მონადირეთა და მეთევზეთა კლუბი - ოჩოპინტრეს წევრობა! პარამეტრები

[ბესო]

მონადირეთა და მეთევზეთა კლუბი "ოჩოპინტრე"-ს წევრობის მსურველთა საყურადღებოდ!

1) სახელწოდება: არაკომერციული (არასამეწარმეო) იურიდიული პირი “საქართველოს მონადირეთა და მეთევზეთა კლუბი “ოჩოპინტრე”

2) ააიპ “საქართველოს მონადირეთა და მეთევზეთა კლუბი “ოჩოპინტრე”-ს წევრი შეიძლება იყოს:
3) საქართველოსა და უცხოეთის სახელმწიფო მოქალაქე, ფიზიკური პირი;

4) საქართველოს რეზიდენტი ან არარეზიდენტი იურიდიული პირი. იურიდიულ პირს “საქართველოს მონადირეთა და მეთევზეთა კლუბი “ოჩოპინტრე”-ში წარმოადგენს “საქართველოს მონადირეთა და მეთევზეთა კლუბი “ოჩოპინტრე”-ს წევრი იურიდიული პირის უფლებამოსილი წარმომადგენელი;

5) კლუბის წევრად მსურველის მიღება ხდება წერილობითი განცხადების საფუძველზე, რომელსაც 2 რეკომენდატორის თანხმობა ახლავს;

6) კლუბის წევრად მიღების შემდეგ წევრი ავსებს სპეციალურ ანკეტას, რომლის მიხედვითაც წევრს გადაეცემა კლუბის წევრის მოწმობა!

7) კლუბის წევრად მიღების შესახებ განცხადებას განიხილავს კლუბის გამგეობა. გამგეობას უფლება აქვს როგორ დააკმაყოფილოს, ასევე უარი უთხრას განმცხადებელს წევრად მიღებაზე. უარის დასაბუთება სავალდებულო არ არის;

8) კლუბის წევრს უფლება აქვს ნებისმიერ დროს გავიდეს წევრობიდან გამგეობის წინაშე გაკეთებული განცხადების საფუძველზე;

9) კლუბის წევრის კლუბიდან გარიცხვა ხდება – კლუბის წესების, მიღების პირობების და წესდების დაუცველობის შემთხვევაში, ასევე კანონდარღვევის აღმოჩენისა და ნებისმიერი ისეთი საქმიანობის შემთხვევაში, რომელიც კლუბის მიზნებს და პრესტიჟს საფრთხეს უქმნის;

10) კლუბის უმაღლესი მმართველი ორგანოა წევრთა კრება;

11) კლუბის აღმასრულებელი ორგანოა კლუბის გამგეობა;

12) ნებისმიერ წევრს უფლება აქვს არჩეულ იქნას ან აირჩიოს გამგეობის წევრი;

13) კლუბის წევრს უფლება აქვს მიიღოს მონაწილეობა ერთობლივ ღონისძიებებში, რომელიც კლუბის სახელით იქნება მოწყობილი;

14) კლუბის წევრს შეუძლია ისარგებლოს ფასდაკლებებით, რომელიც კლუბისთვის არის დაწესებული;

15) კლუბის წევრის მიერ წევრობისთვის შესატანი საწევრო არის თვეში 10 ლარი, ეს თანხა ხმარდება კლუბის განვითარებას, რეკლამირებას, საკლუბო ატრიბუტიკის დამზადებას, ნადირობის კულტურის განვითარებას, სანადირო მეძაღლეობის ხელშეწყობას, ფორუმისა და ვებ გვერდის განვითარებას და ა.შ;

16) კლუბის ლიკვიდაციის შემთხვევაში მისი ქონება გადაეცემა ერთ ან რამდენიმე არაკომერციულ – მსგავსი მიზნების მქონე იურიდიულ პირს, რომლის შესახებაც გადაწყვეტილებას იღებს ლიკვიდაციის შესახებ გადაწყვეტილების მიმღები ორგანო;

17) კლუბის წევრობისათვის აუცილებელია, რომ კლუბის წევრობის კანდიდატი დადიოდეს კლუბის მიერ მოწყობილ თევზაობებზე, ნადირობებზე და სხვა ღონისძიებებზე. უნდა გააცნოს კლუბის წევრებს თავი. უნდა ეთანხმებოდეს კლუბში მიღების წესებს, კლუბის მიზნებს და წესდებას;

18) კლუბის წევრთა კრება უფლებამოსილია წევრთა 2/3-ის შეკრების შემთხვევაში;

19) კლუბის წევრთა კრებაზე გადაწყვეტილების მიღება ხდება კრების მონაწილეთა ხმების უმრავლესობით (50%+1);

20) კლუბის მმართველი ორგანო აირჩევა 1 წლის ვადით;

21) კლუბის წევრს გადაეცემა წევრობის დამადასტურებელი მოწმობა და მაღალი ხილვადობის კები კლუბის სიმბოლიკით;





1. კლუბის ძირითად მიზანს წარმოადგენს დაიცვას და გაუფრთხილდეს ბუნებას. გააუმჯობესოს ფაუნის წარმომადგენელთა არსებობის პირობები მეცნიერულად დადასტურებული მეთოდებით, კერძოდ სანადირო აღკვეთილების შექმნის გზით.

2. მიზნის მისაღწევად კლუბი იხელმძღვანელებს საქართველოში მოქმედი კანონმდებლობით და არსებული წესდებით შემდეგი ამოცანების გადასაჭრელად:

ა) ჩაატაროს საგანმანათლებლო სამუშაოები ბუნების დაცვის მიზნით;

ბ) კლუბის წევრებისათვის მოამზადოს ღონისძიებები ერთობლივი ნადირობის და თევზაობის მიმართულებით საქართვერლოში მოქმედი კანონმდებლობის შესაბამისად;

გ) ხელი შეუწყოს კლუბის წევრებში და გარეთ სპორტული ნადირობის და თევზაობის პროპაგანდას;

დ) ითანამშრომლოს აქტიურად მონადირე ძაღლების კლუბთან და კლუბთან ერთად აქტიურად მიიღოს მონაწილეობა მონადირე ძაღლების მოშენებასა, გამოფენებსა თუ სხვა ღონისძიებებში;

ე) მოამზადოს ტრენინგები და სემინარები სანადირო მეურნეობების მენეჯმენტის მიმართულებით, ხელი შეუწყოს ჯანმრთელი ცხოვრების წესის პროპაგანდას;

ვ) ითანამშრომლოს უცხოურ დონორ ორგანიზაციებთან გადაშენების პირას მყოფი ნადირი ფრინველის მოშენებასას და დაცვის მიმართულებით;

ზ) ხელი შეუწყოს სახელმწიფო დაცვის ორგანოებს ბრაკონიერებთან ბრძოლაში.

- ასევე ეწევა სხვა საქმიანობას, რაც არ არის აკრძალული მოქმედი კანონმდებლობით!

კლუბის ყველა წევრი სარგებლობს, ააიპ "საქართველოს მონადირეთა და მეთევზეთა კლუბი - "ოჩოპინტრე"-ს წევრის ყველა პრიორიტეტით!


განაცხადი: გადმოწერა: http://forum.ochopintre.ge/sound/Ocho_A4_Col.rar



ანკეტებთან ერთად აუცილებელია, კლუბში მისაღები განმცხადებლის საპასპორტო სურათის ციფრული (ელეკტრონული) ვერსია, მინიმალური გარჩევადობით 640X480 რომელიც უნდა გამოაგზავნოთ ელ. მისამართზე: Davitus[@]msn.com

კლუბის წევრობის მსურველებმა დაპოსტეთ ამ თემაში!

სხვა, თემასთან შეუსაბამო პოსტები, წაიშლება!!!

[Maverick]

F B R
120 GEL

[F B R]

F B R
120 GEL

მადლობა

[ჭალიმგელა]

F B R
თვე 10 ლარია

[DATKA]

CarPLeX
მივესალმები კიდევ ერთ მოთევზავის კლუბში გაწევრიანების სურვილს (რაც მეტი ვიქნებით მით უკეთესი თორემ არ გვაძინებენ ეს მომადირები ხმაურით )

გავიცნობთ იმედია მალე ერთმანეთს.

[Beorn]

მოგესალმებით კიდე ერთხელ! სიამოვნებით გავწევრიანდებოდი კლუბში იმედია ყველა მოთხოვნსა დავაკმაყოფილებ )

[Doc]

მე არ დამადგა საშველი რა

[ზაზა]

ყველაფერი კარგად იქნება, გაწევრიანებას აქვს თავისი პროცედურები. არ დაიკარგოთ, იაქტიურეთ

[ჩელე]

ყველამ გაითვალისწინეთ: აქტიურობაა საჭირო რომ გავიცნოთ ერთმანეთი. საერთო შეკრებებზე, თუნდაც ლოთობებზე, ძაღლების დათვალიერებაზე, თევზაობაზე სიარული. თუ არ გავიცანით ერთმანეთი, შესაბამისად პროტეჟეც არავინ გეყოლებათ.

[Doc]

თვალს ვადევნებ და რატომღაც მაინც ვმაზავ ერთობლიობას

[lavriskheveli]

გამარჯობათ ბიჭებო, მოკლედ კაი ხანია ამ ფორუმის წევრი ვარ და ძალიან დიდი ხანია ვაკვირდები და ვკითხულობ ყველა პოსტს, მე თვითონ ცოტა მოვიკოჭლებდი დაპოსტვით ( რაც ალბათ იმის ბრალია რომ არ ვიცნობ პირადად არავის) მაგრამ დღე არ გავიდოდა როარ შემოვსულიყავი და როა გადამეხედა აქაურობისთვის,ხოდა გადავწყვიტე თუ რათქმაუნდა თქვენი სურვილი და ნებაც იქნება რო გავხდე თქვენი აქტიური კლუბის წევრი, სიამოვნებით ვივლი თქვენთან ერთად შეკრებებზე, ნადირობა იქნება ეს თუ თევზაობა..საკმაიდ დიდ. გამოცდილება მაქვს ორივეში,რაც შეეხება იმ თემას რომ ჯერ უნდა გავიცნოთ ერთმანეთი და დანარჩენი მერე... აბსოლიტურად ვეთანხმები, ბატონი ზაზა ჩემი მეგობარია და მაგიტომ გადავწყვიტე დამეპოსტა სანამ ერთმანეთს გავიცნობდით....მოკლედ მთელი სულით და გულით ველი შეკრებას და კაი ხალხის გაცნობას... და რათქმაუნდა კლუბის წევრობს : )

პატივისცემით ; )

[ჭალიმგელა]

lavriskheveli
გაიხარე. კარგი განაცხადია. მოხარული ვიქნებით კარგი ხალხის ჩვენს გვერძე დგომით. მთავარია გავიცნოთ ერთმანეთი.

[ზახარა]

lavriskheveli

[lavriskheveli]

გავიცნოთ აუცილებლად... რამე გეგმები არ გაქვთ ახლო მომავალში ???

სეზონია, თევზაობა შეიძლება, ტურნირი თუარა რამე ერთობლივი გასვლა სადმე ....

ლოთობაც შეიძლება, შემიძლია ერთი კარგი ადგილი და ბუნება გაგაცნოთ, სადაც მომავალში დიდი ნადირობის დაგეგმვა შეიძლება ; )

[მარდი]

ძვირფასო ოჩოპინტრეს წევრებო ოჩოს "წევრივარ" 25-December 12-დან. ამ ხნის განმავლობაში თქვენიდან ბევრი რამ ვისწავლე არამარტო ნადირობაზე და თევზაობაზე.... ციციშვილის შემდეგ გამოფენების შემდეგ უდიდესი სურვილი გამიჩნდა ოჩოს სრულფასოვანი წევრი გავმხდარიყავი რათა თქვენიდან უფრო მეტი მესწავლა და მეტი გამეკეთებინა თქვენთან ერთად...
ვხედავ რომ ოჩო ემსახურება სწორ ნადირობას თევზაობას და ნერგავს ბუნების სიყვარულს ადამიანებში.. ყოველივე ამის გამო გადავწყვიტე მეცადა ბედი და გამეკეთებინა განაცხადი. მიგულეთ თქვენს გვერდში!!.....
პატივისცემით-სერგო თაბაგარი (მარდი)

[ჭალიმგელა]

მარდი
მოკლედ ერთმანეთზე უკეთესი შემართებით ხართ. მომწონს რომ ჯერ კარგად აანალიზებთ და მერე აკეთებ განცხადებას.

ჩემგან პირადათ ერთი რაჭული ხმა +1