულოცავ ასევე ბონეს და მის გოგოს!! პოინტერების წარმატება არ მიწყინოთ სხვა ჯიშის წარმომადგენლებმა და ორმაგად მიხარია......

[კალვერა]

ზაზა,ყველა სურათი მოგცა ზურამ?ვიდეოები არ იყო?

[@bazierashvili@]

მე პირველ რიგში გილოცავთ სამინისტროსგან წინ გადადგმულ ნაბიჯს,ბრაკონიერობის წინააღმდეგ, ჯერჯერობით ფორუმიდან გიჭერთ მხარს, მალე კლუბში შEმოგიერთდებით და ერთად მივხედოთ ბრაკონიერებს

[achiko-l]

gagrinski

ხო კიდევ ეს უკვე მდევრით მონადირეებს გაახარებს-როგორც მინისტრის მოადგილემ ვახტანგ მჭედლიშვილმა გვითხრა, აუცილებლად შეიცვლება პოლიტიკა ამ საკითხთან დაკავშირებით და ალბათ უკვე ოქტომბრიდა უკვე ყოველგვარი შეზღუდვების გარეშე შეგვეძლება დავტკბეთ ამ მშვენიერი მონადირე ძაღლების მუსიკით.

რა იგულისხმება ამაში?ტურა-მელაზე დაიშვება ნადირობის ნებართვა თუ?..........მუსიკას მანამდეც ვუსმენდით,მარა არ გვაძლევდნენ ნადირობის უფლებას.
იქნებ რაც იცი დეტალურად გაგვიზიარო,ძაან გვაინტერესებს ეს თემა გონჩატნიკებს. წინასწარ მადლობა,გაიხარე

ხო მართლა,კინაღამ დამავიწყდა.გმადლობთ ასეთი კარგი ღონისძიების ჩატარებისთვის.

[gagrinski]

ახლა მზადდება მაგასთან დაკავშირებით დადგენილება, მოხდება სავარაუდოდ ყველა რეგიონში მონადირეთა საზოგადოებების ჩამოყალიბება-შესაბამისად მასში აუცილებლად იქნება გამოცდილი ეგერი რომელსაც ზედმეტი ჩიპები და სათვალთვალო კამერები არ სჭირდება რომ ტყეში მგლის და სხვა ცხოველების რაოდენობა საშუალოდ დაითვალოს. როგორც ბატონმა ვახტანგმა აღნიშნა, აუცილებლად მოხდება ნადირზე ნადირობის დაშვება ოღონდ გონივრულ ფარგლებში. შესაძლოა პირველ ეტაპზე მხოლოდ ტურა-მელა მგელი იყოს, შემდეგ კი ნელ-ნელა სხვა სახეობებზეც. თუმცა როგორც თვითონ აღნიშნა ეს იმას არ ნიშნავს რომ დილა სარამოს სდიო და მოსპო ყველაფერი იმიტომ რომ ძალიან მკაცრად გაკონტროლდება. თვითონ მონადირეთა საზოგადოებებიც იქნება მკაცრი კონტროლის ქვეშ რადგან გვახსოვს ჯერ კიდევ მონკავშირის პერიოდიდან ძალიან ცუდი მაგალითები და ჩისტა ქართული ხასიათის ამბავი-ახლობელი ჩამომივიდა და უნდა ვანადირო. როგორც გადამფრენ ფრინველებზე ისე რარაც სახეობების ცხოველებზე იქნება ლიცენზიები რეგიონების მიხედვით. ესაა ინფორმაცია რომელიც ამ დროისთვის ვიცი და რაზეც მუშაობენ. დაველოდოთ და ვნახოთ რა გამოვა.

პირველი რიტაც დმანისში ლაპარაკი დავიწყეთ მანოკების მერე იყო ის რომ ენთუზიასტები რომ არ არსებობდნენ თქო მდევრები საქართველოში არ გვეყოლება თქო. თვითონ ბატონი ვახტანგი მონადირეა და იცის კარგად პრობლემა რაშიცაა.

[Bone]

[kupra]

მალაცი რებიატა

[gagrinski]

ხო ისე საწყენად არ ვამბობ მაგრამ მდევრით მონადირეებმაც უნდა იაქტიუროთ. ერთ წინადადებას გთავაზობთ მომაზადეთ ერთობლივად წერილი სადაც ჩამოყალიბებული იქნება თქვენი მოსაზრება ამ საკითხთან დაკავშირებით, თქვენი იდეები. მომაწოდეთ და გადავუგზავნი გარემოს დაცვას. მარტო აქ წერით არაფერი გამოვა. თქვენი ძალიან დიდი გულშემატკივარი ვარ მაგრამ თუ არ შეუჩხიკინე და არავინ გაიგო რა გაწუხებს ზედმეტად თავს არ შეიწუხებს.

[ზახარა]

მდევრით მონადირეებმაც უნდა იაქტიუროთ. ერთ წინადადებას გთავაზობთ მომაზადეთ ერთობლივად წერილი სადაც ჩამოყალიბებული იქნება თქვენი მოსაზრება ამ საკითხთან დაკავშირებით, თქვენი იდეები.

[Akop]

დიდი მადლობა კლუბის გამგეობას და თავმჯდომარეს, თითოეული კლუბის წევრს, ექსპერტებს, სტუმრებს, გულშემატკივრებს.
კლუბი ,,ოჩოპინტრე" მომავალშიც აქტიურად გააგრძელებს ასეთი სახის ღონისძიებების ჩატარებას და არასოდეს შეურიგდება ბრაკონიერობას, უწესო, მეხორცე ნადირობას.

Присоеденяюсь...!!! МОЛОДЦЫ....!!! Я ооочень рад, за ваши продвижения. Я горжусь каждым, из вас... С уважением, Акоп Казарян.