შეჯიბრება "ანტ"-სა და იური კონოვალოვის "ევროპელებს" შორის! პარამეტრები

[gagrinski]

არ ვაპირებ კამათს, მე პირადად ესეთი ძაღლები მინდა მყავდეს და არა ძუნძულით მოსიარულე უსტილო სეტერი და პოინტერი.



რით ვერ ინადირებს და გასიამოვნებს საქართველოში ვერ ვხვდები







ირლანდიური ფანი

[barambo]

gagrinski

რით ვერ ინადირებს და გასიამოვნებს საქართველოში ვერ ვხვდები

კი,მინდორში ან ნამკალში თუ დაგხვდა მწყერი იცოცხლე,გასიამოვნებს თან როგორ გასიამოვნებს!!!!!!

მაგრამ აი ბოდბე - მაღაროში,ნასემიჩკარში ,ბურიანებში, მაღალ შალაფაში (სადაც 90 % გვიწევს ნადირობა) რას გასიამოვნებს,ეგ კიდევ საკითხავია.

თუ შეძლებ და მოიპოვებ,იქნებ შენ ან ვინმემვინმემ მაინც დადეთ ვიდეო ამ ძაღლებით რეალური ნადირობის და არა საველე შეჯიბრების!
დავიჯერო,თუ ამ ძაღლებით ნადირობენ,ვიდეო არავის გადაუღია?

[ზაზა]

სანამ კონოვალოვი ამ დუელში გაიყვანდა თავის ძაღლებს, თავადაც და მისი სამეგობროც დარწმუნებული იყვნენ, რომ ანტსაც და ნებისმიერ არაევროპელს შანსი არ ჰქონდა მათთან. ვიმეორებ, სანამ ეს გასვლა შედგებოდა მანამ ასე ფიქრობდნენ, ნახეთ ის ხუთასგევრდიანი თემა პოინტერზე. მაგრამ იმ დღის შემდეგ კი უცებ კონოვალოვის პოინტერები ისევ მისმა სამეგობრომ არაფრისმაქნისად ჩათვალა, რადგან კონკრეტული დამარცხების აღიარება უჭირთ. ამით მე პირადად არ მიმაჩნია, რომ ან ანტი ან სნაიპი, ან ჩემი და სხვა ,,აქაური" მეძებრები ბევრად მაღლა დგანან, პირიქით, ჩვენ სულ იმას ვამბობთ, რომ დიდი და სამონადირეო ძებნის ძაღლების სისხლები აუცილებელია სტილის, სისწრაფის შესანარჩინებლად, სელექციისთვის, არ ვაგინებთ და ვლანძღავთ, აქეთ კი არც ერთი სიტყვა არც დაწერილა და თქმულა ჩვენს ძაღლებზე დადებითი, გარდა სანაგვეზე გადასაყრელისა, ეს არ მესმის, რატომ უნდა შემიდარონ, როგორც გიგო, შენ გააკეთე კონსერვის ქილასთან ჩემი ძაღლი. საწყენია, მაგრამ რას ვიზამთ, მეგობრები ვართ...

[Bone]

ეს ვიდეო გიგა-მეგუს ხათრით

[ზაზა]

იქ შეჯიბრების ვიდეოებმა და თემამ გამახარა, მაგარი იყო, მაგრამ აქ რა ხდება ვერ გავიგე, პახმელიაზე კი ვარ, მარა გონება კი არ დამიკარგავს, რატო ხდება რომ თემას ყოველთვის ვცდებით და სადღაც მივდივართ, ახლა ამ თემაში დაწერილი ბევრი პოსტი და დადებული ვიდეოები რა კავშირშია თემის სათაურთან და დედააზრთან. ამ განყოფილებას ხომ ყავს უფროსობა, სანამ უაზრობებში გადაიზრდება, რაც უკვე დაწყებულია, მიხედეთ...

[ilariona]

როგორც ადმინისტრატორი მოგიწოდებთ მეტი პატივისცემა გამოიჩინოთ ერთმანეთის მიმართ, რომ თემა შევინარჩუნოთ.

არ მინდა დავხურო თემა, ვინაიდან სწორი დისკუსია ბევრ ახალბედას საინტერესო ინფორმაციებს შესძენს.

თხოვნით მოგმართავთ, მაქსიმალური პატივისცემა იყოს ყველას პოსტში, წინააღმდეგ შემთხვევაში თემას დავხურავ და შემდგომში წავშლი კიდეც.

[შადი შამოდი]

შადიმან ეტყობა სხვა რამეზე ვლაპარაკობთ. თუ არ ვარგიან ევროპელები რა კარგი გაველენა უნდა მოახდინინ აქაურ მონადირე ძაღლებზე ვერ ვხვდები.

რა უნდა გააუმჯობესოთ ევროპული ძაღლზე დართვით აქაურებს? სისწრაფე ? რომელის არ გჭირდებათ, თუ სტილი რომელის საერთოდ არ გაინტერესებთ(და მონადირე ძაღლს არაფერში არ ჭირდება) თუ შორს გასვლა რომელიც აქურ ნადირობის პირობებთან ჰარმონიაში ვერ მოდის. ძაან მაინტერესებს?
ჰოდა მაგ საყმაწვილო სენით მონადირე ძაღლებს უფრთხილდებით სპორტულებად არ გადაიქცნენ.
ჯიში და სტილი საერთოდ დაივწყეთ? შენი ჩამოთვლილი ძაღლებიდან რომელს ჰქონდა თუ აქვს თავისი ჯიშის შესაბამისი სტილი და ძებნის მანერა? კარგი მონადირე ძაღლი- შეფასების კრიტერიუმი როა იმიტომ გვაქვს კარგად საქმე დღეს სანადირო მეძაღლეობაში. სეტერი სეტერს არ გავს და პოინტერი პოინტერს ჩვენ კიდე ვდგავართ და ევროპელებისაკენ ვიშვერთ ხელს.
კარგად ნადირობს ყველა ძაღლი თავისი შესაძლებლობიდან გამომდინარე. მაგრამ ნადირობს განა თავის ჯიშის შესაბამისად?

რა გასაკვირია, რომ კამათი ვერ გამოდის. მით უფრო დისკუსია. სოფისტების ცნობილი ხერხია, ჯერ მცდარ წინაპირობას გამოაცხადებ უცილობელ ჭეშმარიტებად, მერე ამ თეზაზე ააგებ ლოგიკურ მსჯელობას და ბოლოს "მართებულ" დასკვნებს გამოიტან.
ნახე, რამდენი, რბილად რომ ვთქვა, უსაფუძვლო ბრალდება გაქვს ამ ერთ აბზაცში... ვინ ამბობს, როდის გვითქვია, რომ ე.წ. ევროპელები ზოგადად არ ვარგიან? აქ ევროპიდან ჩამოყვანილი, საფილდტრაილერო ძაღლების ორ კონკრეტულ შთამომავალზე იყო საუბარი, რომლებსაც პატრონი, ცნობილი ექსპერტი, მაგრამ ასევე ცნობილი ცინიკოსი და ტრაბახა კონოვალოვი თავად გეშავს.
სისწრაფე თურმე არაფერში გვჭირდება - ეს აქსიომაა. რა თქმა უნდა, აქსიომაა ისიც, რომ სტილი საერთოდ არ გვაინტერესებს. აგერ ახალგაზრდები დაარწმუნეთ უკვე, რომ ჩვენ მოძუნძულე, მიწაში ცხვირჩარგული პოინტერები და სეტერები გვირჩევნია, ასეთი ძაღლები გვყავს დღეს და ადრეც სულ ასეთები გვყავდა. აქედან კი უკვე შორი კი აღარაა კონოვალოვის რჩევამდე, აქაური ძაღლები ყველა ხეებზეა ჩამოსაკიდიო. ლოგიკას თუ გაყვები - ეგრეა.

მეორე კიდე - არასწორი ტერმინების დამკვიდრების თემა. მაგ. ამბობთ "ევროპული სანადირო ძაღლები" და გულისხმობთ საფილდტრაილერო, საშეჯიბრო ძაღლებს, რომლებიც გინდა დიდი ძებნა თქვი და გინდა სანადირო ძებნა, ევროპაში არსებული მონადირე ძაღლების 1%-საც კი არ შეადგენს. სინამდვილეში ევროპელი მონადირეების უმრავლესობას შეხება არასოდეს ქონიათ ფილდ-ტრაილერებთან და მშვენივრად გრძნობენ თავს, ნადირობენ "ჩვეულებრივი" სამომხმარებლო ძაღლებით, კაის კლავენ, კაის ჭამენ და კაის სვამენ. და მთავარი, რასაც ჯიუტად ამტკიცებთ, რომ საფილტრაილერო ძაღლებით თურმე ნუ იტყვი და მასიურად ნადირობენ მათი პატრონები, რომ მათთვისაც მთავარი პრაქტიკული ნადირობაა და არა სპორტი: ევროპის, მსოფლიოს, სამზეოს, გალაქტიკის პირველობები, ჩემპიონატები და თასები და ათიათასობით დახარჯული ევროები მხოლოდ ნადირობიდან თავისუფალ დროს აღელვებთ ხოლმე . რომ ნებისმიერი სპორტსმენი ნებისმიერ სამომხმარებლო ძაღლზე არანაკლები მომპოვებელია და ა.შ.
ჯიშთან შესაბამისობის თემაზე აღარაფერს ვიტყვი. გენოფონდის 99% ასე უპრაგონოდ სანაგვეზე გადასაყრელად რომ იმეტებთ და იმ ყბადაღებულ "საველე სტანდარტის" იდეალურად ვერსშესრულების, ოდნავ გადახვევის
შემთხვევაში, იმას კი არ ამბობთ, საფილდტრაილეროდ, საშეჯიბროდ არ გამოდგებიანო, არა - საერთოდ არა გახლავან ესენი პოინტერები და სეტერები, უჯიშო დვარნიაშკები არიანო.
ამას საყმაწვილო სენი აღარ ქვია.

[ზაზა]

ვაგრძელებ თემას: ასეთივე ჩვენც შეგვიძლია ჩავატაროთ. ახლა ყველგან მწყერია, 1 საათი მიეცეს ორ ძაღლს და ამ დროის მანძილზე ვისი მფლობელიც მეტ მწყერს ესვრის მისი ნაბულიდან ის იყოს გამარჯვებული, მიუხედავად მოკლული მწყრის რაოდენობისა, მთავარი ხომ ძაღლის მუშაობაა

[ჭაღარა]

ზაზა
მშვენიერი იქნებოდა ნამდვილად და მგონი აქაც ბევრი რამე გახდებოდა ნათელი... მოკლედ +1 მაგ აზრს

[Maverick]

+1

[gagrinski]

კიდევ ერთ ვიდეოს დავდებ შეჯიბრიდან. ბატონო თენგო მართალია შეჯიბრი ქვია მაგრამ ეს ხომ მაქსიმალურად მიახლოვებულია სანადირო პირობებთან.

[ზაზა]

მე როგორც ვიცი ჩამოყვანილი ძაღლებიდან რამოდენიმე 2 წელზე მეტისაა, დაგეშილებია და ნადირობენ, თან ძალიან მაგრად, როგორც გადმოცემით ვიცი.

დავით, ზემოთაც დავწერე და აქაც გკითხავ, ეს ვიდეო ამ თემასთან რა კავშირშია. ეს რას გვაძლევს, ვიცით მამბაც და ბევრი სხვაც, მაგარი ძაღლებია, მაგრამ მამბასნაირი საქართველოში თუ არის???

[gagrinski]

იმ კავშირშია ზაზა რომ ამ ძაღლებიტ სრულიად თავისუფლადაა შესაძლებელი ნადირობა, ამის თქმა მინდა.

საქართველოში არის თუ არა ეგ არ ცანს. ყოველ შემთხვევაში სანამ არ ჩატარდება შეჯიბრი არა 81 წლის წესებიტ ვერ ვნახავთ.

ეს ვიდეო კი ალბათ ძალიან ბევრმა იცის, მინდორშიც კარგად მუშაობს ეს ძაღლი და ტყეშიც.

[ზაზა]

თან ამ მამბას წინაპრები რიგითი საბჭოთა პოინტერებიცაა, ანუ სულ მთლად გადარეული სპორტსმენებისგან არ არის, რასაც ვიძახით ცვენც, რომ იქაურ აქაურისგან გამოდის მონადირე ძაღლებიო

[gagrinski]

ეგ ვერ გავიგე რატომ არის სპორტსმენი? ჩემთვის ეგ მონადირე ძაღლია