სეზონის ერთობლივი დახურვა, მტაცებელზე ნადირობა - ჭიაურში, 16 . 02 . 2014 პარამეტრები

[კუთხა]

რადგან ბატონი ჩელიოსი არ იშლის მეც დავსწერამ ერთი-ორ სიტყვას მაშ ასე:

პირველ რიგში კიდევ ერთხელ მინდა კლუბ ოჩოპინტრეს მადლობა მოვუხადო იმისათვის რომ დამპატიჟა გასვლაზე და + კლუბში მიმიღო ოფიციალურად. მადლობა ბიჭებო!

გასვლამდე 2 კვირით ადრე ვიცოდი უკვე გასვლის ამბავი, წინასწარ შევემზადე ფსიქოლოგიურად, შემდეგ გადავხედე მუშაობის გრაფიკს და დავინახე რომ მეცალა მაგ დღეს, უფრო დიდი შემართებით განვაგრძე ამ დღისათვის მომზადება, მაგრამ ბოლო დღეს წავაწყდი უდიდეს პრობლემას, თბილისამდე ჩამოსვლის საშუალება არ მქონდა, საკუთარი მანქანა არ მყავს, ტრანსპორტი კი ასე ადრე თბილიში არ მოდიოდა, ბევრი ვიარე თუ ცოტა მივაგენი 1 მანქანას რომელიც დათქმულ დროზე 15-20 წუთით მაგვიანებდა, ამ დროს გამოჩნდა ჩემი მხსნელი მეგობარი და მათხოვა თავისი მაშინა, ეს პრობლემაც მოგვარდა, მთელი ღამე ვბორგავდი, ბოლოს ვეღარ მოვითმინე და დავადექი თბილისის გზას, ისე მოხდა რომ თბილისელებზე ადრე გორიდან ჩამოვედი დათქმულ ადგილას

ნელნელა შევიკრიბეთ მთელი შემადგენლობა, ზოგმა გამვლელმა ავღანობა დაგვწამა, ზოგმა ერაყელობა, ზოგმა ტერორისტობა, მოკლედ გასვლამდე კარგად ვიხალისეთ

როგორც იქნა დავადექით ჩემთვის ნანატრ გზას, გულის ფანცქალით ვითვლიდი კილომეტრებს, 1 სული მქონდა ადგილამდე მალე მივსულიყავით, უნდა აღვნიშნო, რომ ნადირზე სანადიროდ მანამდე არ ვიყავი ნამყოფი, ასე რომ მეტად გამოუცდელი ვიყავი ამ საქმეში და მხოლოდ თეორიულად ვიცოდი რა და როგორ უნდა მომხდარიყო, ისიც გზაში ამიხსნეს დავითუსმა და ბონემ, ადგილზე მისვლისას მოკლე ინსტრუკტაჟის შემდეგ, ეგერმა დაგვანაწილა ნომრებში და დაიწყო მოლოდინი, დაიწყო მარეკის სროლის ხმა, ყიჟინა და შეძახილები, უცებ გაისმა შორიდან სროლის ხმა, კუნძზე ვიყავი ჩამომჯდარი როდესაც ჩემს გვერდით ფიშმენამ 1 გასროლით ძირს დასცა ვერაგი ტურა, წამოვხტი, დავაჭყიტე თვალები, ვიყურე აქეთ-იქით, მაგრამ ამაოდ, არ ჩამდა ჩემს მხარეს არაფერი, სროლის ხმა კი უფრო და უფრო ხშირდებოდა, დრო და დრო მიახლოვდებოდა მარეკი, ბოლოს 1 მოძრავი ობიექტი შევნიშნე, მოვიმარჯვე თოფი, დავაკვირდი კარგად და დიდ სირცხვილს გადავრჩი, მარეკის გონჩი მორბოდა ჩემსკენ

დასრულდა პირველი სარეკი, გზად მეორე სარეკისაკენ უცებ შემოგვიერთდა უცნობ ადამიანთა ჯგუფი, ეგრევე ეტყობოდნენ რომ ნამდვილი ცივსისხლიანი მკვლელები იყვნენ, მოკლე, ტაქტიკური დანიშნულების პომპიანი ვინჩესტერებით, სამუხლეებით, ბენდენებით და ასე შემდეგ მოხდა ისე რომ ერთ-ერთი მკვლელი ნომერში ჩემს გვერდით მოხვდა, ვუყურებდი და ლამის მეც გავიქეცი ჩემი ნომრიდან, არათუ ტურა-მგელი, 1 ადგილზე ვერ გაჩერდა, ბოლთას სცემდა (ეტყობა გემი ეძირებოდა და ღელავდა), სიგარეტს სიგარეტზე აბოლებდა და რაც ყველაზე მთავარია დატენილ თოფს უაზროდ იქნევდა აქეთ იქით და ბოლოს ლულაშიც ჩაიხედა წინიდან, არ ვიცი რას ეძებდა, მაგრამ აშკარად ვერაფერი იპოვა და დაღონებულმა ფეხზე დაიდო თოფი და დაეყუდა ზედ

ხო მართლა, მანამდე ჟურნალისტები მოვიდნენ და მთხოვეს 2 სიტყვით გვითხარი რა ხდება და როგორო, ვთხოვე წასულიყვნენ და გამოცდილი კაცისაგან აეღოთ ინტერვიუ, მაგრამ არ მომეშვნენ და მეც ვუთხარი 2 სიტყვა

სამწუხაროდ მეორე სარეკიც ჩემთვის უშედეგოდ დასრულდა, თუმცა კარგად კი ვიხალისე ჩემს გვერდით ჩასაფრებულ "მკვლელზე"

მესამე სარეკში საკმაოდ კარგი ნომერი მერგო წილად, მაგრამ მარეკები აშკარად დაღლილები იყვნენ და მესამე სარეკი არამარტო ჩემთვის, არამედ უმეტესობისათვის უშედეგო იყო


ბოლოს გაიმართა უკვე ნანატრი პურის ჭამა, კარგად ვიხალისეთ, კარგად ვიცინეთ, მოხდა იუბილარის და კლუბის ახალწვეულების დასაჩუქრება და ასე შემდეგ

მოგეხსენებათ მე გორში ვიყავი წამოსასვლელი და ამიტომ მე, დავითუსი და ბონე ადრე წამოვედით, მაგრამ თბილისში მგონი ბოლოები ჩამოვედით რომ არა დათოს გარმინი და ოსმანდი, ალბათ ახლაც იქ ვიქნებოდით, სადმე, ტყემალაძის ტყეში მაგრამ უნდა აღინიშნოს ისიც, რომ ამ გზის არევასაც თავისი მუღამი და აზარტი ჰქონდა, იმ იმედით რომ გზა მალე გამოჩნდებოდა უკან არ ვიხევდით და მივდიოდით წინ და წინ სამწუხაროდ მოგვიწია მაინც უკან დაბრუნება, მაგრამ მაინც კარგი იყო


უფ, რამდენი ვწერე, აღარც ვიცი რა დავწერო, მოკლედ ჩემთვის დაუვიწყარი დღე იყო, მიუხედავად იმისა, რომ არც კი მამისვრია თოფი

[ჩელე]

კუთხა

აი ამას ვითხოვ მეტს კი არაფერს? საღოლა.....


მიბაძეთ ამ კაცს..... ფოტოები კარგია, მაგრამ მონადირის ჩანაწერს მაინც ვერაფერი შეცვლის, ეს მამაჩემისგან ვიცი და მჯერა რომ ასეა....

[Davitus]

კუთხა

საღოლ, კაი გამართული წერა გცოდნია, აწი გასვლებზე სულ რეპორტებს მოგთხოვენ, ჯერ სად ხარ

ყველამ დაწეროს და პირველ პოსტში გადავიტან მონაწილის ჩანაწერებს

[უიარაღო]

გილოცავთ . მშვენიერი დრო გიტარებით. საინტერესოა სხვა ცხოველები ან ფრინველებიც თუ შეგხვდათ. ირმების სურათები ნვახე და ძალიან მომეწონა. ასევე კაკბებიც და ხონთქრის ქათმებიც.

[კუთხა]

უიარაღო
ბუები შეგვხვდა მე, დავითუსს და ბონეს, თანაც პირდაპირ ბუნებაში, ტყეში, და არა ვოლიერში და გალიაში

[უიარაღო]

ეგ ცისფერი მელა ვინღა მოკლა.

[ლონგი]

გაიხარეთ ,გაიხარეთ საღოლ

სურათებით როგორ ვისიამოვნე და წარმომიდგენია იქ რა დროს გაატარებდით

[kajuberi]

ეგ ცისფერი მელა ვინღა მოკლა.

რომ დაგვინახა ამდენი თავი მოიკლაა

[მარდი]

[მარდი]

ალთაზარასაც წავემაიმუნეთ მე და ფიშმენა

[ilara]

დიდებული ამბები დაგიტრიალებიათ.გაიხარეთ ყველამ

[merabi01]

გილოცავთ ბიჭებო კაი დრო გაგიტარებიათ.და კიდევ ბევრჯერ გაგეტარებინოთ ესეთი დღეები.

[უიარაღო]

განცხადება: ვიბარებ ტურის ხირცს 3 ლარად. ჯიგარს 1.5 ლარად.

[ლევან ყიასაშვილი]

ვიბარებ ტურის ხირცს 3 ლარად. ჯიგარს 1.5 ლარად.

ჩინელი ინვესტორები გყავთ?..
თუ კაი კანალია ოჩო აიღებს თავის თავზე მომარაგებას.

[ჭალიმგელა]

კიდევ ერთხელ დიდი მადლობა მოლოცვისა და ამ საჩუქრისათვის. გაიხარეთ