მონადირეთა და მეთევზეთა კლუბი - ოჩოპინტრეს წევრობა! პარამეტრები

[ბესო]

მონადირეთა და მეთევზეთა კლუბი "ოჩოპინტრე"-ს წევრობის მსურველთა საყურადღებოდ!

1) სახელწოდება: არაკომერციული (არასამეწარმეო) იურიდიული პირი “საქართველოს მონადირეთა და მეთევზეთა კლუბი “ოჩოპინტრე”

2) ააიპ “საქართველოს მონადირეთა და მეთევზეთა კლუბი “ოჩოპინტრე”-ს წევრი შეიძლება იყოს:
3) საქართველოსა და უცხოეთის სახელმწიფო მოქალაქე, ფიზიკური პირი;

4) საქართველოს რეზიდენტი ან არარეზიდენტი იურიდიული პირი. იურიდიულ პირს “საქართველოს მონადირეთა და მეთევზეთა კლუბი “ოჩოპინტრე”-ში წარმოადგენს “საქართველოს მონადირეთა და მეთევზეთა კლუბი “ოჩოპინტრე”-ს წევრი იურიდიული პირის უფლებამოსილი წარმომადგენელი;

5) კლუბის წევრად მსურველის მიღება ხდება წერილობითი განცხადების საფუძველზე, რომელსაც 2 რეკომენდატორის თანხმობა ახლავს;

6) კლუბის წევრად მიღების შემდეგ წევრი ავსებს სპეციალურ ანკეტას, რომლის მიხედვითაც წევრს გადაეცემა კლუბის წევრის მოწმობა!

7) კლუბის წევრად მიღების შესახებ განცხადებას განიხილავს კლუბის გამგეობა. გამგეობას უფლება აქვს როგორ დააკმაყოფილოს, ასევე უარი უთხრას განმცხადებელს წევრად მიღებაზე. უარის დასაბუთება სავალდებულო არ არის;

8) კლუბის წევრს უფლება აქვს ნებისმიერ დროს გავიდეს წევრობიდან გამგეობის წინაშე გაკეთებული განცხადების საფუძველზე;

9) კლუბის წევრის კლუბიდან გარიცხვა ხდება – კლუბის წესების, მიღების პირობების და წესდების დაუცველობის შემთხვევაში, ასევე კანონდარღვევის აღმოჩენისა და ნებისმიერი ისეთი საქმიანობის შემთხვევაში, რომელიც კლუბის მიზნებს და პრესტიჟს საფრთხეს უქმნის;

10) კლუბის უმაღლესი მმართველი ორგანოა წევრთა კრება;

11) კლუბის აღმასრულებელი ორგანოა კლუბის გამგეობა;

12) ნებისმიერ წევრს უფლება აქვს არჩეულ იქნას ან აირჩიოს გამგეობის წევრი;

13) კლუბის წევრს უფლება აქვს მიიღოს მონაწილეობა ერთობლივ ღონისძიებებში, რომელიც კლუბის სახელით იქნება მოწყობილი;

14) კლუბის წევრს შეუძლია ისარგებლოს ფასდაკლებებით, რომელიც კლუბისთვის არის დაწესებული;

15) კლუბის წევრის მიერ წევრობისთვის შესატანი საწევრო არის თვეში 10 ლარი, ეს თანხა ხმარდება კლუბის განვითარებას, რეკლამირებას, საკლუბო ატრიბუტიკის დამზადებას, ნადირობის კულტურის განვითარებას, სანადირო მეძაღლეობის ხელშეწყობას, ფორუმისა და ვებ გვერდის განვითარებას და ა.შ;

16) კლუბის ლიკვიდაციის შემთხვევაში მისი ქონება გადაეცემა ერთ ან რამდენიმე არაკომერციულ – მსგავსი მიზნების მქონე იურიდიულ პირს, რომლის შესახებაც გადაწყვეტილებას იღებს ლიკვიდაციის შესახებ გადაწყვეტილების მიმღები ორგანო;

17) კლუბის წევრობისათვის აუცილებელია, რომ კლუბის წევრობის კანდიდატი დადიოდეს კლუბის მიერ მოწყობილ თევზაობებზე, ნადირობებზე და სხვა ღონისძიებებზე. უნდა გააცნოს კლუბის წევრებს თავი. უნდა ეთანხმებოდეს კლუბში მიღების წესებს, კლუბის მიზნებს და წესდებას;

18) კლუბის წევრთა კრება უფლებამოსილია წევრთა 2/3-ის შეკრების შემთხვევაში;

19) კლუბის წევრთა კრებაზე გადაწყვეტილების მიღება ხდება კრების მონაწილეთა ხმების უმრავლესობით (50%+1);

20) კლუბის მმართველი ორგანო აირჩევა 1 წლის ვადით;

21) კლუბის წევრს გადაეცემა წევრობის დამადასტურებელი მოწმობა და მაღალი ხილვადობის კები კლუბის სიმბოლიკით;





1. კლუბის ძირითად მიზანს წარმოადგენს დაიცვას და გაუფრთხილდეს ბუნებას. გააუმჯობესოს ფაუნის წარმომადგენელთა არსებობის პირობები მეცნიერულად დადასტურებული მეთოდებით, კერძოდ სანადირო აღკვეთილების შექმნის გზით.

2. მიზნის მისაღწევად კლუბი იხელმძღვანელებს საქართველოში მოქმედი კანონმდებლობით და არსებული წესდებით შემდეგი ამოცანების გადასაჭრელად:

ა) ჩაატაროს საგანმანათლებლო სამუშაოები ბუნების დაცვის მიზნით;

ბ) კლუბის წევრებისათვის მოამზადოს ღონისძიებები ერთობლივი ნადირობის და თევზაობის მიმართულებით საქართვერლოში მოქმედი კანონმდებლობის შესაბამისად;

გ) ხელი შეუწყოს კლუბის წევრებში და გარეთ სპორტული ნადირობის და თევზაობის პროპაგანდას;

დ) ითანამშრომლოს აქტიურად მონადირე ძაღლების კლუბთან და კლუბთან ერთად აქტიურად მიიღოს მონაწილეობა მონადირე ძაღლების მოშენებასა, გამოფენებსა თუ სხვა ღონისძიებებში;

ე) მოამზადოს ტრენინგები და სემინარები სანადირო მეურნეობების მენეჯმენტის მიმართულებით, ხელი შეუწყოს ჯანმრთელი ცხოვრების წესის პროპაგანდას;

ვ) ითანამშრომლოს უცხოურ დონორ ორგანიზაციებთან გადაშენების პირას მყოფი ნადირი ფრინველის მოშენებასას და დაცვის მიმართულებით;

ზ) ხელი შეუწყოს სახელმწიფო დაცვის ორგანოებს ბრაკონიერებთან ბრძოლაში.

- ასევე ეწევა სხვა საქმიანობას, რაც არ არის აკრძალული მოქმედი კანონმდებლობით!

კლუბის ყველა წევრი სარგებლობს, ააიპ "საქართველოს მონადირეთა და მეთევზეთა კლუბი - "ოჩოპინტრე"-ს წევრის ყველა პრიორიტეტით!


განაცხადი: გადმოწერა: http://forum.ochopintre.ge/sound/Ocho_A4_Col.rar



ანკეტებთან ერთად აუცილებელია, კლუბში მისაღები განმცხადებლის საპასპორტო სურათის ციფრული (ელეკტრონული) ვერსია, მინიმალური გარჩევადობით 640X480 რომელიც უნდა გამოაგზავნოთ ელ. მისამართზე: Davitus[@]msn.com

კლუბის წევრობის მსურველებმა დაპოსტეთ ამ თემაში!

სხვა, თემასთან შეუსაბამო პოსტები, წაიშლება!!!

[საბო]

რაც მეტი კარგი ხალხი შემოგვემატება მით უკეთესი

არა ახალგაზრდავ სცდები, ანუ ნწუ.........
მთავარი ხარისხია და არა რაოდენობა.............

[feroni]

ბიჭებო მე მინდა თუ არა მონადირე ვარ და სულით ასეთი დავიბადე, ჩემი ბაბუის ბაბუაც ასეთი იყო და სადაც მონადირეები იკრიბებიან იქ არის ჩემი ადგილიც, რომც არ მინდოდეს მაინც აქ მომიყვანს განგება, ამას ისიც მოწმობს რომ დიდი პაუზის მერე მაინც აქ დავბრუნდი
მე რაღაცას ვცდილობ, პირველ რიგში მინდა ჩემი წვლილი შევიტანო ფორუმის განვითარებაში, როგორ გამომდის ეს სულ სხვა ამბავია, მაგრამ ერთი ის ვიცი, რომ აქ ჩემსავით ბევრი გულანთებული და ბუნების მოყვარული ადამიანი ბუდობს და ჩემი ადგილიც ზუსტად აქ არის

პოსტის უკანასკნელი ჩამსწორებელია feroni: Dec 10 2013, 21:52

[Davitus]

57 პოსტი გადავიდა საჭორაოში, აქ ნუღარ გააგრძელებთ თორემ ყურუ მური არ ვიცი... ჩემის ჩათვლით!

[ჭალიმგელა]

feroni
მე პირადათ მივესალმები შენს შემოსვლას. არც საქმეს არიდებ თავს და არც პასუხისმგებლობას. გაიხარე, ჩემგან 1 ხმა ყოველთვის გექნება

[ჯეკო]

feroni
+1 ჩემგან

[გოგიტა]

feroni მეც მივესალმები, მიყვარს იხვების მტრები

[ლევან ყიასაშვილი]

feroni
1 ხმა ჩემგანაც.

[ნუკრიMax]

feroni
+1 ხმა ჩემგან....

[ilariona]

მეც ვიცნობ ამ კაცს და არა ერთი სასიამნოვნო დისკუსია გვქონია.

+1

[Davitus]

მე ახლა რომ დავწერო +1 თქო უხერხული იქნება გამგები გაიგებს

[feroni]

ყველას დიდი მადლობა ბიჭებო, თქვენს გვერდით მიგულეთ ყველა კარგ საქმეში, ზევითაც დავწერე და განვმეორდები ისევ, მთავარია საქმე ვაკეთოთ.

[ilariona]

პოსტეთ თემატურად.

თემა გაწმენდილია.

[bashiachuki]

მეც მინდა ბიჭებო ნამდვილქართველებთან თანაწევრობა ნურც თქვენ დამზოგავთ და არც მე დავიზოგავ თავს ნებისმიერ მამულიშვილურ საქმეში, სულით და ხორცით მოწოდებულივარ ბავშვობიდან ყველანაირი ქართულისაქმის კეთებისთვის მიყვარს სამშობლოზე ზრუნვა. ჯერ მინდა ამ საიტზე შემეცნებითად დავიხვეწო ზუსტად განვსაზღვრო რისი და რამდენის გაკეთება შემიძლია ფორუმისთვის და კლუბისთვის გასვლებშიც მივიღებ მონაწილეობას დამერე გავაკეთებ განაცხადს თუ თავს ჩავთვლი ღირსად და რათქმა უნდა თქვენც თუ მიმიღებთ უბედნიერესი ვიქნები.

[ზახარა]

bashiachuki

[ლევან ყიასაშვილი]

ვუერთდები აპლოდიემენტებს.